ဒီဇင်ဘာ.....

ချယ်ရီပွင့်တွေလှိုင်ဝေ

နှင်းစက်တွေကြွေကျ 

အေးမြတဲ့ရာသီ ပီပီပြင်ပြင်သာယာ 

အဲဒါ ဒီဇင်ဘာလို့ခေါ်သတဲ့  

သူ့မှာ... တွေး၍ပျော်စရာ 

မွေးနေ့တော်ဆိုတဲ့ပွဲ Christmas လဲရှိတယ်.. 

သူ့မှာ... ရာသီစက်ရဲ့နောက်ဆုံး 

ပြုံးပျော်ကြည့်နူး ပီတိလူးမယ့် 

ထူးခြားတဲ့ပွဲ New Year လဲရှိတယ်.. 

သူ့မှာ... ချစ်ခြင်းတွေသိမ်းပိုက် 

မှောင်မိုက်တဲ့ ညတွေရှင်း အလင်းတွေဆောင်ယူ 

တူညီတဲ့စိတ်တွေထားဖို့ လူသားတို့ကိုလမ်းညွှန် 

မွန်မြတ်တဲ့ စိတ်နှလုံး အားလုံးကျင့်သုံးလို့ 

နှစ်သစ်ကိုစတင် သူ့ရင်မှာ အစဉ်ထားတဲ့ 

အကြင်နာတရားလဲရှိတယ်.. 

ဒီဇင်ဘာရယ်.... ချစ်တယ်... ခင်တယ်... မြတ်နိုးတယ် 

(ဘာပဲဖြစ်ဖြစ်) မင်းထွက်သွားမယ့် သုံးဆယ့်တစ်ရဲ့ညမှာ 

တိတ်ဆိတ်မှုနဲ့....ငါ လေးစားစွာ ဦးညွှတ်လိုက်မယ်....။        ။ (အမည်မသိကဗျာဆရာ)