လပြည့်လ (အလယ်).....

စာတန်းခေါင်းစဉ်မှာ “မြန်မာနိုင်ငံမြောက်ပိုင်းတောင်ပေါ်လူမျိုးစုများ (The Hill Tribes of Northern East Myanmar)” အကြောင်းဖြစ်ပြီး ဆွေးနွေးမည့်သူအမည်မှာ ဦးမင်းညိုစင် ဟုရေးထားသည်..။ သူ့နာမည်နှင့် သူအလွန်လိုက်ဖက်ပါသည်..။ သူပြောပြသည့် လူမျိုးထဲတွင် လားဟူ ၊ လီဆူးလူမျိုးများ အကြောင်း ကျမကြားဖူးသော်လည်း အခါလူမျိုးကိုတော့ ကျမ မကြားဖူးပေ..။ သူ၏တင်ပြချက်များ ပြီးဆုံးသွားလျှင် ကျမတို့ ပရိတ်ထဲမှ စိတ်ဝင်စားသူ မရှင်းလင်းသူများ ၊ ပိုသိလိုသူများက သူ့ကိုမေးမြန်း ဆွေးနွေးနိုင်သည်ဖြစ်ရာ ဤလူငယ်ကလေးကို နည်းနည်းတော့ ဒုက္ခပေးလိုက်ဦးမည်ဟု ကျမစဉ်းစား၏။ တောင်ပေါ်လူမျိုးများ၏ “အိမ်ထောင်ရေးနှင့် ကလေးမွေးဖွားခြင်း ခေါင်စဉ်အောက်မှာ သူပြောသွားသော လင်မယား ကွဲကွာခြင်းဟူသော စကားကို ကျမသိပ်မကျေနပ်ပါ။ သူက များသောအားဖြင့်ဇနီး၏ ဖေါက်ပြားမှုကြောင့် အိမ်ထောင်ပြိုကွဲသည်ဟုဆိုသည်။ ထို “များသောအားဖြင့်” ကို အတိအကျ ကျမသိချင်သည်။ တခြားဆွေးနွေးသူများ ဤကိစ္စကိုမေးမြန်းမလားဟု ကျမစောင့်နေသေး၏ ။ ဘယ်သူမှ ထိုကိစ္စကိုထည့်မမေးတော့ ငါးယောက်မြောက်ဆွေးနွေးသူအဖြစ် ကျမ လက်ညိုးထောင်ပြလိုက်ပါသည်။ ကျမရှိရာသို့ လှမ်းကြည့်ပြီး သူမျက်ခုံးတချက်ပင့်လိုက်သည်..။ ကျမသတိထားလိုက်မိသလောက် သူစကားပြောလျှင် မျက်ခုံးပင့်ပင့်ပြီးပြောတတ်သည်။ ထိုချိန်မှာ မျက်လုံးများကပြုံး၍ လင်းလက်နေတတ်သည်..။

“When you described about the divorces of Hill Tribes you said the general cause is the adultery of the wife, didn't you?”

တောင်ပေါ်လူမျိုးတွေရဲ့ အိမ်ထောင်ကွဲဖြင်းအကြောင်းရှင်ပြောခဲ့စဉ်က အများအားဖြင့် ဖြစ်တတ်သော အကြောင်းရင်းဟာ ဇနီးရဲ့ဖောက်ပြားမှုလို့ ရှင်ဆွေးနွေးသွားတယ် မဟုတ်လား...

သူကျမကို ဇဝေဇဝါကြည့်၏။

“Yes, I did” ဟုတ်ပါတယ်..

“So do you mean the adultery of the husbands are fewer than those of the wives?” ဒါဖြင့် ခင်ပွန်းရဲ့ ဖောက်ပြန်မှုက ပိုနည်းတယ်လို့ ရှင်ဆိုလိုတာလားဟုမေးလိုက်သောအခါ ကျမဘာကို မခံမရပ်နိုင်ဖြစ်သွားကြောင်းသူသိသွားပါသည်..။ 

“Although I used the word "generally", I did not mean the adulteries of the wives are greater in ratio than those of the husbands” ယေဘုယျအားဖြစ်လို့ ကျတော်သုံးနှုန်းလိုက်ပေမယ့် ဇနီးရဲ့ဖောက်ပြန်မှုအချိုးက ခင်ပွန်းရဲ့ဖောက်ပြန်မှု အချိုးထက်များတယ်လို့ ဆိုလိုတာမဟုတ်ပါဘူး..။ 

နားထောင်နေသော ပရိတ်သတ်က သဘောကျစွာ ပြုံးရယ်ကြလေသည်။ ထိုအခါ သူက အနည်းငယ်ပြုံးလိုက်၏။ 

Most of then obey the Principle of Monogamy but the husband may have more than one wive, Even this is not the cause of divorce. သူတို့ဆီမှာ အများအားဖြင့် တစ်လင်တစ်မယားစနစ်ဖြစ်မယ်ပါတယ်..။ ဒါပေမယ့်ခင်ပွန်းတစ်ယောက်မှာ တစ်ယောက်ထက်ပိုတဲ့ ဇနီးတွေရှိတတ်ပါတယ်..။ ကျမခေါင်းတစ်ချက် ညိတ်ပြလိုက်ပါသည်..။ 

Sometimes they divorce the wives because of not having the eldest son but it does not increase the rate of divorce because the husband in this circumstance may get another wife without divorcing the first. “ သားဦး ယောကျာၤးလေး မမွေးနိုင်ရင်လဲ အိမ်ထောင်ကွဲတတ်ပါတယ်..။ ဒါပေမယ့် ဒီအကြောင်းရင်းကြောင့်လဲ အိမ်ထောင်ကွဲခြင်း အချိုးအဆ တက်မလာပါဘူး..။ ဘာကြောင့်လဲဆိုတော့ ခင်ပွန်းဟာ ပထမဇနီးကိုမကွာဘဲ နောက်ဇနီးတစ်ယောက်ကိုယူနိုင်လို့ပါပဲ..”

ကျမနောက်မှ ယောကျာၤးလေးတချို့ ခပ်အုပ်အုပ်ရယ်မောလိုက်သံကြားရသည်။

“The main cause is the adultery of the wife....I ..I mean” ကျမအသံထွက်ရယ်မောရင်း လက်မြှောက်ပြလိုက်၏။ “No, no, I see. Thank you very much”. 

ဆက်ပါဦးမည်....

မိုးငွေ့