မုန့်အိုးလေး....

မုန့်လင်မယား မုန့်မောင်နှမ မုန့်အိုးလေး စသဖြင့်ခေါ်ကြပေမယ့် ကျွန်မကတော့ မုန့်အိုးလေးလို့ပဲခေါ်ချင်တယ်...။ ထားပါလေ..။ ဒီမုန့်လေးလုပ်စားချင်နေတာကြာပေါ့.. အိုးလက်ဆောင် ရထားတာပဲ နှစ်ပေါက်တော့မယ်လေ..။ အဲအိုးလေးကို စကာင်္ပူအလည်သွားတဲ့ အဒေါ်တစ်ယောက် လက်ဆောင်ပေးထားတာ တစ်ခါ ဒီမှာတင်ဖူးပါတယ် အိုးလေးတွေကို...။ မူစတာဖါ ကုလားကုန်တိုက်က ၀ယ်ခဲ့တာတဲ့... စလုံးတစ်ဆယ်ပဲပေးရတယ်ဆိုလားပဲ တန်တယ်တကယ်...။

 

ဈေးသွားပြီး ပဲပြုတ်တို့ ကြက်သွန်မှိတ်တို့ဝယ်ရမှာပျင်းတာ...။ အဲဒါမနေ့ညနေကတည်းက စီးတီးမတ်ကနေ ဆန်မှုန့်ထုပ်တွေ ပဲမှုန့်ထုပ်တွေ ငုံးဥတွေဝယ်လာလို့ လုပ်စားလိုက်တာ...။ တကယ်လုပ်ရတာလွယ်တယ်..။ ဖဘက Lin Thawdar ဆီကနေ recipe လေးရလို့ အဲအတိုင်းလုပ်ကြည့်တာ...။

ဆန်မှုန့် 5 ဇွန်း

ကောက်ညှင်းမှုန့် 2 ဇွန်း

ပဲစိမ်းမှုန့် 2 ဇွန်း

ဆားနဲနဲ 

ကြက်သားမှုန့်နဲနဲ (မထည့်လည်းရ)

ရေ 500ml

အဲဒါတွေအကုန်ရောမွှေပြီး မုန့်ဗန်းကိုအပူပေး ပူလာရင် မီးလျှော့ထား အိုးကမကပ်တဲ့အိုးမို့ ဆီများများထည့်စရာမလိုဘူး..။ မုန့်က မကြာခဏအနည်ထိုင်သွား တတ်တာမို့  ကြော်မယ်ဆို မွှေပေးပါ ပြီးရင် လက်ကိုင်တဲ့ခွက်ထဲထည့်ပြီး မုန့်အိုးခွက်ထဲကို တစ်ဝက်လောင်းထည့် ငုံးဥဖောက်ထည့် ဒီတိုင်းလေး ခဏပစ်ထားလို့ရတယ်...။ ငါးမိနစ်လောက်ဆို မုန့်တွေကျွတ်လာပြီး ငုံးဥတွေကျက်လာပြီဆို ဇွန်းလေးနဲ့ကော်ထုတ်လိုက်...။ ပူပူနွေးနွေးတခါတည်း စားပါ...။ အရသာအလွန်ကောင်းမွန်လှပါကြောင်း အာမခံပါသည်...အလဲ့...း)) ။ အခါးရည်ပူပူလေးနဲ့တွဲစား ပိုကောင်းသေး...။

ကျွန်မတို့ ငယ်ငယ်တုန်းက ရှမ်းပြည်မှာစားဖူးတဲ့ မုန့်အိုးလေးကတော့ ဒါမျိုးမဟုတ်ဘူး ...။ ခုလည်းလုပ်ရောင်းဦးမယ်ထင်ပါတယ် ဟိုတလောကပြန်သွားတော့ ၀ယ်မစားဖြစ်လိုက်ဘူး..။ သူက အုန်းနို့ဆမ်းပြီးကြော်ရတာ...။ ပဲမှုန့်လည်းပါပုံမရဘူး... ခုက အဆိမ့်အရသာမို့ ပဲမှုန့်ထည့်တယ်ထင်တာပဲ..။ ရှမ်းပြည်မှာက ဆန်မှုန့်ဖျော်အရည်ထည့် ပြီးတော့ အုန်နို့တစ်ဇွန်းထည့် မုန့်ရရင် သကြားနဲ့စားကြတယ်...။ အချိုပေါ့ သူက...။ အုန်းနို့နံ့လေးမွှေးပြီး ချိုတဲ့အရသာမျိုး...။

မိုးငွေ့

အုန်စိမ်းဆွမ်းမွှေးနဲ့ ရောင်စုံဂျယ်လီနို့စိမ်းကျောက်ကျော.....

အုန်စိမ်းရည်နှစ်လုံး၊ အုန်းနို့တစ်ဗူးနဲ့ လုပ်ထားတဲ့ နှစ်ထပ် အုန်းစိမ်းဆွမ်းမွှေးကျောက်ကျော

စက်ရုံမှာလုပ်ဖြစ်တဲ့ ၀ါဆိုသင်္ကန်းအလှူတုန်းက လုပ်ဖြစ်တဲ့ အုန်းစိမ်းအုန်းနို့ကျောက်ကျောလေးပါ...။ အုန်းစိမ်းရေနှစ်လုံးကိုအိုးထဲ မတ်ခွက်နဲ့ချိန်ပြီးထည့်တယ် ငါးခွက်ဆိုရင် အဲဒီဗန်းနဲ့တစ်ဗန်းစာရတယ် အုန်းစိမ်းငါးခွက်မပြည့်ရင် ရေထပ်ဖြည့်ရမယ်...။ သကြားဆယ့်ငါးဇွန်း ကျောက်ကျောမှုန့် 20g ထည့်ပြီးဆူလာတဲ့အထိကျိုလိုက်တယ်...။ ရေဆူတာနဲ့မီးပိတ်ခနအအေးခံ ကြိတ်ထားတဲ့ ဆွမ်းမွှေးရွက် (သုံးရွက်) အရေညစ်ထားတာ ထည့်ရောမွှေပြီးတာနဲ့ အုန်းစိမ်းဖတ်လေးတွေ ခင်းထားတဲ့ ဗန်းထဲကို ကျိုထားတဲ့ အုန်းစိမ်းရေသုံးပုံနှစ်ပုံကိုလောင်းထည့်မယ်...။ ကျန်တဲ့အုန်းစ်ိမ်းရေတစ်ပုံကို အုန်နို့တစ်ဗူးနဲ့ရောပြီး ဆူအောင်ထပ်ကျိုမယ် အချိုကြိုက်တယ်ဆို သကြားထပ်ထည့်လို့ရပါတယ်...။ အုန်းစ်ိမ်းအလွှာလေးတင်းလာပြီဆို ကျိုထားတဲ့ အုန်းနို့လွှာလေးအပေါ်ကထပ်လောင်းထည့်ပြီး အအေးခံ ရေခဲသေတ္တာထဲသိမ်းပြီး လိုသလိုလှီးစားလို့ရပါပြီ...။

ငှက်ပျောသီးနဲ့အာလူးဆနွင်းမကင်းက ရွှေပုစွန်က

 ရုံးကဘုရားမှာ တစ်ပွဲကပ်တယ်

ဥပုသ်အပတ်တိုင်းကို ကြုံသလို အနီးနားဓမ္မာရုံတွေမှာ သီလလာပေးတဲ့ ဘုန်းကြီးတွေနဲ့ ဥပုသ်သည်တွေအတွက် အချိုပွဲကို အပတ်စဉ်မပျက်လုပ်ဖြစ်အောင်ကြိုးစားနေတာ ခုဆို သုံးခါရှိပြီဆိုပါတော့..။ ပထမက ကော်ဖီနို့စိမ်းကျောက်ကျော နောက် အုန်းစိမ်းကျောက်ကျောနဲ့ ဒီနေ့ ရောင်စုံဂျယ်လီနို့စိမ်းကျောက်ကျောလေး လုပ်ဖြစ်သွားတယ်...။ လုပ်နည်းအတိုချုံးလေးကို ပုံနဲ့တကွ ရေးပေးထားပါတယ်...။

ရောင်စုံဂျယ်လီနို့စိမ်းကျောက်ကျော (broken glasses Jelly)

ရေ 500ml + တယ်လီဖုန်းကျောက်ကျော 20g + သကြားငါးဇွန်း + food color 2tsp

 အရောင်နဲ့လုပ်ထားတဲ့ ကျောက်ကျောလေးတွေကို အဲလို အတုံးကလေးတွေပြန်လှီးပြီး ဗန်းထဲဖြန့်ခင်းလိုက်တယ်

နို့စိမ်း+ရေ 1000ml + သကြား 10ဇွန်း + တယ်လီဖုန်းကျောက်ကျော 40g ကိုဆူတဲ့အထိကျိုပြီးရင် ရောင်စုံကျောက်ကျောတုံးလေးပေါ် ဇကာစစ်ပြီး လောင်းထည့်ပြီး အအေးခံထားလိုက်ပါ..။ ရေခဲသေတ္တာထဲထည့်သိမ်းပြီး လေးထောင့်စပ်စပ် စတုဂံတုံးလေးများလှီးပါ။

“ကုသိုလ်ဆိုတာ ယူတတ်ရင်နေရာတိုင်းမှာရှိတယ်”လို့ အရှင်ဆေကိန္ဒကပြောဖူးတယ်....။ အားလုံး အကုသိုလ်ကိုပယ် ကုသိုလ်သဒ္ဓါပွားများနိုင်ကြပါစေ....။

မိုးငွေ့

ငှက်ပျောသီးရွှေ့ကြည်.....

မုန့်တွေတစ်မျိုးပြီးတစ်မျိုး စမ်းလုပ်နေတာ...။ အိမ်နားက အစ်မတစ်ယောက်ပေးလိုက်တဲ့ ရခိုင်တစ်ဖီးကို ငှက်ပျောသီးရွှေကြည်(ဆနွင်းမကင်း)စမ်းလုပ်ကြည့်လိုက်တယ်...။ အဲအစ်မက လုပ်နည်းတွေဘာတွေ အကုန်ပြောပြလိုက်တော့ အဆင်ပြေသွားတယ်..။ ကိုယ်တိုင်ကလည်း ငှက်ပျောသီးနဲ့လုပ်တဲ့ မုန့်မှန်သမျှအကုန်ကြိုက်တယ်..။ ဘိန်းစေ့နဲ့အုန်နို့ဗူးကလည်းအဆင်သင့်ရှိနေတော့ တနင်္ဂနွေပိတ်ရက်မှာ တစ်ခါတည်းလုပ်ကြည့်လိုက်တယ်...။ ငှက်ပျောသီးရတုန်းတဲ့ သောကြာနေ့ မမှည့်သေးဘူး..။ ငှက်ပျောသီးတစ်ဖီးကဆယ်လုံးကျော်လောက်ပါတယ်...။ ဒီမုန့်ကို လူတိုင်းလိုလိုလုပ်ဖူး လုပ်တတ်ကြပါလိမ့်မယ်... ဒါကတော့ ကိုယ့်လုပ်တဲ့နည်းကိုမျှဝေတာပါ...။ ငှက်ပျောသီးတွေအားလုံးကို ဇလုံတစ်ခုထဲမှာ အခွံခွာထည့်ပြီး ကျေနေအောင်ချေထားလိုက်ပါ...။ လက်နဲ့မချေချင်လည်း ပိုပြီးမွတ်သွားအောင် စက်နဲ့ချေလဲရပါတယ်..။ ပြီးတာနဲ့ သကြား ရှစ်ဇွန်း အုန်နို့ 500 ml (မုန့်မဖုတ်ခင်အပေါ်မှာထပ်ထည့်ဖို့ အုန်းနို့ကိုနဲနဲချန်ထားပါ)၊ ဆားလက်ဖက်ရည်ဇွန်းဖျား မုန့်ဖုတ်ဆိုဒါ လက်ဖက်ရည်ဇွန်းဖျား ထောပတ်ပျောပြီးသား ခြောက်ဇွန်း အနီရောင်တစ်စက်ထည့်ပြီး သေချာနှံ့စပ်အောင်မွှေပေးပြီးတာနဲ့ ထောပတ်သုတ်ထားတဲ့ ဗန်းထဲကိုထည့်လိုက်ပါ..။

ဒီလိုဗန်းထဲထည့်ပြီးတာနဲ့ အုန်နို့နဲ့ ထောပတ်အပေါ်ကနေထပ်ထည့်ပြီး ဘိန်းစေ့ဖြူးလိုက်ပါ...။ 160 ဒီဂရီကြိုပြီးအပူပေးထားတဲ့ အာဗင်ထဲကို အပေါ်မီးအောက်မီးနဲ့ အလည်ကန့်မှာထည့်ပြီး 45မိနစ်ဖုတ်ပါ...။ မုန့်ကျက်မကျက်ကို ၀ါးချောင်းလေးနဲ့ထိုးကြည့်ပြီး မုန့်ကပ်မပါလာရင် ရပါပြီ...။

တွေ့လား မီးအချိန်အဆလိုသေးတယ် ...။ နောက်ထပ်လေ့ကျင့်ခန်းတွေအများကြီးလုပ်ရဦးမယ်...။ မျက်နှာပြင်လေးနဲနဲမဲသွားပေမယ့် အဲဒီတူးတာလေးကိုကကောင်းတယ်လို့ အားပေးကြတယ်..း)

 မိုးအေးအေးမှာ လက်ဖက်ရည်လေးနဲ့တွဲဖက်စားလိုက်ရအောင်လေ

မိုးငွေ့

သင်္ကြန်ရိုးရာမုန့်.....

 

မုန့်လုံးရေပေါ်တွေကို အမြင်ဆန်းအောင်လို့ အရောင်လေးတွေထည့်လုံးဖြစ်ခဲ့တယ်...။ ပန်းရောင်လေးက Pink colour ကိုရေထဲတစ်စက်ချဖျော်ပြီး အပြာရောင်လေးက Blue colour တစ်စက်နဲ့ဖျော်ထည့်ထားတာပါ..။ အ၀ါရောင်လေးက ဆွမ်းမွှေးရွက်ကြိတ်ပြီးရတဲ့ အပေါ်ဆုံးအရေကြည်လေး ထည့်နယ်ထားတာပါ...။ မုန့်စပ်တဲ့အချိုးကတော့ ကောက်ညှင်းမှုန့်လေးဆ ဆန်ကြမ်းတစ်ဆနဲ့ပါ...။ အတာသင်္ကြန်မှာ အပါမဖြစ် မြန်မာ့ရိုးရာမုန့်လေးကို သင်္ကြန်အကြိုနေ့တုန်းက လုပ်စားဖြစ်တာလေး ပြန်တင်ပေးလိုက်တာပါ...။

 

မုန့်ဖက်ထုပ်ကို ဒါပထမဆုံးအကြိမ်လုပ်ဖူးတာ...။ မုန့်နှစ်အချိုးကတော့ မုန့်လုံးရေပေါ်အတိုင်းပဲ နယ်ပါတယ်...။ မုန့်သားထဲကို ဆွမ်းမွှေးကြိတ်ရည်လေးထည့်ထားသေးတယ် ခပ်မွှေးမွှေးနဲ့ စားရတာ ရိုးရိုးမုန့်ဖက်ထုပ်ကနေခွဲထွက်တယ်...။ မုန့်သားနူးညံမွှေးမြပြီး အတွင်းဖက်က အုန်းယိုလေးက ချိုအီလို့ပေါ့...။

အုန်ယိုလုပ်နည်းလေးက လွယ်ပါတယ်...။ ထန်းလျက်အမဲ နှစ်ဆယ်သားလောက်ကို ရေမြှုပ်ရုံလေး ထည့်ကျိုတယ်...။ ထန်းလျက်အားလုံး အရေပျော်သွားတာနဲ့ ရေစစ်နဲ့စစ်လိုက်တယ်...။ ထန်းလျက်ခဲတွေက သဲတွေအမှိုက်တွေသိပ်ပေါတာကိုး...။ စစ်ပြီးသား ထန်းလျက်ရည်ပျစ်ပျစ်လေးကို မီးပေါ်ပြန်တင်ပြီး အုန်းဆံခြစ်လေးတွေထည့်ပြီး ထန်းလျက်ရည်လေးခမ်းပြီး အုန်းယိုလေး စေးလာတဲ့အထိမွှေပေးပြီးရင် ရပါပြီ...။

ငှက်ပျောဖက်ကို မုန့်တစ်လုံးစာ ခပ်သေးသေး ညှပ်ပြီး ရေစိုဝတ်လေးနဲ့သုတ်ပြီး နေပြပေးထားပါ...။ တချို့ကတော့ မိုင်ခရိုဝေ့ထဲထည့်လှည့်ပါတယ်...။ မုန့်မထုတ်ခင် ဖက်ကို ဆီသုတ်ပေးရပါမယ်...။ ဒါမှ ဖက်ကိုခွာစားတဲ့အခါ မကပ်အောင်လို့ပါ...။ မုန့်နှစ်ကို လက်တစ်ဆုပ်စာလုံးပြီး အပြာလေးလုပ်လိုက်ပါ အုန်းယိုကို မိမိစိတ်ကြိုက်ထည့်ပြီး ထာပနာလိုက်ပါလေ...ဖက်ကိုသေချာကျကျနန ထုတ်ပြီး မိနစ်နှစ်ဆယ်လောက်ပေါင်းအိုးထဲပေါင်းရင် ကျက်ပါပြီ...။

 နောက်ထပ် မြန်မာ့ရိုးရာမုန့်လေးတွေလုပ်စားဖြစ်ခဲ့ရင်လည်း တင်ပေးပါဦးမယ်...း)

မိုးငွေ့

 

အိမ်လုပ်ပလာတာ.....

ဒီတပတ်ပိတ်ရက်လေးမှာလုပ်စားနိုင်ဖို့ လွယ်ကူမြန်ဆန်တဲ့ အိမ်လုပ် ပလာတာလေးရဲ့လုပ်နည်းလေးကိုပြောပြပါမယ်...

ဂျုံ နှစ်ခွက်၊ ကြက်ဥတစ်လုံး၊ ဆီ ခွက်တစ်ဝက်၊ ဆားလက်ဖက်ရည်ဇွန်း တစ်ဝက်၊ ရေလိုသလောက်နဲ့ နယ်ပေးပါ..။ မုန့်သားချောမွတ်လာတဲ့အထိနယ်ပေးရပါမယ်...။ (မုန့်ကိုအထပ်များများဖြစ်အောင်ဆီပိုထည့်နယ်လို့ရပါတယ်)

ရလာတဲ့မုန့်သားကို ရေစိုဝတ်နဲ့နာရီဝက်အုပ်ပြီး နှပ်ထားပေးပါ...။

နာရီဝက်ကြာရင် မုန့်သားကိုထပ်နယ်ပေးပြီး ခုနှစ်ပိုင်းပိုင်းထားပါ...။ မုန့်အလုံးလေးတွေကို ဒလိမ့်နဲ့ ပါးနိုင်သမျှပါးအောင်လှိမ့်ပေးပါ...။

 ဆိုင်မှာလို ပါးလွှာနေအောင်ရိုက်မယ့်နေရာမရှိရင် ဒီလိုနည်းလေးနဲ့အိမ်မှာပလာတာလုပ်လို့ရပါတယ် ဂျုံမုန့်ပြားကိုပုံထဲကအတိုင်းလိတ်လိုက်ပါ

လိတ်ပြီးသားဂျုံကိုပြန်ခွေပေးပါ

ကြော်ခါနီးကျ ခွေထားတဲ့မုန့်သားကို ဒလိမ့်နဲ့ ပြားအောင်ပြန်လိမ့်ပြီးကြော်ပါလေ...

သကြားနဲ့ဖြူးစားစား အာလူးဟင်း ပဲဟင်းနဲ့ပဲစားစား ကြိုက်ရာနဲ့စားသုံးနိုင်ပါတယ်

ကျွန်မက သကြားထက်နို့ဆီဆမ်းစားရတာကြိုက်တယ်...

 မြန်မာဆိုတော့ မြန်မာလက်ဖက်ရည်ကြိုက်တာပေါ့ ရွိုင်ရယ်တီးမစ်နဲ့သောက်ပါတယ်...

.....Happy Weekend.....

မိုးငွေ့

ပဲမုန့်(ဘီးမုန့်).....

 

ကြော်ပြီးသားမုန့်တွေကို လေလုံတဲ့ ပုလင်းထဲမှာ ထည့်ထားရင် သုံးရက်လောက်ခံပါတယ်..

ပဲနီမ၀ယ်ထားရလို့ ပဲဝါနဲ့ ထန်းညက်ကိုသုံးထားတဲ့ ပဲအနှစ်လေး...။ ပဲဝါနှစ်ဗူး+ထန်းညက်ငါးခဲ+ ဆားအနည်းငယ်..။ ပဲဝါလေးကို ပေါင်းချောင်နဲ့ မိနစ်နှစ်ဆယ်လောက်ပေါင်းပြီး စက်နဲ့ချေထားမယ်...။ ထန်းညက်ငါးခဲကို ရေနဲနဲနဲ့ ကျိုပြီး အမှုန်အမွှားတွေမပါအောင်ရေစစ်နဲ့စစ်ထားမယ်..။ ပဲနှစ်ထဲကို ထန်းညက်နဲ့ ဆားနဲနဲထည့်ပြီး မီးဖိုပေါ်မှာ ခဏမွှေပြီး အပူပေးပြီးရင်ရပြီ..။

 ဂျုံမှုန့်နှစ်အချိုးလေးပြောပြမယ်...။ ဂျုံ 200g+ထောပတ် 100g+ရေ 50ml+ဆား 1/2tsp

နှပ်ပြီးသားဂျုံမုန့်သားကို အရှည်လေးလုပ် လေးပိုင်းပိုင်းထားလိုက်မယ်...။ ပိုင်းထားပြီးသားမုန့်လုံးတစ်ခုကို သစ်သားဒလိမ့်နဲ့ အပြားလှိမ့်မယ်...။ တော်တော်လေးပါးတဲ့အထိလှိမ့်ပြီးရင်တော့ လိုချင်တဲ့ အ၀ိုင်းရအောင်
မုန့်ဖြတ်တဲ့အ၀ိုင်း သို့မဟုတ် ဗူးအဖုံးတစ်ခုခုနဲ့ဖြတ်လည်းရပါတယ်...။

မုန့်ပြားဝိုင်းလေးထဲကို ပဲနှစ်လေး ထမင်းစားဇွန်းတစ်ဇွန်းထည့်

 ထက်ပိုင်းခေါက်ပြီး အနားသားလေးတွေကို အတွန့်ပုံလေးလိတ်ပြီးပိတ်လိုက်တယ်

 ဆီများများနဲ့ကြော်တယ် .....။ အမှန်တော့ deep fry လုပ်တာထက် အာဗင်နဲ့ဖုတ်တာပိုကောင်းပါတယ်...

ခုလိုရွှေဝါရောင်လေးသန်းလာတဲ့အထိ မီးဖြေးဖြေးလေးနဲ့ကြော်ပါတယ်...။ မီးများရင် အထဲက မုန့်မကျက်မှာစိုးလို့...:)

Have a nice day!!!!!!!

မိုးငွေ့

ပဲသိပ်နှမ်းသိပ်မုန့်.....

ငယ်ငယ်တုန်းက တရုတ်တန်းဖက်မှာ တရုတ်မအဒေါ်ကြီးတစ်ယောက်တောင်းလေးနဲ့လိုက်ရောင်းတာ ၀ယ်စားဖူးတယ် မွှာကြီးလို့ခေါ်တယ်...။ အခုခေတ်တော့ ပဲသိပ်နှမ်းသ်ိပ်မုန့်လို့ခေါ်ကြတယ် မွှာကြီးဆို သိပ်မသိကြတော့ဘူး...။ ခုနောက်ပိုင်း အဲဒီအဒေါ်ကြီးမရောင်းတော့ ဘယ်သူမှလုပ်ရောင်းတာ သိပ်မတွေ့တော့ဘူး...။ အဲဒါမစားရတာကြာပြီ ၀ယ်စားမရတော့ ကိုယ့်ဘာသာကိုယ် လုပ်စားကြည့်လိုက်တယ်...။

 ကောက်ညှင်းမှုန့်နဲ့ ဆန်ကြမ်းမှုန့် သုံးချိုးတစ်ချိုးရောစပ်ပြီး ကိုယ်လိုချင်တဲ့အရောင်လေးဆိုးလို့ရပါတယ်...။ ရောင်းတန်းမုန့်ကတော့ အဖြူရောင်ပါပဲ...။

 

 cutter လေးဝယ်ထားတော့ ပုံဖော်လိုက်တယ် လိပ်ပြာ အိန်ဂျယ် ပင်ကွင်း ကြောင် ယုံနဲ့ ၀က်ဝံရုပ်လေးတွေ

 ဆန်မှုန့်ဖြစ်လို့ ဂျုံမုန့်သားလို ကာတာနဲ့ဖြတ်ရတာမလွယ်ဘူး မုန့်သားတွေက အနားခြောက်တာမြန်တယ်..

 ရေဆူဆူအိုးထဲကိုထည့်ပြုတ် ပေါလောပေါ်လာတာနဲ့ဆယ်ပြီး ရေအေးခဏစိမ်ထားရတယ်...ပြီးမှ ဇကာနဲ့စစ်ထား

 ပြီးတာနဲ့ ဆားနဲနဲနဲ့ သကြားရောထားတဲ့ မြေပဲနှမ်းထောင်းထားထဲကို မုန့်လေးကပ်ပေး

စားမယ်ဆိုမှ မြေပဲနှမ်းကပ်ပေးနော် မဟုတ်ရင် မြေပဲတွေကပျော့ကုန်ရော

မိုးငွေ့

အာပုံမုန့်နဲ့ ဖက်ထုပ်အိုးကပ်ကြော်

ဒီဒယ်အိုးလေးလက်ဆောင်ရပြီးကတည်းက မသုံးရသေးဘူး.. အာပုံမုန့်က ကိုယ့်အကြိုက်မုန့်မျိုးမဟုတ်ပေမယ့် မြန်မာမုန့်တွေကိုတစ်ခါလေးစမ်းလုပ်ဖူးသည်ရှိအောင် လုပ်ကြည့်လိုက်တာပါ။ အရမ်းကိုလွယ်ပါတယ်...။ မနက်စာလေးဖြစ်ဖြစ် နေ့လည်နေ့ခင်းစာဖြစ်ဖြစ် လုပ်စားကြည့်ပါလား။ ညီမ၀တ်ရည်ရဲ့နည်းလေးကိုသွားကြည့်ပြီး လုပ်ထားတာပါ...။

ဆန်မှုန့်တစ်ခွက် ကြက်ဥတစ်လုံး ဆိုဒါလက်ဖက်ရည်ဇွန်းတစ်ဝက် ရေတစ်ခွက်ခွဲ သကြားနဲနဲနဲ့ မုန့်နှစ်လေးကို ဖျော်ထားပါ...မုန့်ရည်ခပ်ကျဲကျဲလေးဖြစ်ရင်ပိုကောင်းပါတယ် ။ အုန်းနို့နှစ်အတွက် 160 ml အုန်းနို့တစ်ဗူး သို့မဟုတ် လတ်ဆတ်တဲ့ အုန်းသီးတစ်လုံးအရည်ညှစ်ထားတာကိုသုံးလည်းရပါတယ်...။ အုန်နို့ရည်ထဲကို ဆန်မှုန့်စားပွဲတင်တစ်စွန်းနဲ့ဆားနဲနဲရောပြီး မီးအေးအေးမှာ ပြစ်လာတဲ့အထိကြိုပေးပါ...။ မုန့်စလုပ်ပါမယ်..။ ဒယ်ပူလာပြီးဆို (မီးက Medium heat လောက်သုံးပါ) မုန့်ရည်ဟင်းခတ်ဇွန်းကြီးတစ်ဇွန်းမရှိတရှိထည့်ပြီးတာနဲ့ ဒယ်အိုးကို မုန့်ရည်တွေပျံ့သွားအောင်လှုပ်ပေးပါ...။ မုန့်သားကကျွတ်လာပြီဆို အအေးခံပြီး အုန်းနို့နှစ် သကြားကြိုက်သလိုထည့်ပြီး အနားလေးဖက်ခေါက်ပြီးရင် စားဖို့အဆင်သင့်ဖြစ်ပါပြီ...။

ဖက်ထုပ်အိုးကပ်ကြော်

 ဈေးထဲက လုပ်ပြီးသားဖက်ထုပ်ရွက်အ၀ိုင်းလေး ငါးရာဖိုးဝယ်ခဲ့တယ်...သိပ်မကောင်းဘူး ...  အရမ်းငံတယ်...။ ကိုယ့်ဘာသာကိုယ်လုပ်တဲ့ ဖက်ထုပ်မုန့်သားကပိုကောင်းပိုနူးညံ့တယ်..။ ခုတော့အပျင်းကြီးသွားလို့ အငံကိုပဲစားလိုက်ရတော့တယ်...။ ဖက်ထုပ်ထဲထည့်ဖို့ ပုစွန်ခွာပြီးသား လက်တစ်ဆုပ်စာ ကြက်သား 50ဂရမ် ကြက်သွန်နီတစ်ဥ ကြက်သွန်ဖြူသုံးမွှာ ကူးချိုင် အသေးတစ်စည်း ကြက်သားမှုန့် ဆား နဲ့ နှမ်းဆီနဲနဲလိုပါတယ်...။ အသားတွေကို သေးသေးလှီးပြီး ကြက်သွန်နှစ်မျိုးလုံးကို ခပ်နုတ်နုတ်လေးစင်းထည့် ကူးချိုင်ကိုလည်းသေးသေးလှီးထည့်ပြီး ကျန်တဲ့အဆာတွေထည့်ပြီး နယ် နာရီဝက်လောက်နှပ်ထားလိုက်ပါ..။

မကပ်တဲ့အိုးထဲ ဆီတစ်စက်နှစ်စက်ထည့် ဖက်ထုပ်လေးတွေစီထည့် ရေနွေးလေးခွက်တစ်ဝက်ထည့်ပြီး အဖုံးခဏဖုံးပြီး နှပ်ကြော်လိုက်ပါ...။ ရေခန်းပြီးဆို ဖက်ထုပ်လေးတွေ အိအိညက်ညက်လေးနဲ့ဆီခြောက်ပြီး

စားလို့အလွန်ကောင်းပါတယ်...။ ဖက်ထုပ်အိုးကပ်ကို စမ်းချောင်းလမ်းထဲက ရှမ်းတရုတ်တွေရောင်းတာစားဖူးလို့ လုပ်စားကြည့်တာ...။ အချဉ်ရည်က နှမ်းထောင်းနဲ့ဂျင်း ကြက်သွန်ဖြူ ငရုတ်သီးစ်ိမ်း သံပုရာသီးလေးနဲ့ဆို ပိုဂွတ်ပေါ့...။ ကောက်ညှင်းမွှေးအခါးရည်ပူပူလေးနဲ့သောက်ပါလေ...။

မိုးငွေ့