သတိရသေးရင် နှုတ်ဆက်ပါ.....

မင်းကို အရမ်းလွမ်းတယ် အိန်ဂျယ်ရယ်.....။

နာကျင်မှန်း...ခါးသီးမှန်းသိလည်း မင်းကို လွမ်းတာ ဘယ်လိုရပ်တန့်ပစ်ရမလဲ....။ ဒီည ကိုယ်အားလုံးကိုမေ့ပစ်ဖို့ ဇာတ်ကားတစ်ကားကိုထိုင်ကြည့်ဖြစ်တယ်...။ အဲဒီဇာတ်လမ်းထဲမှာ မင်းသမီးက မွေးရာပါ ညှို့တတ်တဲ့ အတတ်လေးရှိတယ်....။ သူလိုချင်တာကို ညို့ယူတယ်....။ သူလိုချင်တာကို ဆုတောင်းလိုက်တာနဲ့ တမ်းတလိုက်တာနဲ့ရတယ်...။ အဲဒီဇာတ်ကားလေးကိုကြည့်ပြီး ကိုယ်အဲလိုလေး ဆုတောင်းပြည့်ချင်လိုက်တာလို့ စိတ်ကူးယဉ်မိတယ်...။ နောက်ဆုံးမင်းသမီးက သူအလိုချင်ဆုံးဆုကို အချိန်တော်တော်ကြာစောင့်ဆိုင်းပြီးတော့မှ ရသွားတယ်...။ ဇာတ်ကားလေးကိုကြည့်ပြီး ဘာလို့မှန်းမသိ မင်းကိုတော်တော်လေး သတိရသွားမိတယ်...။

မင်းဘယ်ဆီမှာလဲ အိန်ဂျယ်လို့... ကိုယ်ထပ်ပြီး တမ်းတပါရစေ.....။

ကိုယ်အိပ်လို့မပျော်ဘူး....။ ရင်ထဲမှာ ဝမ်းနည်းဆို့နင့်နေတယ်...။ အမြင်အာရုံတွေ ေ၀ဝါးလာလို့ ကိုယ်ခဏနားပါရစေ...။ သီချင်းတွေနားထောင်ကြည့်တယ်....။ မင်းအသံမဟုတ်တဲ့ မင်းဆိုပြခဲ့ဖူးတဲ့ သီချင်းတွေမဟုတ်လို့ နားထဲမဝင်ဘူး...။ ခုချိန်မှာ မင်းဖျော်တိုက်မယ့် ကော်ဖီတစ်ခွက်လောက်သောက်ရရင် ကောင်းမယ်...။ ခါတိုင်း ဒီချိန်ဆို ကော်ဖီတစ်ခွက်နဲ့ မင်းကိုယ့်ကိုစကားလာပြောနေကျလေ....။ မင်းအလုပ်က ညဉ့်နက်တော့ တခါတခါ မင်းအိပ်ငိုက်ရင် ကိုယ်နဲ့စကားတွေလာလာပြောတယ်လေ...။

ခုတော့....

အိန်ဂျယ်ရေ....... နေကောင်းလားလို့ နှုတ်ဆက်တာတောင် မင်းဆီက ဘာတုန့်ပြန်မှုမှမရတော့ဘူး...။

ဆုတောင်းလေးပြည့်မယ်ဆိုရင်........ ကိုယ့်ကို“သတိရသေးရင် နှုတ်ဆက်ပါ”လို့ ဆုတောင်းချင်ပါတယ်...။

မိုးငွေ့