ဂွေးသီးငပိချက်နှင့် ဒညင်းသီးပြုတ်...

ရုံးဆင်းတော့ တရုတ်တန်းပတ်ရင်း သံဈေးနားမှာ ခရမ်းချဉ်သီးဝယ်ရင်းနဲ့ ဂွေးသီးအစိမ်းတွေ ဗန်းလိုက်ပဲတွေ့လိုက်တာ လေးလုံးလောက်ဝယ်ခဲ့လိုက်တယ်....။ အိမ်ရောက်တော့ ထမင်းစားသောက်ပြီး အိမ်မှာရှိနေတဲ့ ဒညင်းသီးဆယ်လုံးကိုမီးဖိုပေါ်တင်ထားရင်း ဂွေးသီးလေးလုံးကိုရေဆေးပြီး အခွံစနွှာလိုက်တယ်...။ ဆုံထဲထည့်ထောင်းရင် အရည်ထွက်မစိုးလို့ သဘောင်္သီးခြစ်နဲ့ အမျှင်လိုက်ခြစ်ပြီး သေးသေးလေးတွေဖြစ်အောင် ပြန်စင်းလိုက်တယ်....။ ကြက်သွန်နီလေးလုံးကို ပါးပါးလှီး ကြက်ဖြူဥတစ်လုံး လေးလုံးလောက်ကို ညက်ညက်ထောင်းထား၊ ခရမ်းချဉ်သီးသုံးလုံး ပါးပါးလှီးထား၊ ပုဇွန်ခြောက်လက်တစ်ဆုပ် နီးနီးကို ထောင်းထားတယ်....။ ဆီပူအိုးထဲကို ကြက်သွန်နီအရင်ထည့်ကြော်ပါတယ်.... နီရောင်သန်းခါနီးကျ အဖြူထည့်ကြော် နနွင်းမှုန့်နည်းနည်းနဲ့ ငရုတ်သီးအရောင်ထည့်ကြော်... ခရမ်းချဉ်သီးကို လိတ်တဲ့အထိကြော်ပြီးရင် ပုဇွန်ခြောက်ထည့် ဂွေးသီးထည့်ပြီး မွှေပါလေရော့....။ ပြီးမှ ငါးပိလက်ဖက်ရည်ဇွန်းနှစ်ကော်စာကို ရေနွေးဖျော်ပြီးထည့်.... အချို အငံ အပေါ့ အကုန်ထည့်ပြီး....ဆီပြန်လာရင် အိုကေပြီ....။ ငါးပိနံ့မွှေးမွှေးလေးနဲ့ ဂွေးသီး ငါးပိကြော်တစ်ခွက်ရပြီပေါ့ကွယ်....။ အော်....မေ့လို့ မေ့လို့ ငရုတ်သီးစိမ်းတောင့်လေးတွေအုပ်လိုက်ပါဦး...။ ထမင်းနဲ့နယ်စားတဲ့အခါ ငရုတ်သီးလေးပါကိုက်ရတော့ ပိုကောင်းပေါ့...။

ရင်ခွဲထားတဲ့ ဒညင်းသီးပြုတ်....။ မြစ်ကြီးနားဒညင်းထင်ပါ့....။ အနံ့မနံဘူး စေးပြီး တော်တော် စားကောင်းတယ်...။ တကယ်တော့ ငပိချက်ဆို သခွားသီး မုန်ညင်းရွက်ပြုတ် စတာတွေနဲ့ တို့စားတာများတယ်လေ...။ ဒီတစ်ခါတော့ ဒညင်းသီးအချိန်ဆိုတော့ တွဲပေးလိုက်တာ....။


မိုးငွေ့