ရှမ်းခေါက်ဆွဲကို ကြက်သား ဝက်သားအပြင် ကျမတို့ အရှေ့ပိုင်းရှမ်းမှာ ငါးနဲ့လည်း ချက်စားကြတယ်...။ ငါးရံ့မဟုတ်ရင် ငါးကြင်းသုံးလို့ရပါတယ် ...။ ကျမကတော့ငါရံ့ကိုသုံးထားပါတယ်...။ ငါးရံ့ကို ဈေးမှာဝယ်ကတည်းက အရေခွံခွာ အသားလွှာထားခိုင်းပါ...။ ငါးရံအသားကို ရေစင်စင်ဆေးပြီး ဆားနဲ့ဂျင်းထည့်ပြီး အသားကျက်တဲ့အထိပြုတ်ပေးပါ ...။ ပုစွန်အကွေး ငါးအနွေးဆိုတဲ့အတိုင်း သိပ်ကြာကြာတည်ဆရာမလိုပါဘူး...။ ငါးအသားရလာရင် အသားလေးတွေနွှင်ထားပါ...။ အရင်ဆုံးငါးအသားကိုဆီသတ်ဖို့ ဒယ်ထဲဆီပူလာရင် ကြက်သွန်နီပါးပါးလှီးထားတာလေးဆီသတ်ပါ နွမ်းလာရင် ကြက်သွန်ဖြူထောင်းထားတာထည့် ကြက်သွန်ဖြူမွှေးလာရင် နနွင်း အရောင်မှုန့်ထည့် ငရုတ်စိမ်းနံ့ပျောက်တာနဲ့ ခရမ်းချဉ်သီး ပါးပါးလှီးထားတာထည့် ခရမ်းချဉ်သီးကျေရင် ပဲပုပ်ကင်ပြီးထောင်းထားတာထည့် ငါးအသားထည့် အရသာမှုန့် ဆားထည့်ပြီး ဆက်တည်ထားပါ ငါးကကျက်ပြီးသားမို့ အရသာဝင်အောင် ရေနွေးနဲနဲထည့်ပြီး ဆီပြန်တဲ့အထိနှပ်ထားပါ...။ ပဲသွေး မဟုတ်ရင် ကြက်သွေးခဲလေးတွေ တုံးပြီး ထည့်ချက်ချင်လဲရတယ်...။ ကျမကတော့ ပဲသွေးတုံးလေးတွေထည့်ပါတယ်...။
ဟင်းအနှစ်ရရင် မုန့်တီဖတ်ကိုရေနွေးဖျော ကြိုက်နှစ်သက်တဲ့ ရွှေပဲညွှန့် ဂေါ်ဖီ ပဲပင်ပေါက်တွေလဲဖျောပြီး ထည့်စားလို့ရပါတယ်...။ ဟင်းအနှစ်ထည့်ပြီး ကြက်ပြုတ်ရည်ထည့် နံနံပင် ရှမ်းနံနံ ကြက်သွန်မှိတ်ဖြူး သံပုရာသီးညှစ် ငရုတ်သီးကြော်ထည့်ပြီး မွှေလိုက်ပါ...။ အရမ်းကို ကောင်းမွန်သော ငါးအရသာချိုသော ရှမ်းမုန့်တီကို ကျွဲသရေနဲ့ အမဲသရေပွကြော် သို့မဟုတ် ဝက်ခေါက်ကြော် ရှမ်းမုန်ညင်းချဉ်တို့နဲ့စားသုံးလို့ရပါပြီ....။ ကျမကတော့ ကောက်ညှင်းပေါင်းထည့်စားပါတယ်...။
ကျမတို့ဖက်က ကျိုင်းတုံမုန့်တီဖတ်အပင်ကြီးထက် ရှမ်းမုန့်ဟင်းခါးဖတ်ကိုထည့်စားကြတာများတယ်...။ သူတို့မုန့်ဖတ်က ရန်ကုန်ကလို ကြာဇံမျှင်လောက်မသေးဘူး မုန့်ဖတ်အလုံးနဲနဲကြီးပြီး အထွေးလိုက်လေးဖွေးအိနေရော...။ ဒီက ရခိုင်ဆိုင်တွေမှာ လတ်လတ်ဆတ်ဆတ်လုပ်တဲ့ လက်ညှစ်မုန့်တီဖတ်နဲ့ ခပ်ဆင်ဆင်ပါ...။
__________________
Revolution will prevail
မိုးငွေ့
No comments:
Post a Comment