ကျမက တော်ရုံ ငါးမစားတဲ့သူ ငါးကိုညှီတယ်ဆိုပြီး ကလေးထဲက မကြိုက်ခဲ့သိပ်မစားခဲ့တာ....။ ဒါပေမယ့် ငါးမြင်းကိုတော့ကြိုက်တယ်...။ မြန်မာပြည်ကဆယ်မွန်ငါးလို့တောင်ပြောလို့ရတယ်...။ သူ့အသားက လိမ္မော်ဖျော့ရောင်လေး...။ ဈေးထဲမယ် ငါးမြင်းနဲ့ ငါးတန်ကို ရောရောင်းတတ်တယ် အပြင်အရေခွံရောအသားပါ ကွာပါတယ် ..။ ငါးတန်အသားက ဖြူဖြူလေး အရေခွံက မဲနက်တယ်...။ ငါးမြင်းက ပုစွန်ထုတ်တွေ ဈေးမရှိကတည်းက တစ်ပိဿာကို သုံးသောင်းကျော်ပေးရတယ်...။ အခုငါးမြင်း တစ်ပိဿာ လေးသောင်း...။ ကျမက ငါးချေးများတဲ့သူဆိုတော့ ကြိုက်ရင် ဈေးကြီးလဲဝယ်စားလိုက်တယ်...။ သူ့အသားက စားလိုက်ရင် ဆိမ့်ဆိမ့်လေးနဲ့သိပ်ကောင်းတယ်...။ ငါးတို့ ပုစွန်တို့ ချက်ရင် မညှီအောင် အသားတွေကို ငံပြာရည်နဲ့နယ်ပြီးနှပ်ထားရတယ်လို့ ကြားဖူးတယ်...။ ခုနောက်ပိုင်းအဲလိုလေးချက်ကြည့်တော့ ကောင်းတယ် ..။ ဒိုက်စော်နံတဲ့ငါးနဲ့တိုးရင်တော့လည်း မတတ်နိုင်ဘူးပေါ့လေ...။
ငါးမြင်းဆို ဗိုက်သားကိုပဲရွေးဝယ်ပြီးချက်စားကြတာများတယ်...။ အိုမီဂါ 3 ရတာပေါ့...။ ကျမကတော့ ဝယ်ရင် အသားရောဗိုက်သားရော အကုန်ရောယူတယ်...။ ငါးမြင်းကိုလိုသလိုတုံးပြီး ငံပြာရည် နနွင်းမှုန့်နဲ့နယ်ပြီး နာရီဝက်လောက်နှပ်ထား...။ ကျမကတော့ ဟင်းအနှစ်ကို ကြက်သွန်ဖြူနီထောင်းထားတာနဲ့ ခရမ်းချဉ်သီး လေးစိပ်စိပ်တာနဲ့ချက်တယ်...။ ကြက်သွန်ဆီသတ်နွမ်းသွားပြီဆို ငရုတ်သီးအရောင်မှုန့်လေးခတ် ခရမ်ချဉ်သီးလေးထည့်ပြီး ခရမ်းချဉ်သီးကျေပြီဆို ငါးမြင်းနယ်နှပ်ထားတာလေးထည့်ချက် ရေနွေးလေးထည့်ပြီး ဆီပြန်တဲ့အထိ မီးအေးအေးနဲ့နှပ်ထား ဆီပြန်ရင် နံနံပင်နဲ့ငရုတ်သီးစိမ်းအုပ်ပြီး စားလို့ရပြီ....။ ကင်မွန်းချဉ် ဟင်းရည်လေးနဲ့ သိပ်လိုက်ဖက်တယ်...။
__________________
Revolution will prevail
မိုးငွေ့
No comments:
Post a Comment