Rest In Power Raymond......

ဒီနေ့ တစ်နေ့လုံးတော့ ကိုတွတ်ပီ(Idiot , Raymond) ရဲ့ သီချင်းတွေပဲနားထောင်ခွင့်ပြုပါ......။

မနက်က group chat ထဲမှာ သတင်းတက်လာကတည်းက လုံးဝနေလို့မကောင်းတော့ဘူး.....။ ရေမွန်က ကျွန်မအနှစ်သက်ဆုံး အဆိုတော်တွေထဲမှာ တစ်ယောက်ပါပါတယ်....။  သူဖန်တီးထားခဲ့တဲ့ဂီတတွေကို လေးစားရတဲ့ တန်ဖိုးရှိတဲ့ အနုပညာရှင်တစ်ဦး ရုတ်တရက်နှုတ်ဆက်ထွက်ခွာသွားတော့ တကယ် ဝမ်းနည်းနှမြေတသ ငိုကြွေးမိပါတယ်....။ တကယ်တော့ စောလွန်းပါတယ်.....ထွက်ခွာသွားတာ......။ တစ်နေနေ့ကျရင် ကျွန်မတို့ အသစ်အသစ်တွေဆီကို ရောက်တဲ့အခါ   ဆုံးရှုံးသွားခဲ့တဲ့ ပေးဆပ်သွားခဲ့ကြတဲ့သူတွေအားလုံးအတွက် သမိုင်းတွင်ကျန်ရစ်မဲ့ အမှတ်တရတွေ နောင်လာနောက်သားတွေအတွက် ချန်ထားခဲ့ရစ်နိုင်မှာပါ.....။ အဲဒီတစ်နေ့နေ့ကို လက်တွေ့မြင်တွေ့နိုင်ဖို့ ကျွန်မတို့ အခု ဉာဏ်ပညာအားကိုးနဲ့ အသက်ဆက်ရှင်ကြမယ်...။ 

🎵🎵.....ကမ္ဘာမြေဟာ အရောင်လွှင့်ပြယ် ..........🎵🎵

🎵🎵..... လေထုထဲလွှင်ပြယ်သွားခဲ့..........🎵🎵

🎵🎵.....စိတ်ဖြောင့်ဖြောင့်နဲ့သာချန်ခဲ့........... 🎵🎵

အဆိုတော်၁ယောက်ကို ရူးရူးမူးမူးကြိုက်ပြီဆိုရင် ရှိသမျှသီချင်းအကုန်လုံးကိုလည်း စာသား၁လုံးမကျန်အကုန်ရတဲ့အထိကြိုက်တယ်... အဲ့ဒါကိုရေမွန်ပဲ... SIR ပွဲတွေတုန်းကလည်း ရန်ကုန်မှာရှိတဲ့အချိန်နဲ့ကြုံရင် ၁ပွဲမကျန်ကြည့်ခဲ့ဖူးတယ် ...အခုထိကားပေါ်မှာ ဖွင့်နေကြအကို့သီချင်းတွေ ရိုးသွားတယ်ဆိုတာမရှိဘူး ...ကိုယ်တိုင်အနုပညာလုပ်တော့ ပွဲတွေမှာဆုံတယ် အကိုဆိုတဲ့အချိန် ရှေ့ဆုံးတန်းက ကြည့်ပြီးပျော်ရတဲ့အချိန်တွေ အများကြီးပဲ... မှတ်မှတ်ရရ အခုနောက်ဆုံးလုပ်သွားတဲ့ IC Show မှာ Special Guest အဖိတ်ခံရတော့ အကိုနဲ့ ၁ဝိုင်းထဲကျတယ် ... ဘာပြောကောင်းမလည်း ပြောချင်တဲ့စကားတွေပြောခွင့်ရတဲ့နေ့ပေါ့ ... သူကလည်း ကျနော့်ကိုသိတယ် ညီလေးမိုက်တယ် အကိုအမြဲတွေ့တယ်ဆက်ကြိုးစားဆိုပြီးမှာတယ် ... အဲ့ဒီတုန်းကအမှတ်တရတခုကတော့ ကျနော်အကို့ကိုပြောခဲ့တဲ့စကားလေးတခုပေါ့ ... အကို့ကို ICထက်ကျနော် ကြိုက်တယ်ဗျာလို့ပြောလိုက်တော့ ဟေ ဆိုပြီး အဲ့လိုမနှိုင်းပါနဲ့ဗျာ ကျနော်ကဘာမှမဟုတ်ပါဘူးဆိုပြီး ကျေနပ်အပြုံးကြီးနဲ့ရယ်ပြီးပြန်ဖြေရှာတယ် ... မာနမရှိတဲ့အကိုဗျာ ... နောက်ပိုင်းတွေ့တော့လည်း အမြဲအရင်လာနုတ်ဆက်တတ်တယ် ... ကျနော်မှာ အိပ်မက်၁ခုရှိတယ် အကိုရေးပေးတဲ့သီချင်းကိုဆိုချင်တဲ့အိပ်မက်လေးတော့မပြည့်တော့ဘူး ဗျာ😭 ပြီးတော့ ကျနော်တို့ရိုက်တဲ့ လိပ်ပြာ ဇာတ်လမ်းတွဲမှာ အကိုကOST ဆိုမယ်ကြားတော့ ပျော်ရပြန်ရော ... အဲ့ကားရိုက်ပြီးနောက်ဆုံးနေ့မှာ အဖြူရောင်ထောင်ချောက်ဆိုတဲ့ ဇာတ်ဝင်သီချင်း MVမှာနောက်ဆုံး ဆုံတွေ့မှုပေါ့ အဲ့နေ့ကလည်း အကိုသီချင်းရိုက်ပြီး ပြန်ခါနီးမှာ ကျနော် ဓာတ်ပုံလေး၁ပုံတောင်းရိုက်ခဲ့တယ် .. အဲ့ဒါကအမှတ်တရအဖြစ်ဆုံးဖြစ်သွားပြီ... ကျနော့်မှာဘအကျင့်၁ခုရှိတယ် ကျနော်အရမ်းကြိုက်တဲ့သူကို အနှောက်အယှက်ဖြစ်မဲ့ပုံစံတို့ တခုခုဖြစ်သွားမှာလားဆိုတဲ့စိုးရိမ်စိတ်အမြဲရှိတော့ တော်ရုံအမှတ်တရ ဓာတ်ပုံတောင်းရိုက်လေ့မရှိဘူး ... ဒါကတော့ ကျနော်အရဲစွံပြီးတောင်းပန်ရင်းရိုက်ခဲ့တဲ့ နောက်ဆုံးပုံလေးဖြစ်ခဲ့ပြီ ... ကောင်းရာမွန်ရာရောက်ပါစေ အကို ... ဒီပုံလေးကိုတော့အမှတ်တရအနေနဲ့တင်ထားပါရစေ ... သီချင်းတွေရှိတဲ့အရပ်မှာပဲအကိုပျော်ပျော်နေမယ်ဆိုတာသိပါတယ် ... ကျနော်လည်းအကို့သီချင်းတွေနဲ့ကျန်တဲ့သက်တမ်းလေးကို ဖြတ်သန်းရဦးမယ် Rest In Peace bro 🥀

ဒီနေ့မနက် မနက်စာစားရင် IG ဖွင့်ကြည့်တော့ မော်ဒယ်လ်နဲ့သရုပ်ဆောင် ချာလီ တင်ပြီး ရေမွန်အတွက် အမှတ်တရရေးထားတာကို ဖတ်ရင်း စိတ်မကောင်းလို့ မျက်ရည်လည်ရတယ်....။ အားလုံးကိုမျှချင်လို့  ပြန်ကူးထားတာပါ....။ ဖေဖော်ဝါရီ(၁)ရက်နေ့ကစပြီး ဒီနေ့ထိ မျက်ရည်တွေမခမ်းသေးဘူး.... ဆုံးရှုံးမှုတိုင်းအတွက် တစ်ဆစ်ဆစ်နဲ့နာကျင်ရတယ်....။ အားလုံးအကျေပြန်ရမယ့်နေ့ကို စောင့်နေမယ်....။

Revolution will Prevail .......

မိုးငွေ့