ပြုံးမပြတတ်တဲ့ မျက်နှာထက်
လိုအပ်ရင်မျက်နှာချိုသွေးတဲ့ လိုပြုံးတွေက
ပိုကြောက်စရာကောင်းတယ်။
တစ်ယောက်တည်း အထီးကျန်ရတာထက်
သာမှအတူနေချင်တဲ့ အဖော်ပြုခြင်းက
ပိုကြောက်စရာ ကောင်းတယ်။
မယုံကြည်ရတာထက်
အယုံသွင်းနေတဲ့ ရိုးသားမှုက
ပိုကြောက်စရာ ကောင်းတယ်။
ဆိုးကွက်ကိုပဲ အပြစ်တင်တာထက်
ဘာလုပ်လုပ် အကောင်းမမြင်တတ်တဲ့ မျက်လုံးတွေက
ပိုကြောက်စရာ ကောင်းတယ်။
အားနည်းချက်ကို ဝေဖန်တာထက်
အားသာချက်ကို မချီးမွမ်းချင်တဲ့ မနာလိုဝန်တိုမှုက
ပိုကြောက်စရာ ကောင်းတယ်။
ပွင့်ပွင့်လင်းလင်းပြောတာထက်
နောက်ကွယ်မှကဲ့ရဲ့တတ်တဲ့ အတင်းစကားတွေက
ပိုကြောက်စရာကောင်းတယ်။
ကျေးဇူးမသိတတ်တာထက်
ကျေးဇူးကန်းတာက
ပိုကြောက်စရာကောင်းတယ်။
ကိုယ့်ကိုမုန်းနေသူထက်
မာယာတွေနဲ့ ချစ်ဟန်ဆောင်နေသူက
ပိုကြောက်စရာ ကောင်းတယ်။
အဝေးကရန်သူထက်
နောက်ကျောကိုဓားနဲ့ထိုးမယ့် အနီးကပ်မိတ်ဆွေက
ပိုကြောက်စရာကောင်းတယ်။
ရုပ်ဆိုးအကျည်းတန်တာထက်
စိတ်ထားမလှတာက ပိုကြောက်စရာကောင်းသလို
လောကမှာ…ပညာမဲ့လူယုတ်မာထက်
ပညာတတ် လူယုတ်မာက ပိုကြောက်စရာ ကောင်းပါတယ်။
#credit
No comments:
Post a Comment