သက်သတ်လွတ်မုန့်ဟင်းခါး.....

ကြာခဲ့ပြီ တပေါင်းလပြည့်နေ့တုန်းက သက်သတ်လွတ်စားတော့ ပဲမုန့်ဟင်းခါး ချက်စားဖြစ်တာလေးပါ...။ အကြော်ကိုလည်း ကိုယ်တိုင်ကြော်ပါတယ်...။ မုန့်လုပ်နည်းလေးရော အကြော်မုန့်စပ်နည်းလေးပါ မျှဝေပါ့မယ်...။ ကိုယ်က ပဲကြိုက်တဲ့သူမို့ ပဲနဲ့ ဘာပဲလုပ်လုပ်ကြိုက်ပြီးသား..။ ခုမုန့်ဟင်းခါးက ကုလားပဲနဲ့လုပ်ပါတယ်...။ လူလေးယောက်စာအတွက် recipe လေးကိုရေးပေးပါမယ်..။

1. ကုလားပဲတစ်ခွက်(ဆန်ချိန်ခွက်)
2. ငှက်ပျောအူ
3. ဆန်လှော်မှုန့် ထမင်းစားဇွန်း 3 ဇွန်း
4. ကြက်သွန်နီဆယ်လုံး (အနှစ်လုပ်ရန်3လုံး မုန့်ဟင်းထဲထည့်ရန်7လုံး)
5. ကြက်သွန်ဖြူ 5တက်
6. ဂျင်း လက်တဆစ်
7. စပါးလင် တစ်ပင်
8. ငရုတ်သီးမှုန့်
9. နနွင်းနဲနဲ
10. ဆား

အဲနေ့က ငှက်ပျောအူမရလို့ မထည့်ဖြစ်ဘူး...။ ငှက်ပျောအူရမယ်ဆိုရင် အရင့်တွေခွာပစ်ပြီး အတွင်းကအသားနုလေးတွေကို နနွင်းနဲနဲထည့်ပြီး ရေစိမ်ထားပါ...။ ညကတည်းက စိမ်ထားတဲ့ ကုလားပဲကို ပြုတ်ထားပါ...။ အနှစ်အတွက် ကြက်သွန်ဖြူ နီဂျင်းထောင်းထားပါ...။ ပဲနူးရင် ဆုံထဲထည့်ထောင်းထားပါ...။ အနှစ်များကိုမွှေးအောင်ဆီသတ်ပါ ပြီးရင် ထောင်းထားတဲ့ပဲထည့်လှိမ့်ပါ..။

ရေနှစ်လီတာထည့်ပြီး ဆူထားတဲ့ အိုးထဲကို ဆီသတ်ထားတဲ့ ပဲနှစ်များလောင်းထည့်ပါ စပါးလင်ကို ထုပြီးချည်ထည့်ပါ...။ ငှက်ပျောအူပါထည့်ပြုတ်ပြီး ရေဖျော်ထားတဲ့ ဆန်လှော်မှုန့်လေး ခတ်ပြီး မွှေပေးနေပါ... အပေါ့အငံမြည်း ကြက်သွန်ဥလေးထည့်ပြီး မီးမြေ့မြေ့နဲ့ဆက်တည်ထားပြီး မကြာခနမွှေပေးပါ ပဲနှစ်တွေအိုးကပ်သွားမှာ စိုးလို့..။ ကြက်သွန်ဥလေးတွေကျက်ရင် ပဲနဲ့စပါးလင်နံ့လေးသင်းမွှေးနေတဲ့ သက်သတ်လွတ် မုန့်ရည်လေး ရပါပြီ...။ နှစ်သက်ရာ ပဲသီးစိမ်း နံနံပင် ငရုတ်သီးလှော်မှုန့်များထည့်ပြီး သုံးဆောင်ပါ...။

အကြော်မုန့်နှစ်ကို ခါတိုင်းမြန်မာမုန့်နှစ်တွေလို ပဲမှုန့် ဆန်မှုန့်နဲ့မဟုတ်ဘဲ... အီတလီစာတွေမှာ တန်ပူရာကြော်တဲ့ batter နှစ်အတိုင်းဖျော်ပြီး ကြော်ထားပါတယ်...။ ဂျုံမှုန့်နဲ့ ပြောင်းမှုန့် 4:1နဲ့ ဆားနဲနဲ ဆီစာပွဲဇွန်းတစ်ဇွန်း ဆိုဒါလက်ဖက်ရည်ဇွန်းတစ်ဝက် ရေတစ်ခွက်(မုန့်ချိန်ခွက်) နဲ့ မပျစ်မကျဲလေးဖျော်ပြီး စားချင်တဲ့အသီးများကို ကြိုက်သလိုအရွယ်တော်လေးပိုင်းဖြတ်ပြီး ဆီများများမှာကြော်ပါတယ်...။ ရွှေရောင် သန်းလာရင် paper tower မှာဆီစစ်ပြီး ထားပါ...။ မုန့်နှစ်လေးဟာ မာဆတ်မနေဘဲ ကြွပ်ရွရွလေးဖြစ်နေလို့ အတော်စားကောင်းပါတယ်...။ ဆန်ကြမ်းမှုန့်နဲ့ မဟုတ်လို့ မြန်မာအကြော်တွေ လိုတော့  ကြာကြာအကြွပ်မခံပါဘူး...။ ပူပူလောလောမှာ ချဉ်ရည်လေးနဲ့ တခါတည်းစားတာ ပိုအရသာ ရှိပါတယ်...။ မကျည်းချဉ်ရည်ကတော့ ထုံးစံအတိုင်းပါပဲ ကြက်သွန်ဖြူ ဂျင်း ငရုတ်သီးစိမ်း ငရုတ်သီးမှုန့်တို့နဲ့ဖျော်ပါတယ်...။ ပုံမှာတော့ မျက်နှာပန်းသိပ်လှပြီး အရသာရှိလှတဲ့ ကြက်သွန်ကြော်နဲ့ ဗူးသီးကြော်တွေပဲဖြစ်ပါတယ်..။ ချစ်သောစာဖတ်သူများ ပိတ်ရက်လေးမှာ အစမ်းလုပ်စားကြည့်ရအောင် တင်ပေးလိုက်ပါတယ်...း)

Have a nice weekends......

မိုးငွေ့