နွေဥသြလေးလွမ်းတဲ့ ဝင်ရိုးစွန်းက....နှင်း

u တို့ဆီမှာ ဘယ်လောက်တောင် အေးခဲတုန်ခိုက်နေသလဲဆိုတာ u ပို့ပေးတဲ့ ဓါတ်ပုံကိုကြည့်တာနဲ့တင် ကျောထဲစိမ့်သွားခဲ့တယ်..။ ကောင်းကင်ဆီက ဝါဂွမ်းစိုင်တွေကြွေကျလာသလား...။ နှင်းပွင့် နှင်းဖတ်ဖြူဖြူ ဖွေးဖွေးတွေက မိုးရွာချလိုက်သလို u ထိုင်တဲ့ အုတ်ဘောင်အောက်ခြေမှာ၊ u နောက်ကျောဆီမှာ၊ u ဘေးပတ်ပတ်လည်မှာ နှင်းပုံတွေ...နှင်းပုံတွေ..ဖွေးလို့..။ အနွေးထည်ထူထူပွပွ ဝတ်ထားတာတောင် u ကြည့်ရတာ အေးနေဦးမယ့်ပုံပဲ..။ ဒီလိုရာသီမျိုးမှာ ကျောင်းစောစောသွားရမှာ u တော့ အိပ်ယာထဲက ထချင်မှာမဟုတ်ဘူးနော်..။ စာမေးပွဲကလဲ ဒီလိုရာသီကျမှတွေ ဆက်တိုင်ဖြေရမယ့်အချိန်...။

ပြီးတော့ u အခန်းထဲမှာ u အိပ်ရတဲ့နေရာက heater နဲ့ တည့်တည့်ဆိုတော့ ခုလိုအေးစိမ့်ချမ်းမြတဲ့ရာသီမှာတော့ အတော်ကိုနွေးထွေးမှာပါပဲ..။ နွေရောက်ရင်သာမစားသာမှာ..။ u ဓါတ်ပုံကိုကြည့်ရင်း ဒီလိုနှင်းခဲတွေကို ကိုင်ကြည့်ဖူးချင်လိုက်တာလို့ u ကိုပြောပြတော့ ကိုယ့်ကို ကိုးရီးယားသွားလည်ပေါ့တဲ့ u က...။ ဟင့်အင်း...ကိုယ်....ကိုးရီးယားထက် u နဲ့မြစ်ကြီးနား သွားလည်တဲ့အခါ ကံကောင်းရင် ခါကာဘိုရာဇီက နှင်းခဲတွေကို မကိုင်ကြည့်ရဘူးလို့ ဘယ်သူပြောနိုင်မလဲ ...မဟုတ်ဘူးလား..။

တကယ်တမ်း u က နှင်းတွေနဲ့တူတယ် u ရဲ့...။ u စိတ်တွေက နှင်းတွေလို အဖြူထည်သက်သက်ပဲ..။ u အမူအကျင့်တွေကလဲ နှင်းတွေလိုပဲ အေးစက်စက်နဲ့လေ..။ ကိုယ်ကတော့ အပြင်မှာမမြင်ဖူးသေးတဲ့ နှင်းကို စိတ်ကူးပုံဖော်ပြီး လွမ်းတတ်သူပေါ့...။ ပြီးတော့ နွေဦးမှာ တွန်မြည်တတ်တဲ့ ဥသြငှက်ငယ်လဲဖြစ်သေးတယ်..။ ဘာပဲဖြစ်ဖြစ် ကိုယ့်အိမ်ကိုယ့်မိသားစုနဲ့ အဝေးဆုံးတစ်နေရာမှာ တိုင်းပြည်တာဝန်...ကိုယ့်တာဝန်ကိုကျေပွန်စွာ ထမ်းဆောင်ရင်း u ကျေနပ်ပျော်ရွှင်နေလိမ့်မယ်လို့ ကိုယ်ယုံကြည်ပါတယ်...ဝင်ရိုးစွန်းက...နှင်း.....ရယ်.....။

ကြိုပြီးနှုတ်ဆက်ပါတယ်....နှင်း...Merry Christmas & Happy New Year နော်.....

မိုးငွေ့