ရန်ကုန်မြို့ထဲကနှင်း
ဒီနှစ်
ပထမဆုံးကျတဲ့ နှင်းလို့ ပြောတာပဲ
ကိုယ်စုံစမ်းကြည့်တော့
မနှစ်က နှင်းတွေ
သို့မဟုတ်
စာမျက်နှာပေါ်ကနှင်းတွေ
ရုပ်ရှင်ထဲကနှင်းတွေ.....။ ?
ပထမဆုံးကျတဲ့ နှင်းလို့ ပြောတာပဲ
ကိုယ်စုံစမ်းကြည့်တော့
မနှစ်က နှင်းတွေ
သို့မဟုတ်
စာမျက်နှာပေါ်ကနှင်းတွေ
ရုပ်ရှင်ထဲကနှင်းတွေ.....။ ?
၈
ပြတင်းအပြင်ကိုလွတ်ထွက်သွားတဲ့ အကြည့်က
ရွှဲစိုပြီး ပြန်ဝင်လာတယ်
မိုးရွာထဲ နှင်းက ဘယ်ပျောက်သွားပါ့မလဲ
မိုးတိတ်ရင်တွေ့ရမှာပဲ
တောင်ကြီးက ရှိပြီးသားပါ
မြေပြန့်က မိုးကိုခေါ်လာသူ
နှင်းတွေကိုယူသွားမလို့လား
တစ်ဦးမေတ္တာ တစ်ဦးမှာ
နိုင်သလောက် ယူသွားလေ
ဆိုလာသူ။ ။
နှင်းတောတိုးခြင်း
ငါ့ရဲ့ငွေနှင်းမှုန်ရေ....
ဖျာအောက်က အမှိုက်တွေကိုပဲ
ငါပြန်ဆွဲထုတ်မိပြီလား
ဒီကိစ္စ တချို့က တယောထိုးကြ
လှေကားထစ်တွေကို အတက်အဆင်း ပြုလုပ်ကြ
ဒဏ်ရာနဲ့ဆေးကို လဲလှယ်ကြသလိုမျိုးနဲ့
အဲဒီတော့ ငါ့မှာဆီမရှိတဲ့ ခွေးသွားစိပ်တွေကို ဆီဖြည့်တယ်
ဓါတ်ဘောလုံးကို လေထိုးတယ်
ပြတင်းပေါက်တွေ နေရာပြောင်းချိတ်တယ်
ငါ့အရိပ်ကိုလည်း ဆေးရောင်တစ်မျိုးပြောင်းသုတ်တယ်
ပြီးတော့ ခုန်အုပ်ဖို့ ကြည့်လိုက်တော့
နှင်းတွေက တောင်ကြားထဲမှာ မုဆိုးဒူးထောက်ထိုင်လို့
ငါအရောက်မြန်လို့ပဲ
အိပ်မက်ထဲက ငါ့ကိုယ်ငါ ပုတ်နှိုးပြီး
ပြန်ရောက်လာခဲ့တယ်....။ ။
လေနဲ့အတူလွင့်ခြင်းသို့
နံရံကို တက်တခေါက်ခေါက်နဲ့ ခေါက်မကြည့်နဲ့ဦး
ထောင်ချောက်ကို ပန်းနဲ့ပေါက်ခြင်းများနဲ့
ရယ်သွမ်းသွေးတဲ့ အသံလေးဟာ ပရိယာယ်ပဲ...။
မြင်းကောင်ရေအားတွေ မရေတွက်နိုင်သော်လည်း
မဂ္ဂါဝပ်တွေ ကိုယ့်ခေါင်းပေါ် ဖြတ်သွားပေမယ့်
ငှက်ကလေးတွေက သံသာကျူးရင့်ဆဲ....။
ကိုယ့်ကို ကျောပေးထိုင်နေတာလား
ကိုယ်က ကျောပေးထိုင်နေမိသလား
နေဝင်ချိန်များလည်း ဘယ်သူမပြုမိမိမှုပဲ
ရနံ့စူးစူး
ကျူးကျော်နေထိုင်ခွင့်ရသော
ဆူးပေါ်မှ ထလာတဲ့ အနမ်းချည်းသက်သက်...။
ငါလွှတ်ချပြီး
ငါ ပြန်ကောက်ခဲ့
ငါဆောက်တည်ရာမဲ့
သစ်ရွက်ကြွေ။ ။
ချစ်ကြောင်းဆိုပြခြင်း
ကိုယ့်ကိုယ်ကို အာမခံပြီး ထိုးမြဲလက်မှတ်က
မြစ်ကို ဖြတ်ကူးဖို့တောင် မလုံလောကခဲ့ဘူး
လမ်းတစ်ဝက်
အချစ်တစ်ဝက်
နိဗ္ဗာန်တစ်ဝက်
နောက်ထပ်
တို့ကူးရဦးမယ့်
စိတ်တွေ.....။ ။
__________________
Revolution will prevail
မိုးငွေ့
No comments:
Post a Comment