ပူဇော်သမျှကိုခံယူတော်မူထိုက်သော အလုံးစုံသောတရားတို့ကို မဖောက်မပြန်
ကိုယ်တော်တိုင်သိတော်မူသော မြတ်စွာဘုရား....
အခုဖြစ်နေတာ အတိတ်ကံကြောင့်မဟုတ်...
ပြည်သူတွေ ယခု ခံစားနေရတဲ့ ကိုယ်ဆင်းရဲ စိတ်ဆင်းရဲခြင်းတွေဟာ အတိတ်ကံကြောင့် မဟုတ်ဘူး။ သူတပါးရဲ့ လုံ့လပယောဂကြောင့် ဖြစ်တာ ဖြစ်ပါတယ်။ နေရာတိုင်း အတိတ်ကံကို ရမယ်မရှာကြပါနဲ့။
သတ္တဝါတွေခံစားရတဲ့ ဆင်းရဲချမ်းသာတွေရဲ့ အကြောင်း (၈) မျိုး ရှိတယ်။ အဲဒါတွေက
၁။ သည်းခြေ
၂။ သလိပ်
၃။ လေ
၄။ သည်းခြေ၊ သလိပ်၊ လေ ၃ ပါးပေါင်းဆုံခြင်း
၅။ ရာသီဥတုဖောက်ပြန်ခြင်း
၆။ နေထိုင်မှုပုံစံ မညီမျှခြင်း
၇။ သူတပါး၏ လုံ့လပယောဂ
၈။ ကံ၏အကျိုး။
ဒီ ၈ မျိုးထဲမှာ နံပါတ် ၈ ဖြစ်တဲ့ ကံကြောင့်ဖြစ်ရတဲ့ ဝေဒနာက လွဲလို့ ကျန် ၇-မျိုးကြောင့် ဖြစ်တဲ့ ဆင်းရဲတွေက ကုစားလို့ တွန်းလှန်လို့ ပျောက်ကင်းနိုင်ပါတယ်။ 💯
သလိပ်ကြောင့် ဖြစ်တဲ့ရောဂါအတွက် သလိပ်ကို ငြိမ်စေတဲ့ဆေးပေးရတယ်။
လေကြောင့် ဖြစ်တဲ့ရောဂါက လေကို မျှတအောင် လုပ်ပေးရင် ပျောက်တယ်။
သူတပါးပယောဂကြောင့် ဖြစ်တဲ့ဆင်းရဲဝေဒနာကတော့ ဒုက္ခပေးတဲ့သူကို တားမြစ်နိုင် ဖယ်ရှားနိုင်မှ ပျောက်ကင်းချမ်းသာပါတယ်။ 💯
ယခုပြည်သူတွေ ခံစားနေကြရတဲ့ ဆင်းရဲခြင်းတွေဟာ နိုင်ငံတော်အာဏာကို အဓမ္မယူခဲ့တဲ့ လူတစုရဲ့ ပယောဂကြောင့် ဖြစ်ပေါ်လာတယ်ဆိုတာ ထင်ရှားပါတယ်။ 💯
ပြောချင်တာက ကံကိုချည်း ပုံမချကြဖို့ပါပဲ။ ကံကြောင့်ဖြစ်တာ မဟုတ်ပါ။ ရောဂါရဲ့ အကြောင်းရင်းကို ရှာဖွေပြီး ဒီအကြောင်းရင်းကို ဖယ်ရှားနိုင်မှသာ ရောဂါပျောက်ကင်းမှာ ဖြစ်ပါတယ်။💯
သီဝကသုတ်အဋ္ဌ
သတပရိယာယဝဂ်
credit
အရှင်အရိယဝံသာလင်္ကာရ
1 comment:
အေးချမ်းပါစေ မကြီး မိုးငွေ့
Post a Comment