ရုပ်မပေါက်ဘူး.....

ကျမကို အပြင်မှာ မြင်ဖူးတဲ့ ညီမလေးတစ်ယောက်က ကျမစာတွေ ကျမအရေးသားတွေကို ဖတ်ပြီး “အမက လုံးဝမထင်ရဘူးနော်” တဲ့...။ အပြင်ပန်းကကြည့်ရင် အဲလို အနုပညာဝါသနာပါလိမ့်မယ်လို့ကိုမထင်ဘူးတဲ့..။

ဟုတ်ကဲ့ပါ ညီမလေး အမရဲ့ ရုပ်လက္ခဏာနဲ့ စိတ်လက္ခဏာကို ယှဉ်ပြပေးမယ်...။ ပိုပြီးအံ့သြမသွားနဲ့ဦး...။

အပြင်ပ ။     ။မျက်နှာက မှုန်ကုတ်ကုတ်ရှုတည်တည် (ဒီဇိုင်းကရိုက်ပေါက်နဲ့) 

အတွင်းစိတ် ။    ။ လူသိပ်ကြောက်တတ်တယ် 

အပြင်ပ ။    ။ အမြဲတမ်းကျော့မော့သပ်ရပ်အောင် ဝတ်စားတတ်တယ်... ဟော့ရှော့တွေဝတ်တယ် (ခုခေတ်ကောင်မလေးတွေလန်းတယ်ဆိုတာသနားတယ်) 

အတွင်းစိတ် ။    ။ ခြေမွှေးမီးလောင် လက်မွှေးမီးမလောင်နေတယ် ထင်မနေနဲ့ဦး မီးဖိုချောင်မှာ ချက်ပြုတ်ရတာ သိပ်ပျော်တယ်... 

အပြင်ပ ။    ။ ကလေးလေးတွေတွေ့ ရင် ပါးလိမ်ဆွဲပစ်တတ်တယ် ငိုအောင်လို့.. အတွင်းစိတ် ။ ကလေးတွေကို အရမ်းချစ်တယ်... 

အပြင်ပ ။    ။ တိရိစ္ဆာန်မချစ်တတ်ဘူး.. 

အတွင်းစိတ် ။    ။ ဒါပေမယ့် သနားကြင်နာတတ်ပါတယ် 

အပြင်ပ ။    ။ စကားပြောရင် လေသံမာပြီး အစီအငေါမတည့်တတ်ဘူး..

အတွင်းစိတ် ။    ။ စာရေးရင်တော့ အဆင်ကိုချောလို့.. 

အပြင်ပ ။    ။ လုပ်နေရတာက ဂဏန်းတွေ စာရင်းစာအုပ်ပုံတွေကြားမှာ 

အတွင်းစိတ် ။    ။ တကယ် ဝါသနာပါတာက အနုပညာနဲ့ ပတ်သက်တာအားလုံး.. 

အပြင်ပ ။    ။ လက်တွေ့ဆန်တယ်ထင်ရပေမယ်... 

အတွင်းစိတ် ။    ။ တကယ်တမ်း စိတ်ကုးယဉ်လွန်းသူ အပြင်ပ ။ သူ့ရုပ်ကြီးနဲ့ သီချင်းတစ်ပုဒ်ကို ဖြောင့်အောင်ဆိုနိုင်မယ် မထင်ဘူး.. 

အတွင်းစိတ် ။    ။ အဟဲ...သီချင်းဆိုကောင်းတာတော့ ဘယ်သူမှသိလိုက်မှာမဟုတ်ဘူး...( တောစီးကရက်နော် ) ကျမက ရှစ်ဂဏန်းသမားဆိုတော့ ဒီလက္ခဏာရှစ်မျိုးလောက်နဲ့ ပြည့်စုံလောက်ပါပြီနော် ။

မိုးငွေ့