Tuesday, 6 October 2026

Dear Angel.....(26)


 

ချစ်သော အိန်ဂျယ်.....


ကိုယ်တို့တွေ နေ့တစ်နေ့ရဲ့ နေထွက်ချိန် နေဝင်ချိန်တွေကို ကြည့်ခွင့် မြင်ခွင့်ရှိသေးတာကိုက ကံကောင်းခြင်းဆုလာဘ်လို့ သတ်မှတ်လို့ရတယ်...။ 

အခုကစပြီး အယ်နီညို အပူလိုင်းတွေစနေပြီ ....

နောက်ထပ် ငါးလ ခြောက်လလောက်ကြာဦးမယ်လို့ပြောကြတယ်....

ကမ္ဘာတစ်ဖက်ခြမ်းမှာ မိုးသည်းရေကြီး ငလျင်လှုပ်ချင်လှုပ်နေလိမ့်မယ် နောက်တစ်ဖက်မှာတော့ ရေခမ်းခြောက်သွေ့ အပူချိန်တွေပြင်းလိမ့်မယ်... တစ်ကမ္ဘာလုံး လူဦးရေ သုံးသိန်းကျော်လောက်အသက်ဆုံးရှုံးလိမ့်မယ်လို့ ခန့်မှန်းနေကြတယ်...။ ကိုယ်တို့နိုင်ငံလို အဖက်ဖက်က ဆင်းရဲနုံချာ သဘာဝဘေးအတွက် စုဆောင်းထားတာမရှိ ကူကယ်ရာမရှိနဲ့တော့ ကလေးသူငယ်နဲ့ သက်ကြီးပိုင်းတွေ အများစု အသက်ဆုံးကြရလိမ့်မယ်....။

ကောင်းကင်ပြာပြာတွေကို ကိုယ်တို့မနက်တိုင်းမြင်ခွင့်ရှိသလို ....

ကောင်းကင်ပြာပြာတွေကို ကိုယ်တို့မြင်ခွင့်မရှိတော့တဲ့ နေ့တွေရောက်လာနိုင်တယ်....

ဒီနေ့ နေမင်းကြီးက ပူပြင်းရှနေပေမယ့် နောက်နေ့မှာ မိုးမှောင်ကျသွားနိုင်တယ်.....

လူတွေက သဘာဝကို ဖျက်စီးကြတယ်....

တန်ပြန်သဘောအရ သဘာဝက လူတွေကို ပြန်ဖျက်စီးတယ်....

ကိုယ်စိုက်တဲ့အပင် ကိုယ်ပြတ်ရုတ်သိမ်းရသလို

လောကမှာ Action  နဲ့  Reaction ရှိနေတယ်ဆိုတာကို မင်းလက်ခံရလိမ့်မယ်....။

ဒါကို ကပ်ဆိုးကြီးလို့ ခေါ်တယ်....

ဘာပဲဖြစ်ဖြစ် ဘယ်လိုအခြေအနေမှာပဲဖြစ်ဖြစ် 

နောက်ဆုံးအချိန်အထိ ရှင်သန်အောင်နေပါ....

အောက်ဆီဂျင်ရနေတုန်း တစ်ဝကြီးရှူပါ...

ရေရှိနေတုန်း တစ်နေ့တာအတွက် အပြည့်အဝသောက်ပါ....

ခံနိုင်ရည်စွမ်းအားကို စုဆောင်းပါ....

အိပ်ရေးဝဝအိပ်ပါ....

ပြီးတော့ အသက်ရှူနိုင်သေးသရွေ့ ကိုယ့်ကို သတိရနေပေးပါ.....


Still flying .....

Still loving .....


မိုးငွေ့


No comments: