ဝေးသွားတဲ့အခါ.....

ပိုင်ဆိုင်လိုခြင်းကင်းမဲ့ပေမယ့်

အရာအားလုံးဆုံးရှုံးသွားတဲ့အခါ

ရင်ခွင်မှာလစ်ဟာသွားသလိုပဲ....

ပေးဆပ်ခြင်းနဲ့ချစ်ခဲ့ပေမယ့်

ရုတ်တရက် အရှုံးပေးလိုက်ရတဲ့အခါ..

နှလုံးသားမှာ စည်းချက်မရှိတော့သလိုပဲ.....

မဆုံနိုင်မှန်းလည်းသိပေမယ့်

တကယ်တမ်း ဝေးရတဲ့အခါ

အိပ်မပျော်တဲ့ ညတွေဟာ ပိုမှောင်သွားသလိုပဲ..

ဒဏ်ရာဆိုတာ နာကျင်မှန်းသိခဲ့ပေမယ့်

ကိုယ်တိုင်ရင်ဆိုင်လိုက်ရတဲ့အခါ

အလွမ်းတွေဟာ သိပ်ခါးသွားသလိုပဲ....။     ။ ( အမည်မသိကဗျာဆရာ)