စာဖတ်သူတွေ အလွမ်းပြေ ပုံလေး Update လာတင်တာပါ.....။ ကျမ ခုနောက်ပိုင်း ဆံပင်ပြန်ရှည်လာတော့ ရိုးရိုးရှင်းရှင်း ထိပ်မှာစုထုံးထားတဲ့ ပုံနဲ့ပဲနေ့စဉ်နေလာခဲ့တာ အဲပုံအတိုင်းပဲ ကျမနေရတာသဘောကျတော့တယ်...။ ဆံပင်မှာ ဘာအဆင်အယဉ်မှ မဆင်တော့ဘူး တတ်နိုင်သမျှ ခန္ဓာကိုယ်မှာဆင်ရမယ့်ပစ္စည်းတွေ လျှော့လို့ရနိုင်သမျှပေါ့ ခေါင်းနဲ့ပတ်သက်ပြီး ကျမ ဆေးမဆိုးဘူး မကောက်ဘူး မဖြောင့်ဘူး ဆံပင်ညှပ်တာတောင်မှ ဆိုင်မသွားတော့ဘူး ကိုယ့်ဘာသာကိုယ်အဖျားတိတယ် ဒီလောက်ပဲ... သဘာဝနဲ့ နီးစပ်လို့ရသလောက်နေမယ်ပေါ့...။ ဒါကြောင့်အရင်က ဝယ်ထားတဲ့ ကလစ်တွေ ဘာတွေညာတွေ အကုန်ပေးပစ်လိုက်တယ်...။ ခေါင်းစည်းကြိုးလည်း အနက်ရောင်တစ်ခုရှိရင်ရပြီ....။ ကျမ ဆံပင်နဲ့ပတ်သက်တာ လက်သည်းခြေသည်းနဲ့ပတ်သက်တဲ့ အလှဆင်တာ လုံးဝမလုပ်တော့တာ ငါးနှစ်ရှိသွားပြီ....။
ခုပုံလေးက Dyson နဲ့ ပုံသွင်းထားတုန်းလေး ကိုယ့်ကိုယ် Selfie ထားတာလေး လာပြတာ.... ကော်ဖီခါးခါးအကြိုက်နဲ့ဖက်ရှင်တအားမိုက်တဲ့ "မိုးငွေ့နှင့်အတူ" ဘလော့ဂါ ပိုင်ရှင်လေးရဲ့ Update ပုံလေးပေါ့....။ ဆံပင်က ဘယ်ဖက်နဖူးထိပ်မှာ အဖြူတွေစုပေါက်နေပြီ....။ အရောင်မဆိုးဘူး ဖြူချင်သလောက် ဖြူစမ်း...။ အဲဆံပင်ဖြူကပဲ ကိုယ့်အသက်အရွယ်ကို ညွှန်ပြနိုင်မှာလေ မဟုတ်ရင် ကိုယ့်အသက်နဲ့ရုပ်ကိုပြောပြရင် မယုံကြလွန်းလို့ ... ဒါလေးနဲ့ပဲ ဂုဏ်ဆာပါရစေနော်...။
မိတ်ကပ်က (Everyday office look) ကိုယ်တိုင်လိမ်းတာ Eye Liner က Sephora ,
Mascara က Mac, Eye Shadow Palette နဲ့ Blush က Dior, နှုတ်ခမ်းဆိုးဆေးက Catrice .
___________________
Revolution will prevail
မိုးငွေ့
1 comment:
Miss you and love you Moe Ngwe
Post a Comment