"၀မ်းနည်းပါကြောင်း"#မြန်မာနိုင်ငံသားတစ်ယောက် ဖြစ်ပါလျက်နိုင်ငံ့အရေးကို စိတ်မ၀င်စား၊ ကိုယ်နဲ့မဆိုင်သလို နေပြီး ဘ၀ကို ဖြတ်သန်းနေသူတို့အတွက် ဆရာကြီး မင်းသု၀ဏ်ရဲ့ ကဗျာလေး....
"၀မ်းနည်းပါကြောင်း"
*********************
လမ်းဖောက်တော့ သူမပါ
လမ်းပြင်ရာ သူမရောက်
ဖြောင့်ဖြူးစွာ လမ်းပြေချောတော့
ကျော့ကျော့လေးလျှောက် ။
ကန္တူးရာ သူမပါ
ကန်ပြင်ရာ သူမရောက်
မြကန်သာ ရေကြည်သန့်မှ
ခန့်ခန့်လေးသောက် ။
ပန်းစိုက်ရာ သူမပါ
ပေါင်းသင်ရာ သူမရှိ
ပန်းပေါင်းစုံ သင်းကြူမွှေးတော့
ရွေးပန်ချင်၏ ။
ရပ်ရွာရေး ဆွေးနွေးရာ
ဖယ်ရှောင်ခွာ သူမရော
သူထင်ရာ မြင်အတွေးနဲ့
ဘေးထိုင် ဘုပြော ။
လူ့ဘ၀ ခဏတာ
မြင့်မြတ်စွာ လူဖြစ်ခိုက်မှာပေါ့
လူပီစွာ ကိုယ့်အမျိုးတွက်
ကြိုးလိုက်စမ်းပါ ။
သိလျက်နဲ့ သွေရှောင်ခွာ
ဝေဖန်ကာ အမြင်စောင်း
မူမမှန် တယူသန်အတွေးတွေနဲ့
ကလေးလို အရေးဆိုကြမ်းတော့
၀မ်းနည်းပါကြောင်း ။
ဆရာကြီးမင်းသု၀ဏ်
No comments:
Post a Comment