ကျွန်တော်တို့ဘဝမှာ တကယ်မေ့မရဘဲ
အတင်းအကျပ်မေ့ချင်ယောင်ဆောင်ထားတဲ့ သူတစ်ယောက်ရှိမှာပါ
ရင်ထဲမှာရော ဘဝထဲမှာရော မရှိတော့ပါဘူးလို့
ကိုယ့်ကိုယ်ကို လိမ်ညာထားပေမယ့် နက်နက်ရှိုင်းရှိုင်း တစ်နေရာမှာ
တိတ်တိတ်လေး ခိုးသိမ်းထားတဲ့ ကံ့ကော်ပွင့်ခြောက်လေးပေါ့
ကျွန်တော်က တယ်လီပသီကို ယုံတယ်
ချစ်ခြင်းမေတ္တာကိုလည်း သက်ဝင်တယ်
Unknown Call တွေနဲ့ ပတ်သက်ပြီး ကစဉ့်ကလျားသီအိုရီကို လက်ခံတယ်....။
နှစ်ကာလတွေ ကြာသွားတဲ့အထိပေါ့
သူအဆင်မပြေတဲ့အခါ ကျွန်တော့်ဆီ ဖုန်းခေါ်မှာပါဆိုတဲ့ စိတ်နဲ့
ရင်ဘတ်ကို ဖွင့်ထားဉီးမှာ......။
@@@@@@@@@@
မိုးတွေရွာတဲ့အခါ
နှင်းတွေကျတဲ့အခါ
ရွက်ဝါတွေ ကြွေတဲ့အခါ
တစ်ယောက်ယောက်ကို စူးစူးနစ်နစ်သတိရပစ်ဖို့ပေါ့....
ခင်ဗျားတို့လည်း အကျအရှုံးများတဲ့ ချစ်ခြင်းမေတ္တာနဲ့ လွဲပါစေပေါ့....။
#စပ်ခွန်ဇ
#ခင်ဗျားကို ကျွန်တော်ချစ်တယ်......
မိုးငွေ့
No comments:
Post a Comment