မီ.....

မကြာသေးခင်ကမှ ဆရာမကြီးကြည်အေးရဲ့ “မီ”ကို ကျွန်မဖတ်ပြီးတော့မှ ဒီဝတ္ထုကို ဒါရိုက်တာဏကြီး ကိုယ်တိုင် ဇာတ်ညွှန်းရေးပြီး ရိုက်နေပြီဆိုတာ သုသုရဲ့ Instagram မှာ ပုံတွေတက်လာတော့မှ သိရတာ...။ You tube မှာ “မီ” နဲ့ပတ်သက်တဲ့ ဇာတ်ကားရိုက်ကူးရေး အင်တာဗျူးတွေကို သွားရှာကြည့်တော့ .....“မီ”ကို စာအုပ်ထဲကအတိုင်း အတတ်နိုင်ဆုံး ဆရာမကြီးရဲ့လက်ရာမပျက်စေဘဲ ရိုက်ကူးပြင်ဆင်ထားကြတာကို တွေ့ရတယ်..။  အဲဒီဖက်ခေတ်ရဲ့အပြင်အဆင် မိတ်ကပ်နဲ့ Custom Designer ဇာတ်ကောင်တွေရဲ့ အပြောအဆို အနေအထိုင်တွေကို အသေးစိပ် လုပ်ထားတာလည်းတွေ့ရတယ်...။ အဓိက သရုပ်ဆောင်ဖြစ်တဲ့ ပိုင်ဖြိုးသုကလည်း အချိန်အကြာကြီးယူပြီး မီနေရာမှာ သရုပ်ဆောင်တာမဟုတ်ဘဲ သူကိုယ်တိုင် “မီ”ဖြစ်သွားအောင် လေ့ကျင့်အသက်သွင်းထားတာ တွေ့ရတော့ အခါတိုင်း ခပ်ပေါ့ပေါ့ ခပ်ပေါပေါ မြန်မာကားတွေထက် အပုံအများကြီးသာမယ့် ကားတစ်ခုဖြစ်မယ်ဆိုတာ “မီ” ဇာတ်ကားဖြစ်မြောက်မယ့် တဖွဲ့သားလုံးရဲ့  ကြိုးစားမှုကိုကြည့်တာနဲ့ သိသာပါတယ်...။  ခံစားနေရတဲ့ အဆုတ်ဝေဒနာကြောင့် လောကကြီးကို အရွဲ့တိုက်ပြီး စီးကရက်တွေသောက် ယောက်ျားတွေ ထည်လဲတွဲပြီး ထင်ရာစိုင်းနေတဲ့ “မီ”ကို ဆရာမကြီးကြည်အေးရဲ့ စာအုပ်ပါးလေးထဲမှာ ကတည်းက ကျွန်မက သဘောကျနေတာ...။ အခုတော့ မီကို ရုပ်လုံးမြင်ရမယ့် အရေးမှာ ရင်ခုန်နေမိပြီ...။ ဒီကားလေးရုံတင်ရင် မပျက်မကွက်သွားကြည့်ဖို့ တို့ထားတယ်...။

မိုးငွေ့