ရောက်ရာပေါက်ရာလေးတွေ

ခုတလော ကျန်းမာရေးကသိပ်မကောင်းတော့ အသစ်လည်းမတင်ဖြစ်သလို သူများတကာတွေဆီကိုလည်း အလည်မသွားနိုင်ဘူး...။ အလည်ရောက်ခဲ့တာတောင်မှာ ကော်မန့်မပေးခဲ့နိုင်ပြန်ဘူး....။ အသစ်တင်ချင်တယ် ကိုယ်က ဒီနေရာလေးနဲ့ အသက်ရှင်နေရတာ....။ draft ထဲမှာတော့ တိုးလို့တန်းလန်းပို့စ်တွေအများကြီး... ဘယ်ဟာမှလက်စမသတ်နိုင်တော့ တင်မရဘူးဖြစ်နေတယ်...။ စာမရေးဘဲ အချောင်ခိုပြီး ပုံချည်းတင်မယ်လုပ်တော့လည်း လိုင်းမကောင်းလို့ ဒေါင်းလုတ်မဆွဲနိုင်ပြန်ဘူးဗျာ...။ တကယ်ပါပဲ....။ လူကလည်း ကယောင်ချောက်ချား.... သူများတွေအိမ်လည်ပြီး နာမည်မှားရေးလိုရေးခဲ့နဲ့....။ တလောကပဲ ကိုရဲစီဘောက်မှာသွားပြီး မောင်ဖြိုးဆိုပြီးရေးခဲ့တယ်...။ အမရေ မောင်ဖြိုးဘလော့က ဒါဒါဒါပါလို့ ကိုရဲကပြန်ရေးရတယ်...။ ဖြိုးမောင်မောင်နဲ့ကိုယ်က ဖဘမှာ ဘော်ဒါတွေ ... ဘလော့မှာသာကိုယ့်ကို သူက ဘယ်သူဘယ်ဝါမှန်းသိပ်မသိလို့ထင်တယ် စီဘောက်မှာသိပ်ပြီး လာမနောက်ဘူး...။ ကိုရဲကျတော့ ဘလော့မှာသိတယ်... ဖဘမှာ မသိဘူး...။ သူတို့ ကြောင်ဂိုဏ်းအဖွ့ဲကို နတ်သမီးဆီမှာ စသိတာ...။ ယောကျာၤးတွေဖြစ်ပြီး ကြောင်ချစ်တတ်တယ်ဆိုလို့ နဲနဲလေးအံ့အားသင့်သွားပါတယ်....။ ကိုယ်ကတော့ မိန်းမဖြစ်ပြီး ဘာအကောင်မှမချစ်တတ်တာလေ...။ ဒါနဲ့ ဖဘမှာ ကြောင်မောင်မျိုးကစပြီး ကိုနိုင် ကိုလတ် မောင်ဖြိုး သူတို့ကိုသိတယ်...။ တကယ်တမ်း သူတို့ ကြောင်အဖွဲ့က ခြောက်ယောက်လား ခုနှစ်ယောက်လား ရှိတယ်ပြောတယ်...။ ကိုနိုင်နဲ့ကြုံတော့ မင်းတို့ ကြောင်အဖွဲ့အကြောင်းပို့စ်လေးရေးစမ်းပါလို့ တောင်းဆိုထားသေးတယ်...။ လောလောဆယ်ထိတော့ ကိုမောင်လေးခေါ်ကိုနိုင်ထွဋ်တစ်ယောက် မျောလွင့်တိမ်နဲ့အတူ ဘယ်ကိုရောက်နေတယ်မသိ....။ တစ်ခုပြောရဦးမယ်.... မိုးငွေ့ဘလော့မှာ ဒီနှစ်ပိုင်းမှသာ မောင်နှမတွေစုံစုံလင်လင်ကို ဘလော့ရိုးလ်မှာ လင့်တွေအကုန်ချိပ်ထားတာ ကိုယ်သိသမျှသူတွေအကုန်နီးပါးပါပဲ....။ ဘလော့ဂါအသစ်တွေကလည်း များလာတယ်သလို နာမည်ဆင်တူတွေကလည်း သိပ်များနေတယ်....။ ကိုညီလင်းသစ် နာမည်နဲ့ခပ်ဆင်ဆင် ညီရဲသစ်တဲ့ အလင်းသစ်၏နေ့စွဲများတဲ့ ဟော....ကိုလတ်ကျပြန်တော့ အမှောင်ထဲကအလင်းစက်များ ကိုရဲဘလော့ကျတော့ အမှတ်တရနေ့စွဲများတဲ့ မဝါကျတော့ အမှတ်တရလေးများတဲ့...။ အဲသလို ဆင်တူလေးတွေဖြစ်နေလို့ သူတို့ဘလော့ဘေးမှာ လင့်ချိပ်ရင် နာမည်လေးတွေကိုပါကောက်ထည့်ရတယ် မဟုတ်ရင် အသစ်တက်လာတာနဲ့ ဒါကဘယ်သူဘယ်ဝါဆိုတာ မနည်းဖမ်းနေရတယ်...။ လူက ခေါင်းသိပ်မကောင်းချင်တော့ဘူး...။ ဘာပဲဖြစ်ဖြစ်ပါ ကိုယ်နေမကောင်းတုန်းလူနာလာမေးကြသူတွေရော သတိတရရှိနေတဲ့သူတွေရော မရှိတဲ့သူတွေရော အားလုံးကို ကျေးဇူးအများကြီး အများကြီးတင်ပါတယ်လို့..........။ အော်...ပြောဖို့ကျန်သွားတယ်.... နေမကောင်းလို့လားမသိဘူး အိန်ဂျယ့်ကိုပိုလွမ်းနေမိတယ်... သူကတော့ သူ့အလုပ်နဲ့သူအမြဲရှုပ်နေလို့ ကိုယ့်ကိုတောင်သတိရမယ်မထင်ဘူး....။ 

မိုးငွေ့