မိန်ရာသီ၏အိန်ဂျယ်....

နှင်းစက်မြူခိုးတွေအဆုံး

ဆောင်းအကုန်နွေအကူးမှာ

ရာသီစက်ဝန်း ဆယ့်နှစ်ခုမြောက်

မိန်ရာသီ ကာလတစ်ခု ပေါက်ခဲ့ပြီပေါ့ ။

ဒီအချိန်ဆို ကောင်းကင်ပြင်

ရာသီခွင်၌ ငါးနှစ်ကောင်

နက္ခတ်တို့ ပျော်မြူး

အိန်ဂျယ်လ်ဆီ

အခေါ်ထူးကြပေလိမ့်မည်။

လေရူးတသုန်သုန်မို့

နွေဦးကို အကြိုထောက်တယ် ထင်ပါ့

စံပယ်ရုံ သင်းရနံ့တွေနဲ့တင်

ရက်တွေတိုင်းက မွေးပျံ့လှတယ်။

ကြယ်တို့ဧ။် စီးဆင်းခြင်းမျိုး

မြစ်တို့ဧ။် လွင့်မျောမှုမျိုးနှင့်

အိန်ဂျယ်တို့ ဖြစ်ထွန်းရာ

ဤကမ္ဘာမြေဟာလည်း

ချစ်သင်္ကေတတို့ ထုံမွှမ်း

သစ္စာတွေ စုရုံးခဲ့ကြပြီ။

ကဗျာလို နူးညံ့ခြင်းမျိုး

လေပြေလို သန့်စင်ခြင်းမျိုးနှင့်

ရှင်သန်ရာ သူတို့ဧ။်

ရာဇဝင်သည်လည်း လင်းမြနေခဲ့ပြီ။

ဖြတ်သန်းခဲ့ရာ

မိုင်တိုင်တိုင်း

သူတို့ ခရီးပေါက်မှုကို ပြသခဲ့ပြီ။

လျှောက်လှမ်းရာ

ရောင်နီတိုင်းသည်လည်း

အားအင် ပြည့်စွာ

ရုန်းကြွနေလိမ့်မည်။

ဤသို့ဆိုလျှင်

ယနေ့၌ ကျရောက်သော

မွေးနေ့မှစ၍

နောင် နှစ်ပေါင်းများစွာတိုင်

ဆောင်ယူရာ

သတင်းတိုင်း

လေပြေလို အေးလို့

ပန်းခိုင်လို မွှေးလို့

ရေကြည်လို အေးမြပါစေသား ...။

ညလင်းအိမ်

(၁၇.၃.၂၀၁၁ မှာ ကျရောက်သော မမီး (မမိုးငွေ့) နှင့် ကြယ်တွေနဲ့ စံပယ်ကို မြတ်နိုးသူ တစ်ယောက် အတွက် ဤကဗျာလေးကို ရေးဖွဲ့ပါသည်)

မောင်လေးကိုတူးမွေးနေ့လက်ဆောင်ပေးတဲ့ ကဗျာလေးပါ....။ အိန်ဂျယ်ဆိုတာလေးပါလို့ သိပ်ကို သဘောကျပါတယ်....။ ကျမကစိတ်ကူးယဉ်နတ်သမီးလေးကိုး မဟုတ်လား....။ ကျေးဇူးတင်ပါတယ် ကိုတူးရေ...။ တကယ်တော့ကျမမွေးနေ့ကို သူဘာကြောင့်မှတ်မိနေသလဲဆိုတာ လျှို့ဝှက်ချက်ကလေးတစ်ခု ရှိနေတယ် သိချင်ရင်တော့ ညလင်းအိမ်ဘလော့ဂ်မှာသွားပြီး စုံစမ်းမေးမြန်းနိုင်ပါကြောင်း ကြေငြာမောင်းခတ်အပ်ပါသည်ပေါ့....။