“ပုလင်းထဲက နတ်သမီး .... ပုလင်းထဲက နတ်သမီး” ဆိုပြီး သီချင်းတွေထဲမှာဆိုတာ ခဏခဏ ကြားဖူးနေတယ်....။ ချစ်စရာကောင်းတဲ့ အတောင်ပံလေးနဲ့ လင်းလက်နေမယ့် နတ်သမီးလေးကို ကြည်လင်တဲ့ ဖန်ပုလင်းတစ်လုံးထဲမှာ ရှိနေတာကို မျက်လုံးထဲ မြင်ယောင်မိပါတယ်...။ အိန်ဂျယ်ဆိုတာ တကယ်တမ်းတော့ နတ်သမီးရယ်လို့ အဓိပ္ပါယ်သက်ရောက်တာ မဟုတ်ပါဘူုး...။ ဘုရားသခင်ရဲ့ တမန်တော် messenger တွေကိုလဲ အိန်ဂျယ်လို့ခေါ်ပါသေးတယ်...။
ကိုယ့်ရဲ့ အိန်ဂျယ်လေးကိုလဲ အတောင်ပံတပ်ပြီး ...အဲလို ဖန်ပုလင်းလေးထဲထည့်ထားရင် သိပ်ကောင်းမယ်လို့ တွေးမိတယ်...။ “ဟာဗျာ.....ဘယ်ဖြစ်မလဲ ဖန်ပုလင်းထဲမှာ အသက်ရှူကြပ်မှာပေါ့”တဲ့...။ သူ့ကို ကိုယ်ချက်ချင်းလက်တန်းပုံဆွဲပြတော့ ... သူတစ်ချက်စဉ်းစားသေးတယ်...။ ဖန်ပုလင်းထဲမှာ သူက texido ဝတ်စုံနဲ့ ကားရားလေး....။ ချစ်ဖို့တော့ကောင်းတယ်...ဟ..ဟ...။ “မမ..ရဲ့ ဖန်ပုလင်းက Air-con ပါလား”တဲ့...။ ကြံကြံဖန်ဖန် ကိုယ်က ဖန်ပုလင်းကို ဘယ်လိုလေအေးစက်တပ်ရမတုန်း....။ အိုကေ... ဒါဆို ပုလင်းအဆို့လေးကို ဖွင့်ထားပေးမယ် ...။ အသက်ရှူမကြပ်တော့ဘူးပေါ့... မဟုတ်လား...။ “မမ...ဖန်ပုလင်းကနှစ်ယောက် မဆန့်ဘူးနော်”လို့...သူက အထွန့်တက်သေးတယ်....။
ကိုယ်စိတ်ကူးရသွားတယ်...လာမယ့် Holloween ညကျရင် သူ့ကို ဘယ်သူမှမဝတ်ဖူးသေးတဲ့ အိန်ဂျယ်ဝတ်စုံလေး ထွင်ပေးမယ်..။ ကိုယ်...သူ့ဒီဇိုင်နာလုပ်ပေးမယ်...။ ကိုယ်ကတော့ ငွေရောင်ဆံပင် ဖိတ်ဖိတ်လက်...မျက်လုံးစိမ်းဖန့်ဖန့်နဲ့ ဖြူဆွတ်ဆွတ်အသားအရေ သေမင်းရဲ့ တမန်တော်လုပ်ရင် ကောင်းမလားလို့...။ “မမ..ကဘာလု့ိ အဲလိုကြောက်စရာကောင်းတဲ့ ဇာတ်ရုပ်ကိုကြိုက်ရတာလဲ တကယ်ဆို ကျနော့်ရဲ့ အိန်ဂျယ်လုပ်ရမှာလေ..”...။ သူဒီလိုပြောလိမ့်မယ်ဆိုတာ သိသားပဲ...။ “မင်းအတွက်... နတ်သမီးမမွေးသေးဘူး” “မင်းသိပ်လိုချင်ရင်တော့ ကိုယ်ရှာပေးမယ် မင်းအတွက် သိပ်လှတဲ့ နတ်သမီးပိစိကွေးကလေး”...။ “ကျနော် ဒီလောက်ဆိုးတာ... အိန်ဂျယ်တွေနဲ့လဲမထိုက်တန်ပါဘူး”..“အိုးးး ဘာလို့ အဲလိုတွေးသလဲ...လူလူချင်း မထိုက်တန်ဘူးဆိုတာ မရှိဘူး... မင်းကလိမ္မာတာပါ...ကိုယ့်ကိုယ်ကို ဆိုးတယ်လို့ သိလိုက်ကတည်းက လိမ္မာပြီးနေပါပြီ”...။ ကိုယ့်အိန်ဂျယ်လေးက ကိုယ်နဲ့စကားပြောရင် တခါတခါ အဲလိုလေး အားငယ်စိတ်ဝင်တတ်သေးတယ်..။ ဘယ်ဖြစ်မလဲ ကိုယ်ကတော့ ကိုယ့်အိန်ဂျယ် အမြဲတက်ကြွ လန်းဆန်းနေတာမျိုးပဲ မြင်ချင်တယ်...။ ဒါကြောင့် ကိုယ့်ဘေးနားမှာရှိနေသည် ဖြစ်စေ... အဝေးတစ်နေရာကို ရောက်နေသည်ဖြစ်စေ... အိန်ဂျယ်လေး အားဖြစ်စေမယ့် စကားမျိုး အပြုအမူမျိုး အကြည့်မျိုးပဲပေးတတ်တာ...။
ကိုယ့်ရဲ့ အားပေးစကားသံတွေဟာ... သူ့အတွက် အမြဲတမ်းခွန်အားဖြစ်စေသလို... ကိုယ့်ရဲ့လက်ချောင်းတွေဟာ လည်း... သူ့ကိုနွေးထွေးမှုအပြည့်အဝပေးစွမ်းမယ်...။ နောက်ဆုံး... ကိုယ့်အကြည့်တွေက တစ်ဆင့် အလင်းဓါတ်တွေဟာ အိန်ဂျယ်ရဲ့ အတောင်ပံတွေကို လိုရာခရီးရောက်အောင် တွန်းပို့ပေးဦးမှာပါ...။
ရှူးတိုးတိုးးး... ကျေးဇူးပြုပြီး အိန်ဂျယ်ကို သွားမပြောကြပါနဲ့နော်...။ ကိုယ်ဘာကြောင့်သူ့ကို ဖန်ပုလင်းထဲ ထည့်ထားချင်သလဲဆိုတာ......။
မိုးငွေ့
2 comments:
မွားေနျပီ...ခုအိန္ဂ်ယ္က ကိုယ္မဟုတ္ဘူး...သူကသာ ကိုယ့္ရဲ႔အိန္ဂ်ယ္...
အိန္ဂ်ယ္ေရ...ကိုယ္တို႔ကိုေတာ့ တိုက္ခိုက္မယ့္သူေပၚေနျပီ...သတိ သတိ..
Post a Comment