အချစ်ဆိုတာ သိပ်ဆန်းကြယ်တယ်.....။ မယုံနိုင်စရာကောင်းလောက်အောင်ဆန်းကြယ်တယ်...။ လူတစ်ယောက်က သူ့အချစ်ဘယ်မှာရှိတယ်ဆိုတာ ကိုယ်တိုင်သိဖို့ မလွယ်ဘူးလေ...။ ဟောဒီ....မိုးကောင်းကင်အောက်မှာ....ရွေးချယ်မှုနဲ့ ရလာနိုင်သမျှအရာအားလုံးထဲမှာ အချစ်မပါဘူး...။ အချစ်ဆိုတာ ရွေးချယ်ယူလို့မရဘူး...။ တစ်ချိန်မှာ... ချစ်တတ်လာတဲ့ တစ်ချိန်ချိန်မှာတော့ ရိပ်မိသိရှိလာကြမှာပါ..။
@@@@@@@@@@@@@@@@@@@@
တဂ်ပို့စ်တွေမရေးရတာကြာပြီပဲ...။ ကိုယ့်ကိုတဂ်မယ့်သူကလဲ မသက်ဝေပဲလေ....။ ခုတစ်ခါ ခေါင်းစဉ်ကတော့ နည်းနည်း ဦးစားပြီ....။ အချစ်အကြောင်းရေးပေးပါတဲ့...။ ကျွန်မက ရိုမန့်ဆန်ဆန် စိတ်ကူးယဉ်ဆန်ဆန် ဇာတ်လမ်းလေးတွေရေးရတာကို ကြိုက်တတ်တယ်။ ပြီးတော့... ကျွန်မရေးတဲ့စာတွေက တကယ့်လက်တွေ့ဘ၀မှာ သိပ်ပြီးအကျုံးမ၀င်တဲ့ စိတ္တဇဆန်ဆန်လိုဟာမျိုး...။ ခုလို လက်တွေ့ကျကျ အချစ်အကြောင်းရေးရမယ် ဆိုတော့ နည်းနည်းကြောက်မိတယ်...။ ဘယ်လိုပဲဖြစ်ဖြစ် ရေးတော့ရေးကြည့်မယ်ကွယ်...ပေါ့....။ ကိုယ့်အစ်မတဂ်လာသမျှကို ဘာခေါင်းစဉ်မဆို ရေးချင်နေမိတာကိုး...။ ခုလဲ ဆရာမမေငြိမ်းနဲ့ မသက်ဝေဘလော့ဂ် အခြားအခြားသောအတဂ်ခံထားတဲ့ ဘလော့ဂ်တွေဆီ သွားလေ့လာကြည့်တယ် သူတို့ဘာတွေရေးသလဲ ...။ ဘယ်လိုရေးကြသလဲပေါ့...။ သေချာတာကတော့ အချစ်အကြောင်းရေးရာမှာ အတွေးအမြင်တွေက လူအယောက်တစ်ရာမှာတောင် တစ်ယောက်နဲ့တစ်ယောက်တူဖို့က မဖြစ်နိုင်ဘူးလေ....။ ခေတ်အဆက်ဆက် အချစ်ဆိုတဲ့ ဝေါဟာရကိုဘယ်လို ဒဿနာပညာရှင်တွေကမှ တိတိကျကျ အဓိပ္ပါယ်မဖွင့်နိုင်ခဲ့တာပဲလေ...။ ဒီတော့ ကျမတို့တစ်ဦးချင်းတွေမှာ ခံစားနားလည်ထားတဲ့ အချစ်ကို ခုလိုမျှဝေခွင့်ရတာ ပျော်စရာတော့ ကောင်းပါတယ်....။
လူရယ်လို့ဖြစ်လာရင် မွေးကင်းစကလေးကနေ သေဆုံးသွားသည့်တိုင် အချစ်ဆိုတာကိုတော့ ခံစားဖူးခဲ့ကြတာချည်းပါပဲ...။ မွေးကတည်းကနွေးထွေးတဲ့ မိခင်ရဲ့အချစ်မေတ္တာကို စပြီးရကြတယ်....။ နောက်တော့ ကိုယ်ဖြတ်သန်းရတဲ့ ဘ၀တစ်လျှောက်မှာလည်း... အချစ်ကိုတော့ ကြုံဆုံရတာပါပဲလေ....။ ငယ်ရွယ်စဉ်မြီးကောင်ပေါက်အရွယ်မှာ စိတ်လှုပ်ရှားလို့ဖြစ်ပေါ်လာတဲ့ ခံစားမှုမျိုးနဲ့..... တကယ်နက်နက်နဲနဲ အချစ်ကိုသိလာရတဲ့အရွယ်.... ပြီးတော့ အဲဒီအရွယ်ကို ကျော်လွန်ပြီးချိန်မှာတော့ အချစ်ကို ပုံစံသဏ္ဍန်အမျိုးမျိုးနဲ့ ပိုပြီးလွတ်လပ်စွာခံစားသိမြင်လာရတယ်...။ ကျွန်မအနေနဲ့ပြောတာပါလေ.... ကျွန်မက စိတ်ကူးအင်မတန် ယဉ်တတ်သူမျိုးကိုး...။
ကျွန်မကြုံခဲ့ဖူးတဲ့ အချစ်ကို အရောင်လေးတွေနဲ့တင်စားရမယ်ဆိုရင်.... ဟိုးးး ငယ်ရွယ်စဉ်က တွေ့ခဲ့ဖူးတဲ့အချစ်ဟာ ပန်းနုရောင်လေးနဲ့တူတယ်....။ သူက အပူပင်ကင်းတယ် တက်ကြွလန်းဆန်းတယ်... ဘာအစွန်းထင်းမှမပါဘူး...။ လွတ်လပ်ပေါ့ပါးတယ်.....။ အသက်နှစ်ဆယ်ကျော်ကျော်မှာ တွေ့ရတဲ့ အချစ်ကျတော့ အညိုရောင်နဲ့တူတယ်....။ သူက သဘာဝဆန်တယ်.... လက်တွေ့ကျတယ်....တည်ကြည်တယ်......။ အသက်ရွယ်ရွယ်အချိန်မှာတော့ ကျွန်မက အချစ်ကို အဖြူရောင်လေးနဲ့ နှိုင်းယှဉ်ချင်ပါတယ်.....။ ဟုတ်တယ်..... အဖြူရောင်ဖွေးဖွေးနဲ့ ဘာမှအပြစ်မရှိတဲ့ အသန့်ရှင်းဆုံးအရောင်ကလေး......။ ရင့်ကျက်တည်ငြိမ်တဲ့ တောအုပ်စိမ်းညို့ညို့ အရောင်မှာ အဖြူရောင်လေးဟာ ဘယ်ချိန်ကြည့်ကြည့်အမြဲတမ်း ပေါ်လွင်နေတာပါ.....။ အချစ်ဟာ.... အမြဲပြုံးပျော်မြူးတတ်တဲ့ အဖြူရောင်ကလေး.....။ အချစ်မှာတောက်ပတဲ့ အကြည့်တွေလဲရှိတယ်..။ ဖြူစင်တဲ့ စိတ်ကလေးလဲပိုင်ဆိုင်ထားတယ်...။ အချစ်ဟာ အမြဲအလုပ်ရှုပ်နေတတ်လို့ သူနဲ့ ဆုံဖို့ဆိုတာ သိပ်မလွယ်လှဘူး...။ အချစ်ဟာ အဖြူရောင်ပ၀ါစလေးလိုပဲ လေထဲလွတ်လပ်စွာ ၀ဲလွင့်နေတယ်....။ တစ်ခါတစ်ခါ အချစ်ဟာနီးနီးလေးလို့တွေးမိတဲ့အခါ ချိုမြမြပျားရည်စက်လိုပဲ အဝေးကြီးလို့တွေးမိချိန်တော့ နာနားကျည်းကျည်းခါးသီးလှတယ်...။ အချစ်ကို ဒီလောက်လေးပဲ ကျွန်မချပြနိုင်ခဲ့တယ်.....။ တကယ်တော့ အချစ်ဆိုတာ ခံစားသိရှိရတာမျိုးလေ... ရေးပြဖို့ကျ စကားလုံးတွေ မလုံလောက်ဘူးထင်ပါတယ်....။
အချစ်ဟာ နွားနို့တစ်ခွက်မဟုတ်တဲ့ အတွက် ချဉ်သွားမှာ သိုးသွားမှာကို မစိုးရိမ်ရပါဘူး...။ အချစ်ယောင်ဆောင်တဲ့ မက်မောတွယ်တာမှုတွေတော့ အချိန်လွန်ရင် သိုးကုန်လိမ့်မယ်...။ အချစ်ကို တစ်ယောက်ကိုတစ်ယောက်ပေးလို့ယူလို့လဲမရဘူး.... တစ်ယောက်ကိုတစ်ယောက်ခံစားလို့သာရတယ်...။ န်ီးလဲသပ်နီးမလာခဲ့ဘူး...။ ဒါကြောင့်ဝေးသွားမှာကိုလဲ မပူပင်ရဘူး...။ အချစ်မှာ အချစ်ပဲပါတယ်...။ လိုက်လျောမှုတွေပါဝင်ပေမယ့် အဲဒါဟာ တာဝန်ကြောင့် လိုက်လျောတာမဟုတ်ဘူး.... အချစ်စိတ် သက်သက်နဲ့ လိုက်လျောတာဖြစ်တယ်...။ မြတ်နိုးခြင်းသက်သက်နဲ့ လိုက်လျောတာဖြစ်တယ်...။ စောင့်ရှောက်မှု ပါဝင်ပေမယ့်လဲ အဲဒါဟာ တာဝန်ကြောင့် မဟုတ်ဘဲ အချစ်စိတ်သက်သက်၊ ယုယစိတ်သက်သက်ကြောင့် စောင့်ရှောက်တာပဲ...(ဆရာမဂျူးရဲ့ စာပိုဒ်လေးပါ)
မိုးငွေ့
11 comments:
လှလိုက်တဲ့ မမိုးရဲ့ အချစ်အကြောင်းလေး
အချစ်ကို ခိုင်းနှိုင်းထားတာလေးက အဖြူရောင်ဆိုတာလေးလဲ သဘောကျတယ် အဖြူရောင်က ဘယ်မှာဘဲရောက်နေနေ ပေါ်လွင်နေမှာပါဘဲနော်..
အဖြူရောင်အချစ်တွေကြားမှာ အမြဲတမ်းပျော်မွေ့ပါစေ မမိုးရေ...
တကယ်တော့ အချစ်ဆိုတာ ခံစားသိရှိရတာမျိုးလေ... ရေးပြဖို့ကျ စကားလုံးတွေမလုံလောက်ဘူးထင်ပါတယ်....။
သေချာတာပေါ့ ညီမမိုးငွေ့ရယ်...နုညံ့တဲ့ ညီမမိုးရဲ့ အချစ်အကြောင်းလေ.....ကြည်နူးစရာ.....:)
အချစ်ဆိုတာ ဆန်းကြယ်တယ်... အင်း.. ဟုတ်တယ်နော်... ဆန်းကြယ်တယ်...။
အချစ်ကို အရောင်လေးနဲ့ ခွဲပြီး ပြောပြသွားတာလေး သဘောကျတယ်... ဖြူစင်လှပတဲ့ ချစ်ခြင်းနဲ့အတူ ရာသက်ပန် ကြည်မွေ့နိုင်ဖို့ ဆုတောင်းတယ် ညီမလေး...
တက်ဂ်ပိုစ့်လေး ရေးပေးတာ ချစ်ခင် ကျေးဇူးတင်လျက်... နောင်ကိုလဲ မပျက်မကွက် ဆက် ဆက် တက်ဂ်ပါအုံးမယ်...း))
အချစ်မှာအချစ်ဘဲပါတယ်... ဟုတ်တယ်... အဖြူရောင်အချစ်ဟာ ဘာအရောင်မှရောလို့မရဘူး... သူ့ဟာသူသန့်သန့်လေး.... :)
အခြစ် ဆိုတာ စူးရှတယ်တဲ့ ဟုတ်တယ်ဗျာ အခြစ်ဆိုတာ သဘောင်္သီးခြစ်လိုပဲ စူးတယ် ရှတယ် ထိမိရင် လက်သွေးထွက်တယ်း))))) ဟီးဟီး
အဲ..
ဗညား...
သူများက Mood အပြည့်နဲ့ရေးထားတဲ့ဟာကို နောက်စရာလား..
ပြန်လာခဲ့...Mood အပြည့်နဲ့ပြန်ရေးပေးလိုက်..။
“အချစ်ဟာ အဖြူရောင်လေး” နဲ့တူတယ်လို့ တင်စားသွားတဲ့ မမိုးတယောက် အဖြူရောင် မေတ္တာများကြားမှာ ပျော်ရွှင်ပါစေနော်...
မမိုးငွေ့ ဖွင့်ဆိုတဲ့ အချစ် အကြောင်းလေး လာဖတ်တယ်။ အသက်အရွယ် အလိုက် ခွဲခြားပြီး အချစ်ကို အရောင်လေးတွေနဲ့ တင်စားထားတာ ကြိုက်တယ်။
မိုးငွေ့ဖွင့်ဆိုတဲ့အချစ်က အေးမြတယ်။ ခံစားသိရှိ စကားလုံးတွေနဲ့ ချည်နှောင်သီဖွဲ့ထားဖို့မလိုတဲ့ အချစ်..။
း)
မိုးငွေ့ရဲ့ အချစ်ကို မလေး လာခံစားသွားတယ်ကွယ်..
တစ်ခါတစ်ခါ အချစ်ဟာနီးနီးလေးလို့တွေးမိတဲ့အခါ ချိုမြမြပျားရည်စက်လိုပဲ အဝေးကြီးလို့တွေးမိချိန်တော့ နာနားကျည်းကျည်းခါးသီးလှတယ်...။ ထပ်တူထပ်မျှပါပဲ မမီးရေ.. ဒါပေမယ့် အချစ်ဆိုတာ ထပ်ပြီး ပေါက်ဖွားရှင်သန် နိုင်တာမျိုးလာဟင်..
Post a Comment