အစားသောက်နှင့်ကင်ဆာ......

ညီမ မဒမ်ကိုး ဒီတဂ်ပို့စ်လေးရေးခိုင်းတာကြာပြီ...။ ဒီလို ဆေးပညာပေးစာမျိုးက ရေးနေကျမဟုတ်တော့ အခက်တွေ့နေတာပေါ့...။ ဒါကြောင့် မီးဖိုချောင်နဲ့ပတ်သက်တဲ့ပို့်စ်တွေ ရေးနေတဲ့ ကျွန်မအတွက် အစားအသောက်ပုံလေးနဲ့ ဆောင်းပါးအကိုးအကားလေးနဲ့ပဲ ရေးတတ် သလိုမျိုး ရေးဖို့ ဆုံးဖြတ်လိုက်ပါတယ်...။

အရင်ဦးဆုံး ကင်ဆာဖြစ်ပွားရတဲ့ အကြောင်းအရင်းကို ဗဟုသုတအနေနဲ့ ပြောပြချင်ပါတယ်...။ စက်တင်ဘာ ၂၉ ရက်နေ့ထုတ် ကြေးမုံသတင်းစာမှာပါတဲ့ ဓါတ်ရောင်ခြည်ဆေးကုဌာန၊ ရန်ကုန်ပြည်သူ့ဆေးရုံကြီးက ပါမောက္ခဦးစိုးမောင် ရေးသားဖော်ပြထားတဲ့ “ကင်ဆာအကြောင်းသိကောင်းစရာ” ဆိုတဲ့ ဆောင်းပါးလေးကို ပြန်လည်ဖော်ပြချင်တာပါ..။ 

ကင်ဆာဆိုသည်မှာ အဘယ်နည်း-

ခန္ဓာကိုယ်အတွင်းရှိဆဲလ်များ ထိန်းချုပ်မှုကင်းမဲ့စွာ ကြီးထွားလာခြင်း အကြောင်းအရင်းများစွာ၏ အကျိုးတရားတစ်ခုဖြစ်ပြီး တစ်နေရာတွင် စတင်ဖြစ်ပွားကာ ခန္ဓာကိုယ်အရပ်ရပ်သို့ ပျံ့နှံ့ရောက်ရှိနိုင်သည်။ အရပ်အခေါ် မြစ်ပွားနာဟုခေါ်သည်။

• ကင်ဆာဖြစ်ရသည့်အကြောင်းအရင်းများ
• မျိုးရိုးဗီဇ
• နေရာင်ခြည်နှင့်အခြားဓာတ်ရောင်ခြည်များ
• ဓာတုဗေဒပစ္စည်းများ
• ရောဂါဖြစ်စေသော ပိုးမွှားများ
• ဟော်မုန်းဓာတ်ဆေးဝါးများ
• နေထိုင်မှုအကျင့်စရိုက်များဖြစ်သော ဆေးလိပ်သောက်ခြင်း၊ ဆေးရွက်ကြီးငုံခြင်း၊ ကွမ်းစားခြင်း၊ အရက်သောက်ခြင့်နှင့် ကိုယ်လက်လှုပ်ရှားမှုနည်းပါးခြင်းတို့ကြောင့်ဖြစ်နိုင်သည်။

မျိုးရိုးဗီဇကြောင့်ဖြစ်ပွားလေ့ရှိသော ကင်ဆာများမှာ

• ရင်သားကင်ဆာ
• အူမကြီးကင်ဆာ
• ဆီးကျိတ်ကင်ဆာနှင့်
• ကလေးများတွင်ဖြစ်သော မျက်လုံးကင်ဆာတို့ဖြစ်သည်။

ရောင်ခြည်နှင့် အခြားဓာတ်ရောင်ခြည်များကြောင့်ဖြစ်သော ကင်ဆာများမှာ

အရေပြားကင်ဆာများဖြစ်ပြီး ပြင်းထန်သော နေရောင်ခြည်ကြောင့်ဖြစ်ပွားနိုင်သည်။ အရေးပြားကင်ဆာသည် အနောက်နိုင်ငံများတွင် ပိုမိုဖြစ်ပွားသည်။ စောစီးစွာသိရှိပါက ခွဲစိတ်ကုသမှုတစ်ခုတည်းဖြင့် ပျောက်ကင်းအောင်ကုသနိုင်သည်။

ကင်ဆာဖြစ်စေသောဓာတုဗေဒပစ္စည်းများမှာ

• အစားအသောက်များတွင် ပါဝင်သော ဆိုဆေးများ
• မီးကင်ကြပ်တင်ထားသောအစားအစာများ
• ကြာရှည်ခံအောင် ဆားဖြင့်စီမံထားသော အစားအစာများ
• ယမ်းစိမ်းဖြင့် ပြုပြင်ထားသော အစားအစာများ 
• မှိုတက်နေသော အစားအစာများဖြစ်သည်။

ပိုးမွှားများကြောင့်ဖြစ်သော ကင်ဆာများမှာ

• အသည်းရောင်ဘီဗိုင်းရပ်စ်ပိုးကြောင့်ဖြစ်ပွားသည့် အသည်းကင်ဆာ
• EBV ဗိုင်းရပ်စ်ပိုးကြောင့်ဖြစ်ပွားသော နှာခေါင်းနောက်ကင်ဆာ
• ခုခံအားကျဆင်းမှုဖြစ်စေသော ဗိုင်းရပ်စ်ပိုးကြောင့် ဖြစ်ပွားသည့် ပြန်ရည်ကျိတ်ကင်ဆာ
• HPV ဗိုင်းရပ်စ်ပိုးကြောင့်ဖြစ်ပွားသည့် သားအိမ်ခေါင်းကင်ဆာတို့ဖြစ်သည်။

ဟော်မုန်းဓာတ်ဆေးဝါးများကြောင့်ဖြစ်သော ကင်ဆာများမှာ

• ဆီးကျိတ်ကင်ဆာ
• ရင်သားကင်ဆာ
• သားအိမ်ကင်ဆာ

နေထိုင်မှုပုံစံများကြောင့်ဖြစ်သောကင်ဆာများ

• ဆေးလိပ်သောက်ခြင်းကြောင့် အဆုတ်ကင်ဆာရောဂါ
• ကွမ်းစားခြင့်၊ ဆေးရွက်ကြီးငုံခြင်း၊ အရက်သောက်ခြင်းကြောင့် ခံတွင်းနှင့် အစာမျိုပြွန်ဆိုင်ရာကင်ဆာရောဂါများ
• ဆိုးဆေးများ၊ ယမ်းစိမ်းများ၊ ဓာတုဗေဒပစ္စည်းများပါဝင်သော အစားအစာများ စားသုံးခြင်းကြောင့် အစာအိမ်နှင့် အူလမ်းကြောင်းဆိုင်ရာ ကင်ဆာများဖြစ်နိုင်ပါသည်။

ကင်ဆာမဖြစ်အောင်ကာကွယ်၍ ရနိုင်ပါသလား

ကာကွယ်၍ ရနိုင်ပါသည်၊ မျိုးရိုးဗီဇကြောင့် ဖြစ်သော ကင်ဆာများသည် ကင်ဆာအားလုံး၏ သုံးပုံတစ်ပုံသာဖြစ်သည်။ ကျန်သုံးပုံနှစ်ပုံမှာ နေထိုင်မှုအကျင့်စရိုက်ကြောင့် ဖြစ်သောကင်ဆာများဖြစ်ပါသည်..။ 

ကင်ဆာကိုဘယ်လိုကာကွယ်မလဲ

ကင်ဆာဖြစ်စေနိုင်သော အကြောင်းအရင်းများကို ရှောင်ကြဉ်ခြင်းသည် ကင်ဆာရောဂါကို ကာကွယ်ခြင်းဖြစ်ပါသည်။

• ဆေးလိပ် ဆေးရွက်ကြီး အရက် ကွမ်းစားခြင်းမှရှောင်ကြဉ်ခြင်း
• ကိုယ်လက်လှုပ်ရှားမှု ပုံမှန်ပြုလုပ်ခြင်း၊ အ၀လွန်ခြင်းမှရှောင်ကြဉ်ခြင်း
• ဆားဖြင့်စီမံထားသော အစာများ ကြပ်တင်ထားသောအစာများ ယမ်းစိမ်းဖြင့်ပြုပြင်ထားသော အစားများနှင့် အချဉ် သနှပ်များ အလွန်အကျွံစားခြင်းမှ ရှောင်ကြဉ်ခြင်း
• ကျန်းမာရေးနှင့် ညီညွတ်သော အစားအစာများစားသုံးခြင်း
• ပြင်းထန်သောနေရောင်ခြည်ကို ကြာရှည်စွာထိတွေ့ခြင်းမှ ရှောင်ကြဉ်ခြင်း
• တစ်လင်တစ်မယာစနစ် ကျင့်သုံးခြင်းနှင့် ကျန်းမာရေးစစ်ဆေးမှု ပုံမှန်လုပ်ခြင်းတို့ဖြစ်ပြီး ကင်ဆာရောဂါလဏ္ခာများကို တွေ့ရှိပါက နီးစပ်ရာ ကျန်းမာရေးဝန်ထမ်းများနှင့် တိုင်ပင်ဆွေးနွေးခြင်းတို့ကိုပြုလုပ်ပါ..။

ကင်ဆာရောဂါဖြစ်ပွားနိုင်သည်ဟု ယူဆရသော လက္ခဏာများ

• အချိ်န်အခါမဟုတ်ဘဲ သွေးဆင်းခြင်း အဖြူဆင်းခြင်း။
• လည်ပင်း၊ ချိုင်း၊ သားမြတ်၊ ပေါင်ရင်း စသည်တို့တွင် အလုံးအကျိတ်အခဲတွေ့ရှိခြင်း။
• ပျောက်သင့်သည့် အချိန်ကျော်၍ မပျောက်သောအနာများ။
• ၀မ်းဖြစ်စေ ဆီးဖြစ်စေသွားလေ့သွားထ ပြောင်းလဲလာခြင်း။
• အမြဲအသံဝင်လာခြင်း၊ အမြဲမပြတ် ချောင်းဆိုးလာခြင်း။
• အစာမျိုရတာ ခက်ခဲခြင်း အစာမကြေသလို မစားချင်သလို မကြာခဏဖြစ်ပေါ်လာခြင်း။
• ကိုယ်ပေါ်ရှိမှဲ့(သို့မဟုတ်) ကြွက်နို့၊ မွေးရာပါ အမှတ်များ ကြီးထွားလာခြင်း၊ သွေးထွက်ခြင်း၊ အရောင်ပြောင်းခြင်း။ 

ကင်ဆာရောဂါကို ပျောက်ကင်းအောင် ကုသ၍ ရနိုင်ပါသလား

အချို့ ကင်ဆာရောဂါများကို စောစီးစွာ သိရှိ၍ အချိန်မီ ထိရောက်စွာ ကုသမှုခံယူပါက ပျောက်ကင်းနိုင်ပါသည်။ ရောဂါအဆင့်လွန်မှကုသလျှင် ပျောက်ကင်းရန်မလွယ်ပါသဖြင့် မသိနားမလည်သူများ၏ ပြောစကားကို နားယောင်၍ ဆေးမြီးတိုများနှင့် မကုသင့်ပါ။ ရောဂါမလွန်သင့်ဘဲ လွန်စေတတ်ပြီး အသက်ဆုံးရှုံးရသည့်အဖြစ်ရောက်တတ်ပါသည်။ 

ကင်ဆာရောဂါ မည်သို့ကုသနိုင်ပါသလဲ

ကင်ဆာရောဂါကုသမှုများ၏ အဓိကရည်ရွယ်ချက်များမှာ

• ပျောက်ကင်းနိုင်သည့် ကင်ဆာရောဂါများကို အမြစ်ပြတ်ပျောက်ကင်းစေရန်
• မပျောက်ကင်းနိုင်သည့် အဆင့်ရှိ ကင်ဆာရောဂါသည်များအား သက်တမ်းပိုမိုကြာရှည်စွာနေထိုင်နိုင်ရန်

ကင်ဆာရောဂါလူနားများခံစားနေရသော ရောဂါဝေဒနာများ သက်သာစေရန်တို့ဖြစ်သည်..။

ဒီဆောင်းပါးလေးက အပြီးသတ်မဟုတ်သေးပါဘူး...။ နောက်နေ့တွေမှာဆက်လက်ဖော်ပြပါမယ်လို့ ရေးသားထားပါတယ်..။ ဒါလောက်နဲ့ဆို ကျွန်မတို့ နေ့စဉ်နေထိုင်မှုစနစ်ကို ကိုယ့်ဘာသာကို စနစ်တကျနေထို်င်စားသောက် သွားမယ်ဆို ကင်ဆာဆိုတဲ့ ရောဂါကနေ ကင်းဝေးသွားမှာပါ...။

အသီးစိမ်းစ်ိမ်းကလေးတွေက ခရမ်းကဆော့သီး ယိုးဒယားအုန်းနို့ဟင်းတွေမှာ အများအားဖြင့် ထည့်သုံးကြပါတယ်...။ အုန်းနို့ဟင်းမို့လို့ သူ့နဲ့တွဲစားရင်အကြောမတက်ပါဘူး...။ အရှေ့က ဒူးရင်းပေါက်လေးနဲ့တူတဲ့အသီးက ခွဲလိုက်ရင် ကင်းမုံသီးနဲ့တူပါတယ် သူ့ကိုတော့ငါးပိချက်ချက်သလိုပဲ ချက်စားရတာပါ အသီးနာမည်ကို မေးခဲ့တာ မေ့သွားလို့...။ ဟင်းခပေါင်သီးတဲ့ ဖဘမှာ Daw Q T ကျေးဇူးကြောင့်သိလိုက်ရလို့ ပြန်လာရေးပေးတာပါ...။

 
ပန်းဂေါ်ဖီစိမ်း ကင်ဆာမဖြစ်ဖို့ ကာကွယ်တဲ့ အစားစာမှာ ထိပ်ဆုံးကပါတာပေါ့...။ ဒါပေမယ့် ဈေးထဲမှာတော့ တရုတ်ပန်းစိမ်းနဲ့ ယိုးဒယားပန်းစိမ်းနှစ်မျိုးလာတယ်...။ ခုပုံမှာပြထားတာကတော့ ယိုးဒယားကလာတာပါ သူကပိုစိမ်းပြီး အပွင့်လေးက ပွပွမွမွလေးရှိတယ်..။ တရုတ်ပန်းကတော့ အရောင်နဲနဲမှိုင်းတယ် တရုတ်ကလာရင်တော့ စားရမှာကြောက်ကြမှာပါ...ဘာဆေးတွေများဖျန်းထားသလဲ ပန်းအစစ်မှဟုတ်ရဲ့လားဆိုတဲ့ သံသယပေါင်းများစွာနဲ့ စားရမှာမဟုတ်လား...။

တန်အိုးလို့ခေါ်တဲ့ ရှမ်းပြည်ကလာတဲ့ ဖတ်ချီဝိုး ဟော့ပေါ့မှာ အများဆုံးသုံးပါတယ်...
အိမ်မှာဆိုရင် အရိုးပြုတ်ရည်လေးမှာ ခပ်သောက်ရတဲ့ အရွက်မျိုးပါ....

 မုန်ညင်းစောလုပ်တဲ့ မုန်ညင်းပါ အရသာခါးသက်သက်ရှိတယ်....

ရွှေပဲညွှန့်... ရှမ်းခေါက်ဆွဲ တိုဟူးနွေးတွေမှာ ထည့်စားလေ့ရှိတဲ့ အညွှန့်လေးတွေကိုသာ စားသုံးရတာပါ...။ တောင်ကြီးမှာတော့ ရှမ်းထမင်းဆိုင်တွေမှာ မြေပဲလှော်ထောင်း ဆီချက်တို့နဲ့သုပ်တဲ့ ဟင်းပွဲမျိုးအပြင် ရွှေပဲညွန့် ဟင်းရည်လည်းရှိပါတယ်...။ ကျွန်မတို့အရှေ့ပိုင်းရှမ်းပြည်မှာတော့ ခေါက်ဆွဲတို့ တိုဟူးနွေးတို့ထဲကို ရေနွေးမဖျောပဲ အစိမ်းတိုင်းလည်းထည့်စားတတ်ကြပါတယ်..။

 မုန်ညင်းချဉ်လုပ်တဲ့မုန်ညင်းထုပ် အရိုးပြုတ်ရည်ထဲခပ်သောက်လည်းသိပ်ကောင်းတယ် အရသာခါးသက်သက်ရှိတယ်

 စမုံစပါးရွက် ကြက်ဥနဲ့ခလောက်ပြီးကြော်စားရတယ်... 

အနံ့နဲနဲပြင်းလို့ အနံ့ပြင်းမကြိုက်တဲ့သူတွေ အတွက်တော့ စားနိုင်ကြမှာမဟုတ်ပါဘူး...

သရက်ချဉ်... တာရှည်အချဉ်တည်ထားတဲ့ အငံများတဲ့ ဒီလိုအစားအစာမျိုးကိုတော့ မစားသုံးသင့်ပါဘူး..

စားချင်ရင်တောင်မှ ကိုယ့်ဘာသာကိုယ်အိမ်မှာ သန့်သန့်ရှင်းရှင်းနဲ့
အချဉ်တည်(အငံလျှော့ထားတဲ့) တာမျိုးကိုပဲအားပေးပါတယ်...

 ဒီမုန်လာဥနီက သဘာဝအတိုင်းစိုက်ပျိုးထားတာမဟုတ်ပါဘူး... လှလှပပနဲ့ အလုံးအထည်အရောင်အဆင်းကြီးအောင်လှအောင်ဆေးသုံးထားတာမို့ သဘာအတိုင်း မုန်လာဥနီအသေးလေးတွေကိုပဲရွေးချယ်စားသုံးစေလိုပါတယ်...

ဝါးပိုး...။ ကျွန်မဆို့ ရှမ်းပြည်ဖက်မှာဆိုရင်တော့ ၀ါးဆစ်ကလေးနဲ့ငှက်ပျောဖက်အ၀မှာ စို့ပြီးလာရောင်းတတ်ပါတယ်...။ အရှင်တွေပါ လှုပ်လှုပ်ရွရွနဲ့မို့ အသည်းတော့ယားစရာပါ...။ ကြော်ရင်လဲ ဆူပူအိုးထဲအရှင်လိုက်ကြီးထည့်ကြော်ရပါတယ်...။ အရသာဆိမ့်တယ်...။ ခုပုံမှာပြထားတဲ့ ၀ါးပိုးကတော့ ရေခဲရိုက်ထားတဲ့အသေတွေပါ...။ အသီးအရွက်တွေဓါတ်ပုံလိုက်ရိုက်ရင်း ယူနန်စာတွေရောင်းတဲ့ တရုတ်ဆိုင်မှာတွေ့လို့ရိုက်လာခဲ့တာပါ..။

 ဂျပန်သခွား

 ခရမ်းသီးတမျိုးပဲ

 ငရုတ်ပွ

 

 ဂျင်းနု

မုန်ညင်းချဉ်ထုပ် ရှမ်းပြည်မှာ ဆန်တိုဖူးထဲထည့်စားလေ့ရှိတဲ့ မုန်ညှင်းချဉ်ပါ...။ ဆန်ဆေးရည်နဲ့လုပ်တဲ့ မုန်ညင်းချဉ်ဆိုရင်တော့ စားရတာ အန္တရာယ်မရှိပေမယ့် ယမ်းစိမ်းတွေ တခြား အချဉ်မြန်အောင်ထည့်တဲ့ ဓါတုဗေဒဆေးတွေပါမပါ စစ်ဆေးနိုင်မှာမဟုတ်တဲ့အတွက် အိမ်လုပ်(ကိုယ်တိုင်လုပ်)မုန်ညင်းချဉ်ကိုသာ စားသုံးစေချင်ပါတယ်..။

ညှီစော်နံမြစ်တဲ့...။ ကင်ဆာဖြစ်နေတဲ့သူတွေ သူ့ကိုထောင်းပြီး အရည်သောက်ရတယ်ပြောတယ်...။ နံမည်နဲ့လိုက်အောင် နမ်းကြည့်တော့ တော်တော်ကို ညှီစော်နံပါတယ်..။ ကြေးနံမြစ်(ကြေးနီမြစ်) သုပ်စားလို့လည်းရတယ် ပဲပုပ်နဲ့လည်းထောင်းစားလို့ရတယ်လို့ Daw Q T လေးက ဖဘမှာကော်မန့် သွားပါတယ်..။

 ဒီအရွက်နာမည်တွေကိုမေ့နေတယ်

ဘိန်းစေ့အရည်လို့ခေါ်တယ် ...။ ဘယ်လိုလုပ်သောက်ရသလဲဆိုတော့ ရောင်းတဲ့သူက မသိဘူးတဲ့..။ ဒီနေ့မှာတဲ့ကုန်ထဲမှာပါလာလို့ရောင်းရတာရယ်တဲ့လေ...။ ကြည့်တော့ နွားနို့လိုလိုဘာလိုလိုပဲ...။ ဘိန်းစေ့အရည်ကို ခေါက်ဆွဲရေခဲတုံး သခွားသီးနဲ့ စိမ်ပြီး နွေရာသီမှာသောက်ရတယ်တဲ့ ကျိုပြီး တိုဟူးလို့ခဲပြီးတော့လဲ စားလို့ရပါသတဲ့...။ ဒါလဲ ဒေါ်ကျူတီလေး ဖဘမှာပြောပြလိုက်လို့ သိရတာပါ...။ ကျေးဇူးအကြီးကြီးပါ ညီမလေး...။

ကြိမ်ဖူး.... ဟင်းချက်စားရတာပဲ...
ငယ်ငယ်တုန်းကတော့ ရှမ်းဟင်းတွေမှာချက်တာတွေ့ဖူးတယ်..
စားလည်းစားဖူးတယ်..မျှစ်နဲ့နဲနဲဆင်တယ်...

ဒညင်းသီး...။ အဆိပ်သီး ...မစားသင့်ပါဘူး...။ ကျွန်မကိုယ်တိုင်တော်တော်ကြိုက်ပါတယ်...။ ဒီပို့စ်ကိုတဂ်တဲ့ တင်သိန်းအေး ...အဲ မဒမ်ကိုးလည်းသိပ်ကြိုက်ပါတယ်...။ မကောင်းဘူးဆိုတဲ့အစာမှ လူတွေကသိပ်ကြိုက်တတ်တာမဟုတ်လား...။ ငယ်ငယ်တုန်းက ရွာမှာ တစ်ခါပြုတ်ရင် အလုံးတစ်ရာနှစ်ရာ အဲလိုစားကြတာ...။ စာကလေးဒညင်းတဲ့ လုံးလုံးသေးသေးနဲ့ စေးပြီးချိုနေရော...ပြုတ်အိုးထဲကချတာနဲ့ ခွာလိုက် ပါးစပ်ထဲကောက်ထည့်လိုက် အဲလိုစားခဲ့တာ...။ ခုပုံမှာပြထားတဲ့အသည်က 18လမ်းဈေးက အဒေါ်ကြီး သူ့ဒညင်းတွေသိပ်ကောင်းတယ် စေးနေရောပဲ...မြစ်ကြီးနားဒညင်းလို့ပြောတယ်...။

ခြံထွက် ဟင်းသီးဟင်းရွက်စစ်စစ်တွေပါ

ပဲတောင့်ရှည် ဂေါ်ရခါးသီး ဗူးသီး ခရမ်းကဆော့သီး ဆူးပုပ် ကင်မွန်းချဉ် ဒီလိုစိမ်းစိမ်းစိုစို အသီးအရွက်များ များများစားပေးပါ...။ ခုခေတ်က ဆေးဖျန်းတတ်ကြလွန်းလို့ အသီးအရွက်များမစားမီ ရေကိုစင်စင်ဆေးပေးပါ...။ စိတ်မချရင် ဆားရည်နဲ့ဆေးပါ...။ ကျွန်မကတော့ အိမ်မှာ ကိုက်လန်တို့ မုန်ညင်းတို့ကို ဆားရည်နဲ့ဆေးပြီးတဲ့အပြင် ရေဆူဆူမှာ ခနဖျောပြီးမှသာ ပြန်ကြော်စားပါတယ်...။

ဒီပုံလေးက သံဈေး 17လမ်းဈေးထဲက အဒေါ်ကြီးတစ်ယောက်ရောင်းတဲ့မျှစ်ပါ ...။ လတ်ဆတ်သန့်ရှင်းတယ် ဆိုးဆေးမပါဘူး..။ ကျွန်မ၀ယ်နေကျအသည်လေးပါ...။ မျှစ်ဝါ၀ါလေးတွေ သဘာဝအရောင်အတိုင်းလေး နုဖတ်ပြီး ကြော်စား တို့စရာလုပ်လည်းသိပ်ကောင်းပါတယ် ...။ မျှစ်ကို အရောင်လှအောင် အနီရောင် အ၀ါရောင်ဆိုးပြီးရောင်းတတ်ကြပါတယ်...။ အစာအိမ်နဲ့အူလမ်းကြောင်းကို အန္တရာယ်ဖြစ်စေမယ့် အပေါစားဆိုးဆေးတွေသုံးထားတဲ့အစားအစာများကို မစားသုံးသင့်ပါဘူး...။

ခရမ်းပြုတ်သီး ခရမ်းကြွပ်သီးတို့စရာတွေ

ဒီအဖိုးက စောစောက မျှစ်သည်နားမှာ ဖက်တို့ ငှက်ပျောပင်တို့ ဆွမ်းမွှေးရွက်တို့ရောင်းပါတယ်...။ ဖက်က ပုံမှာပါတဲ့တစ်စည်ကို နှစ်ရာကျပ်နဲ့ရောင်းပါတယ်...။ စေတနာသိပ်ကောင်းတဲ့အဖိုးတစ်ယောက်ပါ...။ ပိုက်ဆံပိုပေးလည်းမယူပါဘူး...။ ဖက်ကိုလည်း အတိုအပျက်တွေ မပါအောင်သေချာရွေးပေးပြီး ရောင်းပါတယ်...။ အိမ်မှာ မုန့်ဖက်ထုပ် ငါးပေါင်းထုပ် အသားဟင်းထုပ်တို့ လုပ်စားရင် ဒီအဖိုးဆီကပဲဖက်ဝယ်တယ်...။ ခုခေတ်က ဘာဝယ်ဝယ် စားစရာတွေကို ကြွပ်ကြွပ်အိတ်တွေ ပလပ်စတစ်အိပ်တွေ ဖေါ့ဗူးတွေနဲ့သာထည့်သုံးလေ့ရှိကြတာ အမှန်တော့ အပူတွေထည့်ရင် ကျန်းမာရေးနဲ့ဘယ်လိုမှမညီညွတ်ပါဘူး...။ ကျွန်မတို့ငယ်ငယ်တုန်းကလို ကောက်ညှင်းပေါင်း ငှက်ပျောသီးမုန့်တွေကို ဖက်နဲ့ထုပ်ပေးတာ မျိုးလေး ပြန်ဖြစ်စေချင်ပါတယ်...။ ကုန်ခြောက်တွေကိုလည်း ပလတ်စတ် ကြွပ်ကြွပ်အိတ်အစား စက္ကူအိတ်လေးပြန်သုံးကြရင်သိပ်ကောင်းမယ်...။

 ငါးစင်ရိုင်းနဲ့လုပ်တဲ့ငါးပိ

ယူရီးယားအကြောင်းတော့ ကိုညီလင်းအသေးစိတ်ရေးပြသွားလို့ တော်တော်ပြည့်စုံပြီး ပညာလဲရ ဗဟုသုတလည်းရပါတယ်...။ ကိုညီလင်းရဲ့ဆောင်းပါးကိုမဖတ်ခင်မှာ ကျွန်မကိုယ်တိုင်တောင်မှ ယူရီးယားကို ဘာမှန်းမသိပါဘူး...။ ငါးပိထဲကိုအရောင်လှအောင် ဘိလပ်မြေထည့်တယ်ပဲ ကြားကြားနေရတာ...။ အမှန်တော့ ယူရီးယားဓါတ်မြေသြဇာထည့်တာကိုပြောတာကိုး...။

ငါးပြေမနဲ့လုပ်တဲ့ငါးပိ

မှိုပါတဲ့အစားအစာတွေဟာ ကင်ဆာဖြစ်စေပါတယ်...။ ကျွန်မတို့နေ့စဉ်စားသောက်နေကြတာ ငရုတ်သီးနဲ့မလွတ်ပါဘူး...။ ချက်တဲ့ဟင်းမှာငရုတ်သီးအရောင်မှုန့်ကိုသုံးရတယ်မဟုတ်လား..။ ဆိုင်က ကြိတ်ပြီးသားငရုတ်သီးတွေမှာ ဖုန်မှုန့်တွေ မှိုတွေက လုံးဝကိုမလွယ်မသွေပါပါတယ်...။ ကြည့်တော့ ငရုတ်သီးခြောက်တွေက အရောင်အဆင်းလှပနေရောတွေ့လား...။ ငရုတ်သီးခြောက်လက်တစ်ဆုပ်စာ ယူပြီး ငရုတ်သီးခြောက်ကြွပ်လှော်စားဖို့လုပ်တာ...။ တတောင့်ခြင်းဆီတစ်ရှူးနဲ့သုပ်တာ ဖုန်တွေမှမည်းနေရော ကပ်ကြေးနဲ့သေချာအညှာကိုညှပ် ခွဲကြည့်တော့ မှိုပါတဲ့ငရုတ်သီးက တစ်ဝက်လောက်ရှိတယ်...။ အဲလို ကိုယ်တိုင်သေချာစမ်းစစ်ပြီးမှာ ငရုတ်သီးတွေကို အိမ်မှာ သန့်စင်ပြီးမှ စားသုံးသင့်ပါတယ်...။

 cp နဲ့ ဗမာကြက်ဆိုပြီးရောရောင်းနေတဲ့ စပ်ကြက်တွေ

 ခြေဆစ်တွေကို သေချာကြည့်ပါ ကြီးပြီးတုတ်နေတာတွေ့လိမ့်မယ်

အပေါ်ပုံက cp ကြက်နဲ့ ဗမာအိမ်ကြက်အတုတွေပါ...။ ဗမာကြက်ဆိုပြီး ဈေးထဲမှာ ရောရောင်း တတ်ကြပါတယ်...။ ခွဲခြားရတာ လွယ်ကူပါတယ် ကြက်ရဲ့ဒူးဆစ်တွေက ဗမာကြက်အစစ်ထက် တုတ်ပါတယ်...။ ချက်စားရင်လည်း အနူးလွယ်တယ် အသားမမာဘူး...။ ဈေးထဲမှာတော့ အဲဒီကြက်ကို စပ်ကြက်(စက်ကြက်) လို့ခေါ်တယ်...။ ဗမာနဲ့ စီပီစပ်ထားလို့ အဲလိုခေါ်တာလည်းဖြစ်နိုင်တယ်...။ ဒါကြောင့် ဗမာကြက်စစ်စစ်စားချင်သူများ လွယ်ကူစွာရွေးချယ် ၀ယ်ယူစားသုံးနိုင်ဖို့ ဗဟုသုတအဖြင့်ပုံလေး ရိုက်လာခဲ့တာပါ...။

ဒီပုံက ဗမာကြက်(အိမ်ကြက်)စစ်စစ်ပါ အကောင်းသေးသွယ်တယ်

 ခြေထောင်တွေ ဒူးဆစ်တွေသေးတယ်ချက်ရင် ကြာကြာချက်ရတယ် ...

ငါးပုဏ္ဏား...အရောင်ဝါ၀ါလေးနဲ့ လှအောင်လို့ ဆေးဆိုးရောင်းတတ်ကြပါတယ်...

 ပုံမှာပါတဲ့ ငါးက အရောင်နဲနဲပါတယ်... ငါးကိုကိုင်ကြည့်လို့ လက်မှာ အ၀ါရောင်စွန်းသွားရင် ဆိုးဆေးသုံးထားတဲ့ငါးမို့ ၀ယ်မစားသင့်ပါဘူး...

ငါးနုတန်း...ငရုတ်သီးစပ်စပ် စပါးလင်လေးနဲ့ အိုးကပ်ချက်စားတာကောင်းတယ်...

ငါးသလဲထိုးလေးလတ်တယ်... တချို့အသည်တွေဆို အရှင်တွေတောင်ရောင်းတယ်...

ကသပေါင်းငါးတဲ့... ရေချိုချက်စားရတယ် .. အသားလေးနုပြီးချိုတယ်ပြောတယ် ..
ကျွန်မတော့ တစ်ခါမှချက်မစားဖူးသေးဘူး...

ခုရာသီစာက ဖါးသားပဲ... ဈေးကတော့မသေးဘူး တစ်သောင်းဈေး... 

သုံးကောင်ဆို တစ်ပိဿာလောက်ရှိတယ်...တခါတည်းအရည်ခွံစုတ်ပေးတယ်...

အူတွေကများတော့ အူမှာတင် အလေးကစီးနေပြီ...။ အကြွပ်ကြော်စား ချက်စား အသားလေးက နူးညံ့တယ်...တစ်ခါ နှစ်ခါတော့စားဖူးတယ်...

သားကြီးငါးကြီးတွေ အထူးအဆန်းတွေစားရတာ တော့ကြောက်တယ်...

ငါးကျည်း ငါးခူတွေကလည်း ဈေးကောင်းတယ် ခုနှစ်ထောင် ရှစ်ထောင်ဈေး...
ငါးကျည်းကတော့ အကြွပ်ကြော်နှပ် အိမ်လုပ်မုန့်ဟင်းခါးအတွက်ကောင်းတယ်...

ငါးနှပ်လို့ခေါ်တဲ့ အာပြဲခြောက်လုပ်တဲ့ငါးအစို... မွန်တွေက အဲဒီငါးကို မရမ်းခြောက်နဲ့ချက်စားတတ်ကြတယ်... ဘေးကအညိုရောင်နဲ့ငါးက ကျောက်ငါး... သူကလတ်မှကောင်းတာ အသားနူးညံ့ပြီးချိုတယ် ပေါင်းစားလို့သိပ်ကောင်းပါတယ်... ပင်လယ်ကမ်းခြေသွားလည်ဖူးတဲ့ သူတွေဆို ကျောက်ငါးအစိမ်းကိုစားဖူးကြမှာပါ...

ကင်မွန် (ပြည်ကြီးငါး) ရေနွေးဖျောပြီး အသီးရွက်စုံနဲ့ပဲကြော်ကြော် အသား ကောက်ညှင်းအစာသွပ်ပဲလုပ်လုပ်စားကောင်းပါ၏။

အရောင်ဆိုးဆေးလုံးဝမပါတဲ့ ပုစွန်ချဉ်ထုပ်ပါ...။ အချဉ်တည်တာတွေ ဆားများတဲ့အစာတွေ မစားသင့်ဘူးဆိုပေမယ့် ပုစွန်ချဉ်သုပ်ကိုတော့ကြိုက်ကြတာ စားချင်ကြတာပဲမဟုတ်လား...။ ဒါကြောင့် စားမယ်ဆိုရင်တောင်မှ ခုလိုဆိုးဆေးကင်းတဲ့ သဘာဝအရောင်တိုင်း ပန်းနုရောင်လေးဖြစ်နေတဲ့ ပုစွန်ချဉ်ထုပ်ကို ရွေးချယ်ဝယ်ယူစားသုံးကြပါလို့..။

အားလုံးပဲ သန့်ရှင်းလတ်ဆတ် ရောဂါအန္တရာယ်ကင်းသော အစားအစာများကို မှန်ကန်စွာ ရွေးချယ်စားသောက်နိုင်ကြပါစေလို့ ဆုတောင်ပေးလိုက်ပါတယ်...။

မိုးငွေ့