သက်သတ်လွတ်ပဲဟင်းရည်နဲ့ ကြက်ဥမုန်ညင်းအောမလက်

ဝါတွင်းမှာ မွေးနေ့နဲ့ဥပုသ်နေ့ကိုသတ်သတ်လွတ်စားဖြစ်တယ်...။ တစ်ပတ်ကို ငါးရက်တော့ ရအောင်စားမယ်လို့ဆုံးဖြတ်ထားတယ်...။ ကျွန်မက သက်သတ်လွတ်ကို ကြက်ဥစားပါတယ်..။ အခုချက်စာဖြစ်တဲ့ သက်သတ်လွတ်ဟင်းလေးတွေကိုပြောပြချင်ပါတယ်..။ ၀ါတွင်းမှာ ကျွန်မလိုပဲ သက်သတ်လွတ်စားသူတွေ ဘာဟင်းချက်စားရရင်ကောင်းမလဲလို့ စဉ်းစားရခက်သူတွေအတွက် မျှဝေလိုက်ပါတယ်...။

ကြက်ဥအောမလက်လို့ခေါ်တဲ့ ကြက်ဥမွှေကြော်ကို ခါတိုင်းနည်းဟောင်းလို ကြက်သွန်တွေ ခရမ်းချဉ်သီးတွေနဲ့မကြော်ဘဲ...အနောက်တိုင်းလေးနှောထားပါတယ်...။ ကြက်ဥနှစ်လုံးကို ဆားနဲနဲ နဲ့ အချိုမှုန့်မသုံးတာကြောင် သက်သတ်လွတ် မှိုခနောမှုန့်ထည့်ပြီး နာနာခလောက်ထားပါ...။ မုန်ညှင်းဖူးကို ခပ်ကြီးကြီးသင်ပြီး ရေဆေး ရေနွေးဆူဆူမှာ နှစ်မိနစ်လောက်ဖျောပြီး တစ်လက်မလောက်လေးတွေပိုင်းပြီး ခလောက်ထားတဲ့ကြက်ဥထဲရောမွှေထည့်လိုက်ပါ...။ အပေါ်ကဖြူးဖို့ Mozzarella cheese ကို လက်ဖက်ရည်တစ်ပန်ကန်စာခြစ်ထားပါ...။

မကပ်တဲ့အိုးမှာ (ကျွန်မက အချပ်လေးလည်းလှအောင်လို့ ကြက်ဥဟိုက်ဖရိုက်ကြော်တဲ့ ဒယ်လေးနဲ့ကြော်ပါတယ်) ဆီထမင်းစာဇွန်းနှစ်ဇွန်းထည့်ပြီး ဆီပူလာရင် ကြက်ဥနဲ့မုန်ညင်းအရောကိုထည့် ချီစ်အမျှင်လေးတွေအပေါ်ကဖြူးပြီး မီးဖြေးဖြေးနဲ့စိတ်ရှည်ရှည်ကြော်ပေးပါ...။ ကြက်ဥကိုခရင်းလေးနဲ့ အသာလှန်ပြီး အောက်ခြေက ၀ါရောင်သန်းပြီဆို အချပ်လေးမပျက်အောင် ပန်းကန်ပြားလေးနဲ့ တစ်ဖက်လှန်ပေးပါ...။

ကြက်ဥနှစ်လုံးကို ဒီလို အ၀ိုင်းလေးနဲ့ နှစ်ချပ်ရပါတယ်...

ကြက်ဥနံ့မွှေးပြီး ချီစ်အရသာငံဆိမ့်ဆိမ့်လေးနဲ့ ထမင်းဆီဆမ်းနဲ့လိုက်ဖက်ပါတယ်...

အရည်သောက်ကို ပဲဟင်းရည်လေးချက်ပါတယ်...။ တစ်ယောက်စာအတွက် ပဲနီလေးထမင်းစားဇွန်းနှစ်ဇွန်းကို ရေဆေးထားပါ...။ ကြက်သွန်နီအသေးတစ်လုံးပါးပါးလှီးထား.. ပျင်းတော်သိမ်ရွက်သုံးရွက်လောက်ရေဆေးထားပါ..။ အိုးတစ်လုံးမှာ ဆန်ချိန်ခွက်နဲ့ ရေသုံးခွက်ထည့်ပြီး တည်ထားပါ..။ ရေဆူလာရင် ပဲထည့်ပြုတ်မယ်..။ ပဲနူးလာမှ ဆားခပ်ပြီး သောက်ခါနီးကျ ကြက်သွန်နီနဲ့ပျဉ်းတော်သိမ်ရွက်ဆီသတ်ပြီး အုပ်လိုက်ပါ...။ ပျဉ်းတော်သိမ်ရွက်နံ့လေးမွှေးတဲ့ ပဲဟင်းချိုချိုတစ်ခွက်ရပါပြီ...။

ကြာသပတေးဆွမ်းပတ်တုန်းက ချက်ဖြစ်တဲ့ သက်သတ်လွတ်အာလူးဝါဟင်း....။ ကြက်သွန်ဖြူနီ ဆီသတ်ပြီး ဆနွင်းထည့် တုံးထားတဲ့အာလူးထည့် ဆားနဲ့ရေထည့်ပြီး အာလူးနူးလာရင် ပျဉ်းတော်သိမ်ရွက်နဲ့ ငရုတ်သီးခတ်လိုက်ပါ..။

 

ဝါတွင်းသက်သတ်လွတ်စားဖြစ်တဲ့ ကျွန်မအတွက် တာချီလိတ်က အဒေါ်က ခနောကြက်သားအရသာမှုန့်အစား မှိုအရသာမှုန့်ထုတ်လေးတွေ တစ်ဒါဇင်ပို့ပေးထားပါတယ်...

မိုးငွေ့

သက်သတ်လွတ်ပဲပြားပေါင်းတန်ပူရာကြော်

ဝါဆိုလပြည်နေ့ကစားဖြစ်တဲ့ သက်သတ်လွတ် ဆူကာညွန့်ဟင်းရည် ကိုက်လန်ကြော် နဲ့ ပဲပြားပေါင်းနဲ့ဆူကာရွက် တန်ပူရာကြော်ပါ...။ ပဲပြားပေါင်းကြော်က ချိုဝတ်ရည်ဆီက နည်းလေးသွားယူထားတာ...။ သူ့ recipe ထဲမှာတော့ ပုစွန်ပါတယ်...။

 ပဲပြားနှစ်တုံးကိုခြေပြီး ကြက်ဥနှစ်လုံး ပြောင်းမှုန့်နှစ်ဇွန်း ငရုတ်ကောင်းမှုန့်လက်ဖက်ရည်တစ်ဇွန်း ဆားလက်ဖက်ရည်တစ်ဇွန်း ဥနီအသေးတစ်လုံး ကြက်သွန်ီတစ်ဥ အဖြူသုံးမွှာနုတ်နုတ်စင်းထားတာနဲ့ ကြက်သွန်မြိတ် တစ်စည်းသေးသေးလှီးထား တာကို အားလုံးမွှေလိုက်ပါတယ်...။

ပန်းကန်ပြားထဲလေးတောင့်ပုံအတုံးလေးလုပ်ပြီး ရေနွေးဆူဆူအိုးမှာ မိနစ်နှစ်ဆယ်ပေါင်းပေးပါတယ်...။ ပဲပြားပေါင်းရပြီဆို ခဏအအေးခံပြီး လိုချင်သလို အတုံးလေးတွေတုံးပြီး ကော်မှုန့်ကပ် ဆီဆူဆူမှာကြော် ရွှေဝါရောင်သန်းလာတဲ့အထိကြော် ပဲငံပြာရည်အကြည်နဲ့ ငရုတ်သီးကြက်သွန်ချဉ်နဲ့တို့စားစား ငရုတ်သီးဆော့နဲ့ပဲစားစား လွှတ်ကောင်းပါတယ်...။ ဟင်းရည်ထဲထည့် မပြုတ်တော့တဲ့ ဆူကာရွက်အရင့်တွေကိုလည်း မုန့်နှစ်ရည်လေးနဲ့ တန်ပူုရာကြွပ်ကြွပ်လေးကြော်စားတာ ကောင်းမှကောင်းပဲ...။ အခုဟင်းတွေကတော့ အဆီအနှစ်မပါ တရုတ်ဟင်းတွေပေါ့...။

 

မိုးငွေ့

ပေါင်မုန့်ကြက်ဥကြော်နဲ့ဘိန်းမုန့်

ဒီနေ့လုပ်မယ့်ပေါင်မုန့်ကြက်ဥကြော်နဲ့ဘိန်းမုန့် ဆိုတာ့ တအားထူးဆန်းတဲ့ မုန့်လုပ်နည်းလေးပဲနော်...:)

ဒါပေမယ့် ဒီတစ်ခါကြော်စားဖြစ်တဲ့ ပေါင်မုန့်ကြက်ဥကြော်ကတော့ ခါတိုင်းလိုမဟုတ်ဘူး နည်းနည်းထူးခြားအောင် Chedder cheese ကိုအလွှာလိုက်ဖြတ်ပြီး ညှပ်ထည့်ထားတာ.. ဆိမ့်ဆိမ့်ကလေးနဲ့စားကောင်းတယ်...။ ပေါင်မုန့်နှစ်ချပ်အတွက် ကြက်ဥတစ်လုံးလိုပါတယ်...။ ကြက်ဥတစ်လုံးကို သကြားလက်ဖက်ရည်နှစ်ဇွန်းနဲ့ ခလောက်ထား..ပေါင်မုန့်နှစ်ချပ်ကိုလည်း အနားသားတွေလှီး ထုတ်ထားပေး..။ ပြီးတော့ပေါင်မုန့်နှစ်ချပ်ကြားကို ချီစ်အလွှာထည့်ပြီး (အဆင်ပြေသလိုလွှာထည့်လို့ရပါတယ်) ပေါင်မုန့်လှီးတဲ့ဓါးနဲ့ တြီဂံပုံနှစ်ပိုင်းပိုင်းပြီး ကြက်ဥရည်ထဲကို တစ်ဖက်သုံးမိနစ်ဆီစိမ်ပေးပါ...။ မကပ်တဲ့ ဒယ်အိုးမှာ ထောပတ်နဲနဲသုပ်ပြီး မီးအေးအေးနဲ့ တစ်ဖက်ဆီကြော်ပေးပြီးရင် မွှေးဆိမ့်တဲ့ ပေါင်မုန့်ကြက်ဥကြော်လေးကို ကော်ဖီပူပူလေးနဲ့ တွဲပြီးစားလို့ရပြီ..။

 

 

ဘိန်းမုန့်လုပ်တတ်သွားတဲ့ ဇာတ်ကြောင်းလေးနဲနဲပြောပြချင်သေးတယ်....။ အရင် Evy kitchen က ဆယ်မိနစ်ဘိန်းမုန့်လုပ်နည်းလေးကိုစမ်းလုပ်ကြည့်ဖူးတယ်...။ pan cake လုပ်တဲ့ ရယ်ဒီမိတ်အမှုန့်နဲ့ ဆန်မှုန့်ကို သူ့အချိုးနဲ့သူစပ်ပြီး မုန့်တစ်ခုစာ အချိုးနဲ့ ညီမ Evy ပြောတဲ့အတိုင်းလုပ်ဖူးခဲ့တယ်...။ ဒယ်မကောင်းတာရယ် မီးမညှိတတ်တာရယ်ကြောင့် ဘိန်းမုန့်ကနေ ပွစိစိ မာဆတ်ဆတ် နန်ကထိုင်လို့မုန့်မျိုးဖြစ်သွားခဲ့ဖူးတယ်...။

Food Magazine ထဲက မအိသက်ရဲ့ ခေါက်မုန့်လုပ်နည်းလေးတွေ့တော့ သံဈေးမှာ ခေါက်မုန့်လုပ်တဲ့ ဒယ်နဲ့ယောင်းမတစ်စုံဝယ်လိုက်သေးတယ်..။ မအိသက်ရဲ့ recipe အတိုင်းမုန့်ဖျော်ပြီးလုပ်တာ ဒယ်ကအသစ် ဆီမ၀သေးတော့ လုံးဝအချပ်မဖြစ်ဘဲ အကုန်ကျေမွကုန်တယ်...။ မုန့်ရည်လေးတွေ နှမြောစရာဆိုပြီး ကြက်ဥဟတ်ဖရိုက်ကြော်တဲ့ဒယ်လေးနဲ့ စမ်းကြော်ကြည့်ရင်းက ဘိန်းမုန့်ဖြစ်သွားတာတွေ့ရတယ်...။ ဟိဟိ အမှန်တကယ်တော့ ဘိန်းမုန့်လုပ်တဲ့အချိုးအစားနဲ့က နဲနဲလွဲပါတယ်...။ ဒါပေမယ့် အဲနေ့က ခေါက်မုန့်အတွက်စပ်ထားတဲ့ မုန့်သားက ဘိန်းမုန့်ကြော်တော့ တော်တော်လေးကိုအဆင်ပြေပြီးစားကောင်းနေတယ်...။ မုန့်အရသာရော အသားအနေအထားလေးရောအတော်ပဲ...။ အဲဒါနဲ့ဘိန်းမုန့်လုပ်နည်းလေးကို သိသွားခဲ့တယ်ဆိုပါတော့...။

အချိုးအစားလေးပြောပြမယ်...ဆန်မှုန့် စားပွဲဇွန်းသုံးဇွန်း ဂျုံမှုန့် စားပွဲဇွန်းခြောက်ဇွန်း မုန့်ဖုတ်ဆိုဒါ လက်ဖက်ရည်ဇွန်းတစ်ဇွန်း တစေး လက်ဖက်ရည်ဇွန်းတစ်ဝက် ဆားနဲနဲ တို့ကို ရေတစ်ဖန်ခွက် ဒါမှမဟုတ် မုန့်မွှေပြီး မုန့်ရေကြွက်မြီးတန်းကျရင်ရပြီ...။ အဲဒါကို အ၀တ်စိုစနဲ့အုပ်ပြီး သုံးနာရီ သို့မဟုတ် တစ်ညတိတ်ထားပါ...။ ကြော်ခါနီးကျမှ မုန့်လုပ်ထန်းလျက်သုံးခဲကို အရည်ပျစ်ပျစ်ကျိုထားတာကို မုန့်နှစ်ထဲထည့်မွှေပြီး မီးအေးအေးနဲ့ ဒယ်အိုးထဲ ထေားပတ်သုတ်ပြီး မုန့်နှစ်ရည်ဟင်းခပ်ဇွန်းကြီး တစ်ဇွန်းစာထည့် ဘိန်းစေ့လေးတွေဖြူး အုန်းသီးကြိုက်ရင်ထည့် ကျွန်မကတော့မကြိုက်လို့မထည့်ဘူး...။ မုန့်သားမျက်နှာပြင်မှာ အပေါက်ကလေးတွေဖြစ်လာပြီဆို တစ်ဖက်လှန်လို့ရပြီ...။ ဒီအချိုးအတိုင်း မုန့်ရှစ်ခုရပါတယ်...။ မုန့်ုလုပ်တာ ပထမဦးဆုံးအကြိ်မ်ဆိုပျက်တတ်တယ် အမှိုက်ပုံးထဲခနခန ပစ်ရတယ်ဆိုတာ သိပ်မှန်တယ်...။ အဲလို အဆင့်ဆင့် စမ်းသပ်တော့မှသာ ကိုယ်လိုချင်တဲ့ အနေအထားရောက်တတ်တာတဲ့...။ ဒါကြောင့် အခု အဆင်ပြေတဲ့အနေအထားရောက်လို့ ဘိန်းမုန့်အချိုးကို ရေးပြလိုက်ပါတယ်...။    

ကြော်ပြီးသားမုန့်တွေကို wire rink ပေါ်အအေးခံပြီးမှာ ပန်းကန်ထဲထည့်ပါ...။ ပန်းကန်ထဲတန်းထည့်ရင် အပူငွေ့တွေကြောင့် မုန့်အောက်က ပန်းကန်မှာ ရေငွေ့တွေနဲ့မို့ မုန့်တွေစိုကုန်စေတတ်ပါတယ်...။

မိုးငွေ့

မိုးရာသီအိပ်မက်…..

 

  

 
မိုးကြီးလို့ ချောင်းရေတွေတက်လာပြီတဲ့...
ဆရာက စာမသင်တော့ဘဲ ကျောင်းစောလွှတ်လို့ ကျွန်မတို့တွေပျော်လိုက်ကြတာ...
မိုးရေထဲ မိုးကာအကျီင်္လေးဝတ် အဖေ၀ယ်ပေးထားတဲ့ အ၀ါရောင်ရာဘာလည်ရှည်ဘွတ်ဖိနပ်စီးပြီး လမ်းသလားရမှာကို ကြိုတွေးရင်း ပျော်နေရတာ.....

ကျွန်မတို့ကျောင်းအနောက်ဖက်က လယ်ကွင်းပြင်ကြီးအလည်မှာ ဆင်ပုံစံကျောက်တုံးအကြီးကြီးတွေရှိတယ်
ကျောင်းခိုးပြေးပြီး အဲမှာသွားဆော့တဲ့အခါကျရင် ကျောက်တုံးအကြီးကြီးဘေးမှာရှိတဲ့ ကျောက်တုံးအသေး အပွားလေးတွေကို ကျွန်မတို့ကလေးတွေက ဆင်မကြီးကမွေးတဲ့ ဆင်းကလေးလေးတွေ  ဒီကျောက်လေးတွေက တခါလာရင်တခါထပ်ထပ်ပွားလာတယ်လို့ (တကယ်ဟုတ်မဟုတ်မသိပေမယ့်) ဒဏ္ဍာရီဆန်ဆန်ပြောနေတတ်ကြသေး....

မိုးတွေသည်းတဲ့နေ့ဆို့ ကျွန်မတို့နေတဲ့တိုက်အပေါ်ဆုံးထပ်က(အဖိုးဆောက်ထားတဲ့အိမ်) စလက်လောင်းထားတဲ့ လသာပြင်ကြီးမှာ အိမ်ရှေ့က အုပ်မိုးကျနေတဲ့ ကုက္ကိုပင်ကအရွက်ကြွေတွေကြောင့် ရေးစီးမယ့်အပေါက်တွေပ်ိတ်နေတတ်တယ်...
အဲခါလူကြီးတွေက အမှိုက်သွားနှိုက်ချေလို့ ခိုင်းရင်သိပ်ပျော်တာ.. တခါတည်းတန်းခနဲအပေါ်ရောက်တော့တာပါပဲ..မိုးရေထဲဆော့ရတာကိုးး...

အဖိုးဆောက်တဲ့အိမ်ဒေါင့်တွေမှာ ခေါင်မိုးကစီးကျလာတဲ့ရေတလျှောက်တွေတစ်ခုစီရှိတယ်...
မိုးရွာရင် ဘောင်းဘီတိုလေးနဲ့ ရေတလျှောက်အောက်မှာ ကျောကုန်းခံပြီး ရေတွေတဗျန်းဗျန်းစီးကျတာကို ခံရတာ အေးလို့အေးမှန်းမသိ ဆော့နေရတာကိုပဲကျေနပ်နေမိတာ အဲတုန်းက အအေးပိတ် ဖျားတယ်ဆိုတာလည်းမရှိပါဘူး......


အမေက ရော့ မောင်လေးဘောင်းဘီသွားလျှော်ချေဆို အိမ်ရှေ့တစ်ဖက်လမ်းက တောင်ကျရေတွေစီးလာတဲ့ မြောင်းကြီးထဲ မောင်လေးရဲ့
သေးဘောင်းဘီ ချေးဘောင်းဘီတွေကိုလဲ မရွံမရှာသွားလျှော်လိုက်တာပဲ...
မနက်လင်းလာလို့ မိုးရေခံထားတဲ့ ဇလုံတွေထဲကရေတွေနဲ့ အိုးခွက်ပန်းကန်ဆေးရတာ မိုးရေနဲ့မို့ မပြောင်သလိုဖြစ်တာမျိုးကို အမှတ်ရမိတယ်....

ကျွန်မက မျှော့တို့ ခူယားတို့လို့ ပျော့ပျော့စိစိကောင်တွေသိပ်ကြောက်တာ...
ရွာထိပ်က ရေအားလျှပ်စစ်စက်ရုံကြီးက တောင်ကျရေကိုယူပြီးမောင်းတာကိုးး
အဲရေအားလျှပ်စစ်မြောင်းမှာရေသွားသွားကူးတတ်သေးတာ
ရေမြောင်းကြီးအတိုင်းတက်သွားရင် ရေတံခွန်အစကိုရောက်သွားတယ်...
အဲမှာ ကျောက်ဂူကြီးတစ်ခုရှိတယ် ခူယားတွေသိပ်ပေါတယ်ဆိုလို့ တခါမှကိုမသွားတာ...

ဆောင်းဖက်မှာ တောင်ယာမီးရှို့တတ်တဲ့ ရွာထိပ်က တောင်ပေါ်မှာ ခုလိုမိုးမှာ နာနတ်စိုက်ခင်းကြီး ရှိတယ်
ကျွန်မနဲ့ ကျွန်မသူငယ်ချင်းနန်းဖေါင်းတို့ နာနတ်သီးခူးသွားဖူးတယ်...။ တောင်စောင်းမှာ လှေကားထစ်ပုံစိုက်ခင်းနဲ့ နာနတ်သီးတွေအစီအရီ ကိုယ်လိုချင်တဲ့ အလုံးလေးခူးရုံပဲ......
ပြီးတော့ တောင်ပေါ်ကနေ တစ်ရွာလုံးစီးပြီးမြင်ရတာ ဘယ်လောက်လှလဲ.....

မိုးအုံ့အုံ့ကလေးမှာ... ကျောင်းဝင်းဘောလုံးကွင်းတစ်ခုလုံး မြက်သီးပင်တွေထနေတော့တာ..
ကျွန်မတို့တွေ အတန်းလိုက်မြက်ပင်တွေကိုနှုတ်ကြရတယ်... မြက်ပင်တွေဆွဲနှုတ်ရလို့ လက်တွေနာကျင် ကျိန်းစပ်နေပေမယ့် ပျော်နေတာပါပဲ....
ကျောင်းစိမ်းထမီလေးမှာ မြက်သီးတွေကပ်ပါလာရင် ဆွဲနုတ်ရတာလည်းမသက်သာဘူး..

မိုးအေးအေးညနေတွေမှာ “အဖွားပန်”အထမ်းနဲ့လာရောင်းမယ့် အုန်းနို့မုန့်ဟင်းခါးအနံ့လေးနဲ့ အိမ်ဘေးက နန်းဖေါင်းအဒေါ်ပြုတ်ရောင်းမယ့် အငွေ့တစ်ထောင်းထောင်းနဲ့ စေးနေတဲ့ ရှမ်းပြောင်းကိုလည်းမျှော်နေတတ်သေးတယ်...

လယ်ခရုဆန်လှော်ဟင်း ပူပူနွေးနွေးလေးစုပ်ရတာကြိုက်တယ်...

ပြန်တွေးကြည့်ရင် မိုးကို ကျွန်မငယ်ငယ်ကတည်းက ချစ်တတ်လာခဲ့တာပါ....

ပြီးတော့ အသက်ရှစ်နှစ်ကနေ ဆယ်နှစ်ဝန်းကျင် ကလေးမတစ်ယောက် ဒီလောက်အဆော့သန်ပြီး အိမ်အလုပ်တွေကိုလည်းကူလုပ်ခဲ့ မောင်လေးညီမလေးတွေကိုလည်း ထိန်းခဲ့တယ်ဆိုတာ မယုံနိုင်စရာပဲ

ကျွန်မဖြတ်သန်းလာခဲ့ရတဲ့ကလေးဘ၀က မိုးရာသီဆီကို ပြန်သွားခွင့်မရှိ
ဒါပေမယ့် အိပ်မက်မက်ခွင့်တော့ရှိသေးတယ်....

တခါတုန်းကတို့ရွာမှာ ခေါင်းစဉ်အောက်ကပို့စ်များကိုပြန်ဖတ်ချင်သူများအတွက် လင့်ခ်ပေးလိုက်ပါတယ်

 

မိုးငွေ့

ခါးသီးမိတဲ့ မွေးနေ့......

  ကျွန်မကျော်ဖြတ်ခဲ့ရဖူးတဲ့ မွေးနေ့တွေထဲမှာ ဒီနှစ်မွေးနေ့ကို စ်ိတ်အပျက်ရဆုံးပဲ...။ ပြီးတော့ နောက်နှစ်တွေမှာ ဘယ်တော့မှ မွေးနေ့မလုပ်တော့ဘူး လို့လည်း ဆုံးဖြတ်ချက်ချမိသွားတယ်...။

ကျွန်မသက်တမ်းတလျှောက်မှာ မွေးနေ့ကို ကြီးကြီးကျယ်ကျယ်လည်းတစ်ခါမှမလုပ်ဖူးခဲ့ပါဘူး...။ အမှတ်တရအနေနဲ့ ဘိုးဘွားရိပ်သာမှာထမင်းသွားကျွေး မိဘမဲ့ကျောင်းတွေမှာကလေးတွေကိုထမင်းကျွေး လက်ဆောင်ပေး သူငယ်ချင်းတွေနဲ့ ဆိုင်တစ်ဆိုင်မှာတစ်ခုခုသွားစား ဘုရားသွား ဒီလောက်ပါပဲ....။ ဒါက နှစ်တိုင်းလုပ်နေကျပေါ့နော်...။ မွေးနေ့တိုင်း အနည်းဆုံးတော့ မနက်စောစောကို ဘုရားသွားဖြစ်ခဲ့တယ်...။ ဒီနှစ်တော့ မောင်က သူ့အဒေါ်တွေအိမ်စောင့်ခိုင်းလို့ ကျွန်မတို့အ်ိမ်တံခါးပိတ်ပြီး သွားစောင့်ပေးရတယ်...။ ကျွန်မမွေးနေ့က အဲဒီအိမ်မှာကျပါတယ်...။ သူများအိမ်သွားစောင့်တာဆိုတော့ အိမ်ကိုထားခဲ့ပြီးလည်း ဘုရားသွားဖို့တောင်အခွင့်မရှိပါဘူး...။ ကျွန်မမွေးနေ့မနက်စောစောမှာ ကျွန်မက မောင့်ဆီက မွေးနေ့wish လေးတစ်ခုကို ဦးဦးဖျားဖျားလိုချင်ခဲ့တာ ကျွန်မအလွန်မှ မဟုတ်တာနော်။ ဒါပေမယ့် မောင်က တကယ်ပဲ လစ်လျှူရှုနိုင်လွန်းပါတယ်...။ ကျွန်မကပဲ မောင့်ဆီက မျှော်လင့်တာသိပ်များလို့လား မောင်တစ်ခုလောက်ပြန်မပေးနိုင်တဲ့အခါ ကျွန်မပိုခံစားရတတ်တယ်...။ 

မနက်အိပ်ယာနိုးလာခဲ့တာနဲ့ မွေးနေ့အနမ်းလေးတစ်ပွင့်တောင် မောင်မပေးနိုင်ခဲ့တာ ဘာကြောင့်များလည်း။ အဲဒီနေ့တုန်းက သူငယ်ချင်းတွေဆီက ဖုန်းဆက်ပြီး မွေးနေ့ဆုတောင်းပေးမယ့် စကားတွေကို မကြားချင်တော့လို့ ဖုန်းပိတ်ထားခဲ့လိုက်တယ်...။ ကျွန်မ ဘုရားလည်းမရောက်ဘူး အိမ်ကဘုရားမှာတောင် သစ်သီးဆွမ်းမကပ်ဖြစ်ခဲ့ဘူး...အဲနေ့က တစ်နေကုန်..ကျွန်မဘာမှမလုပ်ချင် မကိုင်ချင်လွန်းလို့ စာအုပ်တွေနဲ့ပဲအချိန်ကုန်ခဲ့လိုက်တယ်...။ နေ့လည်ထမင်းစားပြီးတော့ မောင်က စကားအဆက်စပ်မရှိဘဲ... “မီ့မွေးနေ့တောင် ဘာမှမလုပ်လိုက်ရတော့ဘူးနော်”တဲ့...။ ကျွန်မ မကြားချင်ယောင်ဆောင်နေလိုက်တယ်...။ မွေးနေ့ဆိုတဲ့ စကားလုံးကိုတောင် ကျွန်မခါးသီးနေခဲ့မိတယ်...။

နောက်နေ့တွေ ကိုယ့်အိမ်ကိုယ်ပြန်ရောက်တော့လည်း မွေးနေ့အထိမ်းအမှတ်ကို ဆိုင်တစ်ခုခုမှာ သွားစားမှာတို့ဘာတို့လည်း မလုပ်ဖြစ်ခဲ့ပါဘူး...။ မောင်ကစပြီး လုပ်ပေးမယ်ဆိုရင်တာင် ကျွန်မငြင်းမယ်လို့ စိတ်ကူးထားတာ...။ ကျွန်မကသာငြင်းဖို့ စိတ်ကူးပြီး တစ်ယောက်ထဲ မျှော်လင့်ချက်တွေနဲ့ ရူးနေခဲ့တာပါ... မောင်ကဖြစ် ကျွန်မမွေးနေ့ကို ခေါင်းထဲမှာတောင်မရှိတော့ဘူး...။ ကျွန်မစိတ်က သိပ်နုပါတယ်...သေးသေးလေးကအစ ခံစားလွယ် ကြေကွယ်လွယ်တယ်...။ ဒါကြောင့် အကြောင်းအရာ တစ်ခုခုကို ကျွန်မမျှော်လင့်ချက်ကြီးကြီး မထားရဲဘူး...။

ကျွန်မငွေမချမ်းသာချင်ပါဘူး....။ ကျွန်မကို ကားတွေ တိုက်တွေ ခြံတွေ အချွေအရံတွေနဲ့ ထားစရာ မလိုပါဘူး။ ဒါပေမယ့်ကျွန်မကို သေးသေးဖွဲဖွဲလေးကအစ ဂရုစိုက်တာကိုတော့ ခံချင်တယ်...။ ကျွန်မက အဲလိုကြိုက်တတ်တဲ့ လူစားမို့လား ကိုယ့်ပတ်ဝန်းကျင်ကလူတွေကိုလည်း အဲလိုလေးတွေ လုပ်ပေးရတာသဘောကျတယ်...။ မောင်ကကျတော့ ကျွန်မလိုမဟုတ်ဘူး... ရိုမန့်စ်ဆန်တာတွေ မကြိုက်ဘူး လက်တွေ့ကျတယ် စိတ်ကူးမယဉ်တတ်ဘူး...ကျွန်မလို အနုပညာကိုမခံစားတတ်ဘူး စာပေတွေကို မခုံမင်ဘူး ကျွန်မနဲ့တူညီတာဆိုလို့ ရုပ်ရှင်ကြိုက်တာတစ်ခုပဲဖြစ်မယ်...။ တခါတခါကျ တွေးကြည့်တော့ အံ့သြဖို့လည်းကောင်းပါတယ်... ၀ါသနာမတူတဲ့လူနှစ်ယောက် အတူတစ်အ်ိမ်တည်း နေနိုင်တာ အချစ်တစ်ခုတည်းအတွက်ဆိုတာ..။

အသေးဖွဲလေးကအစ ခံစားလွယ်လွန်းတဲ့ ကျွန်မကိုမရင့်ကျက်သေးဘူးလို့ ပြောချင်လည်းပြောပါတော့။

မိုးငွေ့

ကျွန်ုပ်၏မနက်စာများနှင့် ဆွမ်းဟင်းများ

  Parmesan cheese+ ကြက်သွန်မြိတ်နဲ့ လုပ်ထားတဲ့ အင်္ဂလိပ် အငံဘိန်းမုန့်ကို ပျားရည်ဆမ်း ကော်ဖီပူပူနဲ့သောက်..

သူတို့အခေါ် Angeleno plum မက်မန်းချိုသီးဘိန်းမုန့် နဲ့ကော်ဖီဆိမ့်ခါး

 

 ကြက်ဥ+ဂျုံ+နွားနို့+သကြား+ဆားနဲနဲ+ဆိုဒါ နဲ့မုန့်နှစ်ရည် အပေါ်မှာ ထည့်ကြော်မယ့် မက်မန်းချိုသီး စီးတီးမတ်မှာ ကီလိုနဲ့ဝယ်နိုင်ပါတယ်...။ ရှမ်းပြည်မှာနေတုန်းကတော့ ကျိုင်းတုံကလာတဲ့ မက်မန်းချိုသီးတွေစားဖူးတယ် အရမ်းစားကောင်းတယ် ..

 မကပ်တဲ့ ဒယ်ပြားမှာ ထောပတ်လေးနဲနဲသုပ်ပြီး ကြော်ပါတယ်...။ မုန့်သားမျက်နှာပြင်မှာ အပေါက်ကလေးတွေဖြစ်လာပြီဆို ပလပ်စတစ်ဂေါ်ပြား သို့ သစ်သားယောင်းမနဲ့ တစ်ဖက်လှန်ပေးပြီးကြော်ပါတယ်

 

 အမဲသားခရမ်းချဉ်သီးဟင်းအနှစ် အီတလီခေါက်ဆွဲသုပ်ကို Parmesan cheese အမှုန့်လေးဖြူးစားပါတယ်

 ပေါင်မုန့်ကြက်ဥကြော်နဲ့ simply coral coffee

ကော်ဖီလက်ဖက်ရည်တစ်ဇွန်းခွဲ+နို့မှုန့်တစ်ဇွန်း+နို့ဆီတစ်ဇွန်း
အချိုးနဲ့ဖျော်ထားတဲ့ ခါးဆိမ့်ကော်ဖီ

  ကြာသပတေးဆွမ်းပတ် ၀က်သားလုံးကြော်+ပန်းဂေါ်ဖီစိမ်းကြော်+ကြက်မောက်သီး

 ကြက်သားမုန်ညင်းချဉ်ကြော်+ခရမ်းသီးကြက်ဥအောမလက်+ပဲကြာ်ဇံသုပ်+မင်းကွပ်သီး

ပုစွန်အာလူးချက်+ပဲနီလေးဟင်းချို+ပူတင်းပေါင်မုန့်+သဘောင်္သီး

ကြက်သားလုံးခရမ်းသီးနှပ်+ဖရုံပွင့်ကြော်+ပဲညွှန့်ဟင်းခါး+သရက်သီး

ရေဦးဝက်အူချောင်း+ဗူးသီးကြော်ချက်+မုန်ညင်းဖြူပဲလိတ်ကြော်+Pucci cake+နာနတ်သီး

ကြက်ကုန်းဘောင်ခေါက်ဆွဲကြော်+ဘဲကင်ရိုးကင်မ်ချီဟင်းချို

+ခရမ်းချဉ်သီးကြက်သွန်ချဉ်+သရက်သီး+အချိုရည်ဗူး

မိုးငွေ့

တစ်ခါက ကျွန်မ၏…….

တစ်ခါတုန်းက ကျွန်မ၏ကဗျာဆရာ ကျွန်မ၏ဓါတ်ပုံဆရာ ကျွန်မ၏ဒေါက်တာဆိုပြီး သူ့ကို အမျိုးမျိုးတင်စား စနောက်ခဲ့ဖူးတယ်….။ 

တကယ်တော့ သူဟာ ကဗျာဆရာတစ်ယောက်လည်းမဟုတ် ဆရာဝန်တစ်ယောက်လည်း မဟုတ်သလို အသက်မွေးဝမ်းကျောင်းဓါတ်ပုံဆရာတစ်ယောက်လည်းမဟုတ်ခဲ့ပါဘူး……။ ဒါပေမယ့် ၀ါသနာအရ သူ… ကဗျာလှလှ နုနုရွရွလေးတွေကိုသီကုံးတတ်တယ်…. အဓိပ္ပါယ်များစွာကို ဖော်ဆောင်သော ဒဿနဆန်ဆန် ဓါတ်ပုံတွေကို ဖန်တီးတတ်တယ်… ကျွန်မရဲ့ ဝေဒနာရောဂါတွေကို စိတ်နဲ့ပျောက်ကင်း သက်သာအောင် ဒေါက်တာတစ်ယောက်လိုလည်း ကုသပေးတတ်တယ်…။

မျက်မှန်ဘောင်ခပ်ကြီးကြီးတပ်ပြီး ဆံပင်တွေဖွာလန်ကောက်ကွေးနေတဲ့ စတိုင်လ်ထူးခြားတဲ့ လူငယ်ကောင်လေးတစ်ယောက်ကို ကျွန်မစပြီးသတိထားမိခဲ့တာကြာပါပြီ…။ အဲဒီတုန်းက ကျွန်မတို့သူငယ်ချင်းတွေမဟုတ်ကြသေးပါဘူး…။ တစ်ယောက်ကိုတစ်ယောက် မျက်မှန်းတမ်းမိကြ ရုံလေးပါ…။ ကျွန်မတို့စသိချိန်မှာ… ကျွန်မက အသည်းကွဲနေတဲ့အချိန်ပေါ့…။ သူဟာ ကျွန်မရဲ့ အသည်းကွဲဝေဒနာကို တခဏအတွင်းပျောက်ကင်းအောင် ကုသပေးတဲ့ ကျွန်မရဲ့ ကိုယ်ပိုင်ဆရာဝန်လေး အနေနဲ့ သူကျွန်မဘ၀ထဲကို တိုးတိတ်စွာချင်းနင်းဝင်ရောက်လာခဲ့တာပါ….။ 

ကျွန်မဘာပြောပြော ဘာလုပ်လုပ် ဘယ်တော့မှ အပြစ်တင်ရှုံ့ချခြင်းမပြုဘဲ… ကျွန်မ၀မ်းနည်းတတ်တဲ့ အချိန်ဆို ကျွန်မကို မသိမသာကလေးနှစ်သိမ့်ပေးလေ့ရှိသလို တခါတလေ ကျွန်မအတည်ပေါက်နဲ့ စနောက်တတ်တဲ့အခါ ကျွန်မရဲ့ စနောက်ခြင်းကို သူချက်ချင်း သဘောပေါက်လေ့မရှိဘူး…။ “အစ်မက စာရေးတဲ့သူလို့မပြောရဘူး စကားပြောသိပ်ကြွယ်တာပဲ ကျွန်တော်က နည်းနည်းဝေးတယ်ဗျ… နောက်ဆို ပြောချင်တာရှိရင် တည့်ပြောဗျာ”လို့ သူကကိုယ့်ရဲ့ စကားဝင်္ကပါထဲကနေ အမြဲလမ်းပျောက်နေတတ်တဲ့သူလေ…။

ကျွန်မတို့ရင်းနှီးပြီး အချိန်တိုတစ်ခုအတွင်းမှာပဲ ကျွန်မကို နူးညံ့သောပန်းတစ်ပွင့်နဲ့အတူ သူ့ကဗျာလေးထဲခေါ်ဆောင် အသက်သွင်းခဲ့ပါတယ်….။ ကဗျာဆရာတစ်ယောက် မဟုတ်ခဲ့ပေမယ့်လည်း သူ့ရေးဖွဲ့သီကုံးတတ်တဲ့ ပန်းကလေးအကြောင်း အပိုင်းဆက်တွေနဲ့ ကဗျာရှည်ကြီးကို သူငယ်ချင်းအတော်များများ လာအားပေးပြီးဖတ်ကြတယ် ပြီးတော့ … အရမ်းလည်းကြိုက်ကြတယ်..။ အဲဒီအချိန်ကစပြီး သူငယ်ချင်းတွေက သူ့ကဗျာလေးထဲက ဇာတ်ကောင်နာမည်နဲ့ပဲ သူ့ကိုခေါ်တတ်ကြတော့တယ်…။ ထိုနည်းတူစွာပဲ ကျွန်မရေးသားသော စာတွေထဲမှာ သူဟာ ကျွန်မရဲ့ ဇာတ်ကောင်နေရာကို နေရာယူလာခဲ့တယ်…။ 

သူရေးတဲ့ သူ့ကဗျာလေးထဲက ပန်းပွင့်ကလေးဟာ ကျွန်မဆိုတာ ရင်းနှီးသူတွေ တော်တော်များများက ရိပ်မိသလိုလိုရှိကြပေမယ့် ဘယ်သူမှသေချာရေရာ မပြောနိုင်ခဲ့ကြသလို ကျွန်မစာထဲက ကျွန်မ၏  ကဗျာဆရာဟာ သူပဲဆိုတာ သေချာမသိကြပါဘူး…..။ ကျွန်မရေးတဲ့စာတွေကို သူက တိတ်တဆိတ် စာဖတ်သူတစ်ယောက်ဖြစ်ပေမယ့် ကျွန်မကတော့ သူ့ကဗျာလေးတွေရဲ့ ပရိတ်သတ်စစ်စစ် တစ်ယောက်ဖြစ်ခဲ့တဲ့အလျောက်…. သူသွားရာနောက်တစ်ကောက်ကောက်ပါတတ်တဲ့ သူ့ရဲ့ D 1100 ကင်နွန်ကင်မရာကြီးရဲ့ မော်ဒယ်တစ်ယောက်လည်းဖြစ်ခဲ့ပါတယ်…။

တစ်ခါက ကျွန်မနေထိုင်တဲ့ မြို့ကလေးဆီကို သူအလည်တစ်ခေါက်ရောက်ခဲ့တုန်းက ကျွန်မတို့နှစ်ယောက် ဈေးတန်းဖက်အတူသွားရင်း ဟင်းသီးဟင်းရွက်နဲ့ သစ်သီးတန်းတစ်ခုမှာ ကျွန်မဈေးဝယ်နေတုန်း ကတ္တီပါဖိနပ်စီးထားတဲ့ ကျွန်မခြေဖမိုးတစ်ဖက်ကို ခပ်လှမ်းလှမ်းကနေ Zoom ဆွဲပြီး သူရိုက်ထားခဲ့ဖူးတယ်…။ ပန်းခက်တွေအနားသတ်ထားတဲ့ နက်ပြာရောင်ချည်သား လုံချည်အနားနဲ့ ကျွန်မခြေဖမိုးက သွေးကြောစိမ်းတွေတောင်ပေါ်နေသးတယ်..။ အဲဒီလို ကျွန်မရဲ့ ဓါတ်ပုံဆရာက ကျွန်မ ဘုရားရှိခိုးနေတဲ့ပုံ ဆီမီးထွန်းနေတဲ့ပုံလေးတွေကို တဖျပ်ဖျပ်ရိုက်ရင်းနဲ့လည်း ကျွန်မကို သူ့ကိုယ်ပိုင်မော်ဒယ်တစ်ယောက်လို သဘောထားတတ်သေးတယ်…။

သူမပြန်ခင်ညအထိ ကျွန်မတို့ ဘုရားအတူသွားခဲ့ကြတယ် ကော်ဖီအတူသောက်ခဲ့ကြတယ်…..။ ကျွန်မကို အမြဲတစေ ကျွန်မစကားအတိုင်းအလိုလိုက်ပေးတတ်တဲ့ အဲဒီကောင်ကလေးနဲ့ ခုဆို ကျွန်မ စကားမပြောဖြစ်တာ ဘယ်လောက်ကြာနေခဲ့ပြီလည်း…။ သူ့အလုပ်က အရင်လို ညပိုင်းအချိန်မဟုတ်တော့လို့ ကျွန်မအွန်လိုင်းတက်တတ်တဲ့နေ့အချိန်တွေမှာ သူ့ကိုမတွေ့ရ တတ်တော့ဘူး တွေ့ခဲ့ရင်တောင် သူအလုပ်ရှုပ်နေတဲ့ အချိန်ဖြစ်နေလို့ နှုတ်ဆက်ရုံ စကားတစ်ခွန်း နှစ်ခွန်းစလောက်ပဲ နေကောင်းလား အဆင်ပြေလား သတိရတယ် ဒီလောက်ပဲပြောနိုင်တော့တယ်..။ အရင်သူ့အလုပ် ညပိုင်း လူပါးချိန်ဆို ကိုယ့်ကိုသူအမြဲ စကားလာပြောလေ့ရှိသလို ကိုယ်သူ့ကို ဦးနှောက်စားတာကို သဘောကျတတ်သေးတာ…။

တကယ်တော့ ကျွန်မတို့ သိပ်မရင်းနှီးခင် အစပိုင်းတုန်းက ကျွန်မရေးတဲ့ကဗျာတစ်ပုဒ်အတွက် သူ့ကိုယ်သူအပြစ်ရှိသူလို့ သတ်မှတ်ပြီး ကျွန်မဆီက သူဖြေဆေးလာယူခဲ့တာပါပဲ…။ ကျွန်မဆီက ဖြေဆေးရလိုက်ချိန်မှာ သူ့အသည်းတစ်ခြမ်း အဆိပ်သင့်နေခဲ့ပြီဆိုတာ သူသတိမထားလိုက်မိတာပါ…။ ကျွန်မတကယ်မရည်ရွယ်ပါဘူး….။ သူကို့ ကျွန်မစိတ်ညစ်တုန်း တစ်ခဏ ဖြေဖျောက်ဖို့ သက်သက် အသုံးချတာလည်းမဟုတ်ခဲ့ရိုးအမှန်ပါ…။

ဘေးက ကြည့်သူ မြင်သူတစ်ယောက်အနေနဲ့တော့ ကျွန်မအတွက်သူဟာ ကျွန်မစာတွေအတွက် ကုန်ကြမ်းတစ်ယောက်…။ ထားပါ… ဟုတ်တယ် ကုန်ကြမ်းဆိုပေမယ့် ကျွန်မကိုယ်တိုင် စိတ်နဲ့နှလုံးသားနဲ့ ခံစားမှုနဲ့ အရင်းတည်ခဲ့တဲ့အတွက်…သွေးနဲ့လူ သားနဲ့လူဖြစ်တာခြင်း တူညီတဲ့အတွက်… တစ်ယောက်နဲ့တစ်ယောက်ကြားမှာ မေ့ဖျောက်မရနိုင်ခဲ့တဲ့ မမြင်နိုင်တဲ့ အမျှင်တန်း သံယောဇဉ်တွေကတော့ရှိနေကြတာပဲမဟုတ်လား…။

@@@@@

ဘယ်လောက်ကြာခဲ့ပြီလည်း………..
ကျွန်မ၏ကဗျာဆရာရေးတဲ့ ကဗျာနုနုတွေကို မဖတ်ရတာ………. 
ကျွန်မ၏ဓါတ်ပုံဆရာကိုယ်တိုင် ရိုက်တဲ့ စကားပြောတဲ့ ပန်းချီကားချပ်တွေကို မကြည့်ရတာ……. ကျွန်မ၏ဒေါက်တာ ကျွန်မရဲ့ အသည်းကွဲဝေဒနာကို အနာကျက်တဲ့ အထိ မကုစားခဲ့တာ………

စိတ်ကူးတွေမယဉ်ချင်တော့ဘူးလို့ပြောပြီး ကျွန်မပျော်မွေ့နေတတ်တဲ့ အငွေ့ဆန်တဲ့လောကထဲကနေ သူတကယ်ပဲ အပြီးတိုင် နှုတ်ဆက်သွားခဲ့ပြီ…..။ ဆုံးဖြတ်ချက်ပြတ်သားစွာနဲ့ တကယ့်လက်တွေ့ဘ၀ကြီး ထဲမှာ သူရှင်သန် နေသားကျနေခဲ့ပြီ…..။ 

ကျွန်မကသာ… ကျွန်မရဲ့စိတ်ကူးကမ္ဘာမှာ ပလပ်စတစ်ပန်းဥယျာဉ်ကြား မွေ့လျော်နေတတ်တုန်း…..။

ခုတော့.... သူ့ကဗျာပန်းများရှိတဲ့ ဥယျာဉ်ဆီ သူ့ဓါတ်ပုံများရှိရာ ပြခန်းဆီကို မကြာခဏ အလည်အပတ်သွားရင်းနဲ့ပဲ ကျွန်မ အလွမ်းဖြေ ရတော့မှာပေါ့လေ….။

 သူတို့နှစ်ယောက်အကြောင်းကို အောက်ကပို့စ်တွေမှာ ရေးခဲ့ဖူးပါတယ်...။

၁) သော့တစ်ချောင်းကောက်ရတဲ့ကောင်လေး

၂) သော့တစ်ချောင်းကောက်ရတဲ့ကောင်လေး(၂)

၃) ကျွန်မ၏ ကဗျာဆရာနှင့်တွေ့ဆုံခြင်း

၎) လသာည၏ လေပြေညင်းတို့ဆောင်ယူရာ

၅) ပန်းကလေးရဲ့ ဥယျာဉ်မှူး

၆) ကဗျာမဆန်တဲ့ ကဗျာဆရာ

မိုးငွေ့

ကင်မ်ချီ

 ကိုယ်တိုင်လုပ်ကင်မ်ချီလေးနဲ့ ကြက်ဥထမင်းကြော် မနက်စာရုံးထမင်းဗူး...

ပထမဦးဆုံးအချဉ်တည်ခြင်းပါ...။ အဖွားလုပ်ခဲ့တဲ့ မုန်ညင်းချဉ်(ရှမ်းချဉ်)  ဂျူးမြစ်ချဉ်တွေလုပ်နည်းကို သိပေမယ့် တစ်ခါမှစမ်းမလုပ်ဖူးသေးပါဘူး...။ ကင်မ်ချီလုပ်တာလွယ်မှန်းသိပေမယ့် ကိုယ့်ဘာသာကိုယ်မလုပ်ဖူးသေးလို့ လုပ်နည်းလေးကို စိတ်ဝင်စားစရာမာမာရဲ့ဝါသနာများ ဆီကသွားယူထားတာ...။ သူလုပ်တာလေးက ပုစွန်ခြောက်လည်းပါတော့ စားကောင်းမယ့်ပုံပဲလို့..။ အဲဒါနဲ့ စမ်းလုပ်ကြည့်တာ တကယ်ကောင်းပါတယ်...။ မမာရဲ့ recipe ကိုနှစ်ဆလုပ်ထားတာပါ...။ မမာက မုန်ညင်းထုပ်တစ်ခြမ်း ကိုယ်က တစ်ထုပ်...။ သူ့နည်းလေးကို ဒီမှာသွားကြည့်လို့ရပါတယ်...။

အရောင်အတွက်ကို ကိုရီးယားငရုတ်သီးအနှစ်မထည့်ဘဲ အိမ်မှာရှိတဲ့ ငရုတ်သီးအရောင်မှုန့် ကိုပဲသုံးထားပါတယ်...။ မုန်လာဥနီပါတော့ အရောင်က သူ့အလိုလိုကိုလှနေရော...။

ဆားရည်သုံးနာရီစိမ်ထားရတဲ့ လက်တစ်ဆစ်လှီးထားပြီးသား မုန်ညင်းဖြူတစ်ထုပ်နဲ့ ဥနီတစ်လုံး

အစာပလာအကုန်ထည့်ပြီး ကိုရီးရမ်းအန်တီတွေလို့ အားပါးတရနယ်ပါလေ့... .နှစ်ဆယ့်လေးနာရီအခန်းအပူချိန်မှာထားပြီးစရင် ရေခဲသတ္တာထဲသ်ိမ်းပြီးစားလို့ရပါပြီ။

နောက်တစ်ခါကျ တီတင့်လုပ်တဲ့ နည်းလေးလုပ်ကြည့်ဦးမယ်...။

မိုးငွေ့

ပလပ်စတစ်ပန်းတွေဝတ်မှုန်ကူးတာစောင့်ကြည့်သူ.....

ကိုယ့်လက်ကို ရုတ်တရက်ဆွဲပြီး ကားလမ်းကူးလိုက်တော့ မင်းဘယ်ကို ဦးတည်နေမှန်းမသိ ကိုယ်အံ့အားသင့်ပြီး ဘာမှတောင်မေးလိုက်ချိန်မရဘူး…။ မင်းတွဲထားတဲ့လက်ကိုကြည့်ပြီး ကိုယ်လက်ကို ဒီလိုပဲတစ်သက်လုံးတွဲထားရင် သိပ်ကောင်းမှာပဲလို့ တဒင်္ဂအတွင်း စိတ်ကူးယဉ်လိုက်မိသေးတယ်…။ မင်းကို ဘာမေးခွန်းမှမထုတ်ဘဲ မင်းလက်ဆွဲခေါ်ရာနောက် ကိုယ်နှုတ်ဆိတ်ပြီး လိုက်ခဲ့တယ်….။  မင်းစိတ်လှုပ်ရှားနေလိုိ့ထင်တယ် လက်ဖျားတွေအေးစက်နေတာပဲ…။ မင်းကို ချစ်တတ်ဖို့ကလွဲပြီး တခြားဘာမှမပေးနိုင်တဲ့ မိန်းမတစ်ယောက်အတွက်နဲ့ မင်းခုလို စိတ်လှုပ်ရှားရတာ ထိုက်တန်ရဲ့လား…။ လူတစ်ယောက်နဲ့တစ်ယောက် စင်ကြယ်စွာချစ်ခြင်းမှာ ထိုက်တန်မှုတွေဘာတွေ တွက်ချက်စရာ မလိုဘူးမဟုတ်လား…။

လူ…လေးငါးယောက်သာရှိတော့တဲ့ ပိတ်ခါနီး လက်ဖက်ရည်ဆိုင်ကိုဖြတ်ကျော်လာခဲ့တဲ့အထိ မင်းဘယ်ကိုသွားနေသလဲဆိုတာ ကိုယ်မသိသေးဘူး…။ ကိုယ်တို့ ဒီမှာပဲထိုင်လိုက်မယ်လေဆိုတော့ မင်းက ခေါင်းခါတယ်….။ လမ်းသွယ်ကလေးထိပ် နီယွန်မီးတိုင်အောက်က ပလက်ဖေါင်းမှာ ကိုယ်တို့ရပ်လိုက်တယ်…။ ပြီးတော့ မင်းက ဘာမဆိုင်ညာမဆိုင်နဲ့…“မမ သနပ်ခါးလိမ်းတာ တခါမှ မမြင်ဖူးသေးဘူးလို့”ပြောတယ်…။ ကိုယ်တစ်ချက်ပြုံးလိုက်တော့ ကောင်းကင်က ကြယ်ကလေးတွေနဲ့အပြိုင်  မင်းအပြုံးပွင့်လေးတွေ လင်းခနဲဖြာကျလာခဲ့တယ်…။ 

လမ်းသွယ်ကလေးအတိုင်း ကိုယ်တို့လျှောက်လာခဲ့လိုက်တာ… သစ်ရွက်တွေကြားကနေ အလင်းတွေ ကွက်တိကွက်ကျားဖြာနေတဲ့ လရောင်နဲ့ ညကအေးချမ်းတိတ်ဆိတ်လို့….။ သစ်ပင်လေးကို ပတ်လည်ဝိုင်းထားတဲ့ အုတ်ခုံပေါ်ကိုယ်တို့ထိုင်လိုက်ကြတယ်…။ ကိုယ်တို့နှစ်ယောက်ကြားမှာ မင်းဆီက သက်ပြင်းချသံခပ်တိုးတိုးရယ် ပုရစ်အော်သံနဲ့ လရောင်တစ်ချို့ပဲရှိတယ်…။ တခုခုကို စိတ်အလိုမကျမှုတွေ အနှောက်အယှက်ဖြစ်မှုတွေနဲ့ မင်းတစ်ယောက်ထဲ စိတ်ရှုပ်ထွေးနေမှန်းသိသာပေမယ့် မင်းကိုဘယ်လိုမေးမေး မင်းကဘာမှမဖြစ်ဘူးပဲငြင်းနေတာပဲလေ….။ မင်းကို… စာအုပ်တစ်အုပ်လို့ မဖတ်တတ်ခဲ့တဲ့ ကိုယ့်ညံ့ဖျင်းမှုအတွက် ကိုယ်တကယ်ပဲအားမလိုအားမရဖြစ်ခဲ့ရတယ်…။ မင်းကတော့ မင်းအပေါ်ချစ်နိုင်ခဲ့တဲ့ အမြဲတမ်းအကောင်းမြင်နိုင်ခဲ့တဲ့ ကိုယ့်ကို ဘာကြောင့်လဲလို့ပဲ နားမလည်တတ်စွာ မေးခွန်းတွေအတွင်တွင် ထုတ်နေခဲ့တယ်…။ လူနှစ်ယောက်ကြားမှာ ချစ်ခြင်းဆိုတာ ကြားခံသွားတာနဲ့တပြိုင်ထဲ အပြစ်က သူ့အလိုလို ပျောက်ကွယ်လွင့်ပါးသွားတတ်တာပဲလေ…။ ချစ်နိုင်ခဲ့ခြင်း သီးခံနိုင်ခဲ့ခြင်း စိတ်စေတနာ ထားနိုင်ခဲ့ခြင်းဆိုတာ အကြောင်းပြချက်မှမလိုပဲ…။

မင်းကိုချစ်တယ်ဆိုတာ…. ဘာအရောင်အစွန်းအထင်းမှမှမပါဘဲ…။ မင်း ဘယ်လောက်ပဲ ဆိုးပေတေနေနေ မင်းဟာ ကိုယ့်ဘ၀ရဲ့ အိန်ဂျယ်တစ်ယောက်ဖြစ်တာနဲ့ ဘာမှမဆိုင်ပါဘူး….။ မင်းဟာကိုယ့်ကို အမြဲတမ်းချစ်ခြင်းတွေနဲ့အပြင် အလွမ်းတွေနဲ့ပါ ထုံမွှမ်းနေစေတဲ့သူ…။ 

တခါတခါကျ မင်းပါးပြင်နှစ်ဖက်ကို ကိုယ့်လက်ဖ၀ါးတွေနဲ့အုပ်ပြီး လင်းလက်နေတဲ့ မင်းမျက်ဝန်းတစ်စုံကို တည့်တည့်စိုက်ကြည့်ပြီး မင်းကို…ကိုယ်သိပ်ချစ်တဲ့အကြောင်းတွေ တဖွဲ့တနွဲ့ပြောပြချင်တယ် သိလား…..။ ပြီးတော့… သံစဉ်ချိုချိုတွေကို ဖွဲ့သီတတ်တဲ့ မင်းနှုတ်ခမ်းထူထူတစ်စုံရဲ့ ချိုမြမှုကို မြည်းစမ်းကြည့်ချင်သေးတယ်…။

အိုကွယ်….. ကိုယ်ဟာ နေ့အိပ်မက်မက်နေတုန်းလား…။ တိမ်တွေပေါ်လမ်းလျှောက်နေတုန်းပဲလား…။ ပလပ်စတစ်ပန်းတွေဝတ်မှုန်ကူးတာကို စောင့်ကြည့်နေတဲ့သူလား….ပြောပြစမ်းပါကွယ်…..။ 

ကိုယ့်ကို ဘယ်လိုလူစားမျိုးပဲ မှတ်ချက်ချချင်ကြပါစေတော့… ကိုယ့်ရဲ့ ရူးသွပ်မှုတွေကတော့ ဖွဲမီးလိုပဲ တမြေ့မြေ့နဲ့ ဆက်လက်လောင်ကျွမ်းနေမှာပါပဲ….။

မိုးငွေ့