မင်းတုန်းမင်းဟာ မိန်းမလှလှ မြင်ရင်
သိမ်းပိုက်လေ့ရှိတယ်။
သိမ်းပိုက်ပြီးရင်လဲအဲဒီမိန်းမရဲ့ ဦးလေးတွေ
အကိုတွေမောင်တွေကိုပါရောပြီးမြှောက်စား
တဲ့အနေနဲ့ ဟိုနယ်စားစေ..ဒီနယ်စားစေ
ဆိုပြီး နယ်စားတွေ လျှောက်ပေး ပစ်တာ။
ဟိုသကောင့်သားတွေကလဲ အုပ်ချုပ်ရေးဆိုလို့
နကန်းတစ်လုံးမှ နားမလည်တဲ့
စာမတတ် ပေမတတ်လယ်သမား
ထန်းတက်သမား တောသားတွေ။
ရှင်ဘုရင်နဲ့ အမျိုးတော်ပြီဟေ့လဲဆိုရော
အော်တိုမက်တစ် မြို့စားနယ်စားတွေ ဖြစ်ကုန်ရော..
ဘုမသိ ဘမသိ အုပ်ချုပ်တော့ စနစ်တကျ ဖြစ်မလာဘဲ
အကုန် ကစဉ့်ကလျားတွေ
ဖြစ်ကုန်ပြီး မြို့ခံနယ်ခံ လူထုခမျာ
အတော် ဒုက္ခရောက်ရှာကြရတယ်။
အဲဒါကို အမြင်မတော်တဲ့ပုဂ္ဂိုလ် တစ်ယောက် ရှိခဲ့တယ်။
သူကတော့ တခြားသူမဟုတ်ဘူး
မြန်မာ့သမိုင်းမှာ အထင်ကရ မှူးမတ်ကြီး
ယောအတွင်းဝန် ဦးဘိုးလှိုင်"..
ရှင်ဘုရင် နှာဘူးထလို့ ကို့ရို့ကားရား ဖြစ်နေတဲ့
နိုင်ငံ့အရေးမှာ မလွှဲမရှောင်သာ ဝင်ပြောရတော့တယ်..
" အစ်မ နှမ၊ သမီးကကို၊ စ၍ဆက်နှင်း၊
လက်ဆောင်သွင်း၍၊ စိုးမင်းချစ်မြတ်၊
ထိုအမတ်သည်၊ အတတ်မရှိ၊
တတ်သိကင်းကွာ၊ ဘုန်းကြီးလာမူ၊
ပြည်ရွာပျက်ကြောင်း၊ တစ်ပါးတည်း"
ရယ်လို့စာစပ်ပြီး သံတော်ဦးတင်လိုက်တယ်..
အဲဒီချိန်မှာ မင်းတုန်းက ရှက်ရမ်းရမ်းပြီး
သူ့ရဲ့လက်စွဲတော် လှံကို ဆွဲထုတ်လိုက်တယ်..
တကယ်တော့ အဲဒါ မိုက်ကြေးခွဲတဲ့ လမ်းဘေးကွက်ပဲ..
ကိုယ့်မှာ အင်အားရှိလို့ကတော့
ဘယ်သူမဆို အဲဒီလို ခြိမ်းခြောက်ရဲတယ်..
မင်းတုန်းမင်းလည်း
ဦးဘိုးလှိုင်ကို သွေးတိုးစမ်းကြည့်တယ်..
"မောင်မင်း.. ဒီလှံကို သိလား"
"မှန်ပါ.. သိကြောင်းပါ"
"ဒီလှံနဲ့ ဘယ်သူ အစီရင်ခံရဖူးလဲ"
"ကျွန်တော်မျိုးရဲ့ဖခင် ရင်းတောဝန်ကြီး
ပါဖုရား"
မင်းတုန်းက ခေါင်းတဆတ်ဆတ်ငြိမ့်နေတယ်..
ဘိုးလှိုင်တစ်ယောက်တော့ ကြောက်နေရှာပြီပေါ့..
အဲဒါနဲ့ ဆက်ပြီး ဖြဲခြောက်လိုက်တယ်..
"ဒီလှံနဲ့ အစီရင်ခံလိုသလား"
အဲဒီမှာ ဦးဘိုးလှိုင်က ထပြီး
ရင်ကော့ပေးလိုက်တယ်..
"ထိုးတော်မူပါဖုရား"
မင်းတုန်းလည်း ရှက်ရမ်းရမ်းကာမှ
တကယ့်သတ္တိခဲနဲ့ လာတိုးနေတော့
ဘာလုပ်လို့လုပ်ရမှန်းမသိဘဲ
ပလ္လင်ပေါ်ကထပြီး
အတွင်းဆောင်ကို ပြန်သွားတယ်..
တစ်ချိန်လုံး ငြိမ်ဝပ်နေတဲ့
တခြားအမတ်တွေက အဲဒီတော့မှ
ဦးဘိုးလှိုင်ကို ဝိုင်းပြောကြတယ်..
" ဝန်မင်းရာ.. တင်းတင်းမာမာ
ရဲပဲရဲလွန်းလှတယ်ဗျာ "
ဦးဘိုးလှိုင်က အိနြေ္ဒမပျက် ပြန်ပြောလိုက်တယ်..
" ကျုပ်ဟာ အမတ်တစ်ယောက် ဖြစ်တယ်..
အမတ်ဆိုတဲ့အတိုင်း လွဲနေတာတွေ့ရင်
တည့်တည့်မတ်မတ်ဖြစ်အောင် ထိန်းရမှာပဲ"
လက်ရှိမြန်မာပြည်မှာတော့
အာဏာရူးပြီး
ထင်ရာစိုင်းသမျှ သတ္တိရှိရှိ တည့်မတ်ပေးရဲတဲ့
အမှုထမ်းအရာထမ်းတွေ မရှိခဲ့ဘဲ
ဖားယားပြီး အကုန်ကောင်းပါတယ်
ဝိုင်းလိမ်ပေးကြလို့ ဒင်းတို့ လုပ်ချင်သလို
လုပ်ခွင့်ရတော့တိုင်းပြည်လည်း ဖြစ်ချင်တိုင်းဖြစ်ပြီး
မြောင်းထဲရောက်တာပဲ..
ဦးဘိုးလှိုင်လို
သမာသမတ်ကျပြီး
သတ္တိရှိတဲ့ ဝန်ထမ်းကောင်းတွေ
များများ ပေါ်ထွက်လာမှ
ဒီတိုင်းပြည် နာလံထူနိုင်ပါလိမ့်မယ်..
လေးစားစွာဖြင့်
#crd
1 comment:
Wow....
Khine
Post a Comment