ဝင်းမြင့်​၏အချစ်ကဗျာများ(၁).....

လိုရာကို လွတ်လပ်စွာပြန်သန်းပါ လိပ်ပြာငယ်

ကျမကို ကျမစာအမြဲလာဖတ်တဲ့မိတ်ဆွေတစ်ယောက်က ဝင်းမြင့်ရဲ့ ကဗျာစာအုပ်ဖတ်ကြည့်ဖို့အကြံပေးတာနဲ့ ကဗျာစာအုပ်တန်းမှာသွားရှာတော့ နှစ်အုပ်ရလာခဲ့တယ်...။ အခုကျမ ဝင်းမြင့်ရဲ့ အချစ်ကဗျာဆိုတဲ့ ကဗျာတိုပေါင်းရာနဲ့ချီတဲ့ထဲက ကျမအနှစ်သက်ဆုံး ကဗျာတွေကို အပိုင်းစဉ်အလိုက်တင်ပေးသွားချင်ပါတယ်...။ ကဗျာကိုချစ်ပေမယ့် ကဗျာတစ်ပုဒ်ဖြစ်ဖြစ်မြောက်မြောက်ရေးဖို့ အဖြစ်မရှိခဲ့တဲ့ ကျမကိုယ်ကျမ အားမရဘူး...။ 

ကဗျာဆရာတစ်ယောက်ဆီက ကဗျာရေးနည်းသင်ပေးဖို့ ကျမတောင်းဆိုခဲ့ဖူးမယ်ထင်တယ်...။ ဒါပေမယ့် ကျမနဲ့ကဗျာ ဘယ်လိုမှ ဘာမှဖြစ်မလာနိုင်တော့မှန်းသေချာနားလည်သွားတဲ့နေ့ကစပြီး ကျမကဗျာတစ်ပုဒ်ရေးဖို့ ဘယ်တော့မှမကြိုးစားတော့ဘူး... ။ 

ကျမနဲ့ကဗျာ ဒီဘဝဒီအမျှပေါ့.....

ကဲ တကယ့်ကဗျာဆရာတွေရဲ့ ကဗျာတွေပဲ ကူးချဝေမျှပါရစေ....

ကွာဝေး

မီးပျက်ပေမယ့် 
အလင်းရောင်မပျက်စေနဲ့

မီးမွေးချင်တဲ့သူနဲ့

အလင်းရှိစေချင်သူ
ကွာပါတယ်။    ။

မီးပုံးပျံခြင်း

မီးပုံးဟာ

ပျံသွားမှာဆိုတော့

သူလည်းတစ်နေ့ 

ပြန်လာမှာလား

မီးစာကိုဆွတ်

လက်ကိုလွှတ်

လရောင်ထဲမှာ

သူလိုရာခရီးသွားစေတော့။    ။  ၁၄.၁၀.၂၀၁၆

ချစ်သံဇဉ်

ထီးထဲမှာ ပိတ်မိနေတဲ့ အရိပ်နှစ်ခုလို

ခလုတ်ဖွင့်မိတော့မှ လူသားနှစ်ခု တွေ့ကြတယ်...။

သံယောဇဉ် ဆိုတာမျိုးကလည်း ကိုယ့်အမျှင်နဲ့ ကိုယ်

ရုန်မထွက်ချင်တဲ့ ပင့်ကူ...။

စိတ်ကူးထဲကအတိုင်း တစ်ဦးနဲ့တစ်ဦး သတိရတဲ့အခါ 

လူတစ်ယောက် အရိပ်နှစ်ခု ထပ်တူ....။

ဒီလိုဆို စွယ်တော်ပင်လည်း ဆေးဖက်ဝင်

စံပယ်ပန်းတွေက ချစ်တတ်သူ....။    ။ ၂၅.၁၀.၂၀၂၇

မျက်ရည်ဆိုင်

ဓါတ်ခွဲခန်းထဲမှာ

စံပယ်ဆိုပြီး ဘာလို့ ကြွေခဲ့သလဲ တီးခေါက်မိတယ်...။

သူက အဖြူရောင်ယဉ်ကျေးမှုပဲ

ရေမွှေးအဖြစ် ဘဝကူးခဲ့သူ....။

ကျွန်တော်က ပုံတူကူးချသူ သက်သက်ပါ

သူ့ ထုံးတမ်းစဉ်လာကို မသိတတ်ခဲ့မိဘူး....။

သူခွင့်လွှတ်ချက်မှာ မွှေးပြီး ကျန်ရစ်တယ်

သူ့အရောင်က စွန်းထင်ကျန်ရစ်တယ်...။

မျက်ရည်ကို 

ချိတ်ပိတ်ပြီး တိတ်ကပ်ပြီး

တံဆိပ်ခတ်ပြီး အရောင်ဆိုးပြီး 

လိပ်စာနဲ့တကွပို့တယ်....။    ။

အချစ်

ချစ်တဲ့အကြောင်းများပြောမိတဲ့အခါ

သူမက အသည်းပုံအနီရောင်လေး လက်နဲ့ဖိပြီး

နီးစွေးတဲ့ တော်လှန်ရေးပဲလို့ အယူအဆရှိတယ်...။

ကျွန်တော်ကတော့သောင်ပြင်မှာပုံထားတဲ့ သဲပုံလေးကိုပဲ

အမြဲပြေးမြင်ယောင်တယ်...။

ရေတတ်လာရင်

သဲတွေ တစ်ပြေးတည်း ပြန်ပျော်ဝင်ပုံမျိုး...။

လူတွေကြားထဲမှာ

ဒီတော်လှန်ရေး အမြဲရှိနေမှာပဲ

ကွာခြားပေမယ့် အမြဲနိုးကြားနေမယ့် အချစ်တွေလေ....။    ။၆.၈.၂၀၁၈

_______________________

Revolution will prevail

မိုးငွေ့

အဟာရဒါန ရူပဒါန....

ထုံးစံအတိုင်း ဒူးရင်းသီးပေါသည် သို့သော် ဈေးမပေါပါ ဒါ့ပေသည့် စားတော့စားရမည်

စိန်တစ်လုံးသရက်သီးတွေခုတော့ တုံးနေပါပြီ စမူသီလေးလုပ်သောက်

ကမ္ဘာပေါ်မှာအကောင်းဆုံး ကျမရဲ့ France Toast 

ဆိုင်မှာကော်ဖီသွားသောက်တိုင်း ဘာရစ်စတာတွေရဲ့ လက်တေးအနုပညာကို မှတ်တမ်းတင်ရမှ

Scramble egg ကြက်ဉမွှေကြော်ပျော့ပျော့လေး ပေါင်မုန့်မီးကင်နဲ့အလိုက်ဖက်ဆုံးသော

အိမ်မှာကွကိုယ်စက်နဲ့ဖျော် အဲလိုခရမ်ရောင်ကောင်းမှ သောက်လို့ကောင်းတာ

ညနေ နေပူဆာလေးနဲ့ ကော်ဖီတစ်ခွက်

ထမင်းကိုပဲငံပြာရည်အနှောက်နဲ့ညိုညိုလေး ငရုတ်ကောင်းလေးနဲ့ကြော် ကြက်ဉဟပ်ဖရိုက်နဲ့ 

ငါးရံ့ခြောက်ဆီဆမ်းလေးနဲ့ ကော်ဖီတစ်ခွက်နဲ့ ပြီးပြည့်စုံနေသော မနက်စာ

မုန့်ဟင်းခါးစားရင် အဲလိုထမင်းထည့်စားရမှကျေနပ်

ရှောက်ပန်းသီးသုပ် ကျမတို့ရှမ်းပြည်မှာ ကျွဲကော်သီးကို ရှောက်ပန်းသီးလို့ခေါ်တယ်

ညနေစာကို အဲလို အစပ်နှစ်ဆ ပဲခေါက်ဆွဲနဲ့ ရေညှိနဲ့ ကမ်ချီနဲ့ စပ်လာရင် 

ထမင်းဖြူလေး တစ်လုတ်ခပ်စားလိုက်မုန်ညင်းဟင်းချိုလေးသောက်လိုက်နဲ့ 

ပြီးမှ ငါးနုသန်းအိုးကပ်လေးကို ဒီတိုင်းလေးစား

အဖိုးအမွေပေးထားတဲ့  ဗီယက်နမ်ကော်ပြန့်ကြော် ကြာကြာတစ်ခါလုပ်စားဖြစ်တယ်

ရှမ်းပြည်ကပို့ပေးလိုက်တဲ့ သုံးလပိုင်းပဲပုပ်ခြောက်တွေ

ရှမ်းခေါက်ဆွဲလုပ်စားဖို့ သက်သတ်လွတ်စားရင် မီးကင်ဆီဆမ်းသံပုရာရည်ညှစ်စားဖို့

မြေပဲဂျူးပဲပုပ်ကြော်လုပ်စားဖို့ ခရမ်းချဉ်သီးပဲပုပ်ချက်လုပ်စားဖို့

Farmer Market တစ်ခုသွားရင်း ဝယ်စားဖြစ်တာ ဒီပေါင်မုန့်တစ်ခုစားတာနဲ့ တစ်နေကုန်နေရောပဲ

ရောက်တဲ့နေရာတုန်း မုန့်ဟင်းခါးရောင်းတာတွေ့ရင်မြည်းလိုက်ရမှ

Home Made ရေခဲချောင်းလေး အုန်းစိမ်းနုအရသာ

တိုဖူးခေါက်ကြော်နဲ့ ထောပတ်သီးသုပ် ဘိုလို Avocado Salsa ဆိုလား

နယ်ထူရယ်ဗူးသီး

မိုးငွေ့

Burma Bistro 

My Own Paradise

__________________

Revolution will prevail

မိုးငွေ့

မယုံနိုင်ဘူး.....

မခိုင်ကြီးရဲ့ အောရီဂျင်နယ် "မယုံနိုင်ဘူး"

မခိုင်ကြီးသီချင်းတွေထဲက ကျနော့်အကြိုက်ဆုံးသီချင်းတွေမှာ ဒီတစ်ပုဒ်လည်းပါတယ်...။ ဒီသီချင်းကို ပြန်နားထောင်ဖြစ်သွားတာက အေသင်ချိုဆွေရဲ့ ညီမ Food Blogger မေသင်ချိုဆွေ ပေ့ချ်ကိုသွားကြည့်ရင်းနဲ့ပါ..။ ချင်းမိုင်မှာ ကလေးတွေကိုအင်္ဂလိပ်စာသွားပြရင် အစားတွေစားပြနေတဲ့ မေသင်ချိုဆွေကိုကြည့်ရင်း သူ့အစ်မကိုသတိရသွားခဲ့တယ်...။ ကျနော် စမ်းချောင်းမှာနေနေတုန်း ဆောင်းမနက်တွေမှာ ရင်ပြည်ရှေ့ ထိုက်ကျိ နေ့တိုင်းသွားကစားဖြစ်တုန်းက အပြန်ဆို စမ်းချောင်းလမ်းထဲ လက်ဖက်ရည်သောက် မုန့်စားပြီးမှ အိမ်ပြန်တာ....။ အဲကျနော်တို့ထိုင်သောက်တဲ့ လက်ဖက်ရည်ဝိုင်းနံရံမှာ အေသင်ချိုဆွေရဲ့ ပထမဆုံးစီးရီး "ပေါက်တဲ့အိုး" ပိုစတာလေးကပ်ထားတယ်...။ အဆိုတော်နာမည်လေးကလည်း အဆန်း သီချင်းနာမည်လေးကလည်း သူများနဲ့မတူဘူးဆိုပြီး သတိထားမိတယ် သူ့သီချင်းတွေလည်း အဲကတည်းက နားထောင်ဖြစ်တယ်...။ နောက်တစ်ခွေကျတော့ နာမည်ကြီးအဆိုတော်တွေရဲ့ အကောင်းဆုံးသီချင်းတွေကို အေသင်ချိုဆွေပြန်ဆိုထားတာ ထပ်ထွက်တယ်...။ အဲထဲက မခိုင်ကြီးရဲ့ "မယုံနိုင်ဘူး" ကို သူ့စတိုင်လ်လေးနဲ့ဆိုသွားတာ ကြိုက်တယ်...။ အေသင်က..🎵သေချာတယ် မောင်မရှိတော့တဲ့နေ့ရက်တို့ ရင်မဆိုင်ရဲ🎵 ဆိုတဲ့အဆုံးသတ်လေးကို ရှည်ရှည်လေးဆွဲဆိုသွားတဲ့ပုံစံလေးတအားကြိုက်တယ်...။

မခိုင်ကြီး One Lady Show တုန်းက ဘရိတ်ကီနဲ့

အေသင်ချိုဆွေပြန်ဆိုထားတဲ့ "မယုံနိုင်ဘူး"

ဝိုင်းစုပြန်ဆိုပြီး စိုင်းစိုင်း Rapping လိုက်ထားတဲ့ "မယုံနိုင်ဘူး"

_______________________

Revolution will prevail

မိုးငွေ့

 

Yangon.....

 

"ရန်ကုန်" ဆိုတဲ့ သီချင်းက ၂၀၁၃ မှာ ထွက်ခဲ့တဲ့ ကိုမျိုးကျော့ရဲ့ "ပစ္စုပ္ပန်" အယ်လ်ဘမ်ထဲက အဲလက်စ်နဲ့တွဲဆိုထားတဲ့ သီချင်းတစ်ပုဒ်ပဲဖြစ်တယ်...။ နောက်ပိုင်းထွက်တဲ့ ကိုမျိုးကျော့သီချင်းတွေက အီလက်ထရိုပေါ့တွေ ဒန့်စ်တွေဖက်နွယ်တယ် မြူးမြူးကြွကြွလေးတွေပေါ့....တစ်မျိုးမိုက်တယ်....။

"ရန်ကုန်" ဆိုတာ မြန်မာနိုင်ငံရဲ့ မြို့တော်ဖြစ်သလို ကမ္ဘာမှာလည်း အထင်ကရဖြစ်တဲ့မြို့တစ်မြို့ပါ....။ ကျနော် စရောက်ဖူးတုန်းက "ရန်ကုန်"နဲ့ အခုခေတ်"ရန်ကုန်"က အနေအထားတော်တော်လေးကွာခြားသွားပါတယ်....။ တိုးတက်ပြောင်းလဲလာပါတယ် တိုက်တာလမ်းပန်း ဉယျာဉ်ပန်းခြံ ဘာညာကောင်းလာပါတယ် ဒါပေသိ ကျနော်စရောက်တုန်းက "ရန်ကုန်"ဟာ လမ်းတွေပေါ် ကားရှင်းတယ် အမှိုက်သရိုက်တွေမပေါသေးဘူး လူဦးရေများပြားရှုပ်ထွေးမှုမရှိသေးဘူး ရန်ကုန်ဟာလတ်ဆတ်လန်းဆန်းတက်ကြွနေတဲ့ လူကြီးလူကောင်းဆန်ဆန်...ခုတော့ လူဦးရေတွေက ဆယ်ဆလောက်များလာ အရှင်းဆုံးပြောရရင် နာဂစ်နောက်ပိုင်း အသိတရား လူ့ကျင့်ဝတ်သေသေချာချာနားမလည် စည်းကမ်းမရှိဉာဏ်ပညာအားနည်းတဲ့ တာဇံတွေတက်လာနေကတည်းက ရန်ကုန်မြို့ကြီးဟာ ယိုယွင်းပျက်စီးစပြုလာတော့တာပဲ စည်းမရှိကမ်းမရှိ အမှိုက်တွေပစ်လာကြတယ် ကွမ်းယာရောင်းသူများလာ ကွမ်းစားသူများလာတယ် မြို့တော်ကြီးဟာ အဲကတည်းက ဖျားနာလာတော့တာပဲ....။ အရင် ရန်ကုန်သူ ရန်ကုန်သားစစ်စစ်တွေ နေထိုင်စဉ်ကလို ရန်ကုန်ဟာ မလန်းတော့ပါဘူး ဖယိုဖရဲနဲ့ ခုနိုင်ငံရေးအခြေနေမှာ ပိုလို့တောင်ဆိုးသေး....။ 

အရင်က ရန်ကုန်သူ ရန်ကုန်သားဆိုရင် လူလည်ကျတဲ့သူတွေလို့ ပြောတတ်ကြတယ် ခုခေတ်တော့ ရန်ကုန်သူ/သားတွေက ငတုံးငအတွေများလာပြီး နယ်ကတက်လာတဲ့ လူလည်ကျစ်ကျတာဇံများရဲ့စိုးမိုးအနိုင်ယူချင်းကိုခံနေရရှာတယ်...။  ကျနော်တို့ ရန်ကုန်ကို အမြန်ဆုံးဆေးကုဖို့လိုနေပြီဗျ......။

ရန်ကုန်ရေ !!!!

အသက်ရှည်ရှည်ရှူပါ .......

ရေများများသောက်ပါ ......

အလကားရနေတဲ့ အောက်စီဂျင်ကို တန်ဖိုးရှိရှိ ရှူရှိုက်အသုံးပြုအသက်ဆက်ပါ.....

အလောင်းမင်းတရားဦအောင်ဇေယျ ဒဂုံကနေ နာမည်ပြောင်းခဲ့တဲ့ ရန်ကုန်....

🎵 🎵 🎵

လူတော်တွေများတဲ့ ရန်ကုန်....

တည်ငြိမ်စွာရှိတဲ့ ရန်ကုန်....

ကမ္ဘာကိုကိုင်လှုပ်မယ့် ရန်ကုန်.... 🎵 🎵 🎵

ကိုမျိုးကျော့မြိုင်ထွက်ရှိခဲ့သော တေးစီးရီး အယ်လ်ဘမ်များ

1. မိုးတွေရွာနေချိန်ခဏ (၁၉၉၂)
2. ကမ္ဘာကြီးအပြင်ဘက် (၁၉၉၃)
3. Virus 3 [ Rap `N´ Roll ] (၁၉၉၄)
4. Virus 3 (ဒုတိယစီးရီးနှင့်တတိယစီးရီးများမှကောင်းနိုးရာရာသီချင်းများကိုပြန်လည်ရွေးထုတ်ခြင်း) (၁၉၉၅)
5. အပိုင်းအစ တစ် (၁၉၉၅)
6. အပိုင်းအစ တစ် နှစ်ပိုင်းတစ်ပိုင်း (၁၉၉၆)
7. ပေါင်းစပ်ခြင်း(ဆောင်းဦးလှိုင်၊ သီရိဂျေမောင်မောင် တို့နှင့် တွဲဖက်၍) (၁၉၉၆)
8. မျိုးကျော့မြိုင်(၂)Virus (၁၉၉၇)
9. အဟောင်းဆုံးတေးများ (၁၉၉၈)
10. သက္ကရာဇ် ၂၀၀၀ Remix (၂၀၀၀)
11. သတိရရင်ပြီးတာပဲ(ကဗျာဘွဲ့မှူး နှင့် တွဲဖက်၍) (၂၀၀၀)
12. ကျွန်တော့်နာမည်မျိုးကျော့မြိုင် (၂၀၀၁)
13. အကောင်းဆုံးတေးများ (၂၀၀၁)
14. မျိုးကျော့မြိုင်.Com (၂၀၀၂)
15. စားသုံးကြည့်(ဒိုးလုံး နှင့် တွဲဖက်၍) (၂၀၀၂)
16. လူဖြစ်ရတဲ့ဒုက္ခ (၂၀၀၃)
17. တကယ်မချစ်ဘဲနဲ့(ထွန်းအိန္ဒြာဗို နှင့် တွဲဖက်၍) (၂၀၁၀)
18. ပစ္စုပ္ပန် (၂၀၁၃)
19. တဘက်စွန်းဂီတ [ Mini Album ] (၂၀၁၄)
20. Into The Acoustic (၂၀၁၇)
21. A Night With Myo Kyawt Myaing (၂၀၁၈)
22. လူငယ်တွေ Sorry ပါ (၂၀၁၉)

__________________

Revolution will prevail

မိုးငွေ့

Fighting !!!!

 

ခုတလော ကိုယ့်ပတ်ဝန်းကျင် မိတ်ဆွေတွေထဲမှာ မေးလိုက်ရင် နေမကောင်းဖြစ်နေတဲ့သူတွေများနေတယ်...။ ခါးကြောညှပ်တဲ့သူ ပေါင်ကြောညှပ်တဲ့သူ ဆီးကျိတ်ဖြစ်နေတဲ့သူ အသက်ငယ်ငယ်နဲ့ Memory lost ဖြစ်ချင်နေတဲ့သူ အရွယ်မတိုင်ခင် အင်ဇိုင်းမားဖြစ်ချင်နေတဲ့သူ ခုနောက်ဆုံးဆို သူငယ်ချင်းထဲကပဲ လည်ပင်းမှာ အလုံးအကျိတ်ဖြစ်နေတာ စောစောစီးစီးမကုဘဲ ထားလိုက်တာ အခုစစ်ကြည့်တော့ဆရာဝန်က ချက်ချင်းခွဲစိပ်ရမယ်ဆိုတာနဲ့ ဆေးရုံတက် မတက်ခင်မှာ စစ်စရာရှိတာတွေအကုန်စစ်ရတာ ခုခေတ်ကုန်ကျစရိတ်နဲ့ဆိုတွက်သာကြည့် အရင် ကုန်ကျစရိတ်နဲ့ နှစ်ဆ မဟုတ်ရင် သုံးဆပဲ...။ ခုခွဲထုတ်လိုက်တော့ အလုံးက 9cm လိမ္မော်သီးလုံးလောက်ရှိတဲ့အပြင် ဘေးနားမယ်လဲ အသေးတွေကထပ်ဖြစ်နေပြီ အသားစစစ်ကြည့်တော့ CA ကင်ဆာလို့အဖြေထွက်တယ်...။ အစက ကုန်ကျမှာစိုးလို့ မကုပဲထားလိုက်တာ အခုတော့ ကင်ဆာဖြစ်သွားပြီ အဲအပြင် စရိတ်ကလဲ နှစ်ဆတက်သွားတဲ့အချိန် ပိုဆိုးတာက ဘဏ်တွေကို ဆန်ရှင်လုပ်ထားခံရတော့ နိုင်ငံခြားဆေးတွေမသွင်းနိုင်ကြတော့ဘူး (နိုင်ငံရေးဂယက်ကဘယ်လောက်ကြောက်ဖို့ကောင်းလည်း ဒီတိုင်းပြည်မှာနေထိုင်နေတဲ့ ပြည်သူတစ်ဦးချင်းဆီကိုသက်ရောက်တာ ဘယ်သူတွေလည်းလမ်းလွှဲအာရုံပြောင်းချင်တာနဲ့ နိုင်ငံရေးဆိုတာ လူတိုင်းနဲ့မဆိုင်ဘူးလို့)...။ အခုသောက်ရမယ့်ကင်ဆာဆေးက သိန်းရှစ်ဆယ်လောက်ကျမယ် ဒါက တစ်ခါသောက်တဲ့နှုန်းပဲရှိသေးတာ ဆရာဝန်က ဘယ်နှစ်ကြိမ်လည်းမသတ်မှတ်ရသေးဘူး CA က အဆင့်တစ်လို့ပြောတယ်...။ အဆင့်တစ်ပဲဆိုပြီးလည်း မပေါ့စေချင်ဘူး အဲအဆင့်မှာပဲ အပွားအမြန်ဆုံးလို့ကြားဖူးတယ်..။ သူ့ဘာသူ ဘာအဆင့်ပဲရောက်ရောက် တစ်ခုခုဖြစ်လာရင် စိတ်ဓါတ်ကြံ့ခိုင်နိုင်ဖို့က အရေးကြီးဆုံးပဲ...။ အပြောလွယ်တယ် ကိုယ်တိုင်ခံစားရတဲ့သူက လုပ်ရတာခက်တယ် နားလည်တယ်...။ ဒါပေမယ့် ဖြစ်လာရင် ကိုယ်က သေမယ့်လမ်းကိုရွေးမလား ဆက်ကုမလား ဘာပဲဖြစ်နေနေ ငါအသက်ရှင်ရမယ်ဆိုပြီး စိတ်အားတင်းနိုင်မလား....။ ကင်ဆာဆဲလ်ကို အားပေးတဲ့ ပွားစေတဲ့အဓိကအချက်ကတော့ စိတ်ဖိစီးမှု နဲ့ လေကောင်းလေသန့် အောက်စီဂျင်ဝဝမရှူရတာပဲ....။ ပြီးတော့ သကြားလုံးဝဖြတ်ရမယ် ကင်ဆာဆဲလ်တွေအကြိုက်ဆုံးက သကြားပဲ CA လို့စသိရတာနဲ့ သူ့ကိုရှောင်ပစ်လိုက်တော့ပဲ...။

ကျန်းမာရေးတစ်ခုခုချို့တဲ့လာရင် လူတွေက အရင်ဦးဆုံး စိတ်ဓါတ်ကျတတ်ကြတယ်...။ စိတ်က ၅၀% လောက်အရေးပါပါတယ်...။ ရောဂါတစ်ခုခုဖြစ်လာရင် ကုသဖို့ စရိတ်‌ လက်ထဲမှာ ငွေကြေးလုံလောက်နေဖို့ကလည်း အရေးကြီးတယ်...။ ဒါကြောင့် ကိုယ့်ခန္ဓာအမြဲသန်စွမ်းကျန်းမာဖို့ စိတ်ကိုလည်း ကျန်းမာအောင်ထားဖို့လိုပါတယ်....။ မဖြစ်ခင် ကြိုတင်ကာကွယ်တဲ့အလုပ်ကို ပိုလုပ်စေချင်တယ်...။ အိပ်ရာကနိုးနိုးချင်း ကိုယ့်ကိုယ်ကို ခေါင်းစခြေဆုံးစစ်ဆေးဘာတွေဖြစ်နေလဲ ဘယ်နားမှာ နာကျင်နေလဲ ဘယ်နားမှာနေလို့မကောင်းနေလဲ စသဖြင့်ပေါ့ အားလုံးစစ်ပြီးပြီဆို ငါဒီနေ့ အသက်တစ်ရက်ဆက်ရှင်နေသေးတဲ့အတွက် ကိုယ့်ကိုယ်ကို ကျေးဇူးတင်ပြီးမှ မျက်နှာသစ် ရေမိုးချိုးတာလုပ်....ပြီးရင် တစ်နေ့တာလုပ်ငန်းစဉ်ကိုလုပ် (ရေများများသောက်ဖို့လဲမမေ့နဲ့) ညနေဖက်ရေမချိုးခင် ကိုယ်လက်လေ့ကျင့်ခန်းလေး နာရီဝက်လောက်လုပ် ညဖက်ကိုအစားလျှော့စား မအိပ်ခင်ဘယ်နှစ်မိနစ်ရရ စိတ်တည်ငြိမ်အောင် အသက်ဝဝရှူဖြစ်အောင် မေတ္တာဓါတ်လေးနဲ့ တရားထိုင် စာအုပ်လေးနည်းနည်းပါးပါးဖတ် အိပ်ရေးဝဝအိပ်....။ အဲလောက်ပါပဲ ဒါကို ကိုယ့်ရဲ့အကျင့်တစ်ခုလို နေ့တိုင်းမမေ့မလျော့လုပ်သွားပါ....။ အသက်ရှည်ဖို့မရှည်ဖို့ထက် အို နာ သေ ဆိုတဲ့ သုံးခုထဲက နာကျင်ခြင်းဝေဒနာကိုတော့ သက်သာစေမယ်လို့  ယုံကြည်တယ်...။ ဆရာလုပ်ရလောက်အောင်လည်း ကိုယ်ကတတ်ကျွမ်းမနေပေမယ့် ကိုယ်ကတော့ ကိုယ်ချစ်ခင်သူတွေကို စိတ်ပူလို့ သိသလောက် တတ်သလောက် မှတ်သားကြားဖူးသလောက်လေးပြောပြရတာပဲ သတိပေးစကားပါးရတာပဲ ...။

ဒီနှစ်မိုးက ကိုးဗစ်ဘာညာသိပ်မဖြစ်ကြတော့ပေမယ့် တုတ်ကွေးဖျားနာတာကိုတော့ အများစု အလူးအလဲခံကြရတယ်...။  မိုးမိရင် ရေမိုးချိုးပစ်ပြီး နွေးနွေးထွေးထွေးနေပါ နေရောင်အထိအတွေ့နည်းတော့ ချွေးထွက်များအောင်လေ့ကျင့်ခန်းလုပ်ပါ...ပြောနေကျအတိုင်း ဗိုက်တာမင်စီစားပေးပါ အသီးအရွက်များများစားပါ ရေများများသောက်ပါ အားလပ်ချိန်မှာ သီချင်းနားထောင်ပါ စာဖတ်ပါ ကိုယ့်စိတ်အဆင်ပြေမယ့် ပျော်ရွှင်စေမယ့် အရာမျိုး တစ်နေ့တာမှာ အနည်းဆုံးတစ်ခုလုပ်ပေးပါ...။ ဒါဆို နေမပျော်မယ့်ကမ္ဘာကြီးမှာ တစ်ရက်တာပျော်ရွှင်မှုသေးသေးလေးနဲ့ဖြစ်ဖြစ် ကုန်ဆုံးသွားလိမ့်မယ်...။ နောက်ထပ်ရောက်လာမယ့်နေ့သစ်ကိုလည်း အဲလိုလေးလုပ်သွားပေးကြည့်ပါ....။ ဪ... ပြီးတော့ ကိုယ်တစ်နေ့တာ အိပ်စက်အနားယူမယ့် ကိုယ့်အိပ်ရာကိုလည်း သန့်သန့်ရှင်းရှင်းနဲ့ခြောက်သွေ့အောင်ထားပါ အနံ့အသက်ကင်းအောင်ထားပါ ကိုယ့်အခန်းထဲ မလိုအပ်တဲ့ပစ္စည်းတွေရှင်းပစ်ပါ ကိုယ့်မျက်စိရှေ့က အရာတွေရှင်းလင်းနေရင် ကိုယ့်စိတ်လည်း ရှင်းနေလိမ့်မယ် ဒါမှ ကျန်းမာတဲ့ စိတ်နှလုံးပိုင်ရှင်ဖြစ်နိုင်မယ်...။

ကိုယ့်ကိုယ်ကိုအတွက်ရော ချစ်ခင်သူတွေအတွက်ပါ Energy တွေများများစုဆောင်းနေပါတယ်...။ လူချင်းအားပေးစကားပဲဖြစ်ဖြစ် ပွေ့ဖက်ပြီးတော့ပဲဖြစ်ဖြစ် တတ်နိုင်တဲ့လမ်းကနေ စွမ်းအားတွေပေးနေပါတယ် ဒါမှမဟုတ်လည်း Wave ကနေတဆင့် ပို့ပေးနိုင်အောင် အမြဲကြိုးစားနေပါတယ်...။

အားလုံး စိတ်ခန္ဓာနှစ်ပါးလုံး ကျန်းမာပျော်ရွှင်ကြပါစေ....:)

__________________
Revolution will prevail
မိုးငွေ့

မိုးလေးဖွဲတုန်း.....

၂၀၁၀ ဝန်းကျင်လောက်က မခိုင်ကြီး နဲ့ ကိုမျိုးကျော့ တွဲထွက်ဖူးခဲ့တဲ့ တေးစီးရီးထဲက ကိုမျိုးကျော့ရေးပေးခဲ့တဲ့ သီချင်းတစ်ပုဒ်ပဲ....။ အဲတုန်းက မခိုင်ကြီးရဲ့ One Lady Show မှာ တော်တော်ပေါက်ခဲ့တဲ့ သီချင်းတစ်ပုဒ်လည်းဖြစ်တယ်....။  ဆယ်နှစ်ကျော်မှာ ဒီသီချင်းလေးကို Cover တွေပြန်ဆိုကြတာမှာ Jewel ပြန်ဆိုတာနဲ့ Snare နေဝင်းတို့ပြန်ဆိုထားတာလေး သဘောကျလို့ တင်ပေးထားပါတယ်...။ Jewel ကတော့ သူ့စတိုင်လ်အတိုင်း Pop ချိုချိုပုံလေးနဲ့ဆိုထားသလို နေဝင်းကလည်းသူ့ Rapping လေးညှပ်ပြီး ဆိုထားကြတာလေး တစ်မျိုးနားထောင်ကောင်းတာပဲ ....။ ကောင်းပြီးသား သီချင်းတစ်ပုဒ်ကို ပိုလှအောင် ကွန့်ပေးလိုက်ကြတာပါပဲ Cover Song ဆိုတာ....။

ခုလို မိုးရာသီ မိုးအေးအေး မိုးဖွဲဖွဲလေးရွာတဲ့အချိန်မှာ လွမ်းစရာကောင်းလောက်အောင် "မိုးလေးဖွဲတုန်း"ဟာ ဆွဲဆောင်နိုင်တဲ့ မိုးသီချင်းလေးတစ်ပုဒ်ပါပဲ......။

 

__________________

Revolution will prevail

မိုးငွေ့

ထီးတစ်ချောင်း.....

 

မိုးသီချင်းတွေ ကျနော် နှစ်တိုင်းတင်နေတာ ကုန်ရောပေါ့ ဒီနှစ်တော့ ထက်ယံရဲ့ သီချင်းလေးတွေ့လို့တင်ပေးလိုက်ပါတယ်.... သုံးသန်းကျော်ကြည့်ရှုထားကြတာဆိုတော့ သူ့ပရိတ်တွေကမနည်း Tiktok မှာလည်း တော်တော်များများဆော့ကြတာတွေ့တယ် ဒီသီချင်းလေးနဲ့....။

🎵....မိုးတွေသည်းတဲ့နေ့ဆို ငါမနေနိုင်လို့ ....🎵

🎵....လွမ်းနေရတဲ့အဖြစ်တွေကို မခံစားနိုင်လို့....🎵

_______________________

Revolution will prevail

မိုးငွေ့