ဘိုလာညိုရဲ့ စာတွေကို မိုးဆတ်ဘာသာပြန်ထားတဲ့စာအုပ် ဖတ်ပြီးသွားပြီ....။ စာအုပ်က ခပ်ပါးပါး ဝတ္ထုတို ဒါမှမဟုတ် စကားပြောအက်ဆေးလို့လဲ ပြောလို့ရမယ့်စာ ခြောက်ပုဒ်ပါတယ်...။
၁. မြေကမ္ဘာပေါ်က နောက်ဆုံး ညနေခင်းတွေ
၂. ပေါက်ဖတ်
၃. ချီလီ
၄. ထူးမခြားနား
၅. အပြန်
၆. ကလာရာ
အဲထဲမယ် ချီလီ, အပြန်, နဲ့ ကလာရာ အဲသုံးပုဒ်ကို ဖတ်ရတာသဘောကျတယ်....။ ဘိုလာညို နောက်ဆုံးချိန်ထိပြောင်းရွှေ့နေထိုင်ခဲ့တဲ့ စပိန်နိုင်ငံမှာ ရေးခဲ့တဲ့စာတွေလို့သိရတယ်....။ မူရင်းကိုမဖတ်ရပေမယ့်... ကမ္ဘာပေါ်ကနောက်ဆုံးညနေခင်းတွေ မှာရေးတဲ့အရေးအသားတွေဆို တိုပြတ်တဲ့ ဝါကျတွေချည်းပဲ တစ်ပုဒ်လုံးကိုဖွဲ့စည်းထားတာကို သတိထားမိတယ်...။ ချီလီကျတော့ အပြန်အလှန်စကားပြောချည်းပဲ...။ အကြိုက်ဆုံးက The Return ဆိုတဲ့ "အပြန်"....။ ဘာသာပြန် ဝတ္ထုတွေကို ကျမ အရင်က သိပ်မဖတ်ဖူးဘူး....။ အရင်ဆရာတွေဘယ်လို ပွင့်ပွင့်လင်းလင်းဘာသာပြန်ခဲ့လဲ မသိပေမယ့် Chicken Soup တွေ ခွန်အားဖြည့်စာတွေလောက်ပဲဖတ်ခဲ့တာ...။ နောက်ပိုင်းကျတော့ ကိုယ့်ကိုဆရာလုပ်တဲ့စာတွေဖတ်ရမှာပျင်းလာတယ်....။ ကိုယ့်စိတ်ခံစားမှုကို အပြည့်အဝဖျော်ဖြေပေးနိုင်တဲ့ စာကိုပဲ ဉီးစားပေးဖတ်ဖြစ်တယ်....။
ခုကစပြီး ဘာသာပြန်ဝတ္ထုကောင်းကောင်းတွေကို ရှာဖတ်မယ် ပြီးတော့ ကျမမှာရှိတဲ့ အင်္ဂလိပ်ဝတ္ထုတစ်ချို့ကို ကြိုးစားပြီး ဘာသာပြန်ရေးကြည့်ဖို့ စိတ်ကူးထားတယ်....။ အရင်လို အက်ဆေးလှလှလေးတွေရေးဖို့လဲ အိုင်ဒီယာကခမ်းနေပြီဆိုတော့လေ...။
__________________
Revolution will prevail
မိုးငွေ့
No comments:
Post a Comment