အဲဒီညနေက ဖေဖေစာအုပ်ဆိုင်ပိတ်ပြီးပြန်လာတော့ ဖေဖေ့လက်ထဲက သရေအိတ်အမဲကြီးထဲ သူပါလာခဲ့တယ်...။ ကိုယ့်တစ်သက်မှာ သူနဲ့ လက်ပွန်းတတီး ရှိနေခဲ့ရလိမ့်မယ်လို့ ယောင်လို့တောင် မတွေးမိဘူး...။ ဂီတကိုမြတ်နိုးပေမယ့် သီချင်းလေးတွေကို နှစ်နှစ်ခြိုက်ခြိုက်နားထောင်တတ်ပေမယ့် ဒီဂီတာလေးကို တီးဖို့ဆိုတာ တွေးတောင်မထားခဲ့မိဖူးတာပါ...။ ဒါပေမယ့် သူ့ကိုစပြီးရလာကတည်းက သူ့ကိုတီးတတ်ဖို့ ကိုယ်တော်တော်ရူးသွပ်မိသွားတယ်...။ အစ်ကိုတစ်ဝမ်းကွဲတစ်ယောက်ဆီ သွားပြီး သင်ပေးဖို့ နားပူနားဆာလုပ်ရတယ်...။ အစကတော့ နောက်ပြောတယ်ထင်ပြီး အစ်ကိုက မသင်ပေးခဲ့ဘူး...။ နောက်တော့ကိုယ်က သူ့ကိုအပါခေါ်ပြီး သီချင်းစာအုပ်တွေ နှုတ်စ်တွေကအစသယ်သွားတော့ ကိုယ့်ရဲ့ ရူးသွပ်မှုကို အသိမှတ်ပြုသွားပြီး တစ်နေ့ကို တစ်နာရီအချိန်ပေးသင်ပေးခဲ့ပါတယ်...။
ကိုယ့်ဆီရောက်လာကတည်းက အနက်ရောင်မှိန်မှိန်လေးကို ကိုယ်အရောင်မတင်တော့ဘဲ ဒီတိုင်းပဲဆက်ထားတယ်...။ သူ့ကိုယ်ထည်ရဲ့အောက်ဖက်ဒေါင့်လေးမှာ အဖြူရောင်အတောင်ပံတစ်စုံ စတစ်ကာလေးကပ်ထားတယ်...။ ကိုယ်ထည်ခေါင်းပေါက်ထဲက အသံကြားလို့ကိုယ်လှုပ်ကြည့်လိုက်တော့ ကမာနဲ့လုပ်ထားတဲ့ ပက်ထရမ်လေးတစ်ခုကျလာတယ်...။ အဲဒီပက်ထရမ်လေးအပေါ်မှာ အချွန်တစ်ခုနဲ့ရေးထားတဲ့ စကားလုံးလေးတစ်ခုပါတယ်...။ သူ့ကို ကိုယ်ညင်သာစွာကိုင်တွယ် တီးခတ်တယ်... အသံကြိုးတွေပေါ် ကိုယ့်လက်ချောင်းတွေ ပြေးလွှားဆော့ကစားရတာ လက်ချောင်းတွေ အသားမာတက်တဲ့အထိပဲ...။
အခြေခံပိုင်းလေးရသွားတာနဲ့ သူနဲ့အတူပါလာခဲ့တဲ့ စာအုပ်ထဲက ကိုယ်သိပ်နှစ်သက်တဲ့ Monica ရဲ့ Angel of Mine သီချင်းကို အပြင်းအထန်လေ့ကျင့်တော့တာပဲ...။
အဲဒီတုန်းက ကိုယ်ကျောင်းပြီးခါစ ဟိုသင်တန်းလေးတက် ဒီသင်တန်းလေးတွေတက်နေချိန်လေးမှာပေါ့....။ ခုတော့... သူက ကိုယ့် ကော်ဖီဆိုင်လေးရဲ့ ဧည့်ခန်းနံရံမှာ ခန့်ထည်စွာနေရာယူလို့...။ ကိုယ် ကော်ဖီဆိုင်လေးစဖွင့်တုန်းကတော့ unplugged ၀ိုင်းလေးထည့်မထားပါဘူး...။ အိုင်ဒီယာရှိပေမယ့် အဆက်အသွယ်မရတာနဲ့ မလုပ်ဖြစ်သေးတာနဲ့ မထည့်ထားဖြစ်တာပါ...။ နောက်တော့ ဧည့်သည်တော်တော်များများရဲ့ တောင်းဆိုမှုနဲ့ ကိုယ့်ရဲ့တစ်ဝမ်းကွဲမောင်အကူအညီနဲ့ ကိုယ့်ကော်ဖီဧည့်ခန်းလေးမှာ ဂီတသံလေးနဲ့အသက်ဝင်သွားတယ်...။ သူကတော့ ကိုယ့်ဧည့်ခန်းမှာ ခန့်ထည်စွာ ဂီတသံကို ညတိုင်းနားဆင်ရင်းပေါ့...။ ဟင့်အင်း... သူ့ကို ဘယ်သူ့လက်နဲ့မှ ကိုယ်အထိခံမှာမဟုတ်ဘူး...။ ကိုယ်ကလွဲလို့... ပြီးတော့ ကိုယ်မမြင်ဖူးသေးတဲ့(ဆုံတွေ့ဖို့မျှော်လင့်နေတဲ့) သူ့ရဲ့မူလပိုင်ရှင်လက်နဲ့ပဲ သူ့ဆီက ဂီတသံကိုထုတ်ခွင့်ပေးမှာ...။ ကိုယ့်ကို အတ္တကြီးတယ်လို့ပဲ ဆွတ်စွဲပါစေ... ကိုယ်သူ့ကို သံယောဇဉ်တော်တော်ကြီးလို့ပါ...။
ပြောရင် ရယ်ကြဦးမလား... သူ့ကို သူနဲ့အတူတကွပါလာလဲ့တဲ့ Angel of Mine ဆိုတဲ့ သီချင်းတစ်ပုဒ်ကလွဲပြီး တခြားဘာသီချင်းမှ ကိုယ်မတီးတတ်ခဲ့ဘူး...။ သူနဲ့ကိုယ် ရင်းရင်းနှီးနှီးဆုံတွေ့ခွင့်ရဖို့ တစ်ပတ်တစ်ခါ တနင်္ဂနွေညဆယ်နာရီတိတိမှာ ကိုယ့်ဆိုင်မှာ ကိုယ်ကိုယ်တိုင် Angel of Mine သီချင်းကိုတီးပြီးဆိုလေ့ရှိတယ်...။ မှတ်မှတ်ရရ ကိုယ်ဆိုတဲ့ ခုနှစ်ပတ်မြောက်တနင်္ဂနွေတစ်ညမှာ.... ကိုယ့်ဆီကိုလာမိတ်ဆက်တဲ့ လူငယ်ကလေးတစ်ယောက်နဲ့ စဆုံခဲ့တယ်...။ တကယ်တော့ သူလာမိတ်ဆက်တာကိုယ့်ကိုမဟုတ်ပါဘူး.... သူ့ကိုပါ... ကိုယ်ရင်ခွင်ထဲက ဂီတာလေးကိုပါ...။ ဟင့်အင်း ...သူ့မိတ်ဆက်ပုံကို ကိုယ်မကြိုက်ပါဘူး....။ “ဂီတာလေးကိုပြန်ဝယ်ပါရစေ”တဲ့....။ ဒါပေမယ့် ကိုယ်နဲနဲတော့ စိတ်ဝင်စားသွားတယ်...။ သူ့ကိုဝယ်ချင်တယ်ဆိုတာ သူနဲ့တော့ တနည်းနည်းပတ်သက်တဲ့သူဖြစ်နိုင်တယ်လေ...ဘာပဲဖြစ်ဖြစ် ကိုယ်နှစ်ရှည်လများ မျှော်လင့်နေခဲ့ဖူးတဲ့ သူ့ရဲ့မူလပိုင်ရှင်အကြောင်းကိုတော့ အစအနရနိုင်တာပဲလေ...။
အဲဒီညက ကိုယ်နဲ့ အဲဒီလူငယ်ကလေး သူ့အကြောင်းကိုပြောဆိုဖို့ Latte ခွက်ကိုယ်ဆီနဲ့ဆိုင်ပိတ်ခါနီး ထိဖြစ်သွားတယ်..။
“မင်းက သူနဲ့ဘယ်လိုပတ်သက်လို့ သူ့ကို ကိုယ့်ဆီက၀ယ်ချင်ရတာလဲ...တကယ်ဆို ကိုယ်သူ့ကိုဘယ်လောက်မြတ်နိုးလဲဆို ကိုယ့်ဆီရောက်လာကတည်းက သူ့ကိုထိတို့ခွင့်ရှိတဲ့သူ ကိုယ်တစ်ယောက်ပဲ ရှိခဲ့တာ အဲလောက်ထိ သူ့ကို ကိုယ်တွန့်တိုခဲ့တာ ...ဒါကလဲ သူ့ကို ကိုယ်အရမ်းတန်ဖိုးထားလို့ပါ...”
ကိုယ့်စကားကို လူငယ်ကလေးက နားထောင်ပြီး မျက်လုံးအရောင်တွေတလက်လက်တောက်ပလာတယ် ... သူ့အကြည့်တွေ သူ့အတွေးတွေထဲမှာ ဘာမှန်းမသိဘဲ ကိုယ့်ကိုကျေးဇူးတင်နေသလိုလိုအကြည့်မျိုး..။
“ကျွန်တော်ပြောပြမယ့်သူ့အကြောင်းလေးကို အစ်မနားထောင်ပေးနိုင်မလား ဆိုင်ပိတ်ချိန်လဲနီးနေပြီဗျ..”
“ရပါတယ် အိုကေ...မင်းပြောမယ့်သူ့အကြောင်းကို ကိုယ်အရမ်းစိတ်ဝင်စားနေပြီ...”
“အမှန်တော့ ...အစ်မတန်ဖိုးထားမြတ်နိုးခဲ့သလို တစ်ချိန်တုန်းက သူ့ကိုလည်းကျွန်တော် အရမ်းတွယ်တာခဲ့ဖူးတာပါ... ဒါပေမယ့် သူကျွန်တော့်နဲ့ ကြာကြာလက်မတွဲသွားနိုင်ခဲ့ဘူး..။ သူ့ကိုဦးလေးတစ်ယောက်ဆီက ကျွန်တော်လက်ဆောင်ရထားခဲ့တာ... တစ်နှစ်တောင်မရှိလိုက်ဘူး..။ ကုန်ကုန်ပြောရရင် သူ့ကိုယောင်ပေပေနဲ့ကျွန်တော် အတီးလဲမသင်လိုက်ရဘူး... မတတ်တခေါက်လေးနဲ့ပဲ အိမ်မှာဒေါင်ဒေါင်ဒင်ဒင်ခေါက်နေတာ... အဖေက အရက်ဖိုးမရှိလို့ သူ့ကိုသွားပေါင်လိုက်တာ... အဲဒီနေ့က ကျွန်တော်မျက်ရည်တောင်ကျတယ်ဗျ.... ပြန်သွားရွေးချင်လို့ ဘယ်သူ့ဆီပေါင်ခဲ့တယ်ဆိုတာတောင် မူးနေလို့ အဖေကတိတိကျကျမပြောနိုင်ခဲ့ဘူး အဲဒါနဲ့ ကျွန်တော့်ဆီကနေ သူပျောက်သွားတာ ဒီနေ့ထိပဲဆိုပါတော့...”
လူငယ်ကလေးရဲ့ ယုံကြည်နိုင်စရာကောင်းလောက်တဲ့ ဟန်ပန်အမူအရာအပြောလေးတစ်ခုနဲ့တော့ သူ့ကို ကိုယ်လွယ်လွယ်နဲ့ လက်လွတ်လိုက်လို့ ဘယ်ဖြစ်မလဲ...။
“အင်း...မင်းအပြောအရတော့ ယုတ္တိရှိပါတယ်....ဒါပေမယ့် မင်းဟာ သူ့ပိုင်ရှင်အစစ်ဟုတ်မဟုတ်ဆိုတာ ကိုယ်ဘယ်လိုယုံရမလဲ...မင်းမှာသက်သေပြစရာဘာရှိလဲ...ဘယ်လိုပဲဖြစ်ဖြစ်ကွာ ခုချိန်မှာ ကိုယ်ဟာ သူ့ရဲ့တစ်ဦးတည်းသောမူပိုင်ဖြစ်နေပါပြီ...သူကိုယ့်ဆီရောက်လာတာပဲ ခုနှစ်နှစ်ပြည့်ခဲ့ပြီ...ဟုတ်တယ် တိုက်တိုက်ဆိုင်ဆိုင် ဒီလထဲမှာပဲ သူကိုယ့်ဆီရောက်လာခဲ့တာ... တိတိကျကျပြောရရင်.......”
လူငယ်လေးရဲ့ မျှော်လင့်ချက်ရောင်ခြည်တွေကို မျက်ဝန်းကတစ်ဆင့်မြင်လိုက်ရလို့ ကိုယ်စကားကို အစဖြတ်လိုက်တယ်...။
“ကျွန်တော်တိတိကျကျပြောနိုင်တာပေါ့... အစ်မဆီကိုသူရောက်လာခဲ့တဲ့နေ့က မိုးတွေအရမ်းရွာတဲ့ August လ ၂၅ရက်နေ့မဟုတ်လား.... သူက အနက်ရောင်မှိန်မှိန်နဲ့ အောက်ခြေဒေါင့်မှာ အဖြူရောင်အတောင်ပံတစ်စုံကပ်ထားတယ်... ပြီးတော့ “Angel”လို့ အသားတံဆိပ်ထိုးထားတဲ့ ကမာခွံနဲ့လုပ်ထားတဲ့ပက်ထရမ်တစ်ခုရယ် ကျွန်တော်လက်ရေးနဲ့ရေးထားတဲ့ Angel Of Mine သီချင်းနုတ်စ်စာအုပ်လေးရယ် ပါတယ်....ဒီလောက်ဆို အစ်မ ကျွန်တော့်ကိုသံသယမရှိလောက်တော့ဘူး ထင်ပါတယ်...”
သူ့စကားအဆုံးမှာကိုယ်အရမ်းကို အံ့အားသင့်သွားခဲ့ရတယ်...။ သူပြောသွားတာတွေက အားလုံးပြည့်စုံနေလို့ပါ...။
အမှန်တိုင်းဝန်ခံရရင် သူနဲ့စကားစပြောကတည်းက ကိုယ့်ကိုသက်သက်လာပြီး ဖြီးနေတဲ့ သူတစ်ယောက်လို့ပဲမှတ်တာ...။ ပြီးတော့ ဂီတာလေးနဲ့ပတ်သက်ပြီးသူဘာတွေများသိနေသလဲ ဘာတွေများရွှီးဦးမလဲ သိချင်စိတ်ဖြစ်လို့သာ စကားထိုင်ပြောဖြစ်သွားတာ...။
ပိုပြီး အံ့အားသင့်သွားရတာက ... သူ့ရဲ့ ပိုင်ရှင်လေးဟာ... ကိုယ်နဲ့ရွယ်တူယောကျာင်္းတစ်ယောက် ဒါမှမဟုတ် ကိုယ်ထက်အသက်ကြီးတဲ့သူတစ်ယောက်လို့ပဲထင်ထားခဲ့မိတာ...။ ခုလောက် ကိုယ့်ထက်အသက်တော်တော်ငယ်တဲ့ လူငယ်ကလေးတစ်ယောက်ဖြစ်လိမ့်မယ်လို့ လုံးဝကိုထင်မထားခဲ့တာ...။ ကိုယ်တို့နှစ်ဦး မိနစ်အနည်းငယ်အထိ စကားမစဘဲ နှုတ်ဆိတ်သွားခဲ့တယ်...။ နောက်တော့ သူကပဲ စကားစလိုက်ပါတယ်..။
“အစ်မသိရင် ရယ်ချင်မိမှာသေချာတယ်ဗျ...”
သူ့စကားအဆက်ကို ထောက်ခံတဲ့ဟန်နဲ့ ကိုယ်မျက်ခုံးပင့် နားထောင်တော့...
“ကျွန်တော်ဒီနေ့ထိ ဂီတာမတီးတတ်သေးဘူးဗျ...ဟုတ်တယ်... သူ..ကျွန်တော့်ဆီကပျောက်သွားတဲ့နေ့ကစပြီး ကျွန်တော်သူ့ကို ပြန်မတွေ့မချင်း ဂီတာတီးမသင်တော့ဘူးလို့ ဆုံးဖြတ်ထားခဲ့လို့ပါ...”
“မင်းကလည်း အစွဲလန်းတယ်ကြီးတာကို တခြားဂီတာတစ်လုံးနဲ့သင်လဲဖြစ်လျက်နဲ့”
“အစ်မကလည်း သိသားနဲ့တမင်ပြောပြန်ပြီ... တကယ်တော့ ကျွန်တော်တို့နှစ်ယောက်စလုံးက သူ့ကို အရူးမူးစွဲလန်းသူတွေ... တော်တော်တော့ရယ်ရတယ်နော်...တကယ်ဆို အစ်မပြောသလိုပဲ တခြားတစ်လုံးဝယ်ပြီးတီးလဲဖြစ်တာပဲ...ဒါပေမယ့် လူတွေရဲ့စိတ်က တယ်ဆန်းကြယ်တာကိုး... ဒီကော်ဖီိဆိုင်ကို သူငယ်ချင်းတစ်ယောက်က ညွှန်းလိုက်တာ...ကျွန်တော့် Unplugged ၀ိုင်းပါတဲ့ ကော်ဖီဆိုင်တွေကို ကြိုက်တတ်တာသိလို့လေ... ပြီးတော့ ကျွန်တော်ကြိုက်တဲ့သီချင်းကို တနင်္ဂနွေညဆယ်နာရီမှာ တစ်ပတ်မှတစ်ခါပဲဆိုတဲ့ ထူးဆန်းတဲ့သူငယ်ချင်းပြောပြချက်ကြောင့် ဒီညကို မရောက်ရောက်အောင်လာခဲ့တာ... ခုတော့ လာရကျိုးနပ်သွားပါပြီ...”
သူ့စကားကြောင့်ကိုယ်စိတ်နဲနဲထင့်သွားရတယ်...။ သူ ကိုယ့်ဆီက ဂီတာလေးကို ပြန်ယူသွားတော့မလို့လား...။ ဟင့်အင်း...မဖြစ်နိုင်သေးပါဘူး...။ ကိုယ်အရမ်းမျှော်လင့်ပြီးဆုံချင်နေတဲ့ သူ့ပိုင်ရှင်ကလေး ကိုယ့်ရှေ့ကိုရောက်နေပြီလေ.....။
“စိတ်ချပါအစ်မဆီကနေ သူ့ကို ကျွန်တော်ချက်ချင်းယူမသွားပါဘူး....ဘာပဲဖြစ်ဖြစ် အစ်မက သူ့ပိုင်ရှင်ဖြစ်နေပြီလေ... ဒါပေမယ့် ကျွန်တော်အခွင့်တစ်ခုတော့ တောင်းဆိုချင်တယ်ဗျ...”
“မင်းက ဘာတောင်းဆိုချင်တာလဲ..”
“တစ်ပတ်ကိုတစ်ခါလောက်ပဲဖြစ်ဖြစ် ကျွန်တော့်ကိုဂီတာတီးခွင့်ပေးပါ...အဲဒီသီချင်းနုတ်စ်နဲ့ အစ်မ ကျွန်တော့်ကို ပြန်သင်ပေးပါ... ကျွန်တော့်တောင်းဆိုမှုက တရားမျှတပါတယ်နော်...သူ့ကို ပိုင်ဆိုင်ခွင့်မရှိတော့ရင်တောင် ထိတွေ့ခွင့်လေးရှိချင်သေးတာတစ်ခုပါ...”
သူ့စကားတွေကို ကိုယ်တော်တော်စိတ်မကောင်းဖြစ်သွားရတယ်...။ ပြီးတော့ လွန်ခဲ့တဲ့ ခုနှစ်နှစ်တုန်းက သူသိပ်ကို မြတ်နိုးတွယ်တာတန်ဖိုးထားရတဲ့ ဂီတာလေးပျောက်ဆုံးသွားတဲ့ လူငယ်လေးတစ်ယောက်ရဲ့ သောကကိုလည်း တမဟုန်ချင်း ကူးစက်ခံစားမိသွားတယ်...။
“အိုကေ... ကိုယ်မင်းရဲ့ တောင်းဆိုခွင့်ကို လက်ခံပါတယ်... တစ်ခုတော့ရှိတယ် မင်း မနက်ဖြန်ကျရင် ကိုယ့်ဆီကို ကိုယ်ရေးအချက်အလက်တစ်စောင်တော့လာတင်ရမယ်..”
“ခင်ဗျာ.... ကျွန်တော်အစ်မဆီမှာအလုပ်မလျှောက်ဘူးလေ...”
“ဟုတ်တယ်လေ...ဒါပေမယ့် ကိုယ့်ဆီမှာ မင်း ပညာလာသင်မှာလေ...အဲဒီအတွက် ကိုယ်ရေးအချက်လက်တော့ လိုအပ်တယ်...”
ကိုယ့်စကားကြောင့် တချိန်လုံးမပြုံးခဲ့တဲ့ လူငယ်ကလေးရဲ့မျက်နှာဟာ အပြုံးဖြူဖြူလေးနဲ့ ချက်ချင်းကြည်လင်ဝင်းပသွားတယ်...။ ဆံပင်ထူထူကြမ်းကြမ်းကို ဘေးခွဲထားတဲ့ မျက်ခုံးနက်နက်တစ်စုံကိုပိုင်ဆိုင်တဲ့ နှာတံစင်းစင်း မျက်လုံးလက်လက် နှုတ်ခမ်းရဲရဲ အသားဖြူဖြူနဲ့ လူငယ်လေးတစ်ယောက်ဟာ... ကိုယ့်သိပ်မြတ်နိုးတဲ့ ကိုယ့်ခရေဇီရဲ့ပိုင်ရှင်တစ်ယောက်တဲ့...။
ကျွန်တော် ဆယ်နှစ်အရွယ်တုန်းက ပထမဦးဆုံးအကြိမ် ဂစ်တာတစ်လက်ကို ထိကိုင်ခွင့်ရခဲ့တာ အိမ်မှာခဏလာတည်းတဲ့ ဖေဖေ့မိတ်ဆွေ ဦးလေးတစ်ယောက်ဆီကပါ...။ အဲဒီတုန်းက ဂစ်တာကိုပွတ်သပ်ကြည့်ရင်း ဂီတာတစ်လက်ကို ကျွန်တော်မနိုင်သေးပါလားလို့ သဘောပေါက်သွားတယ်...နောက်ပြီး ဂီတာဟာ ကျွန်တော့်အရပ်နဲ့အတူတူဖြစ်နေတယ်...။ ကျွန်တော် ဂီတာကြိုးတွေကို တီးကြည့်တော့ ဒေါင်ဒေါင် ဒင်ဒင်အသံထွက်မလာဘဲ တဗြစ်ဗြစ်အသံပဲမြည်နေတယ်...။ အဲဒီဦးကပြောတယ် အဲဒါသားရဲ့ ဘယ်ဘက်လက်က လက်ကွက်တစ်ခုကို စနစ်ကျကျဖိနှိပ်မထားလို့ပေါ့တဲ့... ။ သူက အသံမြည်အောင် လက်ချောင်းလေးတွေနဲ့ ကြိုးကိုခတ်ပြတယ်...။ ကျွန်တော်အရမ်းအားကျသွားတယ်..။ ပြီးတော့... သူစိတ်ရှည်လက်ရှည်နဲ့ ဂီတာအကြောင်း ရှင်းပြခဲ့ဖူးသေးတယ်...။
“ဂီတာအမျိုးမျိုးရှိတဲ့အထဲမှာ ဟောဒီဂီတာမျိုးကို အကု(စ်)တစ် ပလက်ထရမ်ဂီတာလို့ခေါ်တယ်...သူက ရိုးရိုးဂီတာပေါ့ အသံကိုချဲ့ပေးဖို့ လျှပ်စစ်အင်ပလီဖိုင်ယာနဲ့ဆက်သွယ်ဖို့ ပစ်ကပ်အပေါက်မပါဘူး... ဒီတော့သူ့အသံကောင်းဖို့ ကျယ်ဖို့က ဒီဂီတာကိုယ်ထည်ရဲ့ လိုဏ်သံနဲ့ ကြိုးတွေပေါ်မှာပဲ မူတည်တယ်... စတိတ်ရှိုးတွေမှာတော့ဒီဂီတာမျိုးသုံးလို့မရဘူး အသံကိုချဲ့လို့မရဘူး စတိတ်ရှိုးမှာ လူတွေအများကြီးကြားနိုင်ဖို့ အသံချဲ့ဖို့ဆိုရင် အီလက်ထရစ် ပလက်ထရမ်ဂီတာကို သုံးကြရတယ်....ဒါပေမယ့် ဂီတာတီးသင်တဲ့သူတွေအတွက် ဒီ ဂီတာဟာ အသင့်လျော်ဆုံးပဲ နောက်ပြီး အသင့်အတင့်ပရိတ်သတ်အတွက်လုံလောက်တယ်... သားလူပျိုဖြစ်လာလို့ ကောင်မလေးတွေအဆောင်ရှေ့ အိမ်ရှေ့ အုတ်ခုံပေါ်မှာ အဖွဲ့လိုက် တီးဖို့ ဟစ်ဖို့ကျတော့ ဒီဂီတာနဲ့အတော်ပဲ...”
အဲဒီတုန်းက ကျွန်တော်ပြန်ပြောခဲ့တဲ့ စကားကို ခုပြန်စဉ်းစားမိပြီး ...ကိုယ့်ဘာသာကိုယ်ပြုံးမိသွားတယ်...။ ကျွန်တော်ဖြစ်ချင်ခဲ့တာနဲ့ ခုဖြစ်တာနဲ့ကတခြားဆီလေ...။
“ကျွန်တော်က ကောင်မလေးတွေအတွက် ဂီတာတီးချင်တာမဟုတ်ဘူးလေ...”
“ဒါဖြင့် ဘယ်သူ့အတွက်လဲကွ...”
“တစ်နိုင်ငံလုံးက လူတွေအများကြီးအတွက်ပေါ့ ဦးရ...”
ကျွန်တော့်အဖြေကြောင့် အဲဒီဦးလေးက သဘောကျစွာရယ်မောသေးခဲ့သေးတယ်...။ သူနိုင်ငံခြားထွက်သွားတော့ ကျွန်တော့်ကို အဲဒီဂီတာလေးလက်ဆောင်ပေးခဲ့တယ်....။
ကိုယ်ချပေးထားတဲ့ ပလာစာအုပ်ထဲမှာ သင်မယ့်လက်ကွက်ပုံစံတွေကို ပေတံနဲ့ အကွက်ဖော်ဆွဲနေရင်း သူ့ငယ်ဘ၀အကြောင်းကိုပြောပြနေခဲ့တာ...။ တနင်္ဂနွေနေ့ ညနေစောင်းအချိန် ကိုယ့်ဆိုင်ရဲ့ အနောက်ဖက် မြေကွက်လက်မြက်ခင်းပြင်ပေါ်က စားပွဲဝိုင်းလေးဟာ သူ့အတွက် ဂီတာတီးသင်တဲ့ သီးသန့်နေရာလေးဖြစ်သွားတယ်...။
“မင်းသိပြီးသားဖြစ်မယ်ထင်ပေမယ့် ကိုယ်သိတဲ့ ဂီတာရဲ့အခြေခံလေးကို နဲနဲပြောပြပေးမယ်နော်”
သူက ဆွဲပြီးသွားတဲ့ ခဲတံကိုချထားရင်း ကိုယ့်ကိုလှမ်းကြည့်တယ်....။
“စန္ဒားရားခလုတ်က အသံတွေနဲ့ ဂီတာကြိုးညှိရတာ အလွယ်ဆုံး အမှန်ဆုံးဆိုပေမယ့် ကိုယ်တို့မှာ စန္ဒားမရှိဘူး ..ဒီတော့ ကြိုးအချင်းချင်းအသံညှိယူရမှာပဲ...။ ဟောဒီ အောက်ဆုံးက အသေးဆုံးကြိုးကို နံပါတ်တစ်ကြိုးလို့ခေါ်တယ် အဲဒီတစ်ကြိုးကို အလွယ်တီးလို့ရတဲ့အသံဟာ အီးခလုတ်အသံလို့မှတ်ထား စန္ဒရားမှာ မစ်ဒယ်လ်စီလို့ခေါ်တဲ့ ခလုတ်ရဲ့ အထက်က တစ်ကွက်ကိုနှိပ်ရင် အဲဒီအသံထွက်တယ် ဟုတ်ပြီလား... အဲဒီ အီးအသံကို မင်းနားထောင်ပြီး မှတ်ထား...”
ကိုယ်အောက်ဆုံးအလွတ်ကြိုးကို အလွတ်တီးပြတယ်...
“အဲဒါ...အီး..”
ပြီးနောက် အထက်က နံပါတ်နှစ်ကြိုးကို ဆက်တီးပြတယ်...
“အဲဒါ...ဘီ”
“နံပါတ်နှစ်ကြိုးရဲ့ ငါးခုမြောက် ဖရက်(တ်)ရဲ့ နောက်ကပ်လျက်နေရာမှာ ဘယ်လက်နဲ့နှိပ်ထားပြီး ညာလက်နဲ့ ကြိုးကို တီးကြည့်ရင် အဲဒီအသံဟာ အောက်ဆုံးနံပါတ်တစ်ကြိုးကို လွှတ်ပြီး တီးတဲ့ အသံနဲ့တူရမယ်..ဟောဒီမှာ နားထောင်...”
သူက ခေါင်းတညိတ်ညိတ်နဲ့ ကိုယ်ပြောတာကို သေချာနားထောင်နေတယ်...။
“မင်းက ဘုရားကျောင်းအတွေ့အကြုံတွေဘာတွေရှိတော့ ကိုယ်ထက်စာရင် သင်ရတာ အတတ်ပိုမြန်ပါလိမ့်မယ် ကိုယ်ဆို အစိမ်းသက်သက် ဒီဂီတာလေးကိုယ့်ဆီရောက်လာမှ အရူးထတာလေ...ပြီးတော့ အဲတုန်းက ကိုယ်အသက်အစိပ်ရှိနေပြီ...တကယ်ဆို မင်းက တကယ့် ပရိုဆရာတစ်ယောက်ဆီမှာသွားသင်သင့်တာ..”
“နိုးး... ကျွန်တော်က အစ်မဆီမှာပဲသင်ချင်တာ ပြီးတော့ အစ်မလိုပဲ အဲဒီ အိန်ဂျယ်အော့်ဖ်မိုင်း သီချင်းတစ်ပုဒ်ပဲ တီးတတ်ရင်ရပြီ...အစ်မဆီမှာပဲသင်ချင်တယ်ဆိုတာက ဒီဂီတာလေးနဲ့ သင်ရမှာမို့လို့လေ...”
လူငယ်လေးက သူ့ဂီတာကိုပြန်ထိတွေ့ခွင့်ရတော့မှာမို့ အပြုံးတွေက ပိုလတ်ဆတ်လန်းဆန်းနေတယ်...။
“အင်းး တခြားသီချင်းတွေလဲ တီးတတ်အောင်တော့ ဆက်လေ့လာပေါ့....”
“ဟုတ်ကဲ့...”
ကိုယ်ထင်ထားတာထက်တောင် သူ့ရဲ့ တတ်မြောက်မှု စွမ်းရည်တွေက အချိန်အနည်းငယ်အတွင်းမှာပဲ သီချင်းတစ်ပုဒ်ကို ကောင်းကောင်းတီးခတ်နိုင်အောင် လျင်မြန်ခဲ့တယ်....။
ဂီတာလေးဟာ...သူ့ပိုင်ရှင်ရဲ့ ရင်ခွင်ထဲမှာ သူ့ပိုင်ရှင်ရဲ့သွယ်လျရှည်မျောတဲ့ လက်ချောင်းတွေရဲ့ တီးခတ်ခြင်းကိုခံရတဲ့အခါ...အသံလေးတွေက အခါတိုင်းထက် သာယာငြိမ့်ညောင်းနေတယ်လို့ သူတီးနေတာကို နားထောင်ရင်း ကိုယ်ခံစားနေမိတယ်...။
ဒီည... ကိုယ့်ရဲ့ ကော်ဖီဆိုင်မှာ သူ့လက်စွမ်းကို ပထမဆုံးအကြိမ် တီးခတ်ခွင့်ရမယ့်ည....။ ကိုယ်ရဲ့တနင်္ဂနွေညဆယ်နာရီတိတိအချိန်ကို အစားထိုးပေးလိုက်တာ...။ ကိုယ်ထင်ပါတယ်...သီချင်းလေးထဲက မိန်းကလေးရဲ့ အိန်ဂျယ်ဟာ...သူပဲဖြစ်မှာပါ...။ ပြီးတော့ ပထမဆုံးအကြိမ်.... ကိုယ်အနှစ်သက်ဆုံး သီချင်းတစ်ပုဒ်ကို (မူရင်းအဆိုရှင်ကလွဲလို့) ကိုယ်ကိုယ်တိုင် Live ထိုင်ကြည့်နားထောင်ခွင့်ရမယ့်ညလေး... သူတော့မသိဘူး ကိုယ်ကတော့ ကြိုတင်ရင်ခုန်နေမိတယ်...။
သူ့သီချင်းနဲ့တီးခတ်မှုကိုနားထောင်အားပေးဖို့ သူ့သူငယ်ချင်းပရိတ်သတ်တချို့လည်းရောက်နေကြတယ်....။ ပိုထူးခြားအောင် ဆိုင်အပြင်ဖက်မှာ တစ်ပတ်အလိုကတည်းက Black Board လေးမှာ ဒီတနင်္ဂနွေမှာ ဧည့်သည်အဆိုရှင်အသစ်တစ်ယောက် သီဆိုမယ်ဆိုတဲ့အကြောင်းကြော်ငြာထားလိုက်တယ်...။
Angel of Mine ဟာ မိန်းကလေးသီချင်းတစ်ပုဒ်ဖြစ်ပါလျက် ဘာကြောင့်ကြိုက်ရတာလဲလို့ မေးခဲ့ဖူးတော့ အခုမပြောပြသေးဘူး တစ်နေ့နေ့ကျရင် ပြောပြမယ်တဲ့...ကိုယ့်ကိုသူက ပဟေဠိချန်သွားခဲ့သေးတယ်...။
သူ ဂီတာကို အင်ထရိုစ၀င်တာနဲ့ ဆိုင်ထဲက လက်ခုပ်သံတွေထွက်လာတယ်...။ သူ ကိုယ့်ကိုလှမ်းကြည့်ပြီး တစ်ချက်မျက်ခုံးပင့်ပြသေး...။ သူက မူရင်း မိုနီကာဆိုထားတာနဲ့ကွဲအောင် နဲနဲဗားရှင်းပြောင်းဆိုထားတယ်...။ ထူးထူးခြားခြား ..... အဖြူဆွတ်ဆွတ်အရောင်ရှပ်အကျီင်္ဝတ်ထားတဲ့ သူ့ရင်ခွင်ထဲက ဂီတာလေးက အနက်ရောင်လေးထင်းခနဲဖြစ်နေတယ်....။
သီချင်းလေးပြီးသွားတော့ ကော်ဖီလာသောက်တဲ့ နိုင်ငံခြားဧည့်သည်တစ်ဝိုင်းက တောင်းဆိုမှုကြောင့် သူနောက်တစ်ကြိမ် ထပ်ဆိုရတဲ့အပြင်... ကိုမျိုးကျော့ရဲ့ အချစ်သီချင်းတစ်ပုဒ်ကိုပါ bonus အဖြစ်ဆိုသွားသေးတယ်...။ သူသီချင်းသီဆိုအပြီးမှာ စကားနဲနဲပြောချင်တယ်လို့ ခွင့်တောင်းပါတယ်....။ သူငယ်ငယ်တုန်းက ပျောက်ဆုံးသွားခဲ့ရတဲ့ ဂီတာလေးအကြောင်းနဲ့ ခုဘယ်လိုပြန်တွေ့ခဲ့တယ်ဆိုတာရယ်... သူ့ကို Angel Of Mine သီချင်းတီးသင်ပေးတဲ့ ကိုယ့်ကို ကျေးဇူးတင်တဲ့အကြောင်းနဲ့ ကိုယ်မမျှော်လင့်ထားခဲ့ဖူးတဲ့ အိပ်မက်ဆန်တဲ့ အကြောင်းတွေ.....။
“ဟုတ်ကဲ့...ကျွန်တော့်ဘ၀မှာ ဒီညလေးဟာ အမှတ်တရအဖြစ်ဆုံးနဲ့ အပျော်ဆုံးညလေးပါ... ကျွန်တော် ငယ်ငယ်တုန်းက အိပ်မက်ခဲ့ဖူးတာကို အကောင်အထည်ဖော်ခွင့်ရတဲ့ ညလည်းဖြစ်ပါတယ်...။ ကျွန်တော် နိုင်ငံကျော်ဂီတာသမားတစ်ယောက်ဖြစ်ခွင့်မရခဲ့ပေမယ့် ကျွန်တော်သိပ်မြတ်နိုးတဲ့ ဂီတာလေးကို ပြန်ဆုံခွင့်ရခဲ့တာနဲ့တင် ကျေနပ်မိပါပြီ...။ ပြီးတော့ ဒီ Angel Of Mine ဆိုတဲ့ မိန်းကလေးသီချင်းတစ်ပုဒ်ကိုဘာကြောင့် ကြိုက်ခဲ့တာလဲလို့ တစ်စုံတစ်ယောက်က မေးခဲ့ဖူးပါတယ် အဲဒီအဖြေကို ကျွန်တော်ဒီညပြောပြချင်ပါတယ်...”
“ကျွန်တော်ကိုးတန်းနှစ်လောက်က မေမေ့ရဲ့မောင် ကျွန်တော့်ဦးလေးရဲ့ Church Wedding တစ်ခုမှာ မိန်းကလေးတစ်ယောက်ကိုဆုံခဲ့ဖူးပါတယ်... အဲဒီမင်္ဂလာဆောင်မှာ သူက ပန်းကျဲရတာပါ... အဖြူရောင်ဝတ်စုံလေးနဲ့ ဆံပင်ခွေခွေ ရှည်ရှည်လေးမှာ ပန်းကုံးကွင်းလေးစွပ်ထားတဲ့ သူဟာ နတ်သမီးလေးတစ်ပါးလိုပဲ သိပ်ကိုကြည့်ကောင်းပါတယ်...။ ကျွန်တော်သူ့ကို တိတ်တိတ်ကလေး အိန်ဂျယ်လို့ အဲဒီနေ့ကတည်းက ခေါ်ကြည့်ခဲ့ဖူးတယ်... သူ့ကို အဲဒီတစ်နေ့ပဲ ကျွန်တော်တွေ့ဖူးလိုက်တာ သူဘယ်သူလဲ နာမည်ဘယ်လိုခေါ်သလဲ ကျွန်တော်သိခွင့်မရခဲ့ဘူး.....။ ဒါပေမယ့်ဗျာ လောကကြီးက ဆန်းကြယ်လိုက်တာ... ကျွန်တော့်ကိုဆုံမယ့်ဆုံပေးတော့လဲ တပြိုင်နက်တည်းမှာ ကျွန်တော်မြတ်နိုးတဲ့ ဂီတာလေးနဲ့အတူဆုံခွင့်ရခဲ့တယ်....။ ခုဆို ကျွန်တော့်ဘ၀ဟာ တော်တော်ကိုပြီးပြည့်စုံနေပါပြီ...။ ကျွန်တော့်လိုအပ်ချက်ကို ဖြည့်ဆည်ပေးတဲ့ ဘုရားသခင်ကိုလည်း ကျေးဇူးတော်ချီးမွမ်းပါတယ်....။ ဟုတ်ကဲ့...ကျွန်တော်ပြောပြချင်တာဒီလောက်ပါပဲခင်ဗျ...ခုလို စိတ်ရှည်သီးခံပြီးနားထောင်ပေးတဲ့ လူကြီးမင်းတို့အားလုံးကို ကျွန်တော်အထူးလေးစားကျေးဇူးတင်မိပါတယ်...”
သူက စကားစကိုဖြတ်ပြီး ကျေးဇူး နိဂုံးစကားပြောလိုက်တယ်....။ ကိုယ်သူ့ရဲ့ အိန်ဂျယ်ဆိုတာကို အရမ်းစိတ်ဝင်စားနေတယ်....။ လွန်ခဲ့တဲ့ ဆယ်နှစ်ကျော်လောက်က ကိုယ့်အဖြစ်ပျက်လေးနဲ့ ခပ်ဆင်ဆင်တူနေလို့ ပြီးတော့ သူပြောသွားတာလေးနဲ့လဲဆက်စပ်နေတယ် အဲဒီမိန်းကလေးကို ဂီတာနဲ့အတူပြန်ဆုံခွင့်ရပြီဆိုတာ့....။
သူက ပြုံးတုန့်တုန့်ဟန်နဲ့ ကိုယ်ထိုင်တဲ့ဆီကိုလျှောက်လာနေတယ်...။ ဘာကြောင့်မှန်းမသိကိုယ် ရင်တွေခုန်နေလိုက်တာ...။ သူက ကိုယ့်ရှေ့ရောက်တော့ ကိုယ်ကို ကိုင်းညွှတ်ပြီး ...“ဒီညလေးအတွက် ကျေးဇူးအများကြီးတင်ပါတယ်အစ်မ...”
“မင်းရဲ့ ပါရမီနဲ့ ကြိုးစားအားထုတ်မှုကြောင့်ပါ... ကိုယ်က နဲနဲပါးပါးဘေးက ကူညီပေးရုံလေ ...”
“ကိုယ်မင်းရဲ့ အိန်ဂျယ်ကို နဲနဲစိတ်ဝင်စားနေတယ် ကိုယ့်ကို ပြောပြနိုင်မလား...”
“မလိုတော့ဘူးလေ...အဲဒီအိန်ဂျယ်က အခုကျွန်တော့်ရှေ့ရောက်နေပြီလေ.....”
မျှော်လင့်ထားပါလျက်နဲ့ ကိုယ့်မျက်နှာပြင်တစ်ခုလုံး နွေးခနဲဖြစ်သွားတယ်.....။ ရင်ခုန်နှုန်းတွေက အကြိမ် ၁၅၀ မက ခုန်သွားသလား ကိုယ်မသိတော့....။
“ဒါဆို မင်းက အင်ဒရူးရဲ့တူလေးပေါ့ ဟုတ်လား....”
“ဟုတ်တယ်...အန်ကယ်လ်လေးတို့ဇနီးမောင်နှံက ခုအမေရိကားမှာ ကလေးတောင်နှစ်ယောက်ရနေပြီ....”
တကယ်ဝန်ခံရရင် သူ့ကိုစဆုံမိကတည်းက အဲဒီသီချင်းလေးဆိုတိုင်း အိန်ဂျယ်နေရာမှာ သူ့ကိုအစားထိုးမြင်ယောင် ဆိုခဲ့မိတာအကြိမ်ကြိမ်ပဲဆိုတာ သူသိသွားရင် ပိုပျော်သွားလိမ့်မယ်...။
အဲဒီနောက်တော့ ကိုယ့်ရဲ့ Cafe D' Angel ဆိုင်လေးမှာ တနင်္ဂနွေညတိုင်း Angel Of Mine ကို တစ်ယောက်တည်းမဟုတ်တော့ဘဲ စုံတွဲဆိုဖြစ်သွားပါတော့တယ်...။
There was something inside of you
Something I thought that I would never find
Angel of mine
I look at you, lookin' at me
Now I know why they say the best things are free
I'm gonna love you boy you are so fine
Angel of Mine
How you changed my world you'll never know
I'm different now, you helped me grow
You came into my life sent from above
When I lost all hope you showed me love
I'm checkin' for ya boy you're right on time
Angel of Mine
Nothing means more to me than what we share
No one in this whole world can ever compare
Last night the way you moved is still on my mind
Angel of Mine
What you mean to me you'll never know
Deep inside I need to show
You came into my life sent from above (Sent from above)
When I lost all hope, you showed me love (Boy you showed me love)
I'm checkin' for ya, boy you're right on time (Right on Time)
Angel of Mine (Angel of mine)
I never knew I could feel each moment
As if it were new,
Every breath that I take, the love that we make
I only share it with you (you, you, you,you)
When I first saw you I already knew
There was something inside of you
Something I thought that I would never find
Angel of Mine
You came into my life sent from above (Came into my life, yeah yeah yeah)
When I lost all hope you showed me love (Boy You showed me love, uh huh)
I'm checkin' for ya, boy you're right on time (But boy your right on time)
Angel of Mine (Angel of mine, oh mine)
How you changed my world you'll never know
I'm different now, you helped me grow
I look at you lookin' at me
Now I know why they say the best things are free
I'm checkin' for ya, boy you're right on time
Angel of Mine
ဝန်ခံချက်။ ။ ဂီတာသင်ခန်းစာလေးကို ဆရာမဂျူးရေးသားခဲ့သော ကျွန်မ၏သစ်ပင်မှ ကိုးကားပါသည်။
မိုးငွေ့
