ဒီနေ့ ရုံးတက်တဲ့စတိုလ်....။ ကျနော် ဧပြီလကတည်းက ဆံပင်ရိတ်ပစ်လိုက်တာ ပိတ်ရက်ရှည်ဆိုတော့ ရုံးလည်းပြန်ဖွင့်ရော အမေးခံရတာ ဒီနေ့ထိ မယ်သီလရှင်ဝတ်တာလားပေါ့....။ ဆံပင်အရမ်းကျွတ်လို့ အသစ်ပြန်မွေးချင်တဲ့ ရည်ရွယ်ချက်တစ်ခုထဲပါပဲ...။ ၂၀၀၂ တုန်းက ကျနော်တစ်ခါသီလရှင်ဝတ်ဖူးခဲ့တယ် မဟာစည်မှာ....။ မဟာစည်ဟာ စည်းကမ်းအရမ်းတင်းကျပ်တဲ့ တရားစခန်းတစ်ခုဆိုတာ လူတိုင်းနီးပါးသိကြတယ်....။ အဲတုန်းက သင်္ကြန်ပိတ်ရက်ကို ကိုးရက်ဝတ်ဖူးခဲ့တယ်..။ ပြီးတော့ ဘွဲ့ယူတော့ ကတုံးဆံပင်ပေါက်နဲ့....။ အဲကတည်းက ပြန်ပေါက်တဲ့ဆံပင်တွေက ခွေလိတ်ကောက်ကွေးတာ ခုထိပဲ...။ ခုတစ်ခါရိတ်တော့လည်း ပြန်ပေါက်လာတဲ့ဆံပင်တွေက ခွေခွေနက်နက်လေးတွေနဲ့ ကပ်ကပ်လေးဆိုတော့ ရှည်မှန်းမသိသာဘူး...။ ကပ္ပလီမဆံပင်လိုလိုဘာလိုလိုနဲ့ သိတယ်မလား....လူကနဂိုထဲက သွေးနှော ဆိုတော့ ဗမာရုပ်မပေါက်ရတဲ့ကြားထဲ...။
ကျနော့်အသိ အဆိုတော်မိသားစုတစ်စုရှိတယ် သူတို့မောင်နှမတွေကတစ်သိုက် သီချင်းဆိုကြတယ် သူတို့သားသမီးကအစပေါ့...။ သူတို့ထဲမယ် ညီမအငယ်ဆုံး အစ်မက အဲတုန်းက မြင်ဖူးလိုက်တာ ပြိုင်ဘီးနဲ့ ဂျင်းဘောင်းဘီတီရှပ်နဲ့ Cap ဦးထုပ်နဲ့ အရမ်းမိုက်တယ်...။ အဲဆိုတော်အစ်မက အဲကတည်းကအသက် ငါးဆယ်နားနီးနေပြီ သူကိုကြည့်ရင်အမြဲနုပျိုလန်းဆန်း ဟော့ရှော့ဖြစ်နေတာ...။ ကျနော်က သူ့စတိုင်လ်ကို အဲတုန်းကတည်းကအားကျ ငါလည်း သူ့အရွယ်ကျရင် အဲလိုလန်းနေချင်တယ်ပေါ့....။ အဲဒါအခုဒီနေ့ ဦးထုပ်စောင်းတော့ သူ့ကိုသတိရသွားပြီး ဒီပို့စ်လာကောက်ရေးတာပဲ....။
ပုံထဲမှာ လူကလန်းပေမယ့် ကျန်းမာရေးကသိပ်မကောင်းဘူး အရှေ့ပို့စ်မှာပြောထားတဲ့အတိုင်း ဘယ်ဖက်ဇက်ကြောနဲ့ လက်မောင်းကြောတွေ တစ်ဆစ်ဆစ်ကိုက်ခဲနာကျင်နေတဲ့ ဝေဒနာက ခုထိမပျောက်သေးဘူး...။ သတိထားမိသလောက်က မနက်မိုးလင်းကနေ ညနေထိ နေ့ဖက်ဆို သိပ်မဖြစ်ဘူး ညမိုးချုပ် အိပ်တော့မယ်ဆို သူဇာတ်လမ်းစပြီ.....။ နာတာ ဘယ်လိုမှမနေနိုင်အောင်နာကျင်ကိုက်ခဲ...။ ဆေးကလည်းမသောက်ချင်တော့ ကြိတ်ခံ အောက်ဆီဂျင်များများရအောင် အသက်ရှည်ရှည်ရှူ အဲလိုနဲ့ပဲကိုယ်ကိုယ်ကို သက်သာအောင်လုပ်နေတာ....။ ခုတလော နေရောင်မရတာ ရက်တော်တော်ကြာနေပြီ နေ့စဉ်ရက်ဆက်မိုးတွေရွာ မရွာရင်လည်း မိုးအုံ ဆိုတော့ နေရောင်ခြည်စွမ်းအင်လိုအပ်နေတယ်လို့လည်း ထင်တယ် ကိုယ့်ကိုယ်ကို....။ ဒါနဲ့ဒီနေ့ နေလေးထွက်တုန်း နေပူဆာလုံလိုက်သေးတယ် မိနစ်နှစ်ဆယ်လောက်...။ ကျနော့်မိတ်ဆွေကပြောတယ် ခင်ဗျားပြဿနာက အမှောင်ကိုမကြိုက်တဲ့ရောဂါဖြစ်မယ်တဲ့....။ ဟုတ်မယ် မနက်အလင်းရောင်ရနေချိန်ဆို သူက ဘာမှဒုက္ခမပေးဘူး ညမှောင်ပြီဆို စပြီလေ....။ ကျတော်တော့ နေမဝင်တဲ့တိုင်းပြည်ပြောင်းနေမှထင်တယ်...။
ဒီလိပ်ပြာလေးကအလှဆုံးပဲလို့ပြောကြတယ်
By Tattooist Thet Nwe Pin
By Tattooist Thet Nwe Pin
By Tattooist Thet Nwe Pin
By Tattooist Thet Nwe Pin
By Tattooist Thet Nwe Pin
By Tattooist Thet Nwe Pin
ဘယ်ဖက်လက်မှာထိုးထားတာပါ Camera Flip ကြောင့် ပြောင်းပြန်ဖြစ်
ဆိုင်ကအသစ်ထွက်တဲ့ဖိနပ် ကိုယ်ကဦးဦးဖျားဖျားစီး
ရန်ကုန်ဆိုင်မှာမရပါဘူး စင်္ကာပူဆိုင်ခွဲမှာပဲရနိုင်ပါတယ်
ပထမဆုံးထိုးတဲ့ ဘယ်ဖက်လက်ဖမိုးပေါ်က လိပ်ပြာပြီးတော့ မေလမှာ ခြောက်ခုထပ်ထိုးဖြစ်တယ် တစ်ရက်ထဲမှာ...။ တက်တူးဆရာမ သက်နွယ်ပင်ဆီမှာထိုးတာပါ သက်နွယ်ပင်က ငယ်ငယ်ချောချော ချစ်စရာကလေးမလေး...။ အရမ်းစိတ်ရှည်ပြီးဂရုတစိုက်ရှိ စေတနာပါပါနဲ့ လုပ်ပေးတယ်...။ သဘောအကျဆုံးက အလုပ်ကို Pro ဆန်ဆန်လုပ်တာကိုပဲ...။ စိတ်ဝင်စားသူများ Facebook မှာ Thet Nwe Pin လို့ရှာကြည့်ရင်ရပါတယ်...ဘိုကင်ကြိုယူရပါမယ်....။ သူနဲ့တက်တူးတွေထပ်ထိုးဖို့ ပုံတွေထပ်ရှာထားတယ်...။ ညီမလေး (IG- ocmayoo) May Oo ပြောသလို Slowly adding more and more ပေါ့....။ ဆံပင်ကတိုကပ်ကပ် တက်တူးတွေနဲ့ဆိုတော့ ဆေးသွားစစ်တဲ့ဆေးခန်းက ဆရာဝန်က ကျနော့်ကို ယောကျ်ားလျာမ လို့ပြောတာခံရသေးတယ်...ဒါတောင် ကျနော်စကပ်ဝတ်သွားတာ အဲနေ့က ။ မိတ်ဆွေကလည်း ခင်ဗျား LGBT ပဲမလား တဲ့.... ရော် ခက်တာပဲ....။
_______________________
Revolution will prevail
မိုးငွေ့
No comments:
Post a Comment