ထိုင်းမြောက်ပိုင်းငါးပိထောင်းကို နမ့်ဖစတာလျန်လို့ခေါ်တယ်...။ ကျမရဲ့ မွေးရပ်မြေ ရှမ်းပြည်အရှေ့ပိုင်းက ထိုင်းနိုင်ငံမြောက်ပိုင်းနယ်စပ်မို့ အဲဒီငရုတ်သီးထောင်းကို တာချီလိတ်ဈေးမှာတင် ဝယ်စားလို့ရတယ်...။ ဘန်ကောက်မှာတော့အဲငရုတ်သီးထောင်းမတွေ့မိဘူး....။ အဲဒါလေးစားချင်လွန်းလို့ You Tube ကရှာပြီး ကိုယ့်ဘာသာကိုယ်ထောင်းကြည့်တာ စားကောင်းတယ် စပ်စပ်လေး..။ ကျမ သက်သတ်လွတ်မစားဖြစ်တော့ဘဲ အခု Fasting လုပ်နေတာ ပြီးတော့ ဆန်နဲ့ဂျုံခနရှောင်တယ် တစ်ပတ်ကို ငါးရက်လောက်ပေါ့...။
ငရုတ်သီးခြောက်များများ လက်နှစ်ဆုတ်စာလောက်ကို မွှေးနေအောင်လှော်
ကြက်သွန်ဖြူ ကြက်သွန်နီကိုလည်း မွှေးပြီးကျက်တဲ့အထိလှော်ပေး
ငရုတ်သီးခြောက် လက်နှစ်ဆုပ်စာ
ကြက်သွန်ဖြူ ၂ လုံး
ကြက်သွန်နီအသေး ၆လုံး
မျှင်ငါးပိ ထမင်းစားဇွန်း နှစ်ဇွန်း
မကျည်းနှစ် ထမင်းစားဇွန်း နှစ်ဇွန်း
လှော်ထားတဲ့ ငရုတ်သီးခြောက် ကြက်သွန်တွေကို ညှက်အောင်ထောင်းပြီးရင် ငါးပိဖုတ်ထားတာထည့်ထောင်း မကျည်းသီးကို ရေစင်စင်ဆေး ရေနွေးခနစိမ်ပြီး မကျည်းသီးနူးထားတာတဲ့အနှစ်ကိုထည့်ထောင်း (အရည်မဖျော်ရပါ)....။ ဆား အချိုမှုန့်ထည့်ပြီး အရသာမြည်းကြည့်ပြီးရင်ရပြီ တော်တော်လေးတော့စပ်တယ်နော်...။ အဲဒါလေးကို အတို့အမြှုပ်မျိုးစုံနဲ့ ကောက်ညှင်းပေါင်းပူပူလေးနဲ့စား အရမ်းဂွတ်တယ်...။
ငရုတ်ဆုံထမင်းထောင်း
_______________________
Revolution will prevail
မိုးငွေ့
No comments:
Post a Comment