“ရင်ကိုစိုရုံကလေးသာသည်းတဲ့မိုး”တဲ့…. အဲဒီသီချင်းထဲက ဒီစာသားလေးကိုသိပ်ကြိုက်တာပဲ….။ ခပ်ဆွေးဆွေး အက်ရှရှနဲ့ဆိုထားတဲ့ အဲဒီအဆိုတော်ကြီးရဲ့အသံနဲ့လဲသိပ်လိုက်ဖက်တာပဲ….။
မင်းကိုသတိရရင် အဲဒီသီချင်းလေးကိုနားထောင်မိတယ်….။ မိုးထဲထားရစ်ခံခဲ့တာမဟုတ်ပေမယ့်….မိုးနဲ့ပတ်သက်လာရင် ခိုက်ခိုက်တုန်အောင်ခံစားချက်ပြင်းသူမို့ပါ…။ မင်းနဲ့ပတ်သက်တဲ့ အိမ်မက်တချို့တွေက မိုးဆီကလာတာလေ…အဲဒါကြောင့်လဲပါတာပေါ့..။ ဘာပဲဖြစ်ဖြစ် မိုးထဲမှာကိုယ်တို့အတူတူစကားပြောဖူးခဲ့ကြတယ်….မိုးထဲမှာမင်းကိုယ့်ကိုသီချင်းဆိုပြဖူးခဲ့တယ်… မိုးထဲမှာကိုယ့်ကိုနွေးထွေးမှုနဲ့အတူ ကော်ဖီတစ်ခွက်တိုက်ခဲ့ဖူးတယ်လေ….။ ပြီးတော့ မိုးထဲမှာ မင်းကိုယ့်ကို ပုံပြင်လဲပြောဖူးခဲ့တယ်…..။ စွဲလန်းရူးသွပ်မှုဆိုတာဘယ်အရာအတွက်မှမကောင်းပါဘူး ကိုယ်သိပါတယ်….။ သိလျက်နဲ့ပြင်မရတာပိုခက်ပါတယ်…။
သေချာနားထောင်ကြည့်ပါ….မိုးသံထဲမှာ ကိုယ့်ရှိုက်သံတွေသေရာပါ ထွက်ပေါ်နေလိမ့်မယ်….။ မိုးစက်တွေကိုမြင်တိုင်း ကိုယ့်မျက်ရည်တွေလို့မင်းမြင်တတ်မှာမဟုတ်ပါဘူး….။ မိုးရာသီမှမဟုတ်ပါဘူး…အချိန်တိုင်း ရင်ကိုစိုရုံကလေးတော့ မိုးကအမြဲရွာနေတာပါ…။
ကိုယ့်ရဲ့ဘယ်ဖက်အိတ်ကပ်လေးလည်းချမ်းအေးတုန်ခိုက်နေရောပေါ့…..။ ရှိပါစေလေ…။ ကိုယ့်ဘာသာတိုက်ခဲ့တဲ့ကျိန်စာတစ်ပုဒ်မှာ..မင်းအပြစ်တစ်ခုမှမပါခဲ့ပါဘူး…။ ကိုယ့်ကျိန်စာနဲ့ကိုယ်သေဆုံးပါရစေတော့…….။
လွတ်လပ်ပေ့ါပါးတဲ့ ခံစားမှုတွေလို့ ကိုယ်တိုင်နစ်ဝင်ခံစားလို့မရတဲ့သူတချို့က ပြောဖူးကြတယ်…။ ကိုယ်ကျေနပ်ပါတယ်…။ လေးလံသိပ်သည်းလွန်းလှတဲ့ ခံစားမှုတွေကို တခြားသူတွေကိုမပိစေချင်ပါဘူး….။ ကိုယ်လွှတ်ချလိုက်မိတဲ့ စကားလုံးတချို့ဟာ သူတို့တွေအတွက် ပေါ့ပေါ့ပါးပါးလေးဖြစ်သွားတာကိုယ်ဝမ်းသာတယ်….။ ကိုယ်ပူလောင်လေးလံသလိုမျိုး သူတို့ကိုမကူးစက်စေချင်ပါဘူး…တကယ်ပါ…။
ဟုတ်တယ်…. မိုးစက်အေးအေးလေးတွေလိုပဲ… သူတို့စိတ်နှလုံးကိုအေးမြကြည်စင်အောင်ပဲပက်ဖျန်းချင်တာပါ…။
ကျန်တာသူတို့သိစရာ ခံစားပေးစရာမလိုသလို မင်းလဲ ခံစားပေးစရာမလိုဘူးလေ…။
ခဏကလေးစိုရုံရွာချသွားတဲ့မိုးနဲ့ မင်းအတွက် အမှတ်တရ.....
မိုးငွေ့
11 comments:
မိုးရြာရင္ကို လြမ္းလြမ္းေဆြးေဆြး ျဖစ္ရတယ္..
ခနေလးရြာတဲ့မိုးလည္း မိုးပါပဲ...
ခ်စ္တဲ့
သဒၶါ
ဖတ္ရတာ တစ္မ်ိဳးႀကီးပဲ..
:'(
မိုးတြင္းကာလကို သိပ္သေဘာက်တယ္...၊မိုးေတြရြာေနတာ
ကိုၾကည့္ၿပီး ေကာ္ဖီတစ္က်ဳိက္၊ေဆးလိပ္တစ္ရႈိက္နဲ႕ စိတ္
ကူးယဥ္ရတာေလာက္ ေကာင္းတာမရွိ...... :))))
ရင္ကိုစုိရံုသည္းတဲ႔မုိး ....
မုိးနတ္ရင္ကိုလဲ စုိရံုပဲ သည္းေပးခဲ႔ရင္သိပ္ေကာင္းမွာပဲ:)
ခုေတာင္ မုိးရာသီမဟုတ္ပဲ ဒီပို႔စ္ေလးဖတ္ျပီး မုိးစက္ေတြ
ကို လြမ္းမိျပန္ျပီ ...မုိးေတြသာ တကယ္ရြာခဲ႔ရင္ >>>
မိုုးစက္ေတြကိုု လြမ္းသြားျပီ..။ မိုုးရြာေနတာကိုု ထိုုင္ေငးၾကည့္ခ်င္တယ္ မိုုးေငြ႕ ရာ ..။
စာေတြဖတ္ပံုေတြၾကည္႔ရင္း
ေ၇ာက္ၿဖစ္ခဲ႔တယ္။
႐ြာသြန္းခ်ိန္က ခဏေလး ျဖစ္ရတဲ့ၾကားထဲ မိုးေရခ်ိန္ကလည္း တကိုယ္စာစို႐ံုေလး ကြက္ကြက္ေလး ထင္ပါရဲ႕ ညီမမိုးေရ...၊ တိုက္တိုက္ဆိုင္ဆိုင္ ဒီညေန အလုပ္ကေန အျပန္မွာ က်ေနာ္လည္း အဲဒီလို မိုးထဲမွာေပါ့...၊ နင့္ေနေအာင္ စိုခဲ့တယ္...။
ရင္ကိုစိုရံုေလးသာ ရြာေသာမိုးေလးက လြမ္းစရာ ေကာင္းတယ္..
တခါတခါက် မိုးက စိုရံုေလးပဲရြာတယ္။
မိုးရြာရင္ သေဘာက်တယ္ မိုးထဲမွာလမ္းေလ်ာက္ရတာ
ေပ်ာ္တယ္ ဒါေပမယ့္ မိုးျခိမ္းသံေတာ့ သေဘာမက်ဘူး ။
ရင္ကို စိုရုံသည္းတဲ ့မိုးတဲ့လားကြယ္။
Post a Comment