ဒီမုန့်လေးက keto သမားတွေစားဖို့ Carb ကာဗိုဟိုက်ဒရိုက်မပါတဲ့(ဂျုံမပါတဲ့) အလွယ်ကူအမြန်ဆန်ဆုံး ပေါင်မုန့်တစ်မျိုးပါ...။ ကျွန်မ လုပ်နည်းကို You Tube ကကြည့်ပြီး လုပ်ထားတာပါ...။ သူငယ်ချင်းပို့လိုက်တဲ့ Almond Flour ရောက်လာလို့ စမ်းလုပ်ကြည့်လိုက်တာ...။
မလေးရှား ကိုတာဘာရူးက သူငယ်ချင်းပို့လိုက်တဲ့ Almond Flour ကြွက်နားရွက်မှိုနဲ့ ငါးမုန့်
လိုအပ်တာတွေက ကြက်ဥအကြီးတစ်လုံး ဆား 1/8 tsp Baking Powder 1/4 tsp ဆီ 1Tbs Almond Flour 1 cup ပါ...။ Keto ဖြစ်တဲ့အတွက် ဆီကို အုန်းဆီသုံးထားပါတယ်...။ ကိုယ်သုံးမယ် မတ်ခွက်ထဲ အမှုန့်တွေအားလုံးရောမွှေပြီးရင် ဆီနဲ့ကြက်ဥထည့်မွှေပေးပါ...။ သမသွားရင် Microwave ထဲ တစ်မိနစ်တိတိအပူပေးပါ...။ ဒါဆို မုန့်ရပါပြီရှင့် သိပ်လွယ်ကူတဲ့ မုန့်လုပ်နည်း...။
ခွက်အ၀ကျယ်သွားလို့လားမသိ မုန့်က အလယ်မြင်နှာပြင်မှာ အကျက်လိုနေတယ် အဲဒါလေးကိုတော့ ကျွန်မက အချပ်ဝိုင်းလေးပြန်လှီးပြီး ဒယ်အိုးမှာ ထောပတ်ဆီနည်းနည်းနဲ့ အိုးပူပြန်တိုက်လိုက်ပါတယ်...။ အဲဒါလေးတစ်ခုတော့ သတိထားရမယ် နောက်တခါထပ်လုပ်ရင် ခွက်ကို အ၀ကျဉ်းတာလေးနဲ့ လုပ်ကြည့်ဦးမယ်...။
အရသာကတော့ ဆိမ့်နေတာပေါ့ ဘာပြောကောင်းမလည်း နှစ်ချပ်စားပြီးရင် နေ့တ၀က်လောက်က ဗိုက်မဆာတော့ဘူး...ကဲ....။ ထောပတ်လေးနဲ့ အိုးကင်းပူတိုက် Cream cheese လေးသုတ် ကိုယ်ထည့်ချင်တဲ့ အစာပလာလေးတွေထည့်ပြီး သုံးဆောင်လို့ရပါတယ်...။ ကျွန်မကတော့ အိမ်မှာအဆင်သင့်ရှိနေတဲ့ Salami အသားချပ်လေးနဲ့ ဆလပ်ရွက် ခရမ်းချဉ်သီးထည့်ညှပ်ပြီး ကျွန်မရဲ့ Keto customer ကိုအရင်ပေးမြည်းလိုက်ပါတယ်...။
Enjoy Baking !!!!!
မိုးငွေ့
No comments:
Post a Comment