ငှက်ပျောသီးကိတ်.....

ငှက်ပျောသီးကိတ်ကို မုန့်သားထဲငှက်ပျောသီးအနှစ်ထည့်တာနဲ့ မုန့်မျက်နှာပြင်ပေါ် ငှက်ပျောသီး အလှဆင်တာနဲ့ နှစ်မျိုးလုပ်ဖြစ်တယ်...။

ပါဝင်ပစ္စည်းတွေကတော့...

1.all purpose flour 12tbs

2.ကြက်ဥ တစ်လုံး

3.သကြား 15tbs

4.baking soda 1tsp

5.နို့60ml

6.နေကြာဆီ 12tbs

ကြက်ဥတစ်လုံးကို ခေါက်ထားပါ...။ သကြားထဲကိုဆီရောမွှေပါ ပြီးတာနဲ့ ခေါက်ထားတဲ့ကြက်ဥထဲရောမွှေ ဂျုံနဲ့ဆိုဒါကိုဇကာစစ်ပြီးထည့် နို့ထည့် သိပ်ကြာကြာမွှေရန်မလို သမသွားရင်ရပြီ...။ ဆီခံစက္ကူထည့်ထားတဲ့ မုန့်ဖုတ်ခွက်ထဲ မုန့်နှစ်လောင်းထည့်ပြီး 170ဒီဂရီအပူပေးထားတဲ့ မုန့်ဖုတ်စက်ထဲကို 35မိနစ်ဖုတ်ပါ...။ 10မိနစ်လောက်နေ မုန့်မျက်နှာပြင်တင်းလာမှ ငှက်ပျောသီးလှီးထားတာလေး စီထည့် ကြက်ဥကာရည်လေး သုတ်ပေးပါ..။

စတော်ဗယ်ရီ topping ငှက်ပျောကိတ်လေးလည်း အထက်က အချိုးအတိုင်းပါပဲ သူက ချေထားတဲ့ ငှက်ပျောသီးနှစ် နှစ်လုံးကို သကြားနဲ့ဆီရောမွှေတဲ့အချိန်မှာ ထည့်မွှေပါတယ် ကျန်တာ အကုန်တူတူပါပဲ...။ အရင်ကတော့ ထောပတ်ငှက်ပျောကိတ်ပဲလုပ်စားဖူးတာ ခုဆီမုန့်သားလည်း တစ်မျိုးစားကောင်းပါတယ်..။ ကျွန်မကတော့ unsalted butter သုံးတာထက် နေကြာဆီမုန့်သားကို ပိုကြိုက်ပါတယ်..။ အငံမပါတဲ့ထောပတ်နံ့ကို မကြိုက်တာလည်းဖြစ်မယ်...။ မုန့်ဖုတ်ဆက်မရှိရင် ရေနွေးငွေ့နဲ့ပေါင်းလည်း ရပါတယ်...။ ဒီမုန့်လုပ်တဲ့ recipe ကို ဖဘက မြန်မာမုန့်ပဲသရေစာများ မှာ လက်ရေးမူနဲ့တင်ထားတာကို screen shot ရိုက်ပြီး အဲအချိုးအတိုင်းလုပ်ထားတာဖြစ်ပါတယ်...။

မိုးငွေ့