စိတ်ထားတတ်ဖို့.....

 ပထမပုံလိုဖြစ်နေရင်တော့သင်ဟာ မပျော်ရွှင်ရတော့ဘူး..... 

ဒါကြောင့် ပစ္စုပ္ပန်တည့်တည့်ကိုပဲအာရုံစိုက်ပါ ပစ္စုပ္ပန်မှာပဲနေထိုင်ပါ

လူတွေမှာ စိတ်ကို ဖြေတတ်ဖို့က အရမ်းကို အရေးကြီးပါတယ်။ စိတ်နဲ့ ရုပ်က ဆက်စပ်နေတာမို့ စိတ်က အဆင်မပြေတဲ့ အကြောင်းအရာ တစ်ခုမှာ Stuck ဖြစ်နေရင် လူက ဘယ်ကိုမှ ဆက်ပြီး Move On လုပ်လို့ မရတော့ပါဘူး ...။

ရုပ်ပိုင်းဆိုင်ရာ အောင်မြင်မှုတွေ ရရှိနိုင်ဖို့ စိတ်ပိုင်းဆိုင်ရာမှာ Powerful ဖြစ်နေဖို့ လိုပါတယ်။ Powerful မဖြစ်တောင် အနည်းဆုံး Relationship၊ လူမှုရေး၊ စီးပွားရေး ပြဿနာ တစုံတရာကြောင့်၊ ဆုံးရှုံးမှု တစ်ခုခုကြောင့် အဲ့ဒီနေရာမှာ ဖြေမဆည်နိုင်ပဲ စိတ်သောကတွေနဲ့ ရပ်တံ့နေလို့ မရပါဘူး ...။

စိတ်က Clear ဖြစ်နေမှသာ ကိုယ်ဖြစ်ချင်တဲ့ အရာတွေ ကိုယ်လုပ်ချင်တာတွေကို စိတ်သွားတိုင်း ကိုယ်ပါ ဆောင်ရွက်နိုင်မှာ ဖြစ်ပါတယ် ...။

စိတ်ဖြေတတ်ဖို့ အကြောင်းအရာမျိုး စာတွေ တင်နေတယ် ဆိုတာကလဲ ကိုယ်တွေ့တွေက ရရှိခဲ့ပြီး လေ့လာ ကျင့်သုံးလို့ အဆင်ပြေခဲ့တာတွေကို ပြန်လည် ဝေမျှနေခြင်းပဲ ဖြစ်ပါတယ် ....။

လူတွေ အားလုံးက Social Media မှာတော့ အဆင်ပြေကြောင်းတွေပဲ တင်နေကြတော့ သူတို့ ဘဝလေးက သာယာလိုက်တာ အားကြစရာ ကောင်းလိုက်တာလို့ ထင်ပြီး အခက်ခဲတွေ၊ ပြသနာတွေ မရှိကြဘူး၊ မကြုံဖူးကြဘူး လို့ ထင်ကောင်း ထင်နိုင်ကြပါတယ် .....။

ဒါပေမဲ့ လူတွေ အားလုံး ရှောင်လွှဲလို့ မရတာက လောကဓံ အနိမ့်၊ အမြင့်၊ အတတ်၊ အကျတွေမို့ ဘာတွေပဲ ကြုံလာ ကြုံလာ စိတ်ဖြေနည်း၊ စိတ်ထားနည်းတွေက သိကို သိထားဖို့ လိုအပ်တယ်လို့ ထင်လို့ သိသလောက် တတ်သလောက် တွေကို ဝေမျှပေးရင်း ကိုယ့်ကိုယ်ကိုလဲ Remind လုပ်၊ အခြားသူတွေထဲကလဲ သင်ယူရင်း မရေရာ မသေချာတဲ့ လောကကြီးထဲမှာ ကိုယ်စိတ်ချမ်းသာသလို ဖြတ်သန်းနေတဲ့ လူသားတစ်ဦးပါ ...

~~~~~~~~~~~~~~~~~~~~~~

ရုပ်ဝတ္တုတွေ ကြီးဆိုးလာတဲ့

ခေတ်ကြီးမှာ စွမ်းဆောင်ရည် ရယ် ...

Productivity ရယ် ဆိုတဲ့ ဘယ်လောက်ထိ

ဖြစ်ထွန်းတယ် ဆိုတာကိုပဲ

လူတွေက အာရုံစိုက်လာမိကြတယ် ...

သူက ဘယ်လောက် လုပ်နိုင်တယ်

သူက ဘယ်လောက် အောင်မြင်တယ်

သူက ဘယ်လောက် ပိုက်ဆံရှာနိုင်တယ်

သူက ဘယ်လောက် .... ဘယ်လောက်

ဆိုပြီးတော့ ...

အဲ့ဒီ အချိန်မှာ ကိုယ့်ကိုယ်ကို မမြင်တော့ပဲ

အခြားသူတွေနဲ့ နှိုင်းယှဉ်မိပြီး

စိတ်ဓါတ်တွေ ကျလာတယ်

သူများတွေမှာ ရှိပြီး ကိုယ်မှာ မရှိတဲ့ အခါ

မရတဲ့ အခါကျတော့ မပျော်တော့ဘူး ...

ဒါ့အပြင် ကိုယ့်ကိုယ်ကို အခြားသူနဲ့

မနှိုင်းယှဉ်မိရင်တောင် မိဘတွေ၊

ဆွေမျိုးတွေ၊ သူငယ်ချင်းတွေ၊

ပတ်ဝန်းကျင်က နှိုင်းယှဉ်ထောက်ပြတဲ့

ဒဏ်တွေကြောင့် ရတဲ့ စိတ်ဖိစီးမှုကို

အနည်းနဲ့ အများ တကယ် ခံရပါတယ် ...

ဒီလိုဆိုရင် ကျွန်တော် တို့တွေက

ကိုယ့်ရဲ့ လိုအင်တွေကို Outer World လို့

ခေါ်တဲ့ ပြင်ပ ကမ္ဘာမှာ လိုက်ရှာတတ်ကြတယ် ...

အလုပ်တွေ ပိုကြိုးစားတယ် ..

ပညာတွေ အများကြီး သင်ယူတယ် ..

ပိုက်ဆံတွေ အများကြီး ရှာတယ် ..

အောင်မြင်ရေး နည်းလမ်းတွေ လေ့လာတယ် ..

ရာထူး ဂုဏ်ဒြပ်တွေ ရအောင် ကြိုးစားတယ် ..

~ Myo Thiha Kyaw ~ Randy ~

ဒီလို ပြင်ပ လိုအပ်ချက်တွေ အတွက်

များများကြိုးစားလေလေ ကျွန်တော်တို့

အတွင်း ကမ္ဘာလို့ ခေါ်တဲ Inner World နဲ့

ဝေးကွာလာလေလေ အဆက်သွယ်ပျက်လာလေလေပါပဲ ...

ဒါ့ကြောင့် တချို့ အောင်မြင်သွားတယ်၊

ချမ်းသာသွားတယ်၊ လိုတာတွေ ပြည့်သွားတယ်၊

ဒါပေမဲ့ ဘာလိုအပ်နေမှန်း မသိတာတွေ၊

ဘဝကြီးက ဟာတာတာ ဖြစ်နေတာတွေကို

ကြုံကြရပါတယ် ..

တချို့ကလဲ ခြေကုန်လက်ပန်းတွေ

ကျသွားပြီး အချိန်တစ်ခုကို ရောက်လို့

အနောက်ကို ပြန်လှည့်ကြည့်လိုက်တဲ့ အခါ

ကိုယ့်ဘဝက ဘာမှ အဓိပ္ပါယ်မရှိတာ

လက်ဆုပ်လက်ကိုင်ပြစရာ မရှိတာ မျိုးတွေလဲ ဖြစ်တတ်ကြပါတယ် ...

ဒါ့ကြောင့် တကယ်က ကိုယ့်ရဲ့ အတွင်းစိတ်

အပိုင်းကို သေချာနားလည် သိရှိ ရှာဖွေပြီးမှ

Inner World က ခိုင်မာပြီးမှ Outer World

ကိုယ့်ရဲ့ ပြင်ပ ကမ္ဘာကို ပြန်လည်

တည်ဆောက်တာက အကောင်းဆုံး

ဖြစ်ပါတယ်လို့ အကြံပြု ချင်ပါတယ် ...

ဒါ့ကြောင့် အခုနောက်ပိုင်း

I Grow, I Grow Slow, But I Grow. ဆိုပြီး

ကိုယ့်ကိုယ်ကို အမြဲ Remind လုပ်ဖြစ်နေပါတယ် ...

Have A Nice Day! ♥️♥️♥️

🍀 Myo Thiha Kyaw ~ Randy 🍀

⭐️ Life Coach & Spiritual Guidance

⭐️ Reiki & Energy Healer

⭐️ Balance & Healing Chakra 

⭐️ Own Business Management Trainer

⭐️ Relationship with Money Energy

⭐️ Law of attraction & Manifestation

PS ~ 1 Year Ago ~ Post

__________________

Revolution will prevail

မိုးငွေ့

ငါ့ရင်ခွင်ကို.....

ကျနော် ဒီသီချင်းကို စသိခဲ့တာ အစ္စဏီဆိုခဲ့တာကိုပါ....။ အစပိုင်းက သူ့သီချင်းလို့ထင်ခဲ့တာ နောက်ပိုင်းမှ ကိုညီထွဋ်သီချင်းမှန်းသိ....။ အခု ဆိုဖီ ကာဗာဆိုတာလေးကို အရမ်းကြိုက်လို့ ကိုညီထွဋ်ဆိုခဲ့တဲ့ မူရင်းကိုရော အစ္စဏီဆိုခဲ့တာကိုရောပြန်တင်ပေးလိုက်ပါတယ်.....။

 

__________________
Revolution will prevail
မိုးငွေ့

မညီမျှခြင်း/မိန်းကလေးအချစ်......

ဒီသီချင်းလေးနားထောင်ဖြစ်တဲ့အကြောင်းက You Tube ဖွင့်တော့ စစခြင်း ချယ်ရီသင်းကသူ့ချယ်နယ်မှာ ကိုယ်တိုင်ဂီတာလေးတီးပြီးပြန်ဆိုထားတာ "မိန်းကလေးအချစ်"ဆိုလို့ ဝင်နားထောင်လိုက်တာ သီချင်းလေးကိုကြားဖူးတယ်ဆိုပြီး ထပ်ရှာနားထောင်ကြည့်တော့ ပထမချမ်းချမ်းလို့ထင်တာ နောက်တော့ ချမ်းချမ်းအစ်မ "နေနေ"ဖြစ်နေတာ သူ့သီချင်းတွေ လွန်ခဲ့တဲ့ ဆယ့်လေးငါးနှစ် ကျနော် ဘလော့စရေးကတည်းက နားထောင်ဖူးတာပါ ...။ သူတို့ညီအစ်မတွေက အသံကောင်း သီချင်းအဆိုကောင်းလေးတွေ.....။ တကယ်က သီချင်းနာမည်က မိန်းကလေးအချစ်မဟုတ်ဘူး "မညီမျှခြင်း" တဲ့....။ နောက်ထပ် "မိန်းကလေးအချစ်"လည်းထပ်တွေ့တယ် ဂျိုးကြာနဲ့ စင်ဒီတို့ညီအစ်မတွေရဲ့သီချင်း အဲသီချင်းလည်း ကျနော် ဟိုတုန်းက အမြဲနားထောင်ခဲ့ဖူးတဲ့သီချင်းလေး ကြိုက်လည်းကြိုက်တယ် ကျနော် Zen mp3 music player လေးနဲ့ နားကြပ်လေးတပ်ပြီးနားထောင်ခဲ့ဖူးတဲ့ခေတ်တုန်းကပေါ့...။ 

နေနေရဲ့ "မညီမျှခြင်း"

မိန်းကလေးအချစ်

__________________

Revolution will prevail

မိုးငွေ့

 

အသက်ရှူနည်းဖြင့် ဝေဒနာကုသခြင်း.....

 

အရှေ့ပိုင်းမှာ ကျမပြောပြဖူးပါတယ် အသက်ရှူတာနဲ့ပတ်သက်ပြီး ဝေဒနာရောဂါတော်တော်များများကိုပျောက်ကင်းစေတာကိုပါ.....။ အဓိကက အောက်စီဂျင်ကို ခန္ဓာကိုယ်တစ်ခုလုံးနဲ့ ဉီးနှောက်ထိရောက်အောင်ရှူခြင်းအားဖြင့် ကုသနည်းပါပဲ...။ ဒီလိုကုသနည်းက ကျန်မာရေးပိုင်းဆိုင်ရာပညာမှာသင်ကြားလေ့လာရလားဆိုတာတော့ ဆေးကျောင်းသားတွေနဲ့ ဆရာဝန်တွေပဲသေချာသိမှာပါ...။ ခုကျမပြောပြမှာက အထွေထွေကျန်းမာရေးအတွက်ကိုပဲ အဓိက ရည်ညွှန်းတာပါ ...။ ဉပမာ ခေါင်းကိုက် ခေါင်းမူး ဟိုနားဒီနားနာကျင်ကိုက်ခဲတဲ့ ဝေဒနာမျိုးပေါ့...။ ကျမလို တစ်ခုခုခံစားရတိုင်း ဆေးမသောက်ချင်တဲ့သူများအတွက်တော့ အခုပြောတဲ့နည်းလမ်းဟာအဆင်ပြေပါလိမ့်မယ်....။ တချို့မြင်ဖူးတယ် ဘိုင်အိုဂျက်ဆစ်လို ဘာမီတွန်လိုဆေးမျိုးကို နေ့တိုင်း ပဲကြီးလှော်စားသလိုစားနေကြတာ....။ အဲဒါမျိုးလုပ်တာဟာ လုံးဝမကောင်းပါဘူးနော်...။ ကျန်းမာရေးဗဟုသုတတွေက လူတိုင်းအတွက် အခြေခံလောက်တော့လိုတယ်...။ ကျန်းမာရေးနဲ့ပတ်သက်ပြီး စာများများဖတ်စေချင်တယ် မိမိခန္ဓာကိုယ်ကိုလည်း မှန်ကြည့်သလိုကြည့်နေစေချင်ပါတယ်...။ ဒါမှကိုယ်ဘာဖြစ်တဲ့အချိန်မှာ ဘာလုပ်လိုက်လို့ သဘာဝနည်းနဲ့ ဘာကိုစားသုံးလိုက်လို့ (ဆေးမစားရဘဲ)ဝေဒနာတွေပျောက်ကင်းသွားရသလဲဆိုတာ သတိပြုမိစေချင်ပါတယ်...။ ပြီးတော့ကျမတို့တွေ နေ့စဉ် အသက်ရှင်ရုံလေး အသက်ကိုမျှင်းမျှင်းလေးပဲရှူနေကြတော့ အောက်စီဂျင်က ခန္ဓာကိုယ်အတွက် လိုအပ်သလောက်အပြည့်အဝမရကြဘူးလေ...။

ကျမတို့တိုင်းပြည်မှာ ပဋိဇီဝဆေးတွေကို စောစောကပြောခဲ့တဲ့အတိုင်း ပဲကြီးလှော်စားသလို စားနေကြတော့ မလိုအပ်ဘဲ ဘေးထွက်ဆိုးကျိုးတွေကိုခံစားကြရတယ်...အသည်းကင်ဆာ အဆုတ်ကင်ဆာ အရိုးကင်ဆာ အူမကြီးကင်ဆာ စသဖြင့် ကင်ဆာရောဂါတွေကို ကန်ထရိုက်စွဲထားကြသလားအောက်မေ့ရတယ်...။ အဲဒါတွေဟာ ပဋိဇီဝဆေးတွေကိုမလိုအပ်ဘဲ စားသုံးနေတာတွေရဲ့ ဘေးထွက်ဆိုးကျိုးကြောင့်ဖြစ်လာရတာတွေလည်းပါသလို စိတ်ဖိစီးမှုများလို့ ခန္ဓာကိုယ်ထဲက ဇီဝကမ္မတွေပြောင်းလဲသွားလို့ဖြစ်တတ်တာလည်းရှိတယ်...။ ဗုဒ္ဓပြောခဲ့တဲ့ အလယ်အလတ်လမ်းစဉ်ဆိုတာ ဒါပဲ...။ ဘယ်အရာကိုမှ အစွန်းမရောက်ပါစေနဲ့..။ တချို့က ဆေးကိုတစ်နေ့သုံးကြိမ် တစ်ကြိမ်တစ်လုံးသောက်ရမှာပျင်းလို့ မေ့မှာစိုးလို့ သုံးလုံးစလုံးကိုတစ်ခါထဲသောက်လိုက်တာမျိုးရှိတယ်....။ ကျန်းမာရေးဗဟုသုတနည်းကြလို့လေ....။ ကျမကတော့ ကျန်းမာရေးနဲ့ပတ်သက်တဲ့ ဗဟုသုတဟောပြောပွဲတွေကို နယ်လှည့်ပြီး များများလုပ်စေချင်ပါတယ်...။

တလောက ကျမဘယ်ဖက်လက်ထပ်ရောင်တယ် ဒီတစ်ခါက ကိုက်ပါကိုက်တယ် ရောင်တာကတော့ နည်းနည်းလေးမသိမသာလေးပါဘဲ ဒါပေမယ့် ကိုက်တာကျတော့ ကျမက အကိုက်ခဲဆေးမသောက်ချင်ဘူး...။ ကျမ အိပ်ယာထဲ ပက်လက်ငြိမ်ငြိမ်လေးအိပ်ပြီး အသက်ရှူလေ့ကျင့်ခန်းလေးလုပ်တယ်...။ အာရုံလွဲခြင်းနဲ့ နာကျင်တဲ့ဝေဒနာကို ကုသနည်းလို့လဲပြောလို့ရတယ်...။ ကျမ အသက်ရှူတာကို 3 6 8 နည်းနဲ့ရှူတယ်....။ ဝင်သက်ကို သုံးစက္ကန့်  ခြောက်စက္ကန့်က အသက်အောင့်ထား ပြီးရင် ထွက်သက်ကို ရှစ်စက္ကန့်ကြာအောင် ဖြည်းဖြည်းလေးပြန်ထုတ် အဲဒါမျိုးနည်းနဲ့လုပ်ကြည့်တာ လက်ကိုက်တဲ့ဝေဒနာလေး ပျောက်သွားတယ်...။ အဲနေ့က တစ်နေကုန်ကိုက်နေတာနော် ကျမ အိမ်ရောက်မှအလုပ်တွေအကုန်ပြီးမှ လုပ်ရတာ ငါးမိနစ်ဆယ်မိနစ်ပဲကြာတယ်...။ တိုက်ဆိုင်တာလားလို့မေးရင်လည်း တိုက်ဆိုင်တယ်လို့ဖြေလို့ရပါတယ်...။ ဒါပေမယ့်ကျမကတော့ ဝေဒနာသေးသေးမွှားမွှားလေးတွေဖြစ်တိုင်း ဒီနည်းနဲ့ပဲကိုယ့်ကိုယ်ကို ကုသတယ်....။ နာကျင်တဲ့နေရာတွေမှာ အောက်စီဂျင်ကောင်းကောင်းမရောက်လို့ဆိုတာကို သဘောပေါက်ပြီး အသက်ကိုရှည်ရှည်ရှူ အောက်စီဂျင်ရောက်အောင်လုပ်တဲ့နည်းနဲ့ ကုတာပါ....။ အဲတော့ အကိုက်ခဲပျောက်ဆေးတွေစားစရာမလိုတော့ဘူး အဲလိုခနခနမစားဖြစ်တော့ ဘေးထွက်ဆိုးကျိုးရဲ့ခံစားမှုကနေ ကင်းလွတ်တာပေါ့....။ ကျမက ကိုယ်တိုင်လက်တွေ့မို့လာမျှဝေတာပါ...။ 

ဘာသာရေးအရ တရားထိုင်တယ် ဝင်သက်ထွက်သက်မှတ်တယ်ဆိုတာလည်း တနည်းအားဖြင့် စိတ်ငြိမ်ငြိမ်နဲ့ ခန္ဓာကိုယ်အတွင်း အောက်စီဂျင်များများရောက်စေတဲ့သဘောပါပဲ...။ စိတ်ရှင်းတော့ လိုအပ်တဲ့ အောက်စီဂျင်တွေ ပျံ့နှံ့လွယ်မယ်...။ အာရုံကို အဲတစ်နေရာထဲမှာ စုစည်းထားတဲ့အတွက် တခြားဘာမှမတွေးဖြစ်တော့ဘူး မခံစားရတော့ဘူး...ဒီလောက်ပါပဲ.... အလွန်ကိုရိုးစင်းပါတယ်....။ ထပ်ပြောချင်တာက နေ့တိုင်း တစ်နေ့ကိုနာရီဝက်လောက်တော့ work out လေးလုပ်ပေးပါ သွေးလည်ပတ်မှုကောင်းအောင် ကိုယ်ခံအားမြင့်တက်အောင်ပေါ့ ဒါမှတော်ရုံတန်ရုံ နှာစေး ချောင်းဆိုး မဖြစ်မှာ...။ အပြင်မသွားအိမ်ထဲပဲထိုင်နေရသူများအတွက် ပိုပြီးလိုအပ်တယ် Work out လုပ်ဖို့က....။

___________________
Revolution will prevail
မိုးငွေ့

မင်းမရှိတဲ့နေရာ.....

ကိုမျိုးကျော့သီချင်းကို ကိုမျိုးကျော့မဟုတ်တဲ့ တခြားသူတစ်ယောက်ပြန်ဆိုတာလည်းကောင်းတာပဲ...။ မူလသီချင်းကိုကကောင်းလို့ စာသားကိုကကောင်းလို့ သံစဉ်ကိုကကောင်းလို့လေ....။ ကျနော် ကာဗာပြန်ဆိုကြတဲ့ ဂီတကိုချစ်မြတ်နိုးရူးသွပ်သူတွေကို တကယ်ချီးကျူးလေးစားသောအားဖြင့် "မင်းမရှိတဲ့နေရာ" ကိုတင်ပေးခြင်းပဲဖြစ်ပါတယ်....။ 

ပြီးတော့ လွန်ခဲ့တဲ့ ဆယ့်ရှစ်နှစ် ဆယ့်ကိုးနှစ်လောက်က ကျနော့်ဘဝရဲ့ပထမဆုံး တစ်ကြိမ်တည်းသော အကြီးအကျယ်အသည်းကွဲခဲ့ဖူးတဲ့ အချိန်တုန်းကထွက်ခဲ့တဲ့ သီချင်းပေါ့ မှတ်မှတ်ရရပါပဲ.....။ တွေ့လား ကျနော့မှာ သီချင်းတွေနဲ့ပတ်သက်တဲ့ Story တွေ အများကြီးရှိခဲ့ဖူးတယ်ဆိုတာ....။

 

______________________

Revolution will prevail

မိုးငွေ့

အမှောင်ဆုံးနေ့.....

 

NJ ခေါ်  Double J ရဲ့ အမှောင်ဆုံးနေ့ကို ကျနော် Sound Cloud မှာရှာတွေ့ထားတာ....။ Double J ကိုကြားဖူးပေမယ့် သူ့သီချင်းတွေကို သိပ်နားမထောင်ဖူးဘူး...။ 

ဒီနေ့ဟာ "အမှောင်ဆုံးနေ့" ...

"မိုခါး" ဆိုက်ကလုံးရှိလို့ ခုလောလောလတ်လတ် မိုးခြိမ်း မိုးကြိုးပစ် မိုးတွေရွာ ပူအိုက်လွန်းအားကြီးလို့ မုန်တိုင်းရေ...မလာသေးဘူးလားလို့ စိတ်ထဲက တောင်းတမိတဲ့ထိ...။ ခုတော့ လမ်းလွဲသွားပီ မုန်တိုင်းက ဘင်္ဂလားပင်လယ်မှာပဲ မေ ၁၄ ရက်နေ့မှာ အဆုံးသတ်ပါမယ်...။ "မိုခါး" တဲ့ နာမည်လေးကလှတယ် ကြားတာနဲ့ ကော်ဖီသောက်ချင်စိတ်ပေါက်သွားမိတယ်....။

ခုတော့ ကျနော်တို့က ပူလောင်အိုက်စပ်လွန်းလို့ မျှော်နေရတဲ့ "မိုခါး" ကျနော်တို့နိုင်ငံကိုကြောက်လွန်းလို့ထင်ပါရဲ့ ကွေ့ဝိုက်ပြီး ရခိုင်ကမ်းရိုးတန်းအနောက်မြောက်ဖက် ဘင်္ဂလားပင်လယ် အရှေ့မြောက်မှာ အဆုံးသတ်မယ်တဲ့...။

ဆိုဖီပြန်ဆိုထားတဲ့ အမှောင်ဆုံးနေ့ ကာဗာ

______________________

Revolution will prevail

မိုးငွေ့

မိန်းကလေးတစ်ယောက်ကိုချစ်မိရင်.....

 

🎵 "မိန်းကလေးတစ်ယောက်ကိုချစ်မိရင်"လို့ နာမည်ခေါ်ပါတယ်.....🎵

မှတ်မိနေပါသေးတယ် အဲတုန်းက ကျနော်စမ်းချောင်းမှာနေတဲ့အချိန် စိုင်းစိုင်းက သူ့ Birthday Show ကို ပထမဆုံး Blazon မှာလာလုပ်တာ...။ ကျနော်နဲ့ သူငယ်ချင်းတွေက ကျနော်နေတဲ့ ကျွန်းတောလမ်းကနေ မဟာမြိုင်ကဖြတ်တက် ပြည်လမ်းကိုကူး မပိုလမ်းကနေ ဦးဝိစာရလမ်းဖြတ်ပြီး Blazon မှာရှိတဲ့ J'Donut မှာ သွားထိုင်နေကျ....။ Blazon ရဲ့ ကားပါကင်းဝင်းကျဉ်းကျဉ်းမှာပဲ စိုင်းစိုင်းက Stage ဆောက်ပြီး သူ့ မွေးနေ့ရှိုးကို စလုပ်ခဲ့တာ အဲနှစ်ကစစချင်း လာကြည့်တဲ့သူတွေက လက်မှတ်မဝယ်ရဘူး ဖရီးကြည့်ရတာ...။ ကျနော်ကတော့ လူအုပ်များတဲ့နေရာသွားနေကျမဟုတ်တော့ အဲရှိုးကိုခနလေးပဲကြည့်ပြီး အိမ်ပြန်ခဲ့တာ...။ အဲရှိုးမှာဆိုသွားတဲ့ အချစ်သီချင်းလှလှလေးတွေကိုရေးတတ်တဲ့ ကိုမျိုးကျော့ရဲ့ လက်ရာတစ်ပုဒ်ဖြစ်တဲ့ "မိန်းကလေးတစ်ယောက်ကိုချစ်မိရင်"ဆိုတဲ့သီချင်းကို ကျနော်ခုထိနားထောင်ဖြစ်တုန်း....။

မနေ့တစ်နေ့က ဘပုတို့လုပ်တဲ့ အနုပညာရှင်တွေမတက်မနေသွားရတဲ့ သုံးနှစ်စာအကယ်ဒမီပွဲမှာ ဘစိုင်းကြီးက "ပိတောက်ကတဲ့ဂီတ"နဲ့ ဆုနှစ်ဆုပိုက်ပြီးအိမ်ပြန်ရတယ်တဲ့....။ ဇာတ်ဆောင်ဆုနဲ့ ဇာတ်ကားထုတ်လုပ်သူဆု...။ ၂၀၂၀ ဧပြီလ လဆန်းမှာ နှစ်ပတ်လောက်ပဲရုံတင်ပြသလိုက်ရတဲ့ "ပိတောက်ကတဲ့ဂီတ"ကို ဘစိုင်းက သူ့ Frenzo Myanmar Co. ထုတ်လုပ်ရေးနဲ့ရိုက်ခဲ့လို့ ဖရန်ဇိုအတွက်ဆုရတာ...။ လူချစ်လူခင်များသလို လူမုန်းလဲများတဲ့ ဘစိုင်းအတွက် ဝမ်းသာဂုဏ်ယူပါတယ်...။ သူဒီလိုနေရာရောက်လာဖို့ နှစ်ပေါင်းများစွာရင်းနှီးခဲ့ရတာတွေ ခေတ်အဆက်ဆက် မျိုးဆက်အသစ်အသစ်တွေရဲ့ အားပေးမှုကိုရယူခဲ့ရတာတွေက သူ့ကြိုးစားအားထုတ်မှုတွေအများကြီးပါတာပဲလေ အလကားဖြစ်လာတာမှမဟုတ်ဘဲ...။ ဒီတော့ သူ့ရဲ့ ပထမဦးဆုံးအကယ်ဒမီမှာ သူကျေးဇူးတင်စကားပြောရှည်တာကို အပြစ်တင်ဝေဖန်နေကြတာကြားရတယ် ပြောပါစေ သူ့အတွက်ကပထမဆုံးလေ ပြောပါစေ ကျန်တဲ့အနုပညာရှင်များကတော့ ပညာသားပါပါ အကယ်ဒမီရုပ်ကိုပွေ့ပိုက်ပြီး လိုရင်တိုရှင်းလေးပဲ ကျေးဇူင်တင်သွားတာကိုတော့ တကယ်အားရသဘောကျမိပါတယ်...။ အတင်းအဓမ္မစေခိုင်းလို့ လုပ်ရကိုင်ရတာမှန်းသိသာပေါ်လွင်လွန်းအားကြီးလို့ ဟိုဖက်ရပ်ကွက်က ကျီးလန့်စာစားနေရတဲ့ သူတွေအတွက် မျက်နှာတောင်ပူမိသေး...။

__________________

Revolution will prevail

မိုးငွေ့

လောင်......

 

အခုနှစ် နွေရာသီဉတုပူလောင်ချက်ကတော့ ကိုးလောက်ရှိတယ်လို့ ပြောလို့မလုံလောက်တော့ဘူး....။ အပူဒဏ်ကြောင့် သက်ကြီးပိုင်းတွေ ကလေးတွေ ရောဂါအခံရှိသူတွေ  Heat Stroke ရပြီး တစ်နေ့တစ်နေ့ သေကြတာလည်း မပြောနဲ့ ဒီကြားထဲ ကိုးဗစ်က ပြန်ထသေး ဒီလောက်.......ပူနေတာကို...။ ဒါမယ့် ကိုးဗစ်ကလည်း သာမန် တုတ်ကွေးလောက်ပဲဖျားနာကိုက်ခဲလည်ချောင်းနာဖြစ် ဆေးသောက်ပျောက်သွားကြသလို ရောဂါအခံရှိသူများတော့ သတိကြီးကြီးထားသင့်ပါတယ် မပေါ့ပါနဲ့...။ သေဆုံးသူကလည်း သေဆုံးနေကြတာ....အပူဒဏ်ကြောင့်ရော .....။ ရာသီဉတုက မကောင်း မီးကပျက် ဒီကြားထဲ လွှင့်တဲ့တီဗီဇာတ်လမ်း(The Marriage)ကလည်း လောင်...။ "မင်း"မကောင်းရင် အားလုံးပျက်စီးရတာတွေ့လား ကဲ ပြောကြပါဦး Ball Ma တွေ ဘာများကောင်းနေလည်း နင်တို့ပထွေးလက်အောက်မှာ....။ ခုတော့ ဆန်တစ်အိတ် တစ်သိန်းကျော် ဆီတစ်ပိဿာ တစ်သောင်းခွဲကျော် ကြက်ဉတစ်လုံး ငါးရာရောက်ခါနီး ဘာမှမစားကြနဲ့ဟေ့ ပူပူလောင်လောင်မှာ ဟိုဟာ ယက်ခတ်ပြီး ငတ်သေကြတော့...။ စိတ်တွေက မရှည်တော့ဘူး....။ ငါ့မလည်း တွေးတွေးပြီးလောင်ရ ဒင်းတို့ကြောင့်....။ နင်တို့တွေ တအုပ်တမကတော့ ဘယ်သူသေသေ ငတေမာပြီးရော လမ်းပိတ်ပြီး ဆွမ်းဆန်စိမ်းလောင်းကောင်းနေတယ် ဓမ္မစင်္ကြာရွတ်ကောင်းနေတယ် ဗုံးကြဲ မီးရှို့ လူသတ်ပြီးမှ အာပတ်ဖြေနေကြတာလား..။  ဗုဒ္ဓဘာသာ ဆိုတာ နင်တို့လိုလူမျိုးတွေလုပ်လို့ သာသနာပျက်နေတာ...။ ဘာသာရေးကိုခုတုံးလုပ် ခေတ်အဆက်ဆက် မင်းအဆက်ဆက်ကတည်းက ကိုယ်ကျိုးရှာလာကြတာ ရပ်တမ်းကရပ်သင့်ကြပြီ...။ ဒီပို့စ်ရေးပြီး ကိုယ်တိုင်လည်း လောင်....။ စိတ်ပျက်....။

ဒီတော့ မှာချင်တာက နေအရမ်းပူတယ် အပြင်ထွက်ရင် UV ++ ပါတာတွေလိမ်းပါ ချည်သားပါးပါးတွေဝတ်ဆင်ပါ ထီး ယပ်တောင် ရေဗူး ဆောင်ထားပါ...။ ဖြစ်နိုင်ရင် ၁၂ နာရီကနေ ညနေ ၄ နာရီထိ အပြင်မထွက်ပါနဲ့...။ ထွက်ရမယ်ဆိုရင်လည်း အပူထဲကနေ အအေးထဲတန်းမဝင်ပါနဲ့ ခနနားပါ ရေသောက်ပါ...။ ဒီလိုပဲ လေအေးပေးစက်အခန်းထဲကနေလည်း နေပူထဲကိုချက်ချင်းမထွက်ပါနဲ့ အရိပ်မှာခနနေ ရေသောက်ပြီးမှ ခန္ဓာကိုယ်အပူချိန်ညှိပြီးမှ ထွက်သင့်ပါတယ်...။ လေကောင်းကောင်းရတဲ့နေရာမှာ လေကိုဝဝရှူပါ...။ အပူဒဏ်ကြောင့်နဲ့ မီးမရလို့ တိုက်ခန်းကျဉ်းကျဉ်းလေးထဲမှာ အောက်စီဂျင်ပြတ်သေကြတာလည်းများနေပြီမဟုတ်လား အသက်ကိုဉာဏ်စောင့်တယ်တဲ့ နေ့တိုင်း ထမင်းစားနေကြတယ်ဆို ဉာဏ်လေးတော့သုံးကြ...။ ကျန်းမာရေးဗဟုသုတလေးဘာလေးရှိကြ...။ ခုအခြေအနေက အရင်၂၀၁၅-၂၀၂၀အချိန်တုန်းကလို သတိပေးတာတွေ လက်တွေ့လုပ်ဆောင်ချက်တွေနဲ့ တိုင်းသူပြည်သားတွေကို ဂရုတစိုက်ရှိမယ်ထင်မနေကြနဲ့ သတ်နေတာ သတ်နေတာ ငါတို့ကို...။ မသေချင် ကိုယ့်ကိုယ်ကိုသာ ဂရုစိုက်ကြတော့ ဒါပဲမှာချင်တယ်...။ 

မိုးငွေ့ရဲ့ စိတ်မရှည်ပို့စ်ကို သီးခံပြီးလာဖတ်ပေးတဲ့ အမြဲအားပေးတဲ့ စာဖတ်သူတွေကိုတော့ တောင်းပန်ပါတယ် စကားလုံးတွေရိုင်းသွားရင်...။

__________________
Revolution will prevail
မိုးငွေ့

မနက်ဖန်များစွာရှိတယ်.....

 

ကျနော်တို့ဆီမှာ Alternative music တစ်ခေတ်ထတဲ့အချိန်တုန်းက ဒိုးလုံးရဲ့ အော်တာသီချင်းတွေ ခုလက်ရှိပစ္စုပ္ပာန်ကာလထိ နားထောင်နေကြဆဲ ပေါက်ဆဲ သီချင်းတွေ...။ The Zero အဖွဲ့က cover ပြန်ဆိုထားတဲ့ "မနက်ဖန်များစွာရှိတယ်"ကို နားထောင်ဖြစ်နေတယ်...။ သူ့ဗားရှင်းလည်း မိုက်တယ်....။ အဲသီချင်းက လောလောဆယ် ကျနော့် မိုတီယူတဲ့ သီချင်းပဲ လုံးဝလိုက်အော်ဆိုလို့ ကောင်းတဲ့ သီချင်းတစ်ပုဒ်.....။

__________________
Revolution will prevail 
မိုးငွေ့