မလိုချင်ဘူး..စစ်

ငယ်ငယ်တုန်းက ရှမ်းပြည်မှာ မြန်မာ့တပ်မတော်တွေနဲ့ ဗကပတွေ ခဏခဏစစ်ဖြစ်လွန်းလို့ ကျွန်မတို့နေတဲ့ ရွာမှာဆို အိမ်တိုင်းလိုလို ဗုံးခိုကျင်းတူးထားရတယ်...။ ဒုန်းဒုန်းဒိုင်းဒိုင်း ပစ်ခတ်သံကြားတာနဲ့ ရင်ထိတ်နေကြရပြီ...။ အခြေနေမကောင်းရင် ကျင်းထဲဆင်းပုန်းရသေးတာ...။ ကျွန်မကလေးအရွယ် ကတည်းက အဲအသံတွေကိုကြားနေရတုန်းပဲ နည်းနည်း ငြိမ်းချမ်းရေးရသွားတော့မှ ဗုံးခိုကျင်းလည်း ကျွန်မတို့အတွက် ဆင်းပြီး တူတူပုန်းတမ်းကစားတဲ့ နေရာတစ်ခုဖြစ်လိုဖြစ်သွားရတာပေါ့..။

ကျွန်မရန်ကုန်ကိုရောက်ပြီး နှစ်တော်တော်ကြာ စစ်ဆိုတဲ့စကားလုံးမကြားရတော့ပေမယ့် ခုနောက်ပိုင်း ပြည်တွင်းစစ်တွေ ဟိုနားဒီနားဖြစ်နေကြတယ်...။ ဘာလို့လည်းကွယ်... ဘာလို့ အပြစ်မရှိသူတွေ အသက်ကို သနားညှာတာမှုမဲ့စွာ စစ်တိုက်နေကြရတာလဲ...။ ကမ္ဘာကရွာဖြစ်လာတော့ လူတွေလည်း အမြင်ကျယ်လာ အကုန်လုံးသိလာခဲ့တာ... စစ်ဘေးဒုက္ခသည်တွေအတွက် အဆိုးထဲက အကောင်းလို့ပဲမှတ်ယူရတော့မယ်...။ ပရဟိတစိတ်ပြည့်ဝသူတချို့ရဲ့ ကူညီထောက်ပံ့အားပေးမှုနဲ့ စစ်ဘေးရှောင်ဒုက္ခသည်တွေ အတွက် တော်တော်ကောင်းသွားတယ်...။ ဘာပဲဖြစ်ဖြစ် စစ်ဆိုတာ မရှိရင်အကောင်းဆုံးပေါ့ လောဘ ဒေါသ မောဟတွေနဲ့ လူတွေရှိနေသရွေ့တော့  ငြိမ်းချမ်းရေးဆိုတာရတလှည့် မရတလှည့်နဲ့ လည်နေမှာပါပဲ...။

နီနီ့ရဲ့ စစ် အမ်တီဗီလေးကိုလည်း မျှဝေရင်း ပြောချင်တာလေး နည်းနည်းပြောသွားတာပါပဲ..။

မိုးငွေ့