My New Hair Style.....

 ညှပ်ပြီးထွက်လာတဲ့နောက်ဆံပင်ပုံ

ရာသီဥတုအရမ်းပူတာရယ်.... ဆံပင်ကျွတ်လို့ အရှည်ထားတာ စည်းရတာအဆင်မပြေတာရယ် ...ဆံပင်ပုံလည်းပြောင်းချင်တာရယ်ကြောင့် ညှပ်နေကျ တိုနီထွန်းထွန်းတပည့်အစ်မက ဆိုင်ခွဲသွားတာမို့ ဆရာ(တိုနီထွန်းထွန်း)ဆီမှာပဲညှပ်ဖြစ်လိုက်တယ်...။ တကယ်ညှပ်ချင်တာက အပေါ်ပုံ ကိုယ့်ဆံသားနဲ့ ဒီပုံအဆင်ပြေမယ်မထင်ဘူးလို့မှတ်ပြီး အောက်ပုံလေးကိုပြပြီးညှပ်တာ ဆရာက ကျွန်မဆံသားအနေအထားနဲ့ ညှပ်ပေးလိုက်တာ တကယ်ညှပ်ချင်တဲ့ပုံလေးရလိုက်တယ်...။ အရမ်းတော့တိုသွားတယ် မိန်းမဆန်တဲ့ပုံလေးတော့မဟုတ်တော့ဘူး ...။ ဂုတ်လေးမှာကျွန်မက ဘဲမြီးလေးပါတယ်...။ အဲလိုပဲအချွန်လေးညှပ်ပေးထားတယ်...။

ဒီပုံလေးတော့ မိန်းမဆန်တယ်ဆိုပြီးရွေးထားတာ ဆံပင်ကနဂိုကောက်တော့ အပေါ်ပုံလေးနဲ့ပဲအဆင်ပြေသွား

တကယ်တမ်း ကျွန်မခုညှပ်ပစ်လိုက်တဲ့ Bob ပုံလေးက နောက်နှစ်ကျမှညှပ်မယ်ဆိုပြီး ရည်ရွယ်ထားတာ...။ အခုတော့ အသက်ငါးဆယ်ကျော်ရင်အတိုညှပ်မယ့် plan က ခြောက်နှစ်လောက်စောသွားတယ်...။ ခုတလော ပို့စ်တင်ဖို့အချိန်လုရတယ်...။ Commune Wear ဆိုင်က ဖွင့်ခါနီးပြီမို့ လိုအပ်တဲ့ ပစ္စည်းတွေဝယ်ဖြည့်...။ ဆိုင်က officially မဖွင့်သေးပေမယ့် နေ့တိုင်းရောင်းနေရတော့ ပြန်ပြန်ဝယ်ဖြည့်နေရတာနဲ့ ဓါတ်ပုံရိုက်တဲ့အလုပ်နဲ့ ကိုယ့်ဟာကိုယ် ချာလပတ်ရမ်း....။ မန္တလေးက ညီမလေးတွေဆို သိပ်ချစ်ဖို့ကောင်း နားကပ်တွေ ဖိနပ်တွေကိုယုံကြည်စိတ်ချစွာနဲ့ အွန်လိုင်းကနေကို ပျော်ပျော်ကြီး လှမ်းဝယ်ပြီး အားပေးကြတာ... တကယ်ကျေးဇူးတင်ပါတယ်...။

နဂိုကောက်ဆံသားဆိုတော့ ရှည်လာရင်ဒီပုံလေးဖြစ်သွားလိမ့်မယ်...

 ကျွန်မက နားပေါက်မရှိတော့ ဒီလိုညှပ်နားကပ်လေးဝတ်ရတယ်...

 ဒီနားကပ်လေးမှာ နာမည်လေးရှိတယ် meemee gummy bear တဲ့ 

ခုညှပ်ထားတဲ့ ဆံပင်ကေနဲ့ နားကပ်အလန်းလေးတွေနဲ့ မိုက်နေသူပေါ့

 အဝါလေးတစ်ခုပဲ ကျွန်မတို့ဆိုင်ကနားကပ်လေးပါ ကျန်တာတွေကတော့ 

ဟိုရှေးကတည်းက ကျွန်မကပ်နားကပ်နဲ့ချိတ်ပြီးဝတ်ခဲ့ဖူးတဲ့ ဒီဇိုင်လေးတွေပါ

 ဒီနားကပ်လေးလည်း ဆိုင်ရဲ့ best seller တစ်ခုပါ

Product လေးတွေကို ဓါတ်ပုံရိုက်ရတာ ထင်သလောက်မလွယ်လှဘူး....။ ကိုယ်က သင်တန်းလည်းမဆင်းထားတော့ ရမ်းတမ်းရိုက်နေရတာပါ...။ ဓါတ်ပုံဆိုလို့ လာမယ့် နိုဝင်ဘာ 16-17 နှစ်ရက်ကို Art Zone မှာ ကျွန်မတို့ တချိန်က ဘလော့ဂါတစ်ယောက်ဖြစ်ခဲ့ဖူးတဲ့ ကဗျာဆရာမအနှိုင်းမဲ့ရဲ့ ဓါတ်ပုံပြပွဲရှိပါတယ် ကျွန်မကိုလည်း ဖိတ်ထားတာမို့ အဲနှစ်ရက်ထဲက တစ်ရက်တော့ သွားကြည့်ဖြစ်မယ်...။ ပညာတွေသွားလေ့လာရမယ်...။ ဓါတ်ပုံရိုက်ရတာ အောက်ဒိုးကပိုခက်တယ် အလင်းအမှောင်ကိုချိန်ရတာ ကိုယ်လိုချင်တဲ့အလင်းမျိုးမရရင်  နေကိုစောင့်ရသေးတယ်.... ရိုက်နေရင်းမိုးအုံ့သွားရင်လဲ ခက်ပြန်ရော...။ ကျွန်မ နားကပ်လေးတွေကိုလည်း သဘာဝအလင်းနဲ့ပဲရိုက်တာမို့ လိုချင်တဲ့အလင်း အရိပ်ကျတာတွေကို သူ့နေရာနဲ့ တစ်ရက်ကို တစ်နာရီ နှစ်နာရီလောက်ပဲရိုက်ချိန်ရတယ်...။

ဘလော့ဂါအနှိုင်းမဲ့ရဲ့ ပြပွဲအစီစဥ◌်လေးပါ

website အတွက်ဆိုတော့ အဖြူခံတွေနဲ့ပဲရိုက်ရတာ 

 ဆိုင်မှာတောင်မချိတ်ရသေးဘူး ဒီပုံလေးတွေက

ကောင်းသောနေ့လေးပါ.....:)

မိုးငွေ့

News.....

လာမယ့် ဒီဇင်ဘာလဆို ကျွန်မရဲ့ ဘလော့ တစ်ဆယ့်တစ်နှစ်ပြည့်ပြီ....။ အမှတ်ရအဖြစ် ကျွန်မက နိုဝင်ဘာလကစပြီး တင်ပြီးခဲ့တဲ့ ပို့စ်အဟောင်းတွေထဲက ကျွန်မအနှစ်သက်ဆုံး အက်ဆေး ဝတ္ထုတို ကဗျာနဲ့ တခါတုန်းကတို့ရွာမှာ ဆောင်းပါးလေးတွေကို လက်ရွေးစင်ပြန်တင်ပေးဖို့ စိတ်ကူးထားပါတယ်...။ အကြိုက်ဆုံး ပို့စ်တွေကို တစ်လ ဆယ်ပုဒ်နှုန်းနဲ့ အပုဒ် ၂၀ တင်မယ်လို့ ရည်ရွယ်ထားပေမယ့် အခုရွေးထားတာ အပုဒ် ၂၀ ကျော်နေပြီ....။ ပို့စ်အဟောင်းတွေကိုအကုန် ပြည်ထောင်စုဖောင့်နဲ့ ပြန်ရိုက်ရမှာမို့... ခုကတည်းက အားရင် အားသလို စရေးနေပါပြီ....။ စာဖတ်သူအသစ်ရော စာဖတ်သူအဟောင်းများပါ မဖတ်ရသေးတာ ဖတ်ပြီးတာတွေကိုလည်း အားပေးပါဦးလို့....။ စာဖတ်သူတွေကို ဆရာမလုပ်ဘဲ စိတ်ခံစားမှုပေးစွမ်းနိုင်မယ့် အခုခေတ်လူငယ်တွေပြောသလို ခပ်လွင့်လွင့်လေးဖြစ်မယ့် ကျေနပ်စရာကောင်းမယ့် ပို့စ်တွေဖြစ်လိမ့်မယ်လို့ မျှော်လင့်ပါတယ်...။

ကျေးဇူးတင်လျက်

မိုးငွေ့

Instagram photos (7).....

 

ညစာကို ထမင်းလွှတ် ခရမ်းချဉ်သီးငပိချက် ကင်မွန်းချဉ်ဟင်းချို ၀က်ပေါင်ခြောက် မှိုကန်ဇွန်း KFC

ဆိတ်ထောင်းလက်ဖက် ဇရမ်းနှပ် ဒညင်းသီး အဖိုးကြီးသုပ်

တခုသော မနက်စာ ရေတစ်ဖန်ခွက် ကာဖီတစ်ခွက် cripsy Donut တွေထဲမှာ
သိပ်မချိုဘူးလို့ထင်ရတဲ့ သစ်ဂျပိုးခေါက်မှုန့်နဲ့သကြားဖြူးထားတဲ့ ဒိုးနပ်

City Mall မှာရှိတဲ့ Chong Qing Grill Fish ဆိုင်က ကြက်သားထမင်းကြော်

City Mall မှာရှိတဲ့ Chong Qing Grill Fish ဆိုင်က  မာလာငါးဟင်း

City Mall မှာရှိတဲ့ Chong Qing Grill Fish ဆိုင်က ဘိုစားပဲမီးကျွမ်းကြော်

City Mall မှာရှိတဲ့ Chong Qing Grill Fish ဆိုင်ကဆားဘဲဉ မန်ထိုကြော်

သူတို့ထမင်းပန်းကန်လေးလှလို့

အိပ်ခါနီး နို့အေးလေးတစ်ခွက်

ဆရာကျားရဲ့ကြောင်စာ (ခုထိမဖတ်ရသေးပါ)

ကျောက်ကုန်းမှာ ဆိုင်ခွဲလာဖွင့်ထားတဲ့ ရှမ်းရိုးရာဆိုင်က ၀က်ခေါက်ကိုက်လန်ကြော်

ရှမ်းရိုးရာ တိုဖူးကြော်

ရန်ကင်း ရဲစခန်းရှေ့ Taungu Food House ဆိုင်က တောင်ငူမုန့်ဟင်ခါး

တောင်ငူတိုဖူးသုပ်ချဉ်ငံစပ် မုန့်ဟင်းရည်လေးက ကျဲကျဲလေးနဲ့ ငှက်ပျောအူနုနုနဲ့ချိနေတာရော
ရန်ကုန်မြို့ရဲ့အကောင်းဆုံးစားသောက်ဆိုင်များတည်ရှိရာ ရန်ကင်းမြို့နယ်

မြန်မာပလာဇာ ဂျပန်စတိုးရှေ့ အမေဇုံကဖီးမှာ ကော်ဖီသောက်တုန်း သူကလေးနဲ့တွေ့ရှိ
ကိုအာကြီး (Rဇာနည်)ရဲ့သားငယ်လေး ချစ်ချစ်တုန် သူ့အဖေကိုကွယ်လိုက် ချောင်းကြည့်လိုက်နဲ့ ကျွန်မနဲ့ Peekaboo ကစားနေတာ

Mocha coffee ဟာ ကျွန်မသောက်နေကျ ကော်ဖီမဟုတ်ပေမယ့်  The Coffee Bean and Tea Leaf ဆိုင်မှာတော့ ကျွန်မစွဲစွဲမြဲမြဲသောက်ဖြစ်နေတဲ့ ကော်ဖီ ပြီးတော့ banana muffin မုန့်သားကောင်းပြီး
သီးအယ်သီးများများနဲ့ သိပ်စားကောင်းတယ်

 လက်ဖက်သုပ်ကို အဲလိုကြက်ဉပြုတ်ပျော့ပျော့လေးနဲ့စားရတာကြိုက်တယ်

ဟရေး....အမားကြီး

Trade Mark မှာဆိုရင် Ice Lemon Tea အမြဲသောက်တယ် ဒီတစ်ခါမှာတော့ အပူမှာသောက်ကြည့်တာ ကောင်းသားပဲ (Charcoal Sandwich) ကတော့ အရောင်ကဆွဲဆောင်မှုရှိပေမယ့် မုန့်သားက ကြမ်း

အိမ်၀ရံတာမှာ ခရမ်းချဉ်သီးပင်လေးပွင့်နေပြီ

ငရုတ်ပင်က အခုအသီးတွေတော်တော်သီးနေပြီ မခူးပဲ အမှည့်ထားပြီး ငရုတ်သီးခြောက်လုပ်မလားလို့ ဟဟ

ရုံးမှာ အညာအထက်ပိုင်း ရှမ်းနယ်စပ်ကလာတဲ့သူ နှစ်ယောက်လောက်ရှိတော့
အဲဒီက ရှမ်းကြီးအစားစာဖြစ်တဲ့ မုံညင်းပေါင်းလုပ်စား

သုံးနေကျ color pop နှုတ်ခမ်းဆိုးဆေး အနီရဲရဲလေးကုန်သွားတော့
Maybelline ကအသစ်ထွက်တဲ့ Super Stay Matte Ink ၀ယ်လိုက်တာ
 ဟိုးအရင်လေးငါးနှစ်တုန်းက သုံးဖူးခဲ့တဲ့ Loreal Won't Kiss Off ထက်ပိုကောင်းတယ်

မနက်စာဘာမှမရှိရင် ဒါလေးနဲ့လည်းဖြစ်တာပဲလေ

ကျွန်မတို့ Commune Wear ရဲ့ ဒုတိယစီးရီးမှာရင်း နမူနာပိုချုပ်ပို့ပေးတဲ့ ဖိနပ်လေး သရေစစ်တော့ စီးရတာအိစက်ညက်ညော စီးပြီးပြန်မချွတ်ချင်ဘူးဆိုတာ CW မှာ ဖိနပ်လာ၀ယ်တဲ့သူတိုင်းပြောနေကျစကားလေး

Unicode ပြည်ထောင်စုဖောင့်နဲ့ပြောင်းရေးတော့ ဖတ်ရတာအဆင်ပြေလားမသိ အားလုံး ပြောင်းပြီဆိုတော့ ကျွန်မလည်း လက်ကွက်မှတ်မိအောင် စကျင့်ပြီးရေးကြည့်ရင်း ဒီပို့စ်ကိုတင်လိုက်တာ....။

မိုးငွေ့