ဒီနှစ်မိုးရာသီမှာ မင်းဘယ်ရောက်နေလဲ အိန်ဂျယ်...??
မြေပြင်ပေါ်မှာလား ပင်လယ်ပြင်မှာလား.....။ မြေပြင်ပေါ်မှာဆို မိုးရေထဲမင်းဘောလုံးကန်နေမလား၊ ကွန်ပြူတာရှေ့မှာ ကော်ဖီပူပူတစ်ခွက်နဲ့ထိုင်နေမလား၊ ဒါမှမဟုတ် ထီးတစ်ချောင်းနဲ့မိုးရေထဲလျှောက်သွားနေမလား...။ မေးခွန်းတွေများစွာရှိနေပေမယ့် မင်းကိုယ့်ကိုခုလောက်ဆိုမေ့နေလောက်ရောပေါ့နော်...။
စိတ်ကူးယဉ်စာတွေရေးမထွက်တော့ဘူးလို့ ကိုယ်ပြောတော့ မင်းစိတ်မကောင်းဖြစ်သွားသေးလား...။
ကိုယ်ပြောခဲ့ပြီးသားပဲ အိန်ဂျယ်ကိုယ်နဲ့လိုက်ပါနေသရွေ့ ကိုယ့်အိန်ဂျယ်စာစုတွေ အခန်းဆက်ရှည်နေဦးမှာပဲလေ...။
ဒီနှစ်မိုးက အစနောက်ကျပြီးမှရောက်လာလို့ အနှောင်းနောက်ကျမလားပဲ...။ ဘယ်လိုပဲဖြစ်ဖြစ် ကိုယ်ကတော့ မိုးရွာနေရင်ပဲပျော်တယ်...ပြီးတော့ မင်းကိုလွမ်းတယ်...။
မိုးငွေ့
No comments:
Post a Comment