ဗီယက်နမ်ခရီးစဉ်.....(1)

 

 Me and My sis Honey's PP

ဗီယက်နမ်ခရီးစဉ်အကြောင်းကိုမရေးခင် ခရီးစဉ်ဖြစ်ပေါ်လာရတဲ့ အကြောင်းနဲ့ ကျွန်မတို့ကို စေတနာအပြည့်အ၀ ကူညီဖေးမပို့ဆောင်ပေးခဲ့ကြတဲ့ Tango and Trek ခရီးသွားလုပ်ငန်းအကြောင်းလေးကို အရင်ပြောပြချင်ပါတယ်..။ Tango ခရီးသွား ကုမ္ပဏီရဲ့ ပဲ့ကိုင်ရှင်ကတော့ တခြားသူမဟုတ်ပါဘူး.. ကျွန်မနဲ့ မွေးနေ့ မွေးလတူပြီး ကျွန်မထက်ဆယ်နှစ်ငယ်တဲ့ ညီမလေးခေါင်ခေါင်ပါပဲ...။ သူ ဒီခရီးသွားလုပ်ငန်းကိုစလုပ်တာ သူအိမ်ထောင်မကျခင် လွန်ခဲ့တဲ့ သုံးလေးနှစ်ကတည်းကပါ..။ အဲဒီတုန်းက သူ့ခရီးသွားလုပ်ငန်းလေးကို စဖွင့်တော့ လုပ်ဖော်ကိုင်ဖက် သုံးလေးငါးယောက်နဲ့စခဲ့တာ 16လမ်းမှာ သူဖွင့်ပွဲ အလှူလုပ်တော့ သွားစားခဲ့ရသေးတယ်...။ ခေါင်ခေါင်နဲ့ကျွန်မက 2009 2010 ဖဘတွေစသုံးတုန်းကတည်းက  ခင်မင်ခဲ့ကြတဲ့ သူငယ်ချင်းလည်းဟုတ် ကျွန်မရဲ့ ညီမလေးလည်းဟုတ်ပါရဲ့..။ အဲချိန်တုန်းက ကျွန်မရဲ့ ဖဘမှာ မွေးနေ့တူတဲ့ မောင်နှမတွေ လေးငါးယောက်လောက်ရှိတယ်...။ ကျွန်မမှတ်မိသလောက် ခေါင်ခေါင်၊ ကိုကြီး ကိုအောင်သာငယ်၊ တင်ထက်ဗိုလ် နဲ့ နောက်ထပ်ညီမလေးတစ်ယောက်ရှိသေးတယ် သူ့နာမည်ကို မမှတ်မိတော့တာ...။ ဖဘမသုံးဖြစ်တော့တဲ့ နောက်ပိုင်းတော့ ညီမလေး တင်ထက်ဗိုလ်တစ်ယောက်ကိုပဲ Instagram မှာတွေ့ဖြစ်တယ်...။ 

တကယ်တော့ ကျွန်မ Tour and traveling company နဲ့ ခရီးသွားချင်ခဲ့တာကြာပြီ...။ အကောင်အထည်မဖော်ဖြစ်သေးခဲ့တာ..။ သွားခဲ့ရင်လည်း ခေါင်တို့အဖွဲ့နဲ့ပဲသွားမယ်လို့ ဆုံးဖြတ်ထားပြီးသား..။ သူတို့ ကုမ္ပဏီသာ နေရာ သုံးလေးနေရာရောက်သွားတယ် ကိုယ်တွေက ခရီးမသွားဖြစ်သေး...။ ဒီနှစ်တော့ ကျွန်မအဒေါ်က သူ Sponsor ပေးမယ် တစ်မိသားစုလုံး သွားလည်ကြဆိုတာနဲ့ ကျွန်မ ဗီယက်နမ်ခရီးစဉ်ကို ဇန်န၀ါရီလကတည်းက ခေါင်တို့ Tangoနဲ့ ဖုန်းချိတ်ပြီး ကြိုတင် Booking လုပ်ထားခဲ့တာ...။ စရံပေးဖြစ်တဲ့အခါကျမှ ကိုယ်တိုင် သူတို့ရုံးခန်းကို ရောက်ဖြစ်တော့တယ်...။ ခေါင်နဲ့က မတွေ့တာ ဘယ်လောက်ကြာခဲ့ပြီလည်း...။ ခေါင်က ကျွန်မသူ့ရုံးခန်းထဲကို လည်းခြေချဝင်ရော သူ့နောက်မှီထိုင်ခုံကနေ ၀မ်းသာအားရပြေးထလာပြီး ကျွန်မခန္ဓာကိုယ်ကို ချီမပစ်လိုက်သေးတာ...ကြည့်စမ်း ကျွန်မ ဟိုချီမင်းရောက်မှ သူ့ တိုးဂိုက်မလေးပြောလို့သိရတာ ခေါင်က ကိုယ်လေးလက်ဝန်နဲ့တဲ့...။ 

ကျွန်မတို့ မိသားစုလေးယောက်စာလက်မှတ်ဝယ်ကြတယ် တစ်ယောက်ကို အပြီးအစီး USD.390 ကျတယ်..။ ခရီးစဉ်က ဟိုချီမင်း-ဒါးလက်-မွေနဲ လေးညအိပ် ငါးရက်ခရီး...။ ဗီယက်နမ်တောင်ပိုင်းပေါ့..။ ဗီယက်နမ်မြေပုံက ပိန်ရှည်သွယ်နဲ့ တောင်နဲမြောက်ကို ကီလိုမီတာအားဖြင့် 1650  နဲ့ ဧရိယာအားဖြင့် 127,881 စတုရန်းမိုင် ကျယ်ဝန်းပါတယ်..။ တောင်တရုတ်ပင်လယ်ရဲ့ အနောက်စူးစူးမှာတည်ရှိပါတယ်...။ ဗီယက်နမ်မြေပုံက ပိန်သွယ်မို့လို့ တောင်မြောက်ကမ်းရိုးတန်း တောက်လျှောက်မှာ တံငါလုပ်ငန်းတွေအဓိကလုပ်ကိုင်ကြတယ်...။ ပင်လယ်ထွက် အစားအစာတွေပေါများတယ် လတ်ဆတ်တယ်...။ ကျွန်မတို့သွားတဲ့ ခရီးလေးငါးရက်မှာ ပုစွန်နဲ့ ပြည်ကြီးငါးက ဟင်းပွဲတိုင်းမှာပါတယ်..။

 My luggage

ခရီးသွားရတာဝါသနာပါတော့ ခရီးဆောင်အိပ်ကောင်းကောင်းနဲ့ Luggage tag အရုပ်လှလှလေးတွေကို သိပ်သဘောကျတယ်...။ ကိုယ်ခရီးဆောင်သေတ္တာတွေ သူများနဲ့မရောအောင် အရင်ကဆို ဖြစ်သလို ပလပ်စတစ်ကြိုးတွေ ဖဲကြိုးတွေနဲ့ချည်ပြီး အမှတ်အသားလုပ်ကြတယ်မဟုတ်လား...။ ခုဆို Luggage tag အရုပ်ကလေးတွေမျိုးစုံ ဖန်စီအရောင်းဆိုင်တွေမှာ ၀ယ်လို့ရနိုင်ပါပြီ..။  Unicorn ရုပ်နဲ့က ကျွန်မသေတ္တာလေး ကျန်တဲ့ ညီမလေးနဲ့ အမေ့သေတ္တာက အသည်းပုံ tag လေးတွေက မင်္ဂလာဆောင်တစ်ခုက လက်ဆောင်ရထားတာ...။  အသွားကို ကီလိုမ၀ယ်ထားတော့ 7ကီလိုအလေးသာလက်ခံတဲ့ သေတ္တာအသေးတစ်လုံးစီပဲ သယ်လာကြတယ်..။ အားလုံးကျောပိုးအိတ်တစ်လုံးနဲ့ သေတ္တာကိုယ်စီ...။

ဒါက မောင်လေးရဲ့ Luggage သူ့ tag လည်းချစ်စရာလေး 

ကျွန်မတို့စီးတဲ့လေယာဉ်က ဘတ်ဂျတ်လိုင်း Veit Jet အနီရောင်လေယာဉ် ဘတ်ဂျတ်လိုင်းဆိုတော့ ရေကအစ ၀ယ်သောက်ရတယ်...။ လေယာဉ်က နေ့လည်တစ်နာရီထွက်မှာ ကွင်းချိန်းက မနက် ဆယ်နာရီကတည်းက ဆိုတော့ မနက်စာကို အ၀စားခဲ့ပေမယ့်လည်း နေ့လည်ကျတော့ ဗိုက်ဆာတာပဲလေ..။ ဘာလာတဲ့မုန့်တွေ ထုတ်စားတဲ့အပြင် လေယာဉ်ပေးမှာ မှာစားလိုက်သေးတယ် ...။ ခေါက်ဆွဲပြုတ်နဲ့ ဗီယက်နမ်ကောက်ညှင်းပေါင်းနဲ့အသားမှုန့်..။ ကောက်ညှင်းက USD.6 ၊ ခေါက်ဆွဲက USD.2 တဲ့...။ တစ်ဆယ်တန်ပေးတော့ ကျွန်မကို အဲလေယာဉ်မယ်က သူတို့ရဲ့နှစ်သောင်းတန်နှစ်ရွက်ကို အမ်းပေးတယ်...။ ပိုက်ဆံက စုတ်နေရော...USD.ပဲပြန်ယူမယ်ဆိုတော့ အကြွေမရှိဘူးတဲ့..။ သူတို့လေယာဉ်မယ်ဝတ်စုံက အနီရောင်စပို့စ်ရှပ်နဲ့ ဘောင်းဘီတိုအကွက်နဲ့...။ လေယာဉ်ကပဲ သိပ်မကောင်းတာလား လေယာဉ်မှူးက ပဲမောင်းတာ မညက်ညောလို့လားမသိ လေယာဉ်အတက်အဆင်း အပြင်ကို ကောင်းကင်ပေါ်မှာ ၀ဲနေချိန်တောင် လေယာဉ်က ခါရမ်းနေတာပဲ..။ ကျွန်မကတော့ လေယာဉ်ပေါ်ရောင်ခါးပတ်ပတ်ပြီးတာနဲ့ ဘုရားရှိခိုး မေတ္တာပို့တာလုပ်တယ် လေယာဉ်ခါတိုင်း သမ္ဗုတေရွတ်ပေါ့...။

ဒေါ်လာအကြွေပြန်မအမ်းနိုင်ရင် အသစ်နဲ့တော့ ပြန်လဲပေးလို့ပြောတော့ ခဏနေ ဒေါ်လာတစ်ကျပ်တန်နှစ်ရွက်နဲ့လာလဲပေးသွားတယ် ... 

တကယ်တော့ အဲနှစ်သောင်းတန်နှစ်ရွက်က မြန်မာငွေ 2500ကျပ်ပဲရှိတာ

 စီးဖူးခဲ့သမျှလေယာဉ်တွေမှာ လေယာဉ်မယ်တွေကို ဒီလို ဘောင်းဘီတိုဆင်တာ ပထမဆုံးတွေ့ဖူးခြင်းပဲ..

 ဗီယက်နမ်မှာ ပထမဆုံးသောက်ရတဲ့ရေသန့်

လေယာဉ်ဆိုက်တော့ ဟိုက ဗီယက်နမ်ဂိုက်က ဘတ်စ်ကားကြီးနဲ့လာကြိုတယ်..။ ဂိုက်က ကျွန်မတို့ဆီက အဆိုတော်သားစိုးနဲ့တစ်ရုပ်ထဲ...။ သူတို့ဆီက သောက်ရေသန့်က ပေါ့ရွှတ်ရွှတ်နဲ့သောက်မကောင်းဘူး..။

 

ဟိုချီမင်းစီးတီးကိုရောက်တော့..ညနေတော်တော်စောင်းနေပြီ။ အရင်ဦးဆုံးထမင်းမစားခင် မြို့ထဲက တောင်မြောက်ပြန်လည်ပေါင်းစည်းရေးနန်းတော်၊ ဗဟိုစာတိုက်ကြီးနဲ့ Notre Dame Cathedral ချခ်ျကျောင်းတို့ကို လိုက်ပို့တယ်..။ ဟိုချီမင်းကတော့ ဆိုင်ကယ်မြို့တော်ပါပဲ...။ ခေတ်သစ်နာမည်အနေနဲ့ ဟိုချီမင်းစီးတီးလို့ပြောင်းထားပေမယ့် တကယ့်နာမည်က Saigon City ပါ..။

 တောင်မြောက်ပြန်လည်ပေါင်းစည်းရေးနန်းတော်

 

Notre Dame Cathedral ချခ်ျကျောင်းကြီးကို 1880 ဧပြီလ (11)ရက်နေ့မှာစတင်ဖွင့်လှစ်ခဲ့ပြီး အမြင့်ပေ 198ပေမြင့်ပါတယ်...။ ကျွန်မတို့ရောက်တော့ အထဲမှာ မင်္ဂလာဆောင်တစ်ခုဘုရားရှိခိုးသီချင်းဆိုနေကြလို့ ၀င်မကြည့်လိုက်ရဘူး..။

 ဒါက ချခ်ျကျောင်းရှေ့က လွတ်လပ်ရေးမတ်တိုင်အောက်နားမှာ ဗီယက်နမ်ဗီဇာဆိုပြီး သူတို့ကော်ပြန့်ရွက်နဲ့ အစာပလာတွေထည့် ငုံးဥလေးဖောက်ပြီး မီးကင်လိုက်တာ တစ်ခုကို ဒေါင်နှစ်သောင်းတဲ့..

 ဒါလည်း ဗီယက်နမ်ပီဇာနောက်တစ်သည်

 သူတို့ရဲ့ ဗဟိုစာတိုက်ကြီး... 

ကျွန်မတို့ ဗိုလ်အော်ကျော်လမ်းက စာတိုက်ကြီးရော နိုင်ငံခြားသားတွေလာရင် အဲလိုလိုက်ပြတဲ့အထဲပါလား

အစားအသောက်တွေကတော့ရှယ်ကျွေးတာပါ...။ ဗီယက်နမ်ဟင်းစစ်စစ်တော့ ဟုတ်ပုံမရဘူး တရုတ်ဟင်းပဲဆိုပါစို့..။ အဖြူသည် အဆီအနှစ်မပါ ရေလုံပြုတ်ပေမယ့် တနေကုန်ထမင်းမစားထားတော့ ဗိုက်ဆာဆာနဲ့ ထမင်းနှစ်ပန်းကန်ဆီ ကုန်ကြတယ်...။ ကျွန်မတို့ကို Saigon မြစ်ထဲက သုံးထပ်သဘောင်္ပေါ်မှာ ဧည့်ခံပါတယ်..။

Saigon မြစ်ထဲမှာ ကျွန်မတို့ညစာစားတဲ့ သဘောင်္အပြင် ဒီလိုလှပတဲ့ သဘောင်္ကြီးတွေလည်းရှိတယ်...။ ထမင်းစားပြီးတော့ ဗီယက်နမ်မလေးတွေက Falcon စပိန်အက ကပြတယ်...။ ရှိသမျှသဘောင်္တွေက ဧည့်သည်တွေအပြည့်ပါပဲ..။ ကမ်းစပ်နားမှာ Tour bus တွေက ရပ်စရာနေရာတောင်မလောက်ဘူး...။ ကျွန်မတို့ ရန်ကုန်မြစ်ကြီးထဲမှာလည်း ခုလိုဖြစ်စေချင်လိုက်တာ..။

ကျွန်မတို့ ပထမဆုံးည Cruise ပေါ်မှာ ညစာစားပြီး ဟိုတယ်ကို Check In ၀င်ပါတယ် ဟိုတယ်နာမည်က Thein Tung Hotel တဲ့...။  ရုပ်ရှင်မင်းသားမြင့်မြတ်နဲ့တူတဲ့ ကျွန်မတို့ရဲ့ မြန်မာဂိုက်ကတော့ သိန်းတန်ဟိုတယ်လို့သာ မှတ်ထားလိုက်တဲ့...ဟ..ဟ..။ ဦးသိန်းတန်ကြီး ပေါ်ပြူလာဖြစ်ချက်ကတော့ အံ့မခန်းပါပဲ..။

တွေ့လား Tango က အဲလိုစေတနာကြီးတာပါ...ဧည့်သည်တွေကို နေရာကောင်းကောင်းပေးတည်းတယ် အစားကောင်းကောင်းကျွေးမွေးပြုစုတယ်..။ ဒါကြောင့် Tango ရဲ့ ချီးမွန်းသံက ပဲ့တင်ထပ်နေတာကိုး...။ ကိုယ့်ညီမ Tour မို့ ကိုယ်ကြွားလုံးထုတ်တာမဟုတ်ဘူးနော်..။

 သိန်းတန်ဟိုတယ်ရဲ့ မနက်စာများ

မနက်စာက ဘူဖေးကျွေးတယ် ထမင်းကြော် ခေါက်ဆွဲကြော်  ပေါင်မုန့်ထောပတ်ရတယ် ကြက်ဥကြော်ရတယ် ဖက်ထုပ်ပေါင်း ၀က်ပေါင်ခြောက်ကြော်တွေရတယ်။ အခေါက်တွေကို အပြင်ကနေထားပြီး အသားကို ငရုတ်ကောင်းနိုင်နိုင်နဲ့ဗီယက်နမ်ဟမ်လည်းပါတယ်..။ သစ်သီးဖျော်ရည်အပြင် သစ်သီးလတ်လတ်ဆတ်ဆတ်တွေကျွေးသေးတယ်...။ ဗီယက်နမ်နိုင်ငံရဲ့ နာမည်ကြီးအစားစာထဲက ထိပ်ဆိုးဖြစ်တဲ့ Pho ခေါက်ဆွဲလည်းရတယ် ပထမနေ့က မစားလို့ပုံပြမရ... နောက်နေ့ မနက်စာများမှာ စောင့်မျှော်ကြည့်ရှုကြပါကုန်။

ကျွန်မက ဆန်ပြုတ်သရဲ

အပိုင်းဆက်များမျှော်ပါဦး...း)

မိုးငွေ့