Vegan Banana Cake....

ညီမလေး ကန်ဒီ  My Freedom က အသွေးရောအသားရောရှောင်တဲ့ သက်သတ်လွတ်သမား တစ်ယောက်အဖြစ် ခံယူလိုက်တာ တစ်နှစ်ပြည့်ခဲ့ပြီလို့ သူ့ရဲ့ ဒီပို့စ်လေးမှာ ဖတ်လိုက်ရတယ်...။ ကန်ဒီက ကျွန်မပို့စ်မှာ ကော်မန့်လာပေးသွားတယ် သူ ငှက်ပျောသီးကိတ်ကြိုက်လို့ Vegan သမားတွေစားတဲ့ ငှက်ပျောကိတ် လုပ်နည်းလေးသိချင်ပါတယ်တဲ့..။ ငှက်ပျောကိတ်ကို သူတို့ဆီမှာတော့ banana cake or banana bread လို့ခေါ်ကြတယ်..။

တကယ်တမ်း မုန့်လုပ်တော့မှ ဘာမှမပါဘူးဆိုတဲ့ ပေါင်မုန့်အလွတ်မှာတောင်မှ နို့နဲ့ကြက်ဥပါပါတယ်..။ ဒါကြောင့် အသားအသွေးနှစ်မျိုးလုံးလွတ်တဲ့ သက်သတ်လွတ်သမားတွေအတွက် မုန့်တွေကို အလွယ်တကူနဲ့  ၀ယ်စားလို့မဖြစ်ပါဘူး..။ လူတွေကတော့ လွယ်လွယ်နဲ့ အသားမပါရင် သက်သတ်လွတ်တယ် ထင်တတ်ကြတယ်..။ ကန်ဒီကြိုက်တတ်တဲ့ ငှက်ပျောကိတ်မှာက ကြက်ဥမပါတော့ အကြမ်းအားဖြင့် သက်သတ်လွတ်တယ်လို့ပြောနိုင်ပေမယ့် နွားနို့နဲ့ထောပတ် ပါနေတဲ့အတွက် အဲဒီအစား ရေနဲ့ဆီ ထည့်ပြီး လုပ်လို့ရပါတယ်..။ သစ်ဂျပိုးနံ့နှစ်သက်သူများအတွက် သစ်ဂျပိုးမှုန့် ထည့်လို့ရပါသေးတယ်။ ဘာမုန့်ပဲလုပ်လုပ် ရောင်းတမ်းမဟုတ်ဘဲ ကိုယ့်ဘာသာကိုယ် အိမ်လုပ်မုန့် သီးသန့်လုပ်စားရင်တော့ Preservative အရောင်တို့ အနံ့တို့ကိုမထည့်ဘဲ သူ့သဘာဝအတိုင်းပဲ ဖုတ်တာကောင်းပါတယ်..။

ထောပတ်အစား ဆီသုံးတဲ့နေရာမှာ အနံ့မပါတဲ့ဆီကိုရွေးချယ်တတ်ဖို့ လိုပါတယ်..။  မြန်မာပြည်မှာဆို နေကြာဆီလိုမျိုးရွေးသုံးလို့ရပါတယ်..။ မြေပဲနဲ့ ပဲပိစပ်ဆီကတော့ အနံ့ရှိလို့ မုန့်လုပ်တဲ့နေရာမှာမသုံးကြပါဘူး ..။ ဟင်းရွက်ဆီတွေလည်း သုံးလို့ရပါတယ်..။ တချို့ Rice Brand Oil လည်းသုံးကြတယ်...။ သူတို့တွေဆီမှာတော့ အိမ်လုပ်မုန့်ကို များသောအားဖြင့် Canola Oil ကိုသုံးကြတယ်...။ ခုဆို မြန်မာပြည်မှာလည်း Market Palace မှာ Canola ကိုရှာဝယ်နိုင်ပါပြီ...။ ခုကျွန်မလုပ်တဲ့ ငှက်ပျောကိတ်မှာလည်း Canola Oil ကိုသုံးထားပါတယ် Korean Brand ပါ...။ 

 

ကျန်းမာရေးအတွက်ကောင်းတဲ့ Omega 3 ပါတဲ့ Canola ကို ကနေဒါနိုင်ငံနဲ့ အမေရိကားမြောက်ပိုင်းတွေမှာ စိုက်ပျိုးကြတာ များတယ်..။ ဆေးဖက်ဆိုင်ရာအရလဲ လူ့ခန္ဓာကိုယ်အတွက် တော်တော်အသုံးဝင်ပါတယ်..။ Canola စိုက်ခင်းကြီးဟာ အ၀ါရောင်ရှိပြီး သိပ်လှပါတယ်..။  အ၀ါရောင်ပန်းပွင့်အောက်နားမှာ အကိုင်းကနေပေါက်တဲ့ အစိမ်းရောင်အတောင့် ရှည်ရှည်လေးထဲကနေ ဆီထွက်တဲ့ အစေ့လေးတွေရှိတယ်..။ မဲနက်နက်အစေ့ကလေး ကနေ ဆီကြိတ်ယူကြပါတယ်..။

 

   Canola စေ့လေးတွေဟာ ကျွန်မတို့ ရှမ်းပြည်က ခေါပုတ်ထဲထည့်ထောင်းတဲ့ နှမ်းတစ်မျိုးနဲ့ သိပ်တူတယ်..။ နောက်တစ်ခါ ရှမ်းပြည်ရောက်ဖြစ်ခဲ့ရင် နမူနာယူခဲ့ဦးမယ်...။ နောက်ပိုင်းတော့ ရှမ်းပြည်မှာ စိုက်မယ့်သူမရှိသလောက် ရှားသွားလို့ ခေါပုတ်ရာသီမှာ နှမ်းစေ့နဲ့ပဲအလွယ်တကူ ထည့်ထောင်း ကြတော့တယ်တဲ့...။ သူက နှမ်းစေ့ထက်ပိုမွှေးပါတယ်...။ ခေါပုတ်ထောင်းရာမှာ စေးကပ်မနေအောင်လို့ ဆီထွက်လို့ သူ့ကိုထည့်ထောင်းကြတာပါ ...။

 

 Canola ပန်းခင်းကြီးက သိပ်လှတာပဲ ကျွန်မအက်ဆေးတွေထဲက အ၀ါရောင်းပန်းခင်းနဲ့ သိပ်တူတယ်...

ကျွန်မလောလောဆယ် သင်နေတဲ့ သင်တန်းဆရာကတော့ မုန့်လုပ်တဲ့အခါ အချိန်အတွယ်တွေကို ချိန်ခွက်တို့ ဇွန်းတို့ကိုမသုံးဘဲ တိကျမှုကိုလိုချင်တဲ့အတွက် Digital scale ကိုပဲသုံးဖို့ အကြံပေးတိုက်တွန်းပါတယ်။ ဒါကြောင့် သူ့ original recipe မှာပါတဲ့ ချင်ခွက်ရော gram နဲ့ရေးပြပါ့မယ်..။

မုန့်ချိန်ဖို့ပြင်ဆင်ရာမှာ စနစ်တကျဖြစ်စေဖို့ ကျွန်မက group လေးတွေခွဲပေးထားပါတယ်..။ ပထမဆုံးချိန်ခွင်ပေါ်မှာ ဇလုံသန့်သန့်တစ်လုံးကိုအရင်တင်ပြီး digital scale ကို သုံညပြန်ဖြစ်အောင်နှိပ်လိုက်ပါ..။ နောက်ကိုယ်လိုရာ ပစ္စည်းများကို group အလိုက်ခွဲပြီး ချိန်ပါ...။ ဥပမာ ဇလုံတင်ပြီး သုံညမှာထား ဂျုံ 210 ဂရမ်ချိန် ပြီးတာနဲ့ သုံညမှာပြန်ထား ဆိုဒါထပ်ချိန် သုံညမှထား ဆားထည့်ချိန် အဲလိုနည်းနဲ့ ကျွန်မတို့သင်တန်းမှာချိန်တွယ်ပါတယ်...။

ချိန်ခွင် ချိန်စက်မရှိရင်လည်း ချိန်ခွက်နဲ့အလွယ်တကူချိန်နိုင်ပါတယ်..။ ချိန်ခွက်ကို 1cup, 1/2cup, 1/3cup, 1/4cup ဆိုပြီး အတွဲလိုက်ရောင်းတတ်ပါတယ်..။ ခုလုပ်နည်းမှာပါတဲ့ အချိန်အရဆို 1cup and 3/4cup  ဆိုရင် ပထမဆုံး 1cup ဂျုံကိုအရင်ထည့်ပြီးရင် 3/4ကျတော့ခွက်မရှိတော့ဘူး ဒါကြောင့် 1/4ခွက်ကို သုံးခွက်ချိန်ထည့်ရင်လည်း အတူတူပါပဲ..။ 1 3/4 cup ဆိုတာ ဂျုံကို တစ်ခွက်နဲ့ လေးပုံသုံးပုံထည့်ရမယ်လို့ဆိုလိုတာပါ။ ဂျုံကိုခွက်နဲ့ချိန်တဲ့အခါ ဂျုံမုန့်ကိုခွက်နဲ့ခတ်ယူပြီး အပေါ်မျက်နှာပြင်ကို ညီနေအောင်သပ်ချပေးမှ တစ်ခွက်တိတိကျကျကို ရပါတယ်..။

 

 ပါဝင်ပစ္စည်းများ

Group(a)

1. မှည့်ပျော်နေတဲ့ ငှက်ပျောသီး 4လုံး(ချေထားပါ) 
2. 52g (or) 1/4cup (နေကြာဆီ/အုန်းဆီ/Canola Oil) 
3. ဗန်နီလာ(သစ်ခွဆီ) သုံးစက်

Group(b)

1. 210g (or) 1 3/4 cup ဂျုံ(ကိတ်ဂျုံ)      
2. 2.5g (or) 1/2 tsp မုန့်ဖုတ်ဆိုဒါ         
3. 10g (or) 2tsp မုန့်ဖုတ်ပေါင်ဒါ    
4. 90g (or) 1/4 cup  သကြားညို   

မုန့်လုပ်နည်း

          မုန့်ဖုတ်စက်ကို မီး 170C ကြိုတင်ပြီးမီးအပူပေးထားပါ...။ မုန့်တစ်ခုဖုတ်ဖို့ ပြင်ဆင်မှုလုပ်နေချိန်မှာ မီးအပူချိန်ကြိုတင်အပူပေးတာကို အကျင့်လုပ်ထားပါ..။ ကျွန်မကတော့ အိမ်သုံး Oven လေးမို့ သူတို့ပေးထားတဲ့ မီးအရှိန်နဲ့မဟုတ်ဘဲ 150C နဲ့ပဲဖုတ်ပါတယ်..။ Loaf pan ငှက်ပျောကိတ် ထောပတ်ကိတ်တို့ဖုတ်တဲ့ ရိုးရိုးမုန့်ခွက်ကို ဆီသုတ်လိမ်းထားပါ...။ ဆီစုပ်စက္ကူတွေကို အောက်ခြေရော ဘေးပတ်ပတ်လည်ပါ ခင်းပေးပါ..။  Group (a)ကို ဇလုံတစ်ခုမှာရောထားပါ...။ Group(b)အားလုံးချိန်ရောမွှေပြီးရင် Group(b)ထဲထည့်ရောပြီး ခပ်သာသာလေးမွှေပေးပါ ပလတ်စတစ်ယောင်းမပြားနဲ့ ဇလုံဘေးမှာ ကပ်နေတာကိုကော်ပြီး နာရီလက်တံအတိုင်းမွှေသွားပေးပါ။ မုန့်သားသမပြီး ပျစ်နစ်သွားပါစေ...။ အလွန်အကျူးမမွှေရပါ..။ 45မိနစ်ကနေ မိနစ်50ထိဖုတ်ပေးပါ..။ မုန့်ကျက်မကျက်ကို ၀ါးတံချွန်လေးနဲ့ထိုးကြည့်ပြီး မုန့်သားကပ်မပါလာရင်ရပါပြီ..။ မုန့်ထဲမှာ ငှက်ပျောသီးကိတ်ဟာ ဖုတ်ရတာအလွယ်ကူဆုံးနဲ့ ပါဝင်ပ္စည်းအနည်းဆုံးမုန့်တစ်ခုပါ..။ လွယ်တယ်ဆိုသည့်တိုင်အောင် မုန့်ဖုတ်တဲ့အခါ မီးအချိန်အဆ သိပ်စကားပြောပါတယ် ကိုယ်သုံးတဲ့ စက်အလိုက် အပူချိန်ကို ညှိုယူရတယ်..။ မုန့်ဖုတ်ရင် Alarm ပေးပြီး ပစ်မထားပါနဲ့ မုန့်ဗန်းကို ဆယ်မိနစ်တိုင်းလှည့်ပေးပါ မဟုတ်ရင် မျက်နှာပြင်အကျက်မညီပါဘူး မျက်နှာပြင်အညိုရောင်သန်းသွားပြီဆို အပေါ်မီးကိုပိတ်ပေးပါ ဆက်ထားရင်တူးသွားမှာဆိုးလို့ပါ..။ မီးအချိန်အဆကတော့ ကိုယ်သုံးတဲ့စက်မှာမူတည်ပြီး ကစားရတာပါပဲ..။ အသေသပ်မှတ်လို့မရပါဘူး..။ မုန့်ရရင် ချက်ချင်းမထုတ်သေးဘဲ အေးတဲ့အထိ စက်ထဲမှာထားထားပါ..။ ပြီးမှ ကိုယ်လိုရာပုံစံအတုံးများလှီးပြီး စားသုံးနိုင်ပါပြီ..။

loaf pan

 

ဒီမုန့်လုပ်နည်းကို ကျွန်မက ဆရာတို့ဆီမှာ သူငယ်ချင်းတစ်ယောက် အသွေးအသားလွတ်မို့ ကြက်ဥ ထောပတ်မပါဘဲဘယ်လိုလုပ်ရမလည်းမေးဖူးခဲ့ပါတယ်..။ ဆရာတစ်ယောက်ကတော့ ကြက်ဥမပါရင် မုန့်မဖြစ်ဘူးလို့ဆိုတယ်..။ ကြက်ဥအပွအစား SP ထည့်ပါလားလို့လည်း အကြံပေးပါတယ်...။ ကျွန်မခုထိ မုန့်ဖုတ်ပစ္စည်းဆိုင်ကိုမရောက်သေးတာနဲ့ အိမ်မှာရှိတာပဲသုံးပြီးလုပ်ထားတာပါ Sp မသုံးပါဘူး..။ SP ဆိုတာ ကိတ်သားပွ ကိတ်သားချောမွတ်မှုကိုအားပေးတဲ့ ပွဆေးတစ်မျိုးပါ...။ ခုက You tube ကနေ Vegan Banana Bread လုပ်နည်းမျိုးစုံထဲက တစ်ခုကိုယူပြီး စမ်းလုပ်ထားတာပါ...။ ပထမတစ်ခေါက်က မုန့်ပျက်သွားသေးတယ် မုန့်ကပွတက်မလာဘဲ ဂျပ်ခဲကြီးဖြစ်နေရော ဆနွင်းမကင်းတုံးလိုဖြစ်သွားတာ..။ ခုတစ်ခေါက် အောင်မြင်သွားတော့မှ ညီမလေး ကန်ဒီ မေးထားတာနဲ့ ပို့စ်တင်လိုက်တာ..။ ငှက်ပျောကိတ်ဆို မုန့်သားတွေက ခြောက်နေတတ်တယ် ခုကိတ်လေးက စိုပြီး အရသာကောင်းတယ်.. ကျွန်မလေ့လာထားတဲ့ နည်းကို စမ်းလုပ်ကြည့်စေချင်ပါတယ်...။ မျက်နှာပြင်ကတော့ အရောင်သိပ်မလှပေမယ့် အရသာကတော့ goody ပါပဲ..။ မုန့်လုပ်နည်းတွေတတ်သွားတော့မှ မုန့်ဆိုင်တွေမှာ ဈေးကြီးပေးဝယ်စားရတဲ့ မုန့်ရဲ့တန်ဖိုးကို ပိုသိလာရတယ်..။ Yangon Bake House လိုမုန့်ဆိုင်မျိုးဆို မုန့်တစ်ခုတစ်ခုက သိပ်ဈေးကြီးတယ်...။ ဘာကြောင့်လည်းဆိုတာကို မုန့်ဖုတ်တတ်တော့ သိသွားရတယ်..။ Home made ဖြစ်တဲ့အတွက် မုန့်ထဲမှာပါဝင်တဲ့ ပစ္စည်းတွေကို အကောင်းတွေချည်းရွေးသုံးထားလို့ပဲဖြစ်တယ်..။

  Enjoy!!!!!

မိုးငွေ့