မိုးငွေ့ဆိုတာ...ကော်ဖီခါးခါးအကြိုက်နဲ့ ဖက်ရှင်တအားမိုက်သူပေါ့...း)

Wednesday, 2 January 2013

အတောက်ပဆုံးကြယ် (သို့) နီကီမီနာ့ဂ်ျ

စင်ပေါ်မှာ “နီကီမီနာ့ဂ်ျ”လို့ ကျော်ကြားတဲ့ သူ့နာမည်အရင်းက “အိုနီကာ တန်ညာမရာ့ဂ်ျ” ၁၉၈၄ခုနှစ် ဒီဇင်ဘာလ (၈)ရက်နေ့ဟာ သူ့မွေးနေ့။ သူက ထရီနီဒက်ဇာတိ အမေရိကန်ရက်ပါအဆိုရှင်၊ တေးရေး၊ အကသမား၊ အသံသရုပ်ဆောင်နဲ့ ရုပ်သံစတား။ မိဘတွေဖြစ်တဲ့ ကာရိုးလ်နဲ့ ရောဘတ်မရာ့ဂ်ျ တို့ဟာ အိန္ဒိယသွေးပါတဲ့ ထရီနီဒက်တွေ။ နီကီက အကိုနဲ့မောင်ရဲ့ကြားက ဘွားအေရဲ့ အသည်းကျော် အိမ့်ဆည်းလည်း။ သူ့အသက်ငါးနှစ်မှာ ထရီနီဒက်ကနေ နယူးယောက်ကိုရွှေ့ခဲ့တယ်။ “အလစ်ဇဘတ်ဘလက်ဝဲလ်”အလယ်တန်းကျောင်းကို တက်တယ်။ အဲဒီမှာ“ကလယ်ရ်နက်”အမှုတ်သမားဖြစ်လာတယ်...။ ဂီတ၊ အမြင်ဆိုင်ရာ အနုပညာနဲ့ ပါဖောမန့်ဦးစားပေး“လာဂါးဒီးယား”ကျောင်းကနေအထက်တန်းကျောင်းအောင်တယ်။ ကျောင်းဆင်းပွဲဒရမ်မာမှာ ၀င်ကပြီး သီချင်းဆိုဖို့လုပ်တာ တကယ့်ရက်မှာအအေးမိပြီး အသံပျောက်သွားတယ်။ အစက သရုပ်ဆောင်တစ်ယောက်ဖြစ်ဖို့ ကြိုးစားခဲ့တယ်။ စစချင်း သူကျတဲ့ ဇာတ်ရုပ်ကို ဘယ်လိုမှ အံမ၀င်နိုင်ခဲ့ဘူး။ (၁၉)နှစ်သမီးမှာ ဘရွှန့်ဇ်ရပ်ကွက်က Red Lobsters ဆိုင်မှာ စားပွဲထိုးဝင်လုပ်တယ်..။
ကြိုးစားတယ်။ ခြစ်ခြုပ်တယ်။ အဲဒီအလုပ်နဲ့တင် BMWရအောင်ဝယ်စီးတယ်။ ဒါပေမယ့် စားသုံးသူတွေအပေါ် ဆက်ဆံရေးကျဲလိုက်မိလို့ အလုပ်ထုတ်ခံရတယ်။ Wall Street ရဲ့ စီးပွားရေး လုပ်ငန်းတစ်ခုမှာ စားသုံးသူဝန်ဆောင်မှုဆိုင်ရာ လက်ထောက်အုပ်ချုပ်ရေး အရာရှိ ၀င်လုပ်တယ်။ နောက်ပိုင်း ရုံးပိုင်းဆိုင်ရာမန်နေဂျာဖြစ်လာတယ်...။


 နောက်ပိုင်းနာမည်ကျော် Hoodstars အနုပညာအဖွဲ့ထဲမှာ “ရက်ပါ”၀င်လုပ်တယ်။ ဒါပေမယ့် ထင်တိုင်းမပေါက်တာတွေ၊ ညှိလို့မရတာတွေကြောင့် မချင့်မရဲဖြစ်ရခြင်းတွေနဲ့ အတူ သူထွက်ပစ်လိုက်တယ်။ သူ့ရဲ့ Myspace မှာ ကိုယ်ပိုင်သီချင်းလေးတွေတင်တယ်။ နာမည်ကျော်ရက်ပါ“ဂရေဗီ”ကို မွေးထုတ်ပေးခဲ့တဲ့ Dirty Money Entertainment ရဲ့ CEO “ဖရန်ဒီ” က သတိပြုမိသွားတယ်။ သူ့ကိုအရလိုက်ချိတ်တယ်။ ကောက်မွေးလိုက်တယ်။ နယူးယောက် မြေအောက်ရက်ပါတွေအကြောင်း ဒီဗီဒီထုတ်ဖြစ်တယ်..။ 


သူ့ပထမဆုံး Mixtape Playtime Is Over ကို ၂၀၀၇ ခုနှစ်မှာထုတ်တယ်။ ဒုတိယတစ်ခု Sucka Free ကို ၂၀၀၈ခုနှစ်၊ ဇူလိုင်လမှာထုတ်တယ်။ Underground Music Award ရဲ့ ၂၀၀၈ ခုနှစ်ကောင်းဆုံးအမျိုးသမီး အနုပညာရှင်ဆုရတယ်။ Beam Me up Scotty ဆိုတဲ့ တတိယ အယ်လဘမ်ကို အဲဒီနှစ်ထဲမှာပဲ အရထုတ်တယ်။ XXL မဂ္ဂဇင်းမှာ ၀င်သရုပ်ဆောင်လိုက်သေးတယ်။ ၂၀၀၉ ခုနှစ်မှာ Young Money Entertainment နဲ့စာချုပ်ချုပ်တယ်။ နာမည်ကျော်ရက်ပါ Lil Wayne က သူ့ကိုရှာတွေ့သွားတယ် ။ 5 Stars Chick ဗီဒီယိုနဲ့သူ တအားပေါက်သွားတယ်။ တခြားသူရဲ့ အခွေတစ်ခွေမှာ လူလုံးဝင်ပြပြီးနောက် Bed Rock ဆိုတဲ့ Singleမှာ တစ်ယောက်တည်း ရက်ပ်ဝင်ဆွဲတယ်။ သောင်းသောင်းသည်းသည်းဖြစ်သွားတယ်။ Billboard  100 နံပါတ်(၂)ချိတ်တယ်။ အဲဒီနှစ် ဒီဇင်ဘာမှာ We are the money အယ်လ်ဘမ်ထွက်တယ်။ Billboard 200 မှာ Top 10 ၀င်တယ်..။



၂၀၁၀ နိုဝင်ဘာမှာ သူ့အယ်လ်ဘမ် Pink Friday ထုတ်လိုက်တော့ Us Billboard 200 မှာ ထိပ်ဆုံးရောက်သွားတယ်။ Recording Industry Association of America (RIAA) မှ ပလက်တီနမ်အဆင့် မှတ်တမ်းဝင်သွားတယ်။ သူလည်း Us Billboard 100 မှာ ပထမဆုံးသော Single(၇)ချပ်ရ အမျိုးသမီးအနုပညာရှင်အဖြစ်မှတ်တမ်းဝင်သွားတယ်။ အဲဒီထဲက(၇)ပုဒ်မြှောက် Super Bass သီချင်းဟာ တစ်လအတွင်း ချပ်ရေ(၄)သန်းကျော်ရောင်းရတယ်။ RIAA ရဲ့“ပလက်တီနမ်(၄)ဆ”မှတ်တမ်းဝင်သွားတယ်။ အမေရိကန်ရဲ့ အကောင်းဆုံး Single ဖြစ်သွားတယ်။
၂၀၁၂ ဧပြီမှာ ဒုတိယမြှောက်အယ်လ်ဘမ် Pink Friday: Roman Reloaded ထွက်လာတယ်။ တစ်ကမ္ဘာလုံးမှာ ချပ်ရေတစ်သန်းကျော်ရောင်းလိုက်ရတယ်။ ၂၀၁၂ခုနှစ်ရဲ့ နိုင်ငံတကာအဆင့် အရောင်းရဆုံး အယ်လ်ဘမ်ဖြစ်သွားတယ်။ အဲဒီအထဲက Star Ship နဲ့ Pound the Alarm သီချင်းတွေဟာလည်း နိုင်ငံတကာအဆင့် Top 10 မှာဝင်သွားတယ်။ ဒီနှစ်ထဲမှာ နီကီမီနာ့ဂ်ျတို့ Pink Friday Tour နဲ့ Pink Friday Reloaded Tour ဆိုတဲ့ ဖျော်ဖြေပွဲအစီအစဉ်နှစ်ခုရအောင်လုပ်သွားတယ်..။

အ၀တ်အစားဖက်မှာ သူကိုယ်တိုင်တွေးဖက်ရှင်တွေကိုမက်တယ်။ “ကောက်ခနေ” ဆိုတဲ့ ဗြိတိသျှ အလယ်ပိုင်းသားတို့ရဲ့ ၀တ်စားဆင်ယဉ်မှုကို အခြေခံထားပြီး ရှေးရိုးတွေကို ဆန်းအောင်ထွင်ဝတ်တတ်တယ်..။ အရောင်စုံအရောင်ပြေးအရောင်ပျောက်တွေဝတ်တတ်တယ်။ ဆံတု ခေါင်းဆောင်းစုံအောင်သုံးတယ်။ ဖက်ရှင်စံပြဖြစ်လာတယ်။ Ice Age 4:Continental Drift မှာ အသံနဲ့သရုပ်ဆောင်တယ်။ အင်မတန်အစဉ်အလာကြီးတဲ့ American Idol အစီအစဉ်ရဲ့ ဒိုင်တစ်ဦးအဖြစ်ကနေ ဂျနီဖာလို့ပါဇ်အနားယူတော့ ဟောဒီလူသစ်တန်းကလေး နီကီကို တန်းနေအောင် အစားထိုးလိုက်တယ်။ Addidas MAC Comsmetic နဲ့ Pepsi တို့ရဲ့ Main Feature ဖြစ်လာတယ်။  BET Award (၆)ခုရတယ်။ American Music Award(၂)ခုရတယ်။ MTV Music Award (၂)ခုရတယ်။ Billboard ရဲ့ ၂၀၁၁ ခုနှစ်အတွက် အတောက်ပဆုံးကြယ် ဆုရတယ်။ MTV ရဲ့တစ်နှစ်တာအတွင်း “Hot”အဖြစ်ဆုံးအနုပညာရှင်အဖြစ် မှတ်တမ်းအတင်ခံရသလို ဒီလိုမှတ်တမ်းဝင်တဲ့ ပထမဦးဆုံးအမျိုးသမီး အနုပညာရှင်လည်းဖြစ်သွားပြန်တယ်။ ဒါကြောင့် နယူးယောက်တိုင်းမ်စ်က အလွှမ်းမိုးနိုင်ဆုံးအမျိုးသမီးလို့ ကင်မွန်းတပ်တယ်။ 

တချို့က သူ့ကို ယောက်ျားသားတွေနဲ့သာမက မိန်းမသားချင်းပါ ချစ်ခန်းဖွင့်တတ်သူလို့ ယိုးကြတယ်။ သူက “ကျွန်မ ဘယ်မိန်းမနဲ့မှဒိတ်မလုပ်တတ်ဘူး”လို့အပြတ်ပြောတယ်..။ “ အင်း..ဘယ်ယောက်ျားနဲ့မှလည်း ဒိတ်မလုပ်တတ်ဘူး” တဲ့ မှတ်ကရော။ “ကျွန်မ လူတိုင်းကို ရင်းရင်းနှီးနှီး ဆက်ဆံတယ် ဘယ်တော့မှ မကောင်းမပြောဘူး။ ဒါပေမယ့် ကျွန်မကို လူတွေက သီးသီးသန့်သန့်ကြီး သဘောထားနေကြတယ်။ ကျွန်မ သီးသီးသန့်သန့်ကြီးမဖြစ်ချင်ဘူး” တဲ့ သူကတော့ စိတ်ရှင်းရှင်း လူတင်းတင်းနဲ့ အလုပ်ကိုပြင်းပြင်းထန်ထန် လုပ်တတ်သူတစ်ဦးပါပဲ...။

People Magazine : Issue 11.05/ December 2012 မှပြန်လည်ကူးယူဖော်ပြပါသည်။

မိုးငွေ့

5 comments:

san htun said...

သူ့ သီချင်းတွေကို ရေဒီယိုမှာ နေ့ တိုင်းနားထောင်ရပြီး သူ့ အကြောင်းတော့ သိဘူးရယ်..ခုတော့ သိသွားပြီ..မရောက်တာကြာပြီ..မင်္ဂလာနှစ်သစ် ဖြစ်ပါစေ မမိုးရေ..

ရိုးမြေကျ said...

တိဘူးသူ့ကို။ ခုတိတွားဘီ။

Han Kyi said...

MTV မှာ ခဏခဏ မြင်နေရလို့ အနှီတစ်ယောက်ကိုတော့ သိပါ့ဗျား...၀တ်တာစားတာကတော့ ဂါဂါတောင် ချာချာလည်လောက်ပါရဲ့...ဦးဟန်ကြည်ကတော့ Boy Zone တို့ Blackmore's night တို့ပဲ နားရည်ဝနေတော့ သူ့သီချင်းတွေလည်း သိပ်မခံစားတတ်ပေါင်...ဘာပဲဖြစ်ဖြစ် မိုးငွေ့ကျေးဇူးကြောင့် အနှီမချောရဲ့ ကိုယ်ရေးရာဇ၀င်လေး သိရတော့လည်း ခေတ်နောက်မကျတော့ဘူးပေါ့...

မိုးနတ်ကြယ်စင် said...

ခုတော့ တိတွားပြီ...ဟေ့
ခုတော့ တိတွားပြီ..စတာပါမ
မျှဝေပေးတာ ကျေးဇူးပါ....
မဟုတ်ရင် ဦးဟန်ပြောသလို
မိမိုးနတ်လဲ လူငယ်ဖြစ်ပြီး ခေတ်နောက်ကျ
ကျန်ခဲ့တော့မှာမို့ပါ.....:)

Ko Pyae said...

ကျေးဇူးပါ မမိုးရေ