မိုးငွေ့ဆိုတာ...ကော်ဖီခါးခါးအကြိုက်နဲ့ ဖက်ရှင်တအားမိုက်သူပေါ့...း)

Tuesday, 10 August 2010

အိန်ဂျယ်နဲ့...တစ်ညနေ



လူမပင်ပန်းဘဲ စိတ်ပင်ပန်းရတာ အမောဆုံးပဲ...။ ကျမအလုပ်စားပွဲပေါ်က စာအုပ်တွေ...ဘောလ်ပင်ခဲတံတွေကို ကြည့်ရတာ တခါတခါ မှောင်မိုက်သွားလိုက်... ပြန်လင်းလာလိုက်နဲ့...ဘယ်လိုဝေဒနာမျိုးလဲကွယ်...။ စူးခနဲ နာကျင်မှုနဲ့အတူ နွမ်းလျနှုံးခွေသွားတယ်...။ ဘေးနားက ကော်ဖီခွက်ကို ကျိုက်ခနဲမော့ချလိုက်တော့... ကော်ဖီတွေက အေးစိမ့်နေပြီ....။ ခုရက်ပိုင်းဘာစားစား ဘာသောက်သောက် အရသာတွေက ပျောက်နေတယ..။ စားချင်စိတ်လဲမရှိ အိပ်လို့ကလဲမပျော်... အဲဒါပိုဆိုးသွားတာ..။ ပြီးခဲ့တဲ့ နှစ်ညဆက်တိုက်အိပ်မရလို့... ဇာတ်လမ်းတွေထိုင်ကြည့်ပစ်တာ..ညနက်သန်းခေါင်ထိ...။ တခါတလေ...တစ်နာရီ နှစ်နာရီတွေဘာတွေ ကျော်သွားတယ်...။ ခွေကြည့်သလို ခံစားနေရတာတွေကို skip လုပ်လို့ရရင်သိပ်ကောင်းမှာပဲလို့ တွေးလိုက်မိသေး...။

စတော်ဗယ်ရီသီးလေးလို ပါးနှစ်ဘက်ဖေါင်းပြီး ပန်းရောင်လေးသန်းနေတဲ့ သားလေးကတော့ နှစ်နှစ်ခြိုက်ခြိုက်အိပ်ပျော်နေတယ်...။ (နှစ်နှစ်ကျော်ကလေးဆိုပြီး သူက အမေကိုသိပ်သိတတ်တယ်... အရွယ်နဲ့မလိုက်အောင်ပဲ..။ တနေ့က ထမင်းစားရင်း မျိုချရတာ လည်ချောင်းမှာ ကြမ်းရှနေတာပဲ..။ ၀မ်းနည်းအားငယ်စိတ်ကလဲ ဘယ်ကနေမှန်းမသိ ၀င်ဝင်လာတတ်တယ်..။ ကျမနားကို ခုံလေးခုပြီး ကျမမျက်ရည်တွေကို လာသုတ်ပေးတော့မှပဲ သတိပြန်ဝင်လာတော့တယ်)အိပ်ပျော်နေတဲ့ သားလေးကို ငုံ့နမ်းရင်း မျက်ရည်စတချို့ သားရဲ့ပါးပြင်ပေါ်လ်ိမ့်ဆင်းသွားတယ်...။...အို...ဘာလိ်ု့ မျက်ရည်ကျရတာလဲ...။ ခုချန်မှာ ကျမဒီလောက ကနေပျောက်ဆုံးသွားခဲ့ရင်.... မောင်နဲ့သားလေးကို ကျမစိတ်ချလက်ချ ထားခဲ့နိုင်ပါတယ်..။ အမဒါကသားကို သူ့သားအရင်းလို ထိန်းကျောင်းလာပေးခဲ့တာ...။ ကျမက ဒီကလေးကိုမွေးပဲ မွေးခဲ့ရတာ...။ ကျန်းမာရေးမကောင်းလို့ အမဒါကပဲ... တလျှောက်လုံးကြည့်ရှု စောင့်ရှောကပေးခဲ့တာ... သားလေးအတွက်ဆို သူက ဒုတိယမိခင်လို့တောင်ပြောလို့ရတယ်...။ ဒါဖြင့် ဘာပူစရာ ရှိသေးလဲ...။ ကျမဘာလို့ငိုရမလဲ...။ ခွင့်ယူပြီး အိမ်မှာ တော့ နားနားနေနေ မနေချင်ပါဘူး...။ အဲဒီခါမှ ပိုဆိုးမယ်...လူုကတောင်တွေး မြောက်တွေးနဲ့ အလုပ်တက်တော့ စိတ်ပြေလက်ပျောက်ရှိသေးတယ်..။


ကျမအိပ်မပျော်တဲ့ ညတစ်ညက မောင့်ဆီကဖုန်းဝင်လာခဲ့တယ်...။ ကျမကို အိပ်ယာထဲလှဲနေရတယ် အိပ်မက်လို့ စိတ်ပူပြီး ဖုန်းဆက်လိုက်တာတဲ့...။ “သဲ...တကယ်နေကောင်းပါတယ်နော်... ကိုယ့်ကိုမညာနဲ့ နက်ဖြန်ကျ မဒါဆီဖုန်းဆက်ပြီးမေးလိုက်မယ်” တဲ့...။ မောင်အလုပ်ကို ဖြောင့်ဖြောင့်လုပ်ပါ..။ သားလေးရဲ့ အနာဂတ်က မောင့်လက်ထဲမှာပါ...။ သိပ်နေမကောင်းတဲ့ ချိန်ဆို ကျမ မေမေ့အိပ်ပြန်အိပ်ဖြစ်တာများတယ်..။ သားက မဒါနဲ့ အိပ်နေကျ...ပြီးတော့ မဒါသမီး နိုးနိုးလေးကလဲ သူ့အတွက် အဖော်ရနေတာလေ...။ တော်ကြာ ကျမနေမကောင်းရင် သူတို့ မောင့်ဆီကို ဖုန်းဆက်အကြောင်းကြားလိုက်ခါမှ...မောင်စိတ်ပူပြီး အလုပ်ကိုင်ပျက်တာပဲရှိမှာ...။ ကျမအတွက်နဲ့ ဘယ်သူ့ကိုမှ အပူမပေးချင်ပါဘူး...။ ဘယ်သူမဆို အချိန်တန်ရင် ဒီလမ်းကိုသွားရမှာချည်းပဲ...။

ကျမစိတ်တွေ တည်ငြိမ်အောင် ဘုရားမှာ ညနေတိုင်းတရားသွားထိုင်ဖြစ်တယ်...။ လူခြေတိတ်တဲ့ အဘဘိုးမင်းခေါင် ထွက်ရပေါက်မှာသွားထိုင်တယ်.....။ အဲလို ပုံမှန်လေးထိုင်တော့ စိတ်က တော်တော်ကြည်လင်လာတယ်...။ ကျမသွားထိုင်တိုင်း ကျမဘေးနားကို ကလေးမလေးတစ်ယောက် အမြဲရှိရှိနေတယ်လို့ခံစားမိနေတယ်...။ ဘယ်သူရှိမလဲ ကျမရဲ့ အိန်ဂျယ်လေးပေါ့...။ ဒါပေမယ့် မျက်လုံးဖွင့်ကြည့်ရင် ဘာမှမတွေ့ရဘူး...။ ကျမစိတ်ကယောင်ကတန်း ဖြစ်နေတာ မဟုတ်လောက်ဘူး...။ တကယ်ကြီး အဲလိုတရားသွားထိုင်တိုင်း သိသိနေတာ...။ ကျမရဲ့အသိတရားထဲမှာ အိန်ဂျယ်လေး ရောက်ရောက်နေတတ်တာ...။ အချိန်ကြာလာတော့ ကျမသူနဲ့ နေသားကျလာတယ်...။ ကျမရဲ့ အခြံအရံနတ်သမီးလေးပေါ့...သူက..။ ဒီလိုဆိုဖြင့် အိန်ဂျယ်လေးရယ်... ကျမခံစားနေရတဲ့ ဝေဒနာတွေကို ဟိုးး..အဝေး ယူဆောင်သွားပေးပါတော့....။ ကျမချစ်တဲ့ မိသားစုလေးနဲ့ ကျမတ၀ကြီးနေချင်ပါသေးတယ်...။

မိုးငွေ့

9 comments:

ချော(အစိမ်းရောင်လွင်ပြင်) said...

မိသားစုတိုင်း
သာယာပျော်ရွှင်ချမ်းမြေ့သော အနာဂတ်ကို တည်ဆောက်နိုင်ကြပါစေ..

blackroze said...

အမရယ်...
အမချစ်တဲ့မိသားစုနဲ့
အမြဲတမ်းတူတူနေခွင့်ရမှာပါ..အမ
ဘာမှစိတ်အားငယ်မနေနဲ့နော်

အဖြူရောင်နတ်သမီး said...

အိန်ဂျယ်လေးရှိနေပါတယ်...
မမိုးရဲ့ဆန္ဒတွေ ပြည့်ဝပါစေ....လို့ဆုတောင်းပေးလိုက်တယ်နော်..
(post ထဲက အိန်ဂျယ်မဟုတ်တဲ့...မမိုးနဲ့တွေ့ဖူးတဲ့ အပြင်က အိန်ဂျယ်)...

ခိုင်နုငယ် said...

ဘ၀က..တစ်ခါတစ်ခါတော့လည်း....
.ငြီးငွေ့စိတ်ပျက်
အားငယ်တတ်တာတွေ
ဖြစ်တတ်ပါတယ်။ ဒီအချိန်မှာ..တရားနဲ့စိတ်ကိုချုပ်နိုင်
တာကောင်းပါတယ်။
အမရေ..ကျန်းမာရေးတော့ဂရုစိုက်။
ပြီးပြည့်စုံသောမိသားစုဘ၀လေးကိုပိုင်ဆိုင်နိုင်ပါစေ။

ခင်မင်စွာဖြင့်
ခိုင်နုငယ်

ချစ်ကြည်အေး said...

နေမကောင်းသေးဘူးလားဟင် ညီမ မိုးငွေ့...ကျန်းမာအောင်နေလို့ ပြောချင်တယ်၊ အမကိုယ်တိုင်ကလည်း ခပ်ယဲ့ယဲ့ရယ်... မတ်တတ်နာလေ...ဘေးလူတွေ ကြည့်ရင်တော့ အကောင်းလိုပဲ...ဒါမဲ့ ကိုယ်တိုင်ပဲ သိတယ် ညီမရေ၊ ခက်တာတခုက ဘလော့ဂ်ရှေ့ရောက်ရင် မေ့နေပြန်ရော...

မိုးငွေ့...... said...

ကျေးဇူးပါ...အမချစ်....ညီမလေးနေကောင်းပါတယ်..
ဒါလေးက စိတ်ကူးနဲ့ရေးထားတဲ့ ၀တ္ထုတိုလေးရယ်ပါ....အားလုံးစိုးရိမ်သွားကြပြီ...

ခင်မင်စွာဖြင့်
မိုးငွေ့

အင်ကြင်းသန့် said...

အစ်မမိုးငွေ့....
သိပ်နေမကောင်းဘူးဆိုလို့ လာကြည့်တာ။ ပိုစ့်လေးဖတ်ပြီး တစ်မျိုးပဲ ခံစားလိုက်ရတယ်။ အဲလိုမျိုးစိတ်အားငယ်တတ်တာ၊ စိတ်ဓါတ်ကျတတ်တာမျိုးလို ခံစားချက်တွေက လူတိုင်းလိုလိုတစ်ချိန်မဟုတ်တစ်ချိန်တော့ ဖြစ်တတ်တယ်ထင်ပါတယ် မမရယ်။ သိပ်အတွေးတွေမများနဲ့နော်။ တရားထိုင်တာကောင်းပါတယ်။ ပျော်အောင်နေနော်။

အစ်မမိုးငွေ့တစ်ယောက် ချစ်ခင်တဲ့မိသားစုလေးနဲ့ အသက်ထက်ဆုံး ကျန်းမာပျော်ရွှင်စွာနဲ့ မခွဲမခွာအတူ နေထိုင်သွားနိုင်ပါစေ....

ခင်မင်စွာဖြင့်
ဂျင်း

ညလင်းအိမ် said...

ကျွန်တော်တော့ ဘာမှမပြောဘူးနော် ..
အားလုံးသိနေသလိုလိုနဲ့ တခါတခါ မသိသယောင် ဖြစ်သွားတယ် ...
တခါတခါတော့လည်း သိသလိုလို ...
မသိတော့ပါဘူး အစ်မရယ် ..း)

သက်ဝေ said...

စိတ်ရော ကိုယ်ပါ ကျန်းမာရေး ကောင်းပါစေလို့ ဆုတောင်းတယ် ညီမငယ်...း))