မိုးငွေ့ဆိုတာ...ကော်ဖီခါးခါးအကြိုက်နဲ့ ဖက်ရှင်တအားမိုက်သူပေါ့...း)

Tuesday, 24 October 2017

အနီရောင်ချစ်ခြင်းရာဇ၀င်.....




တကယ်တော့ အနီရောင်ချစ်ခြင်းရာဇ၀င်ဟာ ပရိယာယ်မာယာတွေ ကြွယ်ဝပြီး အလိုရမ္မက်တွေနဲ့ပြည့်နှက်နေတဲ့ ကျွန်မအတွက် ကိုကို ထာဝရအပ်နှင်းထားခဲ့တဲ့ လက်ဆောင် တစ်ခုပဲဖြစ်တယ်.....။

အသားပျော့ပျော့အနက်ခံပေါ်မှာ အနီရောင်နှင်းဆီပန်းပွင့်ကြီးတွေပါတဲ့ အကျီင်္လေးတစ်ထည်ကို မီးပူတိုက်ရင်း အနီရောင်ပြောင်လုံချည်လေးနဲ့ ၀တ်ရင်လိုက်မယ်လို့တွေးမိတော့ တစ်ခါက ကျွန်မအနီရောင်ပြောင်လုံချည်လေး ၀တ်ခဲ့တုန်းက သူပြောဖူးတယ်...။ “ဟင် ...နပ်စ်မ အဆင်ကြီး” တဲ့ ...။ “နောက်မ၀တ်နဲ့ ကြည့်လို့လည်းမကောင်းဘူး”လို့ ကျွန်မကို သူခြေဆုံးခေါင်းဆုံးကြည့်ပြီး ဝေဖန်ခဲ့တယ်...။ အနီမို့လို့ သူမကြိုက်ဘူးမထင်နဲ့ နောက်တော့ ကျွန်မကို “မင်း တစ်ရက်လောက် အနီရဲရဲ ၀တ်စုံဝတ်ခဲ့စမ်းပါ ကိုယ်သိတယ် မင်းနဲ့ဆို တော်တော်လှမှာ” တဲ့...။ ကျွန်မတို့ အတူတွဲတဲ့ တလျှောက်တော့ မှတ်မှတ်ရရ ကျွန်မ သူတောင်းဆိုတဲ့ အနီရောင်ဝတ်စုံတစ်ခါမှ မ၀တ်ခဲ့ဖူးဘူး...။ ဒါပေမယ့် အနီရဲရဲ နှုတ်ခမ်းဆိုးဆေးတော့ ဆိုးခဲ့ဖူးတယ်...။ သူ့အဖေ ဆေးရုံတက်ရလို့ ကျွန်မတို့နှစ်ယောက်အတူ လူနာသွားကြည့်တော့ အဲနေ့က ခဲရင့်ရောင်ဝတ်စုံနဲ့ ကျွန်မနှုတ်ခမ်းအနီရဲရဲ ဆိုးထားတာကို မှတ်မိတယ်...။ သူ့အစ်မတွေကို မိတ်ဆက်ပေးတော့ အစ်မတွေက အံ့သြလို့ သူတို့မောင်ခပ်ဆိုးသွမ်းသွမ်းနဲ့ ကျွန်မဘယ်လိုများတွေ့ခဲ့ကြလဲတဲ့...။ လူနာခန်းထဲမှာ သူ့အစ်မနှစ်ယောက်က ကုတင်စွန်းမှာ မှီရပ်နေတဲ့ ကျွန်မတို့နှစ်ယောက်ကို ဖုန်းကင်မရာနဲ့ ရိုက်သွားသေးတယ် အိမ်ကျအမေ့ကိုပြမလို့တဲ့...။ 

ကျွန်မတို့နှစ်ယောက် တစ်ယောက်ကိုတစ်ယောက် အကြိမ်ကြိမ်အသည်းခွဲခဲ့ဖူးကြတယ် အကြိမ်ကြိမ်လမ်းခွဲခဲ့ကြတယ် အကြိမ်ကြိမ်ပဲ အဆက်သွယ်ပြန်လုပ်ခဲ့ကြတယ်..။ အဲဒီအကြိမ်ကြိမ်တွေထဲက နေမ၀င်ခင် ညနေခင်းလေးတစ်ခုမှာ ကိုကိုးရောင်ကျားသစ်ကွက် ၀တ်စုံနဲ့ နှုတ်ခမ်းအနီရဲရဲဆိုးထားတဲ့ ကျွန်မကို သူလမ်းခွဲစကားပြောခဲ့ဖူးတယ်...။ နေရောင်ဖျော့တော့အောက်မှာ သူက စီးကရက်တစ်လိပ်ကို ဇိမ်ပြေနပြေထိုင်သောက်ရင်း လမ်းခွဲစကားဆိုတယ်...။ ကျွန်မက ကော်ဖီခွက်မှာ စွန်းထင်နေတဲ့ အနီရဲရဲနှုတ်ခမ်းဆိုးဆေးကို ငေးမောရင်းတွေဝေခဲ့တယ်...။ “ကိုယ်တို့ လမ်းခွဲရအောင်” လို့ သူ့နှုတ်က အေးဆေးဖြေးညင်းစွာထွက်ကျလာချိန်မှာ တဆတ်ဆတ်တုန်နေတဲ့ ကျွန်မနှုတ်ခမ်းကို သူမမြင်အောင် မဖုံးဖိနိုင်ခဲ့လိုက်ဘူး...။ သူကတော့ ကျွန်မကို အသည်းခွဲလိုက်ရလို့ ပျော်ရွှင်နေခဲ့မှာပေါ့...။ ကျွန်မကစပြီး လမ်းခွဲစကားဆိုခဲ့တုန်းက ယောက်ျားတန်မဲ့ ကျွန်မရှေ့မှာ သူ ငိုယိုတောင်းပန်ဖူးခဲ့တယ်...။ “မင်းမရှိရင် ကိုယ်နေတတ်မှာမဟုတ်ဘူး ကိုယ့်ကိုမထားခဲ့ပါနဲ့ကွာ..”....။



တစ်ညနေမှာ အမှတ်မထင် ကျွန်မဆီကိုသူရောက်လာခဲ့တယ်...။ ကျွန်မတို့ အိမ်နားက နံရံတစ်ခုမှာ ကျွန်မကျောမှီရပ်ထားတော့ သူက ကျွန်မမှီထားတဲ့ ကျွန်မ ပခုံးထက်က နံရံပေါ်လက်ထောက်ပြီး ရှည်ကိုင်းကိုင်းအရပ်နဲ့ ကျွန်မကို ညှို့ငင်ဖမ်းစားတဲ့ အကြည့်နဲ့ မိုးပြီးကြည့်တယ်...။ “ကိုယ်နဲ့ မတွေ့တဲ့ နေ့ကျမှ မင်းက သိပ်လှနေပါလား...” သူက Loreal' matte အနီရဲရဲဆိုးထားတဲ့ ကျွန်မနှုတ်ခမ်းကို စိုက်ကြည့်ပြီးပြောခဲ့တယ်..။ သူ့အကြည့်တွေက အနီရောင်အပေါ်ဝတ်အောက်က ၀တ်ထားတဲ့ နဲနဲဟိုက်နေတဲ့ အဖြူရောင်အကျီင်္ီဆီကိုရောက်သွားတေ့ာ...ကျွန်မ အပေါ်ဝတ် အနီရောင်အကျီင်္အနားကို ဆွဲစေ့လိုက်တယ်..။ သူက ကျွန်မလက်ကိုဖမ်းဆွဲလိုက်ရင်း...“ဘာလို့လဲ သိပ်လှနေတာကို ဘာလို့ဆွဲစေ့သလဲ” တဲ့...။ ကျွန်မလက်တွေ အေးစက်နေခဲ့လိမ့်မယ်...။ ကျွန်မ မေးစေ့ကိုကိုင်ရင်း အနီရဲရဲ နှုတ်ခမ်းပေါ် သူလက်မနဲ့ဖွဖွပွတ်ကြည့်တော့ ကျွန်မ ရင်ဘတ်တစ်ခုလုံး ဗြောင်းဆန်လို့...။ ဟင့်အင်း ဒီခံစားမှုက ကျွန်မသူ့ကိုကြောက်လို့လည်းမဟုတ်ဘူး ချစ်လို့လည်းမဟုတ်ဘူး ပြီးတော့ မုန်းလို့လည်းမဟုတ်ဘူး ဒါဆို ဘာလဲ...။ “ဒီနေ့ ကိုကို့ကို မတွေ့ချင်ဘူး ပြန်ပါတော့” လို့ ကျွန်မ ခပ်တိုးတိုးပြောမိတယ်...။ “ဘာလို့လဲ ကိုယ်က မင်းကို အဲလောက်တောင် မဆွဲဆောင်နိုင်တော့ဘူးလား..ဟင်” လို့ပြောရင်း ကျွန်မနားပိုပြီးတိုးကပ်လာခဲ့တယ်...။ ကျွန်မ မျက်စိစုံမှိတ်ထားမိသလား ဖွင့်ထားသလား သေချာမမှတ်မိတော့ဘူး...။ ပြီးတော့မှ ကျွန်မနဖူးပြင်ကို  ညင်သာစွာဖိကပ်နမ်းလိုက်တဲ့ သူ့နှုတ်ခမ်းအတွေ့နွေးနွေးလေးရလိုက်တယ်...။ “ကိုယ် မင်းကို မနှောက်ယှက်တော့ပါဘူး ခုပဲပြန်တော့မှာပါ မင်းကို ဒီနေ့မတွေ့တော့ဘူးလို့ စိတ်ကူးထားတာပဲ ဒါပေမယ့် တွေ့ချင်တဲ့စိတ်ကို လုံးဝထိန်းမရတာနဲ့ ရောက်လာခဲ့တာ....”  ပြီးတော့ ကျွန်မပခုံးနှစ်ဖက်ကို လက်နဲ့ဖျစ်ညှစ်ရင်း “တစ်ခုမှတ်ထားစမ်းပါ ကလေးလေးရဲ့ ကိုယ်ဟာ မင်းအတွက် ကြောက်စရာသတ္တ၀ါမဟုတ်ဘူး...အိုကေ...” ။ အမိန့်ဆန်လွန်းတဲ့ သူ့စကားလုံးတွေကို ကျွန်မမကြိုက်ဘူး...။ ကျေးဇူးပြုပြီး ကျွန်မဘ၀တစ်ခုလုံးကို လွှတ်ချပေးခဲ့ပါ....။


မိုးငွေ့

Thursday, 19 October 2017

ညှပ်လိုက်ပြန်ပြီ.... ဒီဆံပင်



ဆံပင်တွေအရမ်းကျွတ်တယ်...ဒါကြောင့် ညှပ်ရင်း ဒီလိုထပ်တိုသွားတယ်...။ အဓိကက အသား ငါး ဥ အသည်း စတာတွေကို မျှတအောင်မစားလို့ အိပ်ရေးပျက်လို့ ...။ အရင်က Hair Growth နည်းတွေလည်း စုံနေအောင်လိုက်ဖတ် လိုက်လုပ်တာပဲ တစ်ခါနှစ်ခါလုပ်ပြီး ဇွဲမရှိတာနဲ့ ဘာမှမထူးခြားလာဘူး..။ ဒါနဲ့အသစ်ပြန်ပေါက်တဲ့ ဆံပင်တွေနဲ့လိုက်ညှိရင်း တိုတိုသွားတယ်ဆိုပါတော့...။  ခုတော့ ကျွန်မအသက်လေးဆယ်ငါးရောက်ရင် ညှပ်ဖို့ဆိုပြီး စိတ်ကူးထားတဲ့ ဒီ Bob ပုံလေးကို ခုပဲ နှစ်နှစ်စောပြီးညှပ်လိုက်ရပြီ...။ ဒီဆံပင်ပုံလေးကို ကလေးဘ၀နဲ့ ဆက်ကျော်သက်တုန်းကပဲ ညှပ်ဖူးခဲ့တယ်...။ ငယ်ငယ်တုန်းက ဆံပင်မကောက်ဘူး....။ ဆံသားတွေစင်းပြီး ထူလည်းထူတယ်...။ အသက် ခုနှစ်နှစ် ရှစ်နှစ်အရွယ်ကတည်းက ဆိုင်မှာ ဆံပင်ကိုယ့်ဘာသာကို သွားညှပ်တတ်နေပြီ...။ အဲတုန်းက ရွာမှာ ဆံပင်ညှပ်ဆိုင် သီးသီးသန့်သန့်ဆိုလို့ ရွာကုက္ကိုပင်အောက်က ဦးမြသိန်းဆံသဆိုင်ပဲရှိတာ...။ အဲတော့ ကျောင်းဝင်းထဲက ကျောင်းဆရာမတစ်ယောက်ဆီမှာ သွားညှပ်ရတယ်...။ ဆရာမဒေါ်ကျင်မေတဲ့....။ သူက ဆံပင်ညှပ်ကောက်သင်ထားတော့ သူ့ဆီသွားသွားညှပ်ကြတယ်...။ သူ့ခြေတံရှည်အိမ် လှေခါးရင်းနားလေးက မြေတလင်းပြင်မှာ နောက်မှီမပါတဲ့ သစ်သားထိုင်ခုံတစ်လုံးချထိုင်စေပြီး အောက်ထဲကို ကုတ်ဝင်နေတဲ့ Bob ပုံလေးကို ညှပ်ပေးနေကျ...။ 

တကယ်တော့ ကျွန်မဆံပင်က နဂိုကောက်သားရှိပြီးသား ဆံသား နွယ်တဲ့အထဲပါတယ်...။ ဒီပုံလေးပြန်ညှပ်တော့ ညှပ်နေကျ ကိုင်းတန်းလမ်းက တိုနီထွန်းထွန်းမှာညှပ်တယ်..။ ဟိုးအရင်တုန်းကတည်းက သူ့ဆိုင်မှာညှပ်နေကျ..။ အဲတုန်းက တိုနီထွန်းထွန်းညီနဲ့ညှပ်တာ ဦးငယ်လေးတဲ့ အရမ်းစိတ်ရှည်တယ်...။ လွန်ခဲ့တဲ့ ဆယ့်ငါးနှစ်လောက်က ကျွန်မကို ကိုးရီးယားဆံပင်ပုံညှပ်ပေးမယ်ဆိုပြီး ဘယ်သူမှ အဖြောင့်မခေတ်စားကတည်းက သူက ကျွန်မကို အလူမီနီယံစက္ကူလို ငွေရောင်အပြားနဲ့ ဆေးနဲ့ဖြောင့်ပြီး အကုတ်ပုံလေးညှပ်ပေးခဲ့ဖူးတယ်...။ ငယ်ငယ်က ဆံပင်စင်းပေမယ့် 2002 နှစ် သီလရှင်ဝတ် ကတုံးတုံးလိုက်ပြီး ပြန်ပေါက်လာကတည်းက ဆံပင်တွေကောက်သွားခဲ့တာ ခုချိန်ထိပဲ...။ ခု အဲဒီဦးငယ်လေးက မညှပ်တာကြာပြီ နောက်ပိုင်း မကြူဆိုတဲ့အစ်မနဲ့ ညှပ်ဖြစ်တာများတယ်...။ သူလည်းစိတ်ရှည်တယ်..။ ကျွန်မ ဖုန်းနဲ့ပြပြီး ဒီပုံလေးကိုညှပ်ချင်တယ်ပြောတော့...။ ဆံပင်ပါးနေတာကို ရအောင်ညှပ်ပေးတယ်...။ တစ်လွှာညှပ်လိုက် စက်ဆွဲလိုက်နဲ့ တဆင့်ချင်းညှပ်ပေးသွားတာ..။ အဲလိုစင်းပြီး ဖေါင်းဖေါင်းလေးအမြဲဖြစ်အောင် ဖယောင်းသွင်းပြီး စက်တစ်ကြိမ်ပဲဆွဲပေးတဲ့နည်းနဲ့ သူလုပ်ပေးမယ် နောက်တစ်ခါကျ အဲလိုလုပ်လို့ အကြံပေးသွားတယ်...။ ဆံပင်က ပါးတော့ ကပ်ကပ်ကြီးမဖြစ်အောင် လုပ်ပေးလို့ရပါတယ်တဲ့..။ ဆိုင်ကတွေကတော့ ဒီလိုပဲပြောတာပဲ ကိုယ်တိုင်လည်း လုပ်ချင်စိတ်ရှိတော့ တစ်ရက်သွားလုပ်ဦးမယ် တေးထားတယ်...။ ခုတော့ ညှပ်လာခါစ လှတပတလေးဖြစ်နေတာပေါ့ ခေါင်းပြန်လျှော်ပြီးသွားရင်တော့ လှိုင်းလေးတွေပြန်ထလာတော့ ပုံလေးပြောင်းချင်ပြောင်းသွားဦးမှာ...။  ဘန်ကောက်သွားတုန်းက ညှပ်လာတဲ့ပုံက ဒီပုံလေးလောက်တောင် အဆင်မပြေဘူး...။





 


ငယ်ငယ်တုန်းက တီဗီမှာ မဟေမာ (ဟေမာနေ၀င်း) သီချင်းလာပြီဆိုရင် သူ့ဖက်ရှင်တွေ သူ့ဆံပင်ပုံတွေကို ငေးရတာအမော...။ အဲတုန်းက 1980's  ဟေမာနေ၀င်းညှပ်တဲ့ ဆံပင်ပုံလေးပေါ့...။ ဘယ်ချိန်ညှပ်ညှပ် ရိုးမသွားတဲ့ ဆံပင်ပုံစံလေးလည်းဖြစ်တယ်...။

မိုးငွေ့

Monday, 16 October 2017

Japanese Cotton Cheese Cake




ကျွန်မက Japanese Cotton Cheese Cake ကို အမေရိကန် Cheese Cake ထက်ပိုကြိုက်တယ်..။ ပြီးခဲ့တဲ့နှစ် ဒီလိုချိန် ကျွန်မ မုန့်သင်တန်းတက်တုန်းက ဆရာက အမေရိကန်ချိစ်ကိတ်ပဲ သင်ပေးခဲ့ဖူးတာ...။ လုပ်ပုံလုပ်နည်းကွာပေမယ့် ဖုတ်တဲ့အခါတော့ အာဗင်ထဲမှာ ရေခံပြီးဖုတ်ရတာချင်းတော့ တူပါတယ်...။ ဒီနှစ်သီတင်းကျွတ် မေမေ့ကို ဒီမုန့်လေးနဲ့ ကန်တော့ဖြစ်ခဲ့တယ်..။ ကျွန်မက ခါတိုင်းနှစ်ဆို မေမေ့ကိုကန်တော့တိုင်း တခြားအ၀တ်အထည် စားစရာနဲ့ ကိုယ်စုထားတဲ့ ငွေတချို့အပြင် တဘက်တစ်ထည် နို့တစ်ဗူး အမြဲထည့်တတ်တယ်...။ ကိုယ့်အဓိပ္ပါယ်နဲ့ကိုယ်ပေါ့.....။ နို့ထည့်ကန်တော့တာကတော့ အမေ့နို့ဖိုးဆပ်တယ်ပေါ့...။ ဘယ်ကျေနိုင်ပါ့မလဲနော်...။

မုန့်သားက နာမည်လေးအတိုင်းပဲ ဂွမ်းဖတ်လေးလို နူးညံ့အိဖတ်နေတာ...။ ဒီမုန့်ဖုတ်နည်းလေးကို ကျွန်မ You Tube က Michael Lim ဆီကယူပါတယ်...။ Michael Lim ရဲ့ မုန့်လုပ်နည်း ဗီဒီယိုကိုကြိုက်တယ်..။ မုန့်လုပ်တာကိုပဲ အဓိကပြတယ် Receipe တွေကို စာတမ်းထိုးပြတယ်...။ စကားမပြောဘူး..။ သူ့မုန့်လုပ်နည်းတွေက ကျန်းမာရေးနဲ့ညီညွှတ်တယ်...။ မုန့်ဖုတ်ဆိုဒါမသုံးတာများတယ်...။ 



 မီးဖိုထဲက ထုတ်ခါစ မုန့်ကအဲလိုဖေါင်းဖေါင်းကားကားလေး...


ဒီချိစ်ကိတ်လေးက အသားအရမ်းနူးညံ့တော့ မုန့်လှီးဓါး ဒါမှမဟုတ် မီးဖိုချောင်သုံးအပ်ချည်နဲ့ လှီးမှအဆင်ပြေပါတယ်...။ မုန့်လုပ်နည်းလေးကို ပိုအဆင်ပြေအောင် Michael Lim ရဲ့ ဗီဒီယိုလေးပါ တင်ပေးလိုက်ပါတယ်...။



Ingredient:

80g Milk
140 g Cream cheese
5 Egg Yolk
50 g Plain Flour
5 Egg White
140 g Fine Sugar
15 g Corn Flour

Method:

မုန့်ဖုတ်မီးဖိုကို 150 ဒီဂရီ ကြိုတင်အပူပေးထားပါ...။ အောက်ခြေဖြုတ်လို့ရတဲ့ မုန့်ဖုတ်ခွက်ကို အလူမီနီယံစက္ကူလုံအောင် ကပ်ထားပေးပါ...ရေခံဖုတ်မှာမို့လို့ ရေမ၀င်အောင်လို့ပါ....။ အတွင်းပိုင်း အောက်ခြေနဲ့ ဘေးဖက်ကိုလည်း Parchment စက္ကူခံပေးပါ...။ လက်ကိုင်အိုး တစ်လုံးထဲမှာ နို့နဲ့ ခရမ်ချိစ်ကို မီးငွေ့ငွေ့နဲ့ ချိစ်ပျော်သွားတဲ့အထိ မွှေတံနဲ့မွှေပြီး ကျိုပေးပါ...။ ခပ်ပျစ်ပျစ်လေးဖြစ်လာပြီဆို မီးပိတ်လိုက်ပါ...။ ဇလုံတစ်ခုထဲကို ကြက်ဥနှစ်ငါးလုံးထည့်ပြီး မွှေတံနဲ့ရိုက်ပေးပါ...။ အ၀ါဖျော့သွားတဲ့အထိ တစ်မိနစ်လောက်ရိုက်ပေးပါ...။ ကြက်ဥနှစ်ထဲကို စောစောက ကျိုထားတဲ့ နို့နဲ့ခရင်မ်ချိ်စ်ထည့်မွှေထားပါ..။ ပြီးရင် ဂျုံနဲ့ ပြောင်းဂျုံကို သုံးခါလောက် ဇကာစစ်ထည့်ပြီး နှံ့အောင်မွှေပေးပါ..။ တခြားဇလုံသန့်သန့်တစ်လုံးမှာ ကြက်ဥအကာငါးလုံးကို ရှာလကာရည်သို့မဟုတ် ရှောက်ရည် လက်ဖက်ရည်တစ်ဇွန်ထည့်ပြီး ပွပြီးတောင့်လာတဲ့အထိ စက်နဲ့ရိုက်ပေးပါ...။ ရိုက်နေရင်း သကြားကို သုံးလေးခါလောက်ခွဲထည့်ပြီး ရိုက်ပါ...။ အကာရရင် အနှစ်ရည်ထဲကို သုံးပုံတစ်ပုံယူပြီးရောမွှေပါ..။ ဒီအတိုင်း အကာတွေကုန်သွားတဲ့အထိ အနှစ်ထဲကို Fold လုပ်ပြီးမွှေးပေးပါ...။ ပလပ်စတစ် သို့မဟုတ် စီလီကွန်ယောင်းမနဲ့ Fold လုပ်ပေးပါ...။  Fold လုပ်တယ်ဆိုတာကို Michael Lim ဗီဒီယိုမှာကြည့်လို့ရပါတယ်....။ မုန့်သားသမသွားပြီလို့ထင်ရင် မုန့်ဖုတ်ခွက်ထဲထည့်ပြီး အာဗင်ထဲ အပူခံထားတဲ့ ရေခံဗန်းပေါ်ကို တင်ပြီး မိနစ် 50 လောက်ဖုတ်ပေးပါ...။ မိမိအသုံးပြုမယ့် မီးဖိုပေါ်မူတည်ပြီး အပေါ်မီးအောက်မီးချိန်ဆပါ..။ မုန့်မျက်နှာ်ပြင် တူးမသွားအောင် သတိထားကြည့်ပေးပါ...။ မုန့်မျက်နှာပြင်အရောင်ရပြီး အချိန်မစေ့သေးရင် အပေါ်မီးပိတ်ထား ဒါမှမဟုတ် မီးအပူချိန်လျှော့တာမျိုး လုပ်ပေးလို့ရပါတယ်..။ မီးဖိုကတော့ ကိုယ်ကိုယ်တိုင်မုန့်ဖုတ်ကြည့်မှသာ အတိုးအလျှော့ ဘယ်လိုလုပ်ရတယ်ဆိုတာ သိမှာပါ...။ Michael Lim ကတော့ သူ့မုန့်ကို အပ်ချည်မျှင်လေးနဲ့ စိတ်ရှည်စွာ လှီးဖြတ်သွားတာကိုမြင်ရမှာပါ...။ ဒီဂွမ်းဖတ်ချိစ်ကိတ်လေးကို မနက်စာ Black coffee or Espresso နဲ့ဖြစ်ဖြစ် နေ့ခင်းနေ့လည် လက်ဖက်ရည်စိမ်းနဲ့ဖြစ်ဖြစ် ညနေခင်း Hot Latte နဲ့ဖြစ်ဖြစ် အလွန့်အလွန် အတွဲအစပ် လိုက်ဖက်လှပါကြောင်း...။



မိုးငွေ့


Thursday, 12 October 2017

ပတ္တမြားခင်.....ကင်မရာကိုင်ခဲ့ရသော ကျွန်မဘ၀


အန်တီဒေါ်ပတ္တမြားခင်ကို မဂ္ဂဇင်းတွေဖတ်တိုင်း သူ့ဆောင်းပါးတွေကို အမြဲတွေ့ရတတ်တယ်...။ နိုင်ငံခြားကနေ ခရီးသွားဆောင်းပါးတွေရေးလေ့ရှိတော့ အန်တီ့ကို စာရေးဆရာမ ဆောင်းပါးရေးတဲ့ ဆရာမလို့ပဲမှတ်ထင်ခဲ့တာ...။ တကယ်တမ်းတော့ အန်တီက ဓါတ်ပုံဆရာမတစ်ယောက်ဖြစ်ပါတယ်...။ ဒီစာအုပ်လေးကိုဖတ်မှ သိခဲ့ရတာပါ...။ ကျွန်မဆီမှာ 2000ခုနှစ်ကနေ 2005 ထိ အနုပညာမြင်ကွင်းမဂ္ဂဇင်းဟောင်းတွေ သိမ်းထားတာရှိတယ်...။ အဲဒီနှစ်တွေတုန်းက ကျွန်မ မဂ္ဂဇင်းတွေအမြဲငှားဖတ်ဖြစ်ခဲ့တယ်...။ အနုပညာမြင်ကွင်းက ကျွန်မရဲ့ ဖေးဘရိတ်စာအုပ်...။ အဲဒီမဂ္ဂဇင်းဟောင်းတွေထဲက ဆောင်းပါးတချို့ကို ကျွန်မပြန်ဖတ်ပြီးတင်ပေးစရာတွေ့ရင် လာတင်ပေးပါဦးမယ်...။ ကျွန်မအလုပ်နဲ့ အင်းဝစာအုပ်တိုက်နဲ့နီးတယ်လေ နေ့စဉ်နဲ့အမျှ ဘဏ်မှာစာရွက်စာတမ်းတွေတင်ပြီး အင်းဝကိုအရင်ပြေးတာပဲ စာအုပ်မ၀ယ်လဲ ထိုင်ဖတ်ချင်လည်းရ ကေ်ာဖီလည်းသောက်လို့ရတော့ အဆင်ပြေတယ်..။ ဒါကြောင့် ဒီဖက်နှစ်မှာ စာအုပ်တွေပိုဝယ်ဖြစ်နေတာ..။ တစ်လတစ်လရတဲ့ ပိုက်ပိုက်တွေက တခြားသုံးတာထက် စာအုပ်ဖိုးကပိုများနေသလားလို့...း)

ဒီစာအုပ်လေးဟာ...အန်တီဒေါ်ပတ္တမြားခင်ရဲ့ ဓါတ်ပုံအပေါ်ရူးသွပ်မှုနဲ့ သူ့ဘ၀တစ်စိပ်တပိုင်းကို မြင်သာအောင် လှစ်ပြထားတဲ့ အန်တီရဲ့ ဘ၀ပုံရိပ်တချို့လည်းဟုတ်တယ်...။ ကျွန်မ ဒီစာအုပ်လေးကိုဖတ်ပြီး စစ်ကြိုခေတ်ကတည်းက မြန်မာလူမျိုးအများစုဟာ သမီးမိန်းကလေးတွေကို ပညာကအစ အခွင့်အရေးတော်တော်များများကို ပိတ်ပင်တားစီးထားတတ်ကြတယ်ဆိုတာကို ကြားဖူးခဲ့ပေမယ့် အန်တီကတော့ ရဲရင့်သတ္တိရှိတဲ့ ကိုယ်ဝါသနာပါတဲ့ ဓါတ်ပုံလုပ်ငန်းကို အသက်နှစ်ဆယ်တောင် မပြည့်သေးဘဲ တည်ထောင်ခဲ့ပါတယ်..။ အသက်တော်တော်ကွာခြားတဲ့ အမျိုးသားတစ်ယောက်နဲ့ လက်ထပ်ခဲ့ပေမယ့် သူဟာ ကံကောင်းထောက်မစွာ လူငယ်လူလွတ်တစ်ယောက်လို ဓါတ်ပုံလုပ်ငန်းတစ်ခုကို လွတ်လပ်စွာ လုပ်ကိုင်ခဲ့ရတယ်...။ ဒီလုပ်ငန်းဖြစ်ဖို့ သူကြိုးစားအားထုတ်ခဲ့ရတာတွေ... indoor outdoor အခက်အခဲတွေ... အဲဒီခေတ်က ဖလင်လိပ်တွေ  ပစ္စည်းခဏခဏ ပြတ်တတ်တာတွေ အမှောင်ခန်းထဲမှာ  ဓါတ်ပုံဆေးရင်း ပုံတွေပျက်ခဲ့ဖူးတာတွေကို ဖတ်ရတာ အန်တီ့ကိုယ်စား ပင်ပန်းလိုက်တာလို့ခံစားမိတယ်...ပြီးတော့ မိန်းမတစ်ယောက်ဖြစ်ပြီး ဇွဲလုံ့လကြီးစွာနဲ့ ကိုယ့်ဝါသနာကို ၀မ်းစာအတွက်မငဲ့ဘဲ ဇွတ်တိုးလုပ်ခဲ့တာတွေဟာ တကယ့်ချီးကျူးစရာပါပဲ...။ ဒီစာအုပ်မှာ ကျွန်မတို့ အမီလိုက်တဲ့ခေတ်က ဇွဲကြီးတဲ့ အမျိုးသမီးတစ်ယောက်ရဲ့ ပုံရိပ် ၊ စီးပွားရေးလုပ်ကိုင်ပုံ၊ လုပ်ငန်းသဘာဝ၊ လူမှုဆက်ဆံရေး၊ အိမ်ထောင်ရေး၊ မိသားစု စသဖြင့် အစုံအလင်သိနိုင်တဲ့ Simple လေးတွေနဲ့ရေးထားတဲ့ အန်တီဒေါ်ပတ္တမြားခင်ရဲ့ အရေးအသားတွေကို မြင်နိုင်ပါတယ်...။ ကြုံကြိုက်ရင်ဖြစ်ဖြစ် တကူးတကန့်ပဲဖြစ်ဖြစ် ဒီစာအုပ်လေးကိုဖတ်ကြည့်ဖို့ တိုက်တွန်းချင်ပါတယ်...။ ကျွန်မကတော့ ဒီစာအုပ်လေးကိုဖတ်ပြီး စိတ်ကူးယဉ်ယဉ်နဲ့ မရှိတော့တဲ့ ဒါရိုက်တာဦးသာဓုရိုက်ပြီး ဆရာမင်းလူဇာတ်ညွှန်းလေးနဲ့ ရုပ်ရှင်ဇာတ်တစ်ထုပ်ဖန်တီးစေ့ချင်သေး...။

မိုးငွေ့



Sunday, 8 October 2017

အိပ်မက်လေးလို.....




မင်းမော်ကွန်းရဲ့ အရုပ်ဆိုင်ဆိုတဲ့ အယ်လ်ဘမ်မှာ သီချင်း ၁၄ ပုဒ်ပါတယ်...။ စီးရီးတစ်ခွေ အယ်လ်ဘမ်တစ်ခုမှာ အများအားဖြင့် သီချင်းဆယ်ပုဒ် မဟုတ်ရင် ဆယ့်နှစ်ပုဒ်ပဲ ပါတတ်ကြတာမဟုတ်လား..။ ခုခေတ်တွေမှာဆို သီချင်းတစ်ပုဒ် နှစ်ပုဒ်နဲ့လည်း ထွက်ကြတာပဲ...။ ကျွန်မတို့ခေတ်တုန်းက ကိုလေး(လေးဖြူ)တစ်ခါထုတ်ဖူးတယ် မဉ္ဖူရီဆိုတဲ့စီးရီး နှစ်ပုဒ်တည်းပါတာ...။ အဲဒီခွေမှာ မဉ္ဖူရီရယ် နောက်တစ်ပုဒ်ကိုတော့ သီချင်းခေါင်းစဉ် မမှတ်မိတော့ဘူး...။ အဲတုန်းကလဲ မဉ္ဖူရီကို အပြောင်အပျက်ဖျက်ဆိုကြသေးတာ “မဉ္ဖူရီ ငါ့ဖိနပ်ကို နင်ယူစီး...” အဲလိုမျိုး...။ ခုလဲ ကိုလေးက သူကိုယ်တိုင်ရေးထားတဲ့ “ဒါအချစ်လား”ဆိုတဲ့ သီချင်းတစ်ပုဒ်တည်းနဲ့ အယ်လ်ဘမ်အသစ်တစ်ချပ် ထွက်ထားသေးတယ်...။ အရုပ်ဆိုင်မှာ ကျွန်မအကြိုက်ဆုံးသီချင်းက “အိပ်မက်လေးလို” ...။ သူလည်း ကျွန်မ iTune ထဲအမြဲရှိနေတဲ့ သီချင်းတစ်ပုဒ်..။ ဒါပေမယ့် နားမထောင်ဖြစ်တာ နှစ်ချီနေပြီ...။ ခုမှ မင်းမော်ကွန်းတို့ မြေပဲယိုအသစ်ပြန်ထွက်မယ်ဆိုလို့ သတိရသွားပြီး ပြန်နားထောင်ဖြစ်နေတာ...။ အမှန်တော့ အရုပ်ဆိုင်က သီချင်းတွေအားလုံးကောင်းတယ်..။ အဓိက ကျွန်မကြိုက်တာက ကိုယ်ပိုင်သံစဉ်ဖြစ်တာကိုပဲ...။ ဒီအရုပ်ဆိုင်က ထွက်တာ ခုနှစ်နှစ် ရှစ်နှစ်လောက်ရှိပြီထင်တယ်...။ ကျွန်မက သီချင်းအသစ်ထွက်တိုင်း သိနေသူတစ်ယောက်တော့ မဟုတ်ပါဘူး...။ အရင်တုန်းကတော့ သီချင်းအသစ်တွေထွက်ရင် ဘလော့ဂါ ကဗျာဆရာမ အနှိုင်းမဲ့က အစ်မရေ ဘာသီချင်းထွက်တယ် ဘယ်သီချင်းကောင်းတယ်ဆိုပြီး ချက်ဘောက်စ်မှာ ကျွန်မနဲ့စကားပြောဖြစ်ရင် လာပြောပြတတ်တယ်..။ သီချင်းတွေလိုချင်ရင် သူ့ပြောလိုက်တာနဲ့ ကိုယ်က စတစ်လေးနဲ့သွားယူရုံပဲ..။ သူနဲ့ကျွန်မက အဲတုန်းက အိမ်ချင်းနီးတယ်လေ...။ မဟုတ်ရင်လဲ ထွေးရေ အစ်မကို ဟိုသီချင်လေးပို့ပေးပါ ဒီသီချင်းလေးလဲလိုချင်တယ်ဆို တစ်ပုဒ် နှစ်ပုဒ်ဆို သူက မေးလ်ကနေ ပို့ပေးတတ်သေးတာ..။ ခုတော့ ခင်ဗျားလေးက ဘလော့ဂ်လောက ကနေ အပြီးပိုင်ထွက်သွားပြီး ဓါတ်ဖမ်းတဲ့ ဓါတ်ပုံဆရာမ လုပ်နေလေရဲ့...။ သူနဲ့တောင်မတွေ့တာကြာပေါ့...။ အနှိုင်းမဲ့က ကျွန်မစာတွေကိုအမြဲဖတ်တဲ့ ရာသက်ပန်စာဖတ်သူတစ်ယောက်..။ အဲလိုမြှောက်ပြောထားရတယ် အပြင်မှာဆုံရင် ကိုယ့်အစ်မကို ကာဖီလေး မုန့်လေးဝယ်ကျွေးအောင်လို့...။ သီချင်းလေးတင်ရင်း တခြားအကြောင်းတွေပဲ အာလူးဖုတ်နေမိ....း)




လေကြောရှည်သွားတဲ့အတွက် Bonus အနေနဲ့ သီချင်းနောက်တစ်ပုဒ်တင်ပေးလိုက်ပါတယ်...။ အရုပ်ဆိုင်မှာ “အိပ်မက်လေးလို” ပြီးရင် ကျွန်မအကြိုက်ဆုံးသီချင်းလေးက Jenny ဖြစ်ပါတယ်...။ ဒီသီချင်းလေးထဲက Jenny ဆိုတဲ့ ကောင်မလေးက ကျွန်မငယ်ငယ်ကနဲ့ တော်တော်တူတယ်... နားထောင်ကြည့်ပါဦး...း)


မိုးငွေ့

Tuesday, 3 October 2017

ဝေးနိုင်မှာလား.....



အရင်ဆုံးကိုယ့်ရင်ထဲကို မင်းဝင်လာတဲ့နေ့ မျက်ဝန်းထဲမှာ အချစ်တွေရှာတွေ့တယ်.. ဒါမျှော်လင့်ခြင်းနေရောင်လေး...
အရာအားလုံးကိုမေ့နေနိုင်ခဲ့တယ်.. ငါ့နှလုံးသားကိုမင်းအသက်သွင်းပေး ကျန်တာဘာမှမလိုဘူး...

Chorus: အချစ်မနေနိုင်ဘူး မင်းမရှိတဲ့နေ့တို့ရူး မနေနိုင်ဘူး တို့တစ်ယောက်တည်းတော့ မျှဝေခံစား ဘ၀တွေကိုဖြတ်သန်းသွားရင်းနဲ့ ရင်မှာလိုအပ်နေတဲ့ အချစ်တွေကမင်းပဲ အချိန်တွေအကြာကြီး တို့ဝေးနိုင်မှာလား....

အချစ်ဆုံးမျက်နှာလေးကိုကြည့်ရင်း ကျေနပ်နေ ဘာပဲဖြစ်နေတို့ရှင်သန်ဖို့ မင်းဟာရင်မှာအသက်ရှုသံလေး
မျက်လုံးလေးကို မှိတ်ကာနေရင်းလေ ကိုယ်မင်းအကြောင်းကိုတွေးကာ ကျေနပ်နေ မင်းယုံမှာလားအချစ်လေး

Chorus: အချစ်မနေနိုင်ဘူး မင်းမရှိတဲ့နေ့တို့ရူး မနေနိုင်ဘူး တို့တစ်ယောက်တည်းတော့ မျှဝေခံစား ဘ၀တွေကိုဖြတ်သန်းသွားရင်းနဲ့ ရင်မှာလိုအပ်နေတဲ့ အချစ်တွေကမင်းပဲ အချိန်တွေအကြာကြီး တို့ဝေးနိုင်မှာလား....


ဒီသီချင်းလေးကို ကျွန်မ FM မှာ မကြာခဏနားထောင်ခဲ့ဖူးတယ်...။ ကျော်ကျော်(မင်းမော်ကွန်း)ဆိုတယ် ဆိုတာလည်းသိတယ်...။ ဒါပေမယ့် ဘယ်မှာဆိုတဲ့ သီချင်းရယ်လို့တော့ သတိမထားမိဘူး...။ ပြီးတော့ ဒီသီချင်းက သူတို့မြေပဲယိုအဖွဲ့ထုတ်တဲ့ အယ်လ်ဘမ်ထဲ မပါတဲ့သီချင်းဆိုတာ သေချာသိနေတယ်..။ လွန်ခဲ့တဲ့ ဆယ်နှစ်ကျော် ဆယ့်ငါးနှစ်က Alternative ခေတ်စားနေတဲ့ခေတ်...။ အဲလက်စ်တောင် ပေါ့ပ်ကနေ လိုင်းကြောင်ပြီး Alter ဖက်ကူးရင်း ခုထိပြန်မပေါ်လာတော့တာ..။ ဆိုလိုတာက မြန်မာပြည်မှာ Alter ကို သိပ်မသိတာရယ် နားမယဉ်တာရယ်ကြောင့်လည်းပါမယ်ထင်တယ်...။ ဒါပေမယ့်လည်း ဒိုးလုံးနဲ့လှိုင်ဦးမော်တို့ ညီအစ်ကိုကျတော့ အော်တာနဲ့ပေါက်တာပဲ...။ ဒီဖက်ခေတ်မှာ နိုင်ငံခြားမှာတော့ Dragons အဖွဲ့ကဆိုတဲ့ Thunder ဆိုတဲ့ Alternative သီချင်းအမျိုးအစားကတော့ ပေါက်နေရောပဲ..။  မြေပဲယိုကလည်း အဲဒီလိုင်းပဲ...ဒါပေမယ့် သူတို့က R&B မကျ Pop မကျသီချင်းလေးတွေဆိုသေးတယ် ။ ကျွန်မ ကျော်ကျော်နောက်ဆုံးထွက်ထားတဲ့ အရုပ်ဆိုင်ဆိုတဲ့ အယ်လ်ဘမ်ထိ နားထောင်ဖူးခဲ့တယ်...။ အဲဒီ အယ်လ်ဘမ်တော့ မြေပဲယိုနဲ့ မဟုတ်ဘဲ မင်းမော်ကွန်းဆိုတဲ့ တကိုယ်တော် နာမည်နဲ့ပဲထွက်ခဲ့တာ..။ အဲထဲမှာ ကိုညီထွဋ်ရဲ့ လောကဟင်းလင်းပြင်ကို Version သိပ်မပြောင်းဘဲ ပြန်ဆိုထားတာလေးလည်း ကောင်းတယ်...။  ကျန်တာတွေက သီချင်းအသစ်တွေ...။ အရုပ်ဆိုင်မှာ ကျွန်မအကြိုက်ဆုံးသီချင်းက “အိပ်မက်လေးလို” ... နောက်တခါကျ အဲသီချင်းလေး တင်ပေးဦးမယ်....။ ကျွန်မက ကျော်ကျော်ရဲ့ အသံကိုကြိုက်တယ် ...။ ရင်ဘတ်ထဲကနေထွက်လာတဲ့ အသံလုံးကြီးကြီးတွေ...။ လူကဖြူဖြူသေးသေးပေမယ့် သူ့အသံက သူ့ရုပ်ရည်နဲ့တောင် မလိုက်ဖက်ဘူးလို့ဆိုရမယ်...။ ကျော်ကျော်ဆိုတာ တခြားလူတော့မဟုတ်ဘူး ကျွန်မတို့ ဘလော့ဂါအန်တီကြီး တီတင့်တူမရဲ့ အမျိုးသားပါ...။

မိုးငွေ့