ဘယ်သူ့ဆီကပဲ ဖြစ်ဖြစ်
သတိရတယ်ဆိုတဲ့ စကား ကြားချင်တယ်
ဘယ်ရောက်နေလဲဆိုတဲ့ မေးခွန်းတွေပဲ ဖြစ်ဖြစ်
ဘာလုပ်နေလဲ ဆိုတာမျိုးပဲ ဖြစ်ဖြစ်
တစ်ယောက်ယောက် က
ကိုယ့်ကို သတိရနေတယ်ဆိုတဲ့စိတ်မျိုးနဲ့
ခဏလောက်ဖြစ်ဖြစ် နေ ထိုင် ချင် တယ် ။
#စစ်ငြိမ်း
လူတစ်ယောက်ကို မပိုင်ဆိုင်ဖူးဘဲနဲ့တောင်
ဆုံးရှုံးရတာ အံသြစရာပဲ...။
☁ || စစ်ငြိမ်း
ချစ်သော . . . Emily
ဘယ်တော့မှ ပြန်မတွေ့သင့်တော့တဲ့ လူတွေ
ဘယ်တော့မှ ပြန်မစဉ်းစားသင့်တော့တဲ့ အကြောင်းအရာတွေ
ဘယ်တော့မှ ပြန်မသွားသင့်တော့တဲ့ မြို့နဲ့
ဘယ်တော့မှ ပြန်မကြည့်သင့်တော့တဲ့ ရုပ်ရှင်တွေ
ဘယ်တော့မှ ထပ်မဆိုသင့်တော့တဲ့ သီချင်း
ဘယ်တော့မှ ပြန်မဖတ်သင့်တော့တဲ့ ကဗျာ
ဘယ်တော့မှ မမက်သင့်တော့တဲ့ အိပ်မက်များ
ဘယ်တုန်းကမှ မရှိခဲ့တဲ့ အရာတွေလို
အဲ့လိုမျိုး
ကိုယ်မေ့ပစ်လိုက်တော့မလို့ . . .
#စစ်ငြိမ်း
မင်းကို အစကနေ ပြန်သိကျွမ်းချင်တယ်
ပြီးရင် ချစ်တယ်လို့ မပြောတော့ဘူး ။
🥀
#စစ်ငြိမ်း
စာအုပ်တစ်အုပ်ကို အတူတူဖတ်ရင်း
မင်းပါးလေးကို ဖြတ်ခနဲနမ်းလိုက်ဖို့
သံသရာထောင့်တစ်နေရာမှာ
ကိုယ်စောင့်နေမှာပေါ့....။😌
#စစ်ငြိမ်း
ဝေးပြီးနောက်
မင်းကို ကိုယ်မတွေ့နိုင်တော့တဲ့အထိ
အဲ့မြို့လေးဟာ ကျယ်လွန်းခဲ့တယ် ။
' ဝေးပြီးတဲ့နောက်မှာ… … '
သူပျော်နေတယ်လို့ စိတ်ထဲမှာ
ယုံထားလိုက်တယ်
နောက်ထပ် ဘာမှမသိရ မတွေ့ရ
မကြားရအောင် နေတယ်
ကိုယ့်စိတ်ကို ပျော်အောင်ထားတယ်
တတ်နိုင်တဲ့အခါ ရယ်တယ်
မတတ်နိုင်တဲ့အခါ ငိုတယ်
မနေ့ကထက် ဒီနေ့ပိုလှအောင် ပြုံးတယ်
သတိရတဲ့အခါ ကြယ်တွေကို ငေးတယ်
အိပ်မက်ဟာ အိပ်မက်ပဲဆိုတဲ့အကြောင်း
ကြိုးစားလက်ခံလိုက်တယ်
အမှတ်တရတချို့ ပြန်တွေ့ရရင်
ကိုယ့်memoryထဲမှာပဲ
ဘယ်သူမှ မမြင်အောင်
တိတ်တိတ်ကလေး သိမ်းထားတယ်
ချစ်ခြင်းမေတ္တာဆိုတာကို စကားလုံးအဖြစ်နဲ့
ကဗျာထဲမှာ သုံးရုံလောက်ပဲ အာရုံရှိတော့တယ်
ဖြတ်မျဉ်းတစ်ကြောင်းလို
ကိုယ့်ဆီမှာ ခဏတာ
ရေစက်လာဆုံပေးတဲ့အတွက်လည်း
တစ်သက်စာ ကျေးဇူးတင်တယ်
ကြီးကြီးမားမားတွေ မလုပ်ပြချင်ပေမယ့်
တခမ်းတနားတော့ တိတ်ဆိတ်ပြချင်တယ်
__________________
Revolution will prevail
မိုးငွေ့
Revolution will prevail
မိုးငွေ့
No comments:
Post a Comment