သက္သတ္လြတ္ပဲဟင္းရည္နဲ႔ ၾကက္ဥမုန္ညင္းေအာမလက္

၀ါတြင္းမွာ ေမြးေန႔နဲ႔ဥပုသ္ေန႔ကိုသတ္သတ္လြတ္စားျဖစ္တယ္...။ တစ္ပတ္ကို ငါးရက္ေတာ့ ရေအာင္စားမယ္လို႔ဆံုးျဖတ္ထားတယ္...။ ကၽြန္မက သက္သတ္လြတ္ကို ၾကက္ဥစားပါတယ္..။ အခုခ်က္စာျဖစ္တဲ႔ သက္သတ္လြတ္ဟင္းေလးေတြကိုေျပာျပခ်င္ပါတယ္..။ ၀ါတြင္းမွာ ကၽြန္မလုိပဲ သက္သတ္လြတ္စားသူေတြ ဘာဟင္းခ်က္စားရရင္ေကာင္းမလဲလို႔ စဥ္းစားရခက္သူေတြအတြက္ မွ်ေ၀လိုက္ပါတယ္...။

ၾကက္ဥေအာမလက္လို႔ေခၚတဲ႔ ၾကက္ဥေမႊေၾကာ္ကို ခါတိုင္းနည္းေဟာင္းလို ၾကက္သြန္ေတြ ခရမ္းခ်ဥ္သီးေတြနဲ႔မေၾကာ္ဘဲ...အေနာက္တိုင္းေလးေႏွာထားပါတယ္...။ ၾကက္ဥႏွစ္လံုးကို ဆားနဲနဲ နဲ႔ အခ်ိဳမႈန္႔မသံုးတာေၾကာင္ သက္သတ္လြတ္ မိႈခေနာမႈန္႔ထည့္ျပီး နာနာခေလာက္ထားပါ...။ မုန္ညွင္းဖူးကို ခပ္ၾကီးၾကီးသင္ျပီး ေရေဆး ေရေႏြးဆူဆူမွာ ႏွစ္မိနစ္ေလာက္္ေဖ်ာျပီး တစ္လက္မေလာက္ေလးေတြပိုင္းျပီး ခေလာက္ထားတဲ႔ၾကက္ဥထဲေရာေမႊထည့္လိုက္ပါ...။ အေပၚကျဖဴးဖို႔ Mozzarella cheese ကို လက္ဖက္ရည္တစ္ပန္ကန္စာျခစ္ထားပါ...။

မကပ္တဲ႔အိုးမွာ (ကၽြန္မက အခ်ပ္ေလးလည္းလွေအာင္လို႔ ၾကက္ဥဟိုက္ဖရိုက္ေၾကာ္တဲ႔ ဒယ္ေလးနဲ႔ေၾကာ္ပါတယ္) ဆီထမင္းစာဇြန္းႏွစ္ဇြန္းထည့္ျပီး ဆီပူလာရင္ ၾကက္ဥနဲ႔မုန္ညင္းအေရာကိုထည့္ ခ်ီစ္အမွ်င္ေလးေတြအေပၚကျဖဴးျပီး မီးေျဖးေျဖးနဲ႔စိတ္ရွည္ရွည္ေၾကာ္ေပးပါ...။ ၾကက္ဥကိုခရင္းေလးနဲ႔ အသာလွန္ျပီး ေအာက္ေျခက ၀ါေရာင္သန္းျပီဆို အခ်ပ္ေလးမပ်က္ေအာင္ ပန္းကန္ျပားေလးနဲ႔ တစ္ဖက္လွန္ေပးပါ...။

ၾကက္ဥႏွစ္လံုးကို ဒီလို အ၀ိုင္းေလးနဲ႔ ႏွစ္ခ်ပ္ရပါတယ္...

ၾကက္ဥနံ႔ေမႊးျပီး ခ်ိီစ္အရသာငံဆိမ့္ဆိမ့္ေလးနဲ႔ ထမင္းဆီဆမ္းနဲ႔လိုက္ဖက္ပါတယ္...

အရည္ေသာက္ကို ပဲဟင္းရည္ေလးခ်က္ပါတယ္...။ တစ္ေယာက္စာအတြက္ ပဲနီေလးထမင္းစားဇြန္းႏွစ္ဇြန္းကို ေရေဆးထားပါ...။ ၾကက္သြန္နီအေသးတစ္လံုးပါးပါးလွီးထား.. ပ်င္းေတာ္သိမ္ရြက္သံုးရြက္ေလာက္ေရေဆးထားပါ..။ အိုးတစ္လံုးမွာ ဆန္ခ်ိန္ခြက္နဲ႔ ေရသံုးခြက္ထည့္ျပီး တည္ထားပါ..။ ေရဆူလာရင္ ပဲထည့္ျပဳတ္မယ္..။ ပဲႏူးလာမွ ဆားခပ္ျပီး ေသာက္ခါနီးက် ၾကက္သြန္နီနဲ႔ပ်ဥ္းေတာ္သိမ္ရြက္ဆီသတ္ျပီး အုပ္လိုက္ပါ...။ ပ်ဥ္းေတာ္သိမ္ရြက္နံ႔ေလးေမႊးတဲ႔ ပဲဟင္းခ်ိဳခ်ိဳတစ္ခြက္ရပါျပီ...။

ၾကာသပေတးဆြမ္းပတ္တုန္းက ခ်က္ျဖစ္တဲ႔ သက္သတ္လြတ္အာလူး၀ါဟင္း....။ ၾကက္သြန္ျဖဴနီ ဆီသတ္ျပီး ဆႏြင္းထည့္ တံုးထားတဲ႔အာလူးထည့္ ဆားနဲ႔ေရထည့္ျပီး အာလူးႏူးလာရင္ ပ်ဥ္းေတာ္သိမ္ရြက္နဲ႔ ငရုတ္သီးခတ္လိုက္ပါ..။

 

၀ါတြင္းသက္သတ္လြတ္စားျဖစ္တဲ႔ ကၽြန္မအတြက္ တာခ်ီလိတ္က အေဒၚက ခေနာၾကက္သားအရသာမႈန္႔အစား မႈိအရသာမႈန္႔ထုတ္ေလးေတြ တစ္ဒါဇင္ပို႔ေပးထားပါတယ္...

မိုးေငြ႔

သက္သတ္လြတ္ပဲျပားေပါင္းတန္ပူရာေၾကာ္

၀ါဆိုလျပည္ေန႔ကစားျဖစ္တဲ႔ သက္သတ္လြတ္ ဆူကာညြန္႔ဟင္းရည္ ကိုက္လန္ေၾကာ္ နဲ႔ ပဲျပားေပါင္းနဲ႔ဆူကာရြက္ တန္ပူရာေၾကာ္ပါ...။ ပဲျပားေပါင္းေၾကာ္က ခ်ိဳ၀တ္ရည္ဆီက နည္းေလးသြားယူထားတာ...။ သူ႔ recipe ထဲမွာေတာ့ ပုစြန္ပါတယ္...။

 ပဲျပားႏွစ္တံုးကိုေျချပီး ၾကက္ဥႏွစ္လံုး ေျပာင္းမႈန္႔ႏွစ္ဇြန္း ငရုတ္ေကာင္းမႈန္႔္လက္ဖက္ရည္တစ္ဇြန္း ဆားလက္ဖက္ရည္တစ္ဇြန္း ဥနီအေသးတစ္လံုး ၾကက္သြန္ီတစ္ဥ အျဖဴသံုးမႊာႏုတ္ႏုတ္စင္းထားတာနဲ႔ ၾကက္သြန္ျမိတ္ တစ္စည္းေသးေသးလွီးထား တာကို အားလံုးေမႊလိုက္ပါတယ္...။

ပန္းကန္ျပားထဲေလးေတာင့္ပံုအတံုးေလးလုပ္ျပီး ေရေႏြးဆူဆူအိုးမွာ မိနစ္ႏွစ္ဆယ္ေပါင္းေပးပါတယ္...။ ပဲျပားေပါင္းရျပီဆို ခဏအေအးခံျပီး လိုခ်င္သလို အတံုးေလးေတြတံုးျပီး ေကာ္မႈန္႔ကပ္ ဆီဆူဆူမွာေၾကာ္ ေရႊ၀ါေရာင္သန္းလာတဲ႔အထိေၾကာ္ ပဲငံျပာရည္အၾကည္နဲ႔ ငရုတ္သီးၾကက္သြန္ခ်ဥ္နဲ႔တို႔စားစား ငရုတ္သီးေဆာ့နဲ႔ပဲစားစား လႊတ္ေကာင္းပါတယ္...။ ဟင္းရည္ထဲထည့္ မျပဳတ္ေတာ့တဲ႔ ဆူကာရြက္အရင့္ေတြကုိလည္း မုန္႔ႏွစ္ရည္ေလးနဲ႔ တန္ပူုရာၾကြပ္ၾကြပ္ေလးေၾကာ္စားတာ ေကာင္းမွေကာင္းပဲ...။ အခုဟင္းေတြကေတာ့ အဆီအႏွစ္မပါ တရုတ္ဟင္းေတြေပါ့...။

 

မိုးေငြ႔

ေပါင္မုန္႔ၾကက္ဥေၾကာ္နဲ႔ဘိန္းမုန္႔

ဒီေန႔လုပ္မယ့္ေပါင္မုန္႔ၾကက္ဥေၾကာ္နဲ႔ဘိန္းမုန္႔ ဆိုတာ႔ တအားထူးဆန္းတဲ႔ မုန္႔လုပ္နည္းေလးပဲေနာ္...:)

ဒါေပမယ့္ ဒီတစ္ခါေၾကာ္စားျဖစ္တဲ႔ ေပါင္မုန္႔ၾကက္ဥေၾကာ္ကေတာ့ ခါတိုင္းလိုမဟုတ္ဘူး နည္းနည္းထူးျခားေအာင္ Chedder cheese ကိုအလႊာလိုက္ျဖတ္ျပီး ညွပ္ထည့္ထားတာ.. ဆိမ္႔ဆိမ္႔ကေလးနဲ႔စားေကာင္းတယ္...။ ေပါင္မုန္႔ႏွစ္ခ်ပ္အတြက္ ၾကက္ဥတစ္လံုးလိုပါတယ္...။ ၾကက္ဥတစ္လံုးကို သၾကားလက္ဖက္ရည္ႏွစ္ဇြန္းနဲ႔ ခေလာက္ထား..ေပါင္မုန႔္ႏွစ္ခ်ပ္ကိုလည္း အနားသားေတြလွီး ထုတ္ထားေပး..။ ျပီးေတာ့ေပါင္မုန္႔ႏွစ္ခ်ပ္ၾကားကို ခ်ီစ္အလႊာထည့္ျပီး (အဆင္ေျပသလိုလႊာထည့္လို႔ရပါတယ္) ေပါင္မုန္႔လွီးတဲ႔ဓါးနဲ႔ ၾတီဂံပံုႏွစ္ပိုင္းပိုင္းျပီး ၾကက္ဥရည္ထဲကို တစ္ဖက္သံုးမိနစ္ဆီစိမ္ေပးပါ...။ မကပ္တဲ႔ ဒယ္အိုးမွာ ေထာပတ္နဲနဲသုပ္ျပီး မီးေအးေအးနဲ႔ တစ္ဖက္ဆီေၾကာ္ေပးျပီးရင္ ေမႊးဆိမ္႔တဲ႔ ေပါင္မုန္႔ၾကက္ဥေၾကာ္ေလးကို ေကာ္ဖီပူပူေလးနဲ႔ တြဲျပီးစားလို႔ရျပီ..။

 

 

ဘိန္းမုန္႔လုပ္တတ္သြားတဲ႔ ဇာတ္ေၾကာင္းေလးနဲဲနဲေျပာျပခ်င္ေသးတယ္....။ အရင္ Evy kitchen က ဆယ္မိနစ္ဘိန္းမုန္႔လုပ္နည္းေလးကိုစမ္းလုပ္ၾကည့္ဖူးတယ္...။ pan cake လုပ္တဲ႔ ရယ္ဒီမိတ္အမႈန္႔နဲ႔ ဆန္မႈန္႔ကို သူ႔အခ်ိဳးနဲ႔သူစပ္ျပီး မုန္႔တစ္ခုစာ အခ်ိဳးနဲ႔ ညီမ Evy ေျပာတဲ႔အတိုင္းလုပ္ဖူးခဲ႔တယ္...။ ဒယ္မေကာင္းတာရယ္ မီးမညွိတတ္တာရယ္ေၾကာင့္ ဘိန္းမုန္႔ကေန ပြစိစိ မာဆတ္ဆတ္ နန္ကထိုင္လို႔မုန္႔မ်ိဳးျဖစ္သြားခဲ႔ဖူးတယ္...။

Food Magazine ထဲက မအိသက္ရဲ႔ ေခါက္မုန္႔လုပ္နည္းေလးေတြ႔ေတာ့ သံေစ်းမွာ ေခါက္္မုန္႔လုပ္တဲ႔ ဒယ္နဲ႔ေယာင္းမတစ္စံု၀ယ္လိုက္ေသးတယ္..။ မအိသက္ရဲ႔ recipe အတိုင္းမုန္႔ေဖ်ာ္ျပီးလုပ္တာ ဒယ္ကအသစ္ ဆီမ၀ေသးေတာ့ လံုး၀အခ်ပ္မျဖစ္ဘဲ အကုန္ေက်မြကုန္တယ္...။ မုန္႔ရည္ေလးေတြ ႏွေျမာစရာဆိုျပီး ၾကက္ဥဟတ္ဖရိုက္ေၾကာ္တဲ႔ဒယ္ေလးနဲ႔ စမ္းေၾကာ္ၾကည့္ရင္းက ဘိန္းမုန္႔ျဖစ္သြားတာေတြ႔ရတယ္...။ ဟိဟိ အမွန္တကယ္ေတာ့ ဘိန္းမုန္႔လုပ္တဲ႔အခ်ိဳးအစားနဲ႔က နဲနဲလြဲပါတယ္...။ ဒါေပမယ့္ အဲေန႔က ေခါက္မုန္႔အတြက္စပ္ထားတဲ႔ မုန္႔သားက ဘိန္းမုန္႔ေၾကာ္ေတာ့ ေတာ္ေတာ္ေလးကိုအဆင္ေျပျပီးစားေကာင္းေနတယ္...။ မုန္႔အရသာေရာ အသားအေနအထားေလးေရာအေတာ္ပဲ...။ အဲဒါနဲ႔ဘိန္းမုန္႔လုပ္နည္းေလးကို သိသြားခဲ႔တယ္ဆိုပါေတာ့...။

အခ်ိဳးအစားေလးေျပာျပမယ္...ဆန္မႈန္႔ စားပြဲဇြန္းသံုးဇြန္း ဂ်ံဳမႈန္႔ စားပြဲဇြန္းေျခာက္ဇြန္း မုန္႔ဖုတ္ဆိုဒါ လက္ဖက္ရည္ဇြန္းတစ္ဇြန္း တေစး လက္ဖက္ရည္ဇြန္းတစ္၀က္ ဆားနဲနဲ တို႔ကို ေရတစ္ဖန္ခြက္ ဒါမွမဟုတ္ မုန္႔ေမႊျပီး မုန္႔ေရၾကြက္ျမီးတန္းက်ရင္ရျပီ...။ အဲဒါကို အ၀တ္စိုစနဲ႔အုပ္ျပီး သံုးနာရီ သို႔မဟုတ္ တစ္ညတိတ္ထားပါ...။ ေၾကာ္ခါနီးက်မွ မုန္႔လုပ္ထန္းလ်က္သံုးခဲကို အရည္ပ်စ္ပ်စ္က်ိဳထားတာကို မုန္႔ႏွစ္ထဲထည့္ေမႊျပီး မီးေအးေအးနဲ႔ ဒယ္အိုးထဲ ေထားပတ္သုတ္ျပီး မုန္႔ႏွစ္ရည္ဟင္းခပ္ဇြန္းၾကီး တစ္ဇြန္းစာထည့္ ဘိန္းေစ့ေလးေတြျဖဴး အုန္းသီးၾကိဳက္ရင္ထည့္ ကၽြန္မကေတာ့မၾကိဳက္လို႔မထည့္ဘူး...။ မုန္႔သားမ်က္ႏွာျပင္မွာ အေပါက္ကေလးေတြျဖစ္လာျပီဆို တစ္ဖက္လွန္လို႔ရျပီ...။ ဒီအခ်ိဳးအတိုင္း မုန္႔ရွစ္ခုရပါတယ္...။ မုန္႔ုလုပ္တာ ပထမဦးဆံုးအၾကိ္မ္ဆိုပ်က္တတ္တယ္ အမိႈက္ပံုးထဲခနခန ပစ္ရတယ္ဆိုတာ သိပ္မွန္တယ္...။ အဲလို အဆင့္ဆင့္ စမ္းသပ္ေတာ့မွသာ ကိုယ္လိုခ်င္တဲ႔ အေနအထားေရာက္တတ္တာတဲ႔...။ ဒါေၾကာင့္ အခု အဆင္ေျပတဲ႔အေနအထားေရာက္လို႔ ဘိန္းမုန္႔အခ်ိဳးကို ေရးျပလိုက္ပါတယ္...။    

ေၾကာ္ျပီးသားမုန္႔ေတြကို wire rink ေပၚအေအးခံျပီးမွာ ပန္းကန္ထဲထည့္ပါ...။ ပန္းကန္ထဲတန္းထည့္ရင္ အပူေငြ႔ေတြေၾကာင့္ မုန္႔ေအာက္က ပန္းကန္မွာ ေရေငြ႔ေတြနဲ႔မို႔ မုန္႔ေတြစိုကုန္ေစတတ္ပါတယ္...။

မိုးေငြ႔

မိုးရာသီအိပ္မက္…..

 

  

 
မိုးၾကီးလို႔ ေခ်ာင္းေရေတြတက္လာျပီတဲ႔...
ဆရာက စာမသင္ေတာ့ဘဲ ေက်ာင္းေစာလႊတ္လို႔ ကၽြန္မတို႔ေတြေပ်ာ္လိုက္ၾကတာ...
မိုးေရထဲ မိုးကာအက်ီၤေလး၀တ္ အေဖ၀ယ္ေပးထားတဲ႔ အ၀ါေရာင္ရာဘာလည္ရွည္ဘြတ္ဖိနပ္စီးျပီး လမ္းသလားရမွာကို ၾကိဳေတြးရင္း ေပ်ာ္ေနရတာ.....

ကၽြန္မတို႔ေက်ာင္းအေနာက္ဖက္က လယ္ကြင္းျပင္ၾကီးအလည္မွာ ဆင္ပံုစံေက်ာက္တံုးအၾကီးၾကီးေတြရွိတယ္
ေက်ာင္းခိုးေျပးျပီး အဲမွာသြားေဆာ့တဲ႔အခါက်ရင္ ေက်ာက္တံုးအၾကီးၾကီးေဘးမွာရွိတဲ႔ ေက်ာက္တံုးအေသး အပြားေလးေတြကို ကၽြန္မတို႔ကေလးေတြက ဆင္မၾကီးကေမြးတဲ႔ ဆင္းကေလးေလးေတြ  ဒီေက်ာက္ေလးေတြက တခါလာရင္တခါထပ္ထပ္ပြားလာတယ္လို႔ (တကယ္ဟုတ္မဟုတ္မသိေပမယ့္) ဒ႑ာရီဆန္ဆန္ေျပာေနတတ္ၾကေသး....

မိုးေတြသည္းတဲ႔ေန႔ဆို႔ ကၽြန္မတို႔ေနတဲ႔တိုက္အေပၚဆံုးထပ္က(အဖိုးေဆာက္ထားတဲ႔အိမ္) စလက္ေလာင္းထားတဲ႔ လသာျပင္ၾကီးမွာ အိမ္ေရွ႔က အုပ္မိုးက်ေနတဲ႔ ကုကၠိဳပင္ကအရြက္ေၾကြေတြေၾကာင့္ ေရးစီးမယ့္အေပါက္ေတြပိ္တ္ေနတတ္တယ္...
အဲခါလူၾကီးေတြက အမိႈက္သြားႏွႈိက္ေခ်လို႔ ခိုင္းရင္သိပ္ေပ်ာ္တာ.. တခါတည္းတန္းခနဲအေပၚေရာက္ေတာ့တာပါပဲ..မိုးေရထဲေဆာ့ရတာကိုးး...

အဖိုးေဆာက္တဲ႔အိမ္ေဒါင့္ေတြမွာ ေခါင္မိုးကစီးက်လာတဲ႔ေရတေလွ်ာက္ေတြတစ္ခုစီရွိတယ္...
မိုးရြာရင္ ေဘာင္းဘီတိုေလးနဲ႔ ေရတေလွ်ာက္ေအာက္မွာ ေက်ာကုန္းခံျပီး ေရေတြတဗ်န္းဗ်န္းစီးက်တာကို ခံရတာ ေအးလို႔ေအးမွန္းမသိ ေဆာ့ေနရတာကိုပဲေက်နပ္ေနမိတာ အဲတုန္းက အေအးပိတ္ ဖ်ားတယ္ဆိုတာလည္းမရွိပါဘူး......


အေမက ေရာ့ ေမာင္ေလးေဘာင္းဘီသြားေလွ်ာ္ေခ်ဆို အိမ္ေရွ႔တစ္ဖက္လမ္းက ေတာင္က်ေရေတြစီးလာတဲ႔ ေျမာင္းၾကီးထဲ ေမာင္ေလးရဲ႔
ေသးေဘာင္းဘီ ေခ်းေဘာင္းဘီေတြကိုလဲ မရြံမရွာသြားေလွ်ာ္လို္က္တာပဲ...
မနက္လင္းလာလို႔ မိုးေရခံထားတဲ႔ ဇလံုေတြထဲကေရေတြနဲ႔ အိုးခြက္ပန္းကန္ေဆးရတာ မိုးေရနဲ႔မို႔ မေျပာင္သလိုျဖစ္တာမ်ိဳးကို အမွတ္ရမိတယ္....

ကၽြန္မက ေမွ်ာ့တို႔ ခူယားတို႔လို႔ ေပ်ာ့ေပ်ာ့စိစိေကာင္ေတြသိပ္ေၾကာက္တာ...
ရြာထိပ္က ေရအားလွ်ပ္စစ္စက္ရံုၾကီးက ေတာင္က်ေရကိုယူျပီးေမာင္းတာကိုးး
အဲေရအားလွ်ပ္စစ္ေျမာင္းမွာေရသြားသြားကူးတတ္ေသးတာ
ေရေျမာင္းၾကီးအတိုင္းတက္သြားရင္ ေရတံခြန္အစကိုေရာက္သြားတယ္...
အဲမွာ ေက်ာက္ဂူၾကီးတစ္ခုရွိတယ္ ခူယားေတြသိပ္ေပါတယ္ဆိုလို႔ တခါမွကိုမသြားတာ...

ေဆာင္းဖက္မွာ ေတာင္ယာမီးရိႈ႔တတ္တဲ႔ ရြာထိပ္က ေတာင္ေပၚမွာ ခုလိုမိုးမွာ နာနတ္စိုက္ခင္းၾကီး ရွိတယ္
ကၽြန္မနဲ႔ ကၽြန္မသူငယ္ခ်င္းနန္းေဖါင္းတို႔ နာနတ္သီးခူးသြားဖူးတယ္...။ ေတာင္ေစာင္းမွာ ေလွကားထစ္ပံုစိုက္ခင္းနဲ႔ နာနတ္သီးေတြအစီအရီ ကိုယ္လိုခ်င္တဲ႔ အလံုးေလးခူးရံုပဲ......
ျပီးေတာ့ ေတာင္ေပၚကေန တစ္ရြာလံုးစီးျပီးျမင္ရတာ ဘယ္ေလာက္လွလဲ.....

မိုးအံု႔အံု႔ကေလးမွာ... ေက်ာင္း၀င္းေဘာလံုးကြင္းတစ္ခုလံုး ျမက္သီးပင္ေတြထေနေတာ့တာ..
ကၽြန္မတို႔ေတြ အတန္းလိုက္ျမက္ပင္ေတြကိုႏႈတ္ၾကရတယ္... ျမက္ပင္ေတြဆြဲႏႈတ္ရလို႔ လက္ေတြနာက်င္ က်ိန္းစပ္ေနေပမယ့္ ေပ်ာ္ေနတာပါပဲ....
ေက်ာင္းစိမ္းထမီေလးမွာ ျမက္သီးေတြကပ္ပါလာရင္ ဆြဲႏုတ္ရတာလည္းမသက္သာဘူး..

မိုးေအးေအးညေနေတြမွာ “အဖြားပန္”အထမ္းနဲ႔လာေရာင္းမယ့္ အုန္းႏို႔မုန္႔ဟင္းခါးအနံံ႔ေလးနဲ႔ အိမ္ေဘးက နန္းေဖါင္းအေဒၚျပဳတ္ေရာင္းမယ့္ အေငြ႔တစ္ေထာင္းေထာင္းနဲ႔ ေစးေနတဲ႔ ရွမ္းေျပာင္းကိုလည္းေမွ်ာ္ေနတတ္ေသးတယ္...

လယ္ခရုဆန္ေလွာ္ဟင္း ပူပူေႏြးေႏြးေလးစုပ္ရတာၾကိဳက္တယ္...

ျပန္ေတြးၾကည့္ရင္ မိုးကို ကၽြန္မငယ္ငယ္ကတည္းက ခ်စ္တတ္လာခဲ႔တာပါ....

ျပီးေတာ့ အသက္ရွစ္ႏွစ္ကေန ဆယ္ႏွစ္၀န္းက်င္ ကေလးမတစ္ေယာက္ ဒီေလာက္အေဆာ့သန္ျပီး အိမ္အလုပ္ေတြကိုလည္းကူလုပ္ခဲ႔ ေမာင္ေလးညီမေလးေတြကိုလည္း ထိန္းခဲ႔တယ္ဆိုတာ မယံုႏိုင္စရာပဲ

ကၽြန္မျဖတ္သန္းလာခဲ႔ရတဲ႔ကေလးဘ၀က မိုးရာသီဆီကို ျပန္သြားခြင့္မရွိ
ဒါေပမယ့္ အိပ္မက္မက္ခြင့္ေတာ့ရွိေသးတယ္....

တခါတုန္းကတို႔ရြာမွာ ေခါင္းစဥ္ေအာက္ကပို႔စ္မ်ားကိုျပန္ဖတ္ခ်င္သူမ်ားအတြက္ လင့္ခ္ေပးလိုက္ပါတယ္

 

မိုးေငြ႔

ခါးသီးမိတဲ့ မွေးနေ့......

ကျွန်မကျော်ဖြတ်ခဲ့ရဖူးတဲ့ မွေးနေ့တွေထဲမှာ ဒီနှစ်မွေးနေ့ကို စိတ်အပျက်ရဆုံးပဲ...။ ပြီးတော့ နောက်နှစ်တွေမှာ ဘယ်တော့မှ မွေးနေ့မလုပ်တော့ဘူး လို့လည်း ဆုံးဖြတ်ချက်ချမိသွားတယ်...။

ကျွန်မသက်တမ်းတလျှောက်မှာ မွေးနေ့ကို ကြီးကြီးကျယ်ကျယ်လည်းတစ်ခါမှမလုပ်ဖူးခဲ့ပါဘူး...။ အမှတ်တရအနေနဲ့ ဘိုးဘွားရိပ်သာမှာထမင်းသွားကျွေး မိဘမဲ့ကျောင်းတွေမှာကလေးတွေကိုထမင်းကျွေး လက်ဆောင်ပေး သူငယ်ချင်းတွေနဲ့ ဆိုင်တစ်ဆိုင်မှာတစ်ခုခုသွားစား ဘုရားသွား ဒီလောက်ပါပဲ....။ ဒါက နှစ်တိုင်းလုပ်နေကျပေါ့နော်...။ မွေးနေ့တိုင်း အနည်းဆုံးတော့ မနက်စောစောကို ဘုရားသွားဖြစ်ခဲ့တယ်...။ ဒီနှစ်တော့ မောင်က သူ့အဒေါ်တွေအိမ်စောင့်ခိုင်းလို့ ကျွန်မတို့အိမ်တံခါးပိတ်ပြီး သွားစောင့်ပေးရတယ်...။ ကျွန်မမွေးနေ့က အဲဒီအိမ်မှာကျပါတယ်...။ သူများအိမ်သွားစောင့်တာဆိုတော့ အိမ်ကိုထားခဲ့ပြီးလည်း ဘုရားသွားဖို့တောင်အခွင့်မရှိပါဘူး...။ ကျွန်မမွေးနေ့မနက်စောစောမှာ ကျွန်မက မောင့်ဆီက မွေးနေ့ wish လေးတစ်ခုကို ဦးဦးဖျားဖျားလိုချင်ခဲ့တာ ကျွန်မအလွန်မှ မဟုတ်တာနော် ။ ဒါပေမယ့် မောင်က တကယ်ပဲ လစ်လျှူရှုနိုင်လွန်းပါတယ်...။ ကျွန်မကပဲ မောင့်ဆီက မျှော်လင့်တာသိပ်များလို့လား မောင်တစ်ခုလောက်ပြန်မပေးနိုင်တဲ့အခါ ကျွန်မပိုခံစားရတတ်တယ်...။ 

မနက်အိပ်ယာနိုးလာခဲ့တာနဲ့ မွေးနေ့အနမ်းလေးတစ်ပွင့်တောင် မောင်မပေးနိုင်ခဲ့တာ ဘာကြောင့်များလည်း ။ အဲဒီနေ့တုန်းက သူငယ်ချင်းတွေဆီက ဖုန်းဆက်ပြီး မွေးနေ့ဆုတောင်းပေးမယ့် စကားတွေကို မကြားချင်တော့လို့ ဖုန်းပိတ်ထားခဲ့လိုက်တယ်...။ ကျွန်မ ဘုရားလည်းမရောက်ဘူး အိမ်ကဘုရားမှာတောင် သစ်သီးဆွမ်းမကပ်ဖြစ်ခဲ့ဘူး...အဲနေ့က တစ်နေကုန်..ကျွန်မဘာမှမလုပ်ချင် မကိုင်ချင်လွန်းလို့ စာအုပ်တွေနဲ့ပဲအချိန်ကုန်ခဲ့လိုက်တယ်...။ နေ့လည်ထမင်းစားပြီးတော့ မောင်က စကားအဆက်စပ်မရှိဘဲ... “မီ့မွေးနေ့တောင် ဘာမှမလုပ်လိုက်ရတော့ဘူးနော်”တဲ့...။ ကျွန်မ မကြားချင်ယောင်ဆောင်နေလိုက်တယ်...။ မွေးနေ့ဆိုတဲ့ စကားလုံးကိုတောင် ကျွန်မခါးသီးနေခဲ့မိတယ်...။

နောက်နေ့တွေ ကိုယ့်အိမ်ကိုယ်ပြန်ရောက်တော့လည်း မွေးနေ့အထိမ်းအမှတ်ကို ဆိုင်တစ်ခုခုမှာ သွားစားမှာတို့ဘာတို့လည်း မလုပ်ဖြစ်ခဲ့ပါဘူး...။ မောင်ကစပြီး လုပ်ပေးမယ်ဆိုရင်တာင် ကျွန်မငြင်းမယ်လို့ စိတ်ကူးထားတာ...။ ကျွန်မကသာငြင်းဖို့ စိတ်ကူးပြီး တစ်ယောက်ထဲ မျှော်လင့်ချက်တွေနဲ့ ရူးနေခဲ့တာပါ... မောင်ကဖြစ် ကျွန်မမွေးနေ့ကို ခေါင်းထဲမှာတောင်မရှိတော့ဘူး...။ ကျွန်မစိတ်က သိပ်နုပါတယ်...သေးသေးလေးကအစ ခံစားလွယ် ကြေကွယ်လွယ်တယ်...။ ဒါကြောင့် အကြောင်းအရာ တစ်ခုခုကို ကျွန်မမျှော်လင့်ချက်ကြီးကြီး မထားရဲဘူး...။

ကျွန်မငွေမချမ်းသာချင်ပါဘူး....။ ကျွန်မကို ကားတွေ တိုက်တွေ ခြံတွေ အချွေအရံတွေနဲ့ ထားစရာ မလိုပါဘူး။ ဒါပေမယ့်ကျွန်မကို သေးသေးဖွဲဖွဲလေးကအစ ဂရုစိုက်တာကိုတော့ ခံချင်တယ်...။ ကျွန်မက အဲလိုကြိုက်တတ်တဲ့ လူစားမို့လား ကိုယ့်ပတ်ဝန်းကျင်ကလူတွေကိုလည်း အဲလိုလေးတွေ လုပ်ပေးရတာသဘောကျတယ်...။ မောင်ကကျတော့ ကျွန်မလိုမဟုတ်ဘူး... ရိုမန့်စ်ဆန်တာတွေ မကြိုက်ဘူး လက်တွေ့ကျတယ် စိတ်ကူးမယဉ်တတ်ဘူး...ကျွန်မလို အနုပညာကိုမခံစားတတ်ဘူး စာပေတွေကို မခုံမင်ဘူး ကျွန်မနဲ့တူညီတာဆိုလို့ ရုပ်ရှင်ကြိုက်တာတစ်ခုပဲဖြစ်မယ်...။ တခါတခါကျ တွေးကြည့်တော့ အံ့သြဖို့လည်းကောင်းပါတယ်... ဝါသနာမတူတဲ့လူနှစ်ယောက် အတူတစ်အိမ်တည်း နေနိုင်တာ အချစ်တစ်ခုတည်းအတွက်ဆိုတာ..။

အသေးဖွဲလေးကအစ ခံစားလွယ်လွန်းတဲ့ ကျွန်မကိုမရင့်ကျက်သေးဘူးလို့ ပြောချင်လည်းပြောပါတော့။

မိုးငွေ့

ကၽြႏ္ုပ္၏မနက္စာမ်ားႏွင့္ ဆြမ္းဟင္းမ်ား

  Parmesan cheese+ ၾကက္သြန္ျမိတ္နဲ႔ လုပ္ထားတဲ႔ အဂၤလိပ္ အငံဘိန္းမုန္႔ကို ပ်ားရည္ဆမ္း ေကာ္ဖီပူပူနဲ႔ေသာက္..

သူတို႔အေခၚ Angeleno plum မက္မန္းခ်ိဳသီးဘိန္းမုန္႔ နဲ႔ေကာ္ဖီဆိမ္႔ခါး

 

 ၾကက္ဥ+ဂ်ံဳ+ႏြားႏို႔+သၾကား+ဆားနဲနဲ+ဆိုဒါ နဲ႔မုန္႔ႏွစ္ရည္ အေပၚမွာ ထည့္ေၾကာ္မယ့္ မက္မန္းခ်ိဳသီး စီးတီးမတ္မွာ ကီလိုနဲ႔၀ယ္ႏိုင္ပါတယ္...။ ရွမ္းျပည္မွာေနတုန္းကေတာ့ က်ိဳင္းတံုကလာတဲ႔ မက္မန္းခ်ိဳသီးေတြစားဖူးတယ္ အရမ္းစားေကာင္းတယ္ ..

 မကပ္တဲ႔ ဒယ္ျပားမွာ ေထာပတ္ေလးနဲနဲသုပ္ျပီး ေၾကာ္ပါတယ္...။ မုန္႔သားမ်က္ႏွာျပင္မွာ အေပါက္ကေလးေတြျဖစ္လာျပီဆို ပလပ္စတစ္ေဂၚျပား သို႔ သစ္သားေယာင္းမနဲ႔ တစ္ဖက္လွန္ေပးျပီးေၾကာ္ပါတယ္

 

 အမဲသားခရမ္းခ်ဥ္သီးဟင္းအႏွစ္ အီတလီေခါက္ဆြဲသုပ္ကို Parmesan cheese အမႈန္႔ေလးျဖဴးစားပါတယ္

 ေပါင္မုန္႔ၾကက္ဥေၾကာ္နဲ႔ simply coral coffee

ေကာ္ဖီလက္ဖက္ရည္တစ္ဇြန္းခြဲ+ႏို႔မႈန္႔တစ္ဇြန္း+ႏို႔ဆီတစ္ဇြန္း
အခ်ိဳးနဲ႔ေဖ်ာ္ထားတဲ႔ ခါးဆိမ္႔ေကာ္ဖီ

  ၾကာသပေတးဆြမ္းပတ္ ၀က္သားလံုးေၾကာ္+ပန္းေဂၚဖီစိမ္းေၾကာ္+ၾကက္ေမာက္သီး

 ၾကက္သားမုန္ညင္းခ်ဥ္ေၾကာ္+ခရမ္းသီးၾကက္ဥေအာမလက္+ပဲၾကာ္ဇံသုပ္+မင္းကြပ္သီး

ပုစြန္အာလူးခ်က္+ပဲနီေလးဟင္းခ်ဳိ+ပူတင္းေပါင္မုန္႔+သေဘာၤသီး

ၾကက္သားလံုးခရမ္းသီးႏွပ္+ဖရံုပြင့္ေၾကာ္+ပဲညႊန္႔ဟင္းခါး+သရက္သီး

ေရဦး၀က္အူေခ်ာင္း+ဗူးသီးေၾကာ္ခ်က္+မုန္ညင္းျဖဴပဲလိတ္ေၾကာ္+Pucci cake+နာနတ္သီး

ၾကက္ကုန္းေဘာင္ေခါက္ဆြဲေၾကာ္+ဘဲကင္ရိုးကင္မ္ခ်ီဟင္းခ်ိဳ

+ခရမ္းခ်ဥ္သီးၾကက္သြန္ခ်ဥ္+သရက္သီး+အခ်ိဳရည္ဗူး

မိုးေငြ႔

တစ်ခါက ကျမ၏.....

တစ်ခါတုန်းက ကျွန်မ၏ကဗျာဆရာ ကျွန်မ၏ဓါတ်ပုံဆရာ ကျွန်မ၏ဒေါက်တာဆိုပြီး သူ့ကို အမျိုးမျိုးတင်စား စနောက်ခဲ့ဖူးတယ်….။ 

တကယ်တော့ သူဟာ ကဗျာဆရာတစ်ယောက်လည်းမဟုတ် ဆရာဝန်တစ်ယောက်လည်း မဟုတ်သလို အသက်မွေးဝမ်းကျောင်းဓါတ်ပုံဆရာတစ်ယောက်လည်းမဟုတ်ခဲ့ပါဘူး……။ ဒါပေမယ့် ဝါသနာအရ သူ… ကဗျာလှလှ နုနုရွရွလေးတွေကိုသီကုံးတတ်တယ်…. အဓိပ္ပါယ်များစွာကို ဖော်ဆောင်သော ဒဿနဆန်ဆန် ဓါတ်ပုံတွေကို ဖန်တီးတတ်တယ်… ကျွန်မရဲ့ ဝေဒနာရောဂါတွေကို စိတ်နဲ့ပျောက်ကင်း သက်သာအောင် ဒေါက်တာတစ်ယောက်လိုလည်း ကုသပေးတတ်တယ်…။

မျက်မှန်ဘောင်ခပ်ကြီးကြီးတပ်ပြီး ဆံပင်တွေဖွာလန်ကောက်ကွေးနေတဲ့ စတိုင်လ်ထူးခြားတဲ့ လူငယ်ကောင်လေးတစ်ယောက်ကို ကျွန်မစပြီးသတိထားမိခဲ့တာကြာပါပြီ…။ အဲဒီတုန်းက ကျွန်မတို့သူငယ်ချင်းတွေမဟုတ်ကြသေးပါဘူး…။ တစ်ယောက်ကိုတစ်ယောက် မျက်မှန်းတမ်းမိကြ ရုံလေးပါ…။ ကျွန်မတို့စသိချိန်မှာ… ကျွန်မက အသည်းကွဲနေတဲ့အချိန်ပေါ့…။ သူဟာ ကျွန်မရဲ့ အသည်းကွဲဝေဒနာကို တခဏအတွင်းပျောက်ကင်းအောင် ကုသပေးတဲ့ ကျွန်မရဲ့ ကိုယ်ပိုင်ဆရာဝန်လေး အနေနဲ့ သူကျွန်မဘဝထဲကို တိုးတိတ်စွာချင်းနင်းဝင်ရောက်လာခဲ့တာပါ….။ 

ကျွန်မဘာပြောပြော ဘာလုပ်လုပ် ဘယ်တော့မှ အပြစ်တင်ရှုံ့ချခြင်းမပြုဘဲ… ကျွန်မဝမ်းနည်းတတ်တဲ့ အချိန်ဆို ကျွန်မကို မသိမသာကလေးနှစ်သိမ့်ပေးလေ့ရှိသလို တခါတလေ ကျွန်မအတည်ပေါက်နဲ့ စနောက်တတ်တဲ့အခါ ကျွန်မရဲ့ စနောက်ခြင်းကို သူချက်ချင်း သဘောပေါက်လေ့မရှိဘူး…။ “အစ်မက စာရေးတဲ့သူလို့မပြောရဘူး စကားပြောသိပ်ကြွယ်တာပဲ ကျွန်တော်က နည်းနည်းဝေးတယ်ဗျ… နောက်ဆို ပြောချင်တာရှိရင် တည့်ပြောဗျာ”လို့ သူကကိုယ့်ရဲ့ စကားဝင်္ကပါထဲကနေ အမြဲလမ်းပျောက်နေတတ်တဲ့သူလေ…။

ကျွန်မတို့ရင်းနှီးပြီး အချိန်တိုတစ်ခုအတွင်းမှာပဲ ကျွန်မကို နူးညံ့သောပန်းတစ်ပွင့်နဲ့အတူ သူ့ကဗျာလေးထဲခေါ်ဆောင် အသက်သွင်းခဲ့ပါတယ်….။ ကဗျာဆရာတစ်ယောက် မဟုတ်ခဲ့ပေမယ့်လည်း သူ့ရေးဖွဲ့သီကုံးတတ်တဲ့ ပန်းကလေးအကြောင်း အပိုင်းဆက်တွေနဲ့ ကဗျာရှည်ကြီးကို သူငယ်ချင်းအတော်များများ လာအားပေးပြီးဖတ်ကြတယ် ပြီးတော့ … အရမ်းလည်းကြိုက်ကြတယ်..။ အဲဒီအချိန်ကစပြီး သူငယ်ချင်းတွေက သူ့ကဗျာလေးထဲက ဇာတ်ကောင်နာမည်နဲ့ပဲ သူ့ကိုခေါ်တတ်ကြတော့တယ်…။ ထိုနည်းတူစွာပဲ ကျွန်မရေးသားသော စာတွေထဲမှာ သူဟာ ကျွန်မရဲ့ ဇာတ်ကောင်နေရာကို နေရာယူလာခဲ့တယ်…။ 

သူရေးတဲ့ သူ့ကဗျာလေးထဲက ပန်းပွင့်ကလေးဟာ ကျွန်မဆိုတာ ရင်းနှီးသူတွေ တော်တော်များများက ရိပ်မိသလိုလိုရှိကြပေမယ့် ဘယ်သူမှသေချာရေရာ မပြောနိုင်ခဲ့ကြသလို ကျွန်မစာထဲက ကျွန်မ၏  ကဗျာဆရာဟာ သူပဲဆိုတာ သေချာမသိကြပါဘူး…..။ ကျွန်မရေးတဲ့စာတွေကို သူက တိတ်တဆိတ် စာဖတ်သူတစ်ယောက်ဖြစ်ပေမယ့် ကျွန်မကတော့ သူ့ကဗျာလေးတွေရဲ့ ပရိတ်သတ်စစ်စစ် တစ်ယောက်ဖြစ်ခဲ့တဲ့အလျောက်…. သူသွားရာနောက်တစ်ကောက်ကောက်ပါတတ်တဲ့ သူ့ရဲ့ D1100 ကင်နွန်ကင်မရာကြီးရဲ့ မော်ဒယ်တစ်ယောက်လည်းဖြစ်ခဲ့ပါတယ်…။

တစ်ခါက ကျွန်မနေထိုင်တဲ့ မြို့ကလေးဆီကို သူအလည်တစ်ခေါက်ရောက်ခဲ့တုန်းက ကျွန်မတို့နှစ်ယောက် ဈေးတန်းဖက်အတူသွားရင်း ဟင်းသီးဟင်းရွက်နဲ့ သစ်သီးတန်းတစ်ခုမှာ ကျွန်မဈေးဝယ်နေတုန်း ကတ္တီပါဖိနပ်စီးထားတဲ့ ကျွန်မခြေဖမိုးတစ်ဖက်ကို ခပ်လှမ်းလှမ်းကနေ Zoom ဆွဲပြီး သူရိုက်ထားခဲ့ဖူးတယ်…။ ပန်းခက်တွေအနားသတ်ထားတဲ့ နက်ပြာရောင်ချည်သား လုံချည်အနားနဲ့ ကျွန်မခြေဖမိုးက သွေးကြောစိမ်းတွေတောင်ပေါ်နေသးတယ်..။ အဲဒီလို ကျွန်မရဲ့ ဓါတ်ပုံဆရာက ကျွန်မ ဘုရားရှိခိုးနေတဲ့ပုံ ဆီမီးထွန်းနေတဲ့ပုံလေးတွေကို တဖျပ်ဖျပ်ရိုက်ရင်းနဲ့လည်း ကျွန်မကို သူ့ကိုယ်ပိုင်မော်ဒယ်တစ်ယောက်လို သဘောထားတတ်သေးတယ်…။

သူမပြန်ခင်ညအထိ ကျွန်မတို့ ဘုရားအတူသွားခဲ့ကြတယ် ကော်ဖီအတူသောက်ခဲ့ကြတယ်…..။ ကျွန်မကို အမြဲတစေ ကျွန်မစကားအတိုင်းအလိုလိုက်ပေးတတ်တဲ့ အဲဒီကောင်ကလေးနဲ့ ခုဆို ကျွန်မ စကားမပြောဖြစ်တာ ဘယ်လောက်ကြာနေခဲ့ပြီလည်း…။ သူ့အလုပ်က အရင်လို ညပိုင်းအချိန်မဟုတ်တော့လို့ ကျွန်မအွန်လိုင်းတက်တတ်တဲ့နေ့အချိန်တွေမှာ သူ့ကိုမတွေ့ရ တတ်တော့ဘူး တွေ့ခဲ့ရင်တောင် သူအလုပ်ရှုပ်နေတဲ့ အချိန်ဖြစ်နေလို့ နှုတ်ဆက်ရုံ စကားတစ်ခွန်း နှစ်ခွန်းစလောက်ပဲ နေကောင်းလား အဆင်ပြေလား သတိရတယ် ဒီလောက်ပဲပြောနိုင်တော့တယ်..။ အရင်သူ့အလုပ် ညပိုင်း လူပါးချိန်ဆို ကိုယ့်ကိုသူအမြဲ စကားလာပြောလေ့ရှိသလို ကိုယ်သူ့ကို ဦးနှောက်စားတာကို သဘောကျတတ်သေးတာ…။

တကယ်တော့ ကျွန်မတို့ သိပ်မရင်းနှီးခင် အစပိုင်းတုန်းက ကျွန်မရေးတဲ့ကဗျာတစ်ပုဒ်အတွက် သူ့ကိုယ်သူအပြစ်ရှိသူလို့ သတ်မှတ်ပြီး ကျွန်မဆီက သူဖြေဆေးလာယူခဲ့တာပါပဲ…။ ကျွန်မဆီက ဖြေဆေးရလိုက်ချိန်မှာ သူ့အသည်းတစ်ခြမ်း အဆိပ်သင့်နေခဲ့ပြီဆိုတာ သူသတိမထားလိုက်မိတာပါ…။ ကျွန်မတကယ်မရည်ရွယ်ပါဘူး….။ သူကို့ ကျွန်မစိတ်ညစ်တုန်း တစ်ခဏ ဖြေဖျောက်ဖို့ သက်သက် အသုံးချတာလည်းမဟုတ်ခဲ့ရိုးအမှန်ပါ…။

ဘေးက ကြည့်သူ မြင်သူတစ်ယောက်အနေနဲ့တော့ ကျွန်မအတွက်သူဟာ ကျွန်မစာတွေအတွက် ကုန်ကြမ်းတစ်ယောက်…။ ထားပါ… ဟုတ်တယ် ကုန်ကြမ်းဆိုပေမယ့် ကျွန်မကိုယ်တိုင် စိတ်နဲ့နှလုံးသားနဲ့ ခံစားမှုနဲ့ အရင်းတည်ခဲ့တဲ့အတွက်…သွေးနဲ့လူ သားနဲ့လူဖြစ်တာခြင်း တူညီတဲ့အတွက်… တစ်ယောက်နဲ့တစ်ယောက်ကြားမှာ မေ့ဖျောက်မရနိုင်ခဲ့တဲ့ မမြင်နိုင်တဲ့ အမျှင်တန်း သံယောဇဉ်တွေကတော့ရှိနေကြတာပဲမဟုတ်လား…။

@@@@@

ဘယ်လောက်ကြာခဲ့ပြီလည်း………..

ကျွန်မ၏ကဗျာဆရာရေးတဲ့ ကဗျာနုနုတွေကို မဖတ်ရတာ………. 

ကျွန်မ၏ဓါတ်ပုံဆရာကိုယ်တိုင် ရိုက်တဲ့ စကားပြောတဲ့ ပန်းချီကားချပ်တွေကို မကြည့်ရတာ……. ကျွန်မ၏ဒေါက်တာ ကျွန်မရဲ့ အသည်းကွဲဝေဒနာကို အနာကျက်တဲ့ အထိ မကုစားခဲ့တာ………

စိတ်ကူးတွေမယဉ်ချင်တော့ဘူးလို့ပြောပြီး ကျွန်မပျော်မွေ့နေတတ်တဲ့ အငွေ့ဆန်တဲ့လောကထဲကနေ သူတကယ်ပဲ အပြီးတိုင် နှုတ်ဆက်သွားခဲ့ပြီ…..။ ဆုံးဖြတ်ချက်ပြတ်သားစွာနဲ့ တကယ့်လက်တွေ့ဘဝကြီး ထဲမှာ သူရှင်သန် နေသားကျနေခဲ့ပြီ…..။ 

ကျွန်မကသာ… ကျွန်မရဲ့စိတ်ကူးကမ္ဘာမှာ ပလပ်စတစ်ပန်းဥယျာဉ်ကြား မွေ့လျော်နေတတ်တုန်း…..။

ခုတော့.... သူ့ကဗျာပန်းများရှိတဲ့ ဥယျာဉ်ဆီ သူ့ဓါတ်ပုံများရှိရာ ပြခန်းဆီကို မကြာခဏ အလည်အပတ်သွားရင်းနဲ့ပဲ ကျွန်မ အလွမ်းဖြေ ရတော့မှာပေါ့လေ….။

 သူတို့နှစ်ယောက်အကြောင်းကို အောက်ကပို့စ်တွေမှာ ရေးခဲ့ဖူးပါတယ်...။

၁) သော့တစ်ချောင်းကောက်ရတဲ့ကောင်လေး

၂) သော့တစ်ချောင်းကောက်ရတဲ့ကောင်လေး(၂)

၃) ကျွန်မ၏ ကဗျာဆရာနှင့်တွေ့ဆုံခြင်း

၄) လသာည၏ လေပြေညင်းတို့ဆောင်ယူရာ

၅) ပန်းကလေးရဲ့ ဥယျာဉ်မှူး

၆) ကဗျာမဆန်တဲ့ ကဗျာဆရာ

မိုးငွေ့

ကင္မ္ခ်ီ

 ကိုယ္တိုင္လုပ္ကင္မ္ခ်ီေလးနဲ႔ ၾကက္ဥထမင္းေၾကာ္ မနက္စာရံုးထမင္းဗူး...

ပထမဦးဆံုးအခ်ဥ္တည္ျခင္းပါ...။ အဖြားလုပ္ခဲ႔တဲ႔ မုန္ညင္းခ်ဥ္(ရွမ္းခ်ဥ္)  ဂ်ဴးျမစ္ခ်ဥ္ေတြလုပ္နည္းကို သိေပမယ့္ တစ္ခါမွစမ္းမလုပ္ဖူးေသးပါဘူး...။ ကင္မ္ခ်ီလုပ္တာလြယ္မွန္းသိေပမယ့္ ကိုယ့္ဘာသာကိုယ္မလုပ္ဖူးေသးလို႔ လုပ္နည္းေလးကို စိတ္၀င္စားစရာမာမာရဲ႔၀ါသနာမ်ား ဆီကသြားယူထားတာ...။ သူလုပ္တာေလးက ပုစြန္ေျခာက္လည္းပါေတာ့ စားေကာင္းမယ့္ပံုပဲလို႔..။ အဲဒါနဲ႔ စမ္းလုပ္ၾကည့္တာ တကယ္ေကာင္းပါတယ္...။ မမာရဲ႔ recipe ကိုႏွစ္ဆလုပ္ထားတာပါ...။ မမာက မုန္ညင္းထုပ္တစ္ျခမ္း ကိုယ္က တစ္ထုပ္...။ သူ႔နည္းေလးကို ဒီမွာသြားၾကည့္လို႔ရပါတယ္...။

အေရာင္အတြက္ကို ကိုရီးယားငရုတ္သီးအႏွစ္မထည့္ဘဲ အိမ္မွာရွိတဲ႔ ငရုတ္သီးအေရာင္မႈန္႔ ကိုပဲသံုးထားပါတယ္...။ မုန္လာဥနီပါေတာ့ အေရာင္က သူ႔အလိုလိုကိုလွေနေရာ...။

ဆားရည္သံုးနာရီစိမ္ထားရတဲ႔ လက္တစ္ဆစ္လွီးထားျပီးသား မုန္ညင္းျဖဴတစ္ထုပ္နဲ႔ ဥနီတစ္လံုး

အစာပလာအကုန္ထည့္ျပီး ကိုရီးရမ္းအန္တီေတြလို႔ အားပါးတရနယ္ပါေလ့... .ႏွစ္ဆယ့္ေလးနာရီအခန္းအပူခ်ိန္မွာထားျပီးစရင္ ေရခဲသတၱာထဲသိ္မ္းျပီးစားလို႔ရပါျပီ။

ေနာက္တစ္ခါက် တီတင့္လုပ္တဲ ႔နည္းေလးလုပ္ၾကည့္ဦးမယ္...။

မိုးေငြ႔

ပလပ်စတစ်ပန်းတွေဝတ်မှုန်ကူးတာစောင့်ကြည့်သူ.....

ကိုယ့်လက်ကို ရုတ်တရက်ဆွဲပြီး ကားလမ်းကူးလိုက်တော့ မင်းဘယ်ကို ဦးတည်နေမှန်းမသိ ကိုယ်အံ့အားသင့်ပြီး ဘာမှတောင်မေးလိုက်ချိန်မရဘူး…။ မင်းတွဲထားတဲ့လက်ကိုကြည့်ပြီး ကိုယ်လက်ကို ဒီလိုပဲတစ်သက်လုံးတွဲထားရင် သိပ်ကောင်းမှာပဲလို့ တဒင်္ဂအတွင်း စိတ်ကူးယဉ်လိုက်မိသေးတယ်…။ မင်းကို ဘာမေးခွန်းမှမထုတ်ဘဲ မင်းလက်ဆွဲခေါ်ရာနောက် ကိုယ်နှုတ်ဆိတ်ပြီး လိုက်ခဲ့တယ်….။  မင်းစိတ်လှုပ်ရှားနေလို့ထင်တယ် လက်ဖျားတွေအေးစက်နေတာပဲ…။ မင်းကို ချစ်တတ်ဖို့ကလွဲပြီး တခြားဘာမှမပေးနိုင်တဲ့ မိန်းမတစ်ယောက်အတွက်နဲ့ မင်းခုလို စိတ်လှုပ်ရှားရတာ ထိုက်တန်ရဲ့လား…။ လူတစ်ယောက်နဲ့တစ်ယောက် စင်ကြယ်စွာချစ်ခြင်းမှာ ထိုက်တန်မှုတွေဘာတွေ တွက်ချက်စရာ မလိုဘူးမဟုတ်လား…။

လူ…လေးငါးယောက်သာရှိတော့တဲ့ ပိတ်ခါနီး လက်ဖက်ရည်ဆိုင်ကိုဖြတ်ကျော်လာခဲ့တဲ့အထိ မင်းဘယ်ကိုသွားနေသလဲဆိုတာ ကိုယ်မသိသေးဘူး…။ ကိုယ်တို့ ဒီမှာပဲထိုင်လိုက်မယ်လေဆိုတော့ မင်းက ခေါင်းခါတယ်….။ လမ်းသွယ်ကလေးထိပ် နီယွန်မီးတိုင်အောက်က ပလက်ဖေါင်းမှာ ကိုယ်တို့ရပ်လိုက်တယ်…။ ပြီးတော့ မင်းက ဘာမဆိုင်ညာမဆိုင်နဲ့…“မမ သနပ်ခါးလိမ်းတာ တခါမှ မမြင်ဖူးသေးဘူးလို့”ပြောတယ်…။ ကိုယ်တစ်ချက်ပြုံးလိုက်တော့ ကောင်းကင်က ကြယ်ကလေးတွေနဲ့အပြိုင်  မင်းအပြုံးပွင့်လေးတွေ လင်းခနဲဖြာကျလာခဲ့တယ်…။ 

လမ်းသွယ်ကလေးအတိုင်း ကိုယ်တို့လျှောက်လာခဲ့လိုက်တာ… သစ်ရွက်တွေကြားကနေ အလင်းတွေ ကွက်တိကွက်ကျားဖြာနေတဲ့ လရောင်နဲ့ ညကအေးချမ်းတိတ်ဆိတ်လို့….။ သစ်ပင်လေးကို ပတ်လည်ဝိုင်းထားတဲ့ အုတ်ခုံပေါ်ကိုယ်တို့ထိုင်လိုက်ကြတယ်…။ ကိုယ်တို့နှစ်ယောက်ကြားမှာ မင်းဆီက သက်ပြင်းချသံခပ်တိုးတိုးရယ် ပုရစ်အော်သံနဲ့ လရောင်တစ်ချို့ပဲရှိတယ်…။ တခုခုကို စိတ်အလိုမကျမှုတွေ အနှောက်အယှက်ဖြစ်မှုတွေနဲ့ မင်းတစ်ယောက်ထဲ စိတ်ရှုပ်ထွေးနေမှန်းသိသာပေမယ့် မင်းကိုဘယ်လိုမေးမေး မင်းကဘာမှမဖြစ်ဘူးပဲငြင်းနေတာပဲလေ….။ မင်းကို… စာအုပ်တစ်အုပ်လို့ မဖတ်တတ်ခဲ့တဲ့ ကိုယ့်ညံ့ဖျင်းမှုအတွက် ကိုယ်တကယ်ပဲအားမလိုအားမရဖြစ်ခဲ့ရတယ်…။ မင်းကတော့ မင်းအပေါ်ချစ်နိုင်ခဲ့တဲ့ အမြဲတမ်းအကောင်းမြင်နိုင်ခဲ့တဲ့ ကိုယ့်ကို ဘာကြောင့်လဲလို့ပဲ နားမလည်တတ်စွာ မေးခွန်းတွေအတွင်တွင် ထုတ်နေခဲ့တယ်…။ လူနှစ်ယောက်ကြားမှာ ချစ်ခြင်းဆိုတာ ကြားခံသွားတာနဲ့တပြိုင်ထဲ အပြစ်က သူ့အလိုလို ပျောက်ကွယ်လွင့်ပါးသွားတတ်တာပဲလေ…။ ချစ်နိုင်ခဲ့ခြင်း သီးခံနိုင်ခဲ့ခြင်း စိတ်စေတနာ ထားနိုင်ခဲ့ခြင်းဆိုတာ အကြောင်းပြချက်မှမလိုပဲ…။

မင်းကိုချစ်တယ်ဆိုတာ…. ဘာအရောင်အစွန်းအထင်းမှမှမပါဘဲ…။ မင်း ဘယ်လောက်ပဲ ဆိုးပေတေနေနေ မင်းဟာ ကိုယ့်ဘဝရဲ့ အိန်ဂျယ်တစ်ယောက်ဖြစ်တာနဲ့ ဘာမှမဆိုင်ပါဘူး….။ မင်းဟာကိုယ့်ကို အမြဲတမ်းချစ်ခြင်းတွေနဲ့အပြင် အလွမ်းတွေနဲ့ပါ ထုံမွှမ်းနေစေတဲ့သူ…။ 

တခါတခါကျ မင်းပါးပြင်နှစ်ဖက်ကို ကိုယ့်လက်ဖဝါးတွေနဲ့အုပ်ပြီး လင်းလက်နေတဲ့ မင်းမျက်ဝန်းတစ်စုံကို တည့်တည့်စိုက်ကြည့်ပြီး မင်းကို…ကိုယ်သိပ်ချစ်တဲ့အကြောင်းတွေ တဖွဲ့တနွဲ့ပြောပြချင်တယ် သိလား…..။ ပြီးတော့… သံစဉ်ချိုချိုတွေကို ဖွဲ့သီတတ်တဲ့ မင်းနှုတ်ခမ်းထူထူတစ်စုံရဲ့ ချိုမြမှုကို မြည်းစမ်းကြည့်ချင်သေးတယ်…။

အိုကွယ်….. 

ကိုယ်ဟာ နေ့အိပ်မက်မက်နေတုန်းလား…? 

တိမ်တွေပေါ်လမ်းလျှောက်နေတုန်းပဲလား…?

 ပလပ်စတစ်ပန်းတွေဝတ်မှုန်ကူးတာကို စောင့်ကြည့်နေတဲ့သူလား….ပြောပြစမ်းပါကွယ်…..။ 

ကိုယ့်ကို ဘယ်လိုလူစားမျိုးပဲ မှတ်ချက်ချချင်ကြပါစေတော့… ကိုယ့်ရဲ့ ရူးသွပ်မှုတွေကတော့ ဖွဲမီးလိုပဲ တမြေ့မြေ့နဲ့ ဆက်လက်လောင်ကျွမ်းနေမှာပါပဲ….။

မိုးငွေ့