ကောက်ညှင်းပေါင်း၊ ကြက်ကြော် နဲ့ မော်ဒန်လက်ဖက်သုပ်

မောင်လေးတာချီလိတ်ကပြန်လာတော့ အဒေါ်ကထည့်ပေးလိုက်တာ ကြက်ကြော် ကောက်ညှင်းပေါင်းနဲ့ ယိုးဒယားငရုတ်သီးထောင်း

Strand Hotel မှာ Rich Gem နှစ်ပတ်လည်ရှိုးပွဲလုပ်တုန်းက လာတဲ့ဧည့်သည်တွေကို ကျွေးတဲ့ လက်ဖက်သုပ်...။ ဂေါ်ဖီပြုတ်ရွက်နဲ့ပတ်ပြီး အဲလိုကြွေဇွန်းနဲ့တစ်လုတ်စာစီထည့်ထားတယ် အဲဒါကို အိမ်မှာ လုပ်စားကြည့်တာ

လက်ဖက်ရည်ကြမ်းလေးနဲ့

ဒညင်းသီးပေါ်ချိန် စေးထန်းနေလိုက်တာ....။ ပြုတ်ပြီးသားကိုဝယ်လာပြီး အိမ်မှာတစ်ခါပြန်ပြုတ် အအေးခံ အညှာလေးကိုဓါးနဲ့စိတ်ရှည်လက်ရှည်လှီးထုတ် ထုထောင်း ဆားဖြူးပြီး ဆီဆမ်းထားတာ...။ များများတော့မစားနဲ့ ကျောက်ကပ်ထိခိုက်တယ်...။

မိုးငွေ့

ဒိန်ချဉ်ရေခဲမုန့်

ဆိုင်နံရံလေးကို ဟောဒီလို ရောင်စုံဒီဇိုင်းလေးပြင်ထားတယ်

ဒါက တခြားတဘက်ကနံရံလေးမှာ ဒီဇိုင်းအမျိုးမျိုး စာသားအမျိုးမျိုးနဲ့ လွယ်အိတ်မှာကပ်တဲ့ တံဆိပ်ဝိုင်းပုံ မီးထွန်းထားတယ်...

ရောင်စုံ crunchy လေးတွေဖြူးထားတဲ့ ဒိန်ချဉ်ရေခဲမုန့်

စပျစ်သီးဖြူးထားတဲ့ ဒိန်ချဉ်ရေခဲမုန့်

ချောက်ကလက်ဒိန်ချဉ်ရေခဲမုန့်

ဒါက ဆိုင်အ၀င်ဝညာဘက်ခြမ်းနံရံကစာသား

ပြည်လမ်းပေါ်က တော်ဝင်စင်တာ မြေအောက်ထပ်မှာရှိတဲ့ စားသောက်ဆိုင်တန်းတွေထဲက ဆိုင်လေးတစ်ဆိုင်နဲ့ မိတ်ဆက်ပေးချင်ပါတယ်...။ ဒိန်ချဉ်ရေခဲမုန့်ဆိုင်လေးပါ....။ ဆိုင်နာမည်က “Frolik”တဲ့... “Frolic” မြူထူးဆော့ကစားသည် ဆိုတဲ့ စကားလုံးကလာတာပါ...။ ရေခဲမုန့်ကတော့ ဒိန်ချဉ်တစ်မျိုးတည်းပဲရပါတယ်...။ အပေါ်ကကိုယ်ကြိုက်တဲ့ Topping လေးတွေကိုသာရွေးရတာ...။ အပေါ်မှာပြထားတဲ့ ခွက်က original ပါ အလတ်စားပေါ့... Jumbo size ရှိသေးတယ်.... အော်ခွက်ထက်သေးတဲ့တစ်ဆိုဒ်လည်းရှိပါသေးတယ်...။ အလတ်စားခွက်ကတော့ နှစ်ထောင်ပေးရပါတယ်....။ Topping လေးတွေကတော့စုံပလုံစိနေတာပဲ ...။ အဲ... ဓါတ်ပုံမရိုက်လာမိဘူး...။ သူတို့ခွင့်ပြုမပြုတော့မသိဘူး...။ နောက်တစ်ခေါက်သွားစားဖြစ်ရင် မေးကြည့်ဦးမယ်...။ Chocolate Crunchy တွေပုံစံမျိုးစုံရှိတယ် နွားနို့နဲ့သောက်တဲ့ Corn Flake အရောင်စုံ ရယ်... သီဟိုဠ်စေ့ရှိတယ်... Almond ... မက်မွန်သီး... ဝေဖါမုန့် အပြင် ကြက်ဥခေါက်မုန့်လို အချောင်းလေးတွေလည်းရှိပါတယ်....။ ရေခဲမုန့်မကြိုက်တဲ့ ကျမတောင် အဲဒီဒိန်ချဉ်ရေခဲမုန့်ကို တော်တော်ကြိုက်သွားတယ်...။ အဲဒီနေ့က သူ့နှစ်ဆိုင်ကျော်က ချန်ပီယံကြက်ကြော်သွားစားပြီး အအီပြေဒိန်ချဉ်ရေခဲမုန့်ဝင်စားတာ...။ ကြက်ကြော်က သုံးတုံးကိုနှစ်ထောင်ကျတယ်....။ အဲ... ဒိန်ချဉ်ဆိုင်မရောက်ခင် Pizza Conner က take away ဆိုပြီး ချိတ်ထားတာတွေ့လို့ ...။ Hawain regular တစ်ခုပါဆယ်ကို ဒိန်ချဉ်ဆိုင်လာပို့ပါဆိုပြီးမှာခဲ့တယ်...။ ၀ိတ်လျှော့နေတယ်...။ အစားကြီးလှချေလား မထင်ပါနဲ့....။ အဟဲ......တကယ်လည်းစားပါတယ်ရှင်.....။ ကြိုက်တာကိုးလို့....။

မိုးငွေ့

စနေမိုးရေစက်များနှင့်အလှူ

လှည်းတန်းပွိုင့်မရောက်ခင်က

18.6.2011 စနေနေ့ နေ့လည်(၁)နာရီ စံပြကားဂိတ်ကနေ (၁၂၄)ဘတ်စ်ကိုစစီးလိုက်တာ တစ်နာရီတိတိကြာပါတယ်...။ စထွက်တုန်းကတော့ ရာသီဥတုကအုံ့အုံ့မှိုင်းမှိုင်း...။ ကောင်းကင်ကတော့ အပေါ်ကပုံထဲကမြင်တဲ့အတိုင်းခဲသားရောင်ဖြစ်နေတယ်...။ လေပါလို့ အုန်းလက်တွေလည်းလှုပ်ခတ်နေတယ်....။ ကျမတို့ရဲ့ ဦးတည်ရာကတော့လှော်ကားမှာနေနေတဲ့ အဘဦးသုခကိုလိုအပ်တဲ့ စားစရာနဲ့ ငွေသွားလှူကြတာပါ...။ ရုံးကနေ့တစ်ဝက်ဆိုတော့ ရုံးကညီမနှစ်ယောက်နဲ့ ကျမနဲ့သွားကြတယ်....။ ရွှေပြည်သာကို ရန်ကုန်မှာသာနေတာ တစ်ခါမှ အထဲထိမရောက်ဖူးဘူး...။ လမ်းတစ်လျှောက်ရာသီဥတုက မိုးအုံ့တယ်ဆိုပေမယ့် နေရှိန်ပြီး အိုက်စပ်စပ်ဖြစ်နေတယ်...။ ပထမကားစစီးတော့ ထိုင်ခုံမရဘူး မြေနီကုန်းကျမှ အဆင်းသမားတွေဆီကနေခုံရပါတယ်...။ ကားပြူတင်းနားနေရာရတော့လေတိုက်တာနဲ့ နေရှိန်တာနဲ့ မျက်စိတောင်စပ်ပါတယ်...။ ဒါပေမယ့် ကိုယ်သွားလုပ်မယ့် ကုသိုလ်ကောင်းမှုတစ်ခုအတွက် ကြိုတင်တွေးပြီး ပီတိဖြစ်နေမိတယ်...။ မျက်စိမှိတ်ပြီးလိုက်သွားရင် ဘာမှာမမြင်မတွေ့လိုက်ရမှာစိုးလို့ မျက်စအစပ်ခံပြီး ပတ်ဝန်းကျင်ကို ပြူးပြဲကြည့်သွားတယ်...။ ကားက အင်းစိန်လမ်းမကြီးအတိုင်းသွားတယ်... ဒညင်းကုန်းကျော်တော့ ရွှေပြည်သာမြို့နယ်အစပ်ကိုရောက်ပြီ...။ မြို့ပြင်ရောက်တော့ မိုးတွင်းကလည်းဖြစ် သစ်ပင်တွေစိမ်းစိမ်းစိုစိုနဲ့ ကြည့်ရတာ အေးချမ်းနေတယ်...။ လမ်ဘေးတစ်လျှောက် ကျွန်းပင် အရွက်ဖါးဖါးကြီးတွေ ပိတောက်ပင်တွေ ဗာဒံပင်တွေ ကုက္ကိုပင်ကြီးတွေ စိန်ပန်းပင် ငုဝါပင်တွေစုံလို့ပါပဲ....။ မိုးရွာထားတော့ ကတ္တရာလမ်းဘေး မြေအနိမ့်ပိုင်းမှာရေတွေဝပ်လို့.... အဲဒီရွှံနွန်တောထဲမှာ ကန်ဇွန်းပင်တွေ ပိန်းရွက်တွေ ပြွတ်နေအောင်ပေါက်နေကြတယ်...။ အဲလိုရေ၀ပ်တဲ့ မြေကွက်လပ်တွေ နေရာတိုင်းတွေ့ရတယ်...။ စိတ်ထဲမှာ နယ်မြို့တစ်မြို့ကိုခရီးနှင်နေရတဲ့ အတိုင်းပဲခံစားနေမိတယ်....။ ရန်ကုန်တိုင်းထဲပေမယ့် ဟောင်းနွမ်းပြိုပျက်နေတဲ့ ခရီးသည်နားနေရာကားမှတ်တိုင်တွေ တော်တော်များများတွေ့ရတယ်....။ မြေကြီးမို့မို့ပေါ်မှာ တာလပတ်မိုးထားတဲ့ ကြော်ငြာဗီနိုင်းစတွေ ဟိုဒီတစ်စဆွဲချိတ်ထားတဲ့ လက်ဖက်ရည်ဆိုင်တွေ...။ ၀ါးထံရံကပ်တွေနဲ့လုပ်ထားတဲ့ ဆိုက်ကားဂိတ်တွေ ...။ ရွှံတွေထူလပစ်ဖြစ်နေတဲ့ ရပ်ကွက်ဈေးလေးတွေ.....။ သဘာဝကျကျလေးမြင်ရတာဖြစ်ပေမယ့်.... ဒီဘက်ပိုင်းမှာ တိုးတက်မှုတွေ လိုအပ်နေသေးတာကိုတော့ မျက်ဝါးထင်ထင်မြင်လိုက်ရတယ်...။ သဘာဝပတ်ဝန်းကျင်ကို ဖွဲ့နွဲ့တာနည်းနည်းများသွားတယ် လိုရင်းကိုစလိုက်ကြရအောင်...။ ကျမတို့စီးလာတဲ့ (၁၂၄)ဘတ်စ်ကားက အစိုးရစက်ရုံတွေဖြစ်တဲ့ အုတ်ဖုတ်စက်ရုံ၊ မီးခံအုပ်ဖုတ်စက်ရုံ၊ ရွှေပြည်သာစက်မှုဇုံနဲ့ သာဓုကန်စက်မှုဇုံတို့ကို ဖြတ်ကျော်လာပြီးနောက်...။ အဘဦးသုခသားပြောထားတဲ့ ဂျိုကာမှတ်တိုင်မှာ ဆင်းပါတယ်...။ နောက်တစ်ဂိတ်ဆို ဂိတ်ဆုံးပဲတဲ့ စပါယ်ယာကပြောတယ်...။ အဘကိုကျမသိတာ ဟိုးး ငယ်စဉ်ကတည်းကပါ...။ ကျမတို့ ရှစ်တန်းကိုးတန်းကတည်းက လမ်းမတော်ဘက်မှာ မုန့်လာလာအော်ရောင်းနေကျလေ...။ သူရောင်းတဲ့ မုန့်တွေက ပင်တိုင် ခေါက်မုန့်နဲ့ ရေခဲထုပ်....။ ကျန်တာကတော့ ပဲကြော် မြေပဲကြော် မြေပဲယို နှမ်းယိုနဲ့ ယပ်တောင်တို့ပဲဖြစ်တယ်...။ သူဈေးရောင်းရင် အော်တဲ့ အသံလေးပြောပြချင်ပါတယ်....။

“ပဲကြော် မြေပဲကြော်....” “မြေပဲကြော်....ပဲကြော်” “မြေပဲကိုနှမ်းပစ်.... ကြက်ဥခေါက်မုန့် ရေခဲထုပ် ရေခဲထုပ်....ယပ်တောင် ယပ်တောင် မြန်မာအဲယားကွန်း”

ယပ်တောင်ပါတဲ့နေ့ဆို အဲဒီလေးနောက်ဆက်တွဲအော်တတ်တယ်....။

ဈေးလာရောင်းရောင်းတိုင်း ရုံးညီမတစ်ယောက်က သနားလို့ဆိုပြီး တစ်လတစ်ခါ ငွေငါးထောင်လှူတတ်ပါတယ်..။ အဲလိုလှူရင်းနဲ့ အဘလိပ်စာကို လိုရမယ်ရတောင်းထားလိုက်တာ...။ ပြီးခဲ့တဲ့ နှစ် ရှစ်လပိုင်းကတည်းက အဘဈေးမရောင်းတော့ဘူး ...။ နိစ္စဓူဝကြားနေရတဲ့ အဘဈေးအော်ရောင်းသံမကြားတော့ နေမကောင်းများဖြစ်နေသလား အဘများသက်ရှိထင်ရှားရှိသေးရဲ့လားပေါ့...။ ဒါနဲ့ ပေးထားတဲ့ လိပ်စာနဲ့ တစ်ဆင့်ခေါ်ဖုန်းကနေဆက်ကြည့်လိုက်တော့ ...အဘဦးသုခတစ်ယောက်ဈေးမရောင်းနိုင်တော့ဘူး အိပ်ယာထဲလဲနေပြီတဲ့...။ အဲဒါနဲ့ အဘအားဖြစ်စေမယ့် နို့မှုန့်တို့ ကွေကာအုပ်တို့ ကိတ်မုန့်တို့ကို ပေးချင်တယ်ဆိုတော့...။ သူ့မှာ မြေးမလေးနဲ့သားရှိပါတယ်တဲ့....။ အဲဒီတုန်းက ကျမတို့သေချာမသိလို့ တစ်ခါ သူ့မြေးမလက်ထဲ့ကို ငွေစတချို့အပ်ခဲ့တာ...အဲဒီကလေးမ အဖိုးကိုဝယ်မကျွေးဘဲ ဖျောင်ပစ်လိုက်သတဲ့....။ ခုသွားတော့မှ သေချာဂဃနဏသိရတာ...။ အဘဦးသုခမှာ သားသမီးသုံးယောက်ရှိတယ်...။ အခု အဘကိုပြုစုပေးနေတဲ့ ကိုအောင်သန်းက အလတ်တဲ့...။ အကြီးဆုံးသမီးကလည်း ကျန်းမာနေတုန်းကလာလာပြီး ပိုက်ဆံယူတတ်ပြီး...။ ခုလို လေဖြတ်သွားတော့ ပေါ်မလာတော့ဘူးဆိုပဲ...။ အစောကပြောတဲ့ မြေးမဆိုတာ အဲဒီသမီးအကြီးကမွေးတဲ့ သမီး...။ ဒီ...အခုနေနေတဲ့ တဲအိမ်သာသာ အိမ်ကရံကိုတောင်ယူသွားလို့ ရပ်ကွက်လူကြီးတွေက ပြန်တောင်းပြီး သိမ်းပေးထားရသတဲ့....။ သမီးအငယ်ကတော့ တရားပေါက်သလို ဘာလိုလိုနဲ့ပျောက်သွားတယ်ဆိုပဲ....။ အော်ဗျာ...... ကိုယ့်မိဘအရင်းခေါက်ခေါက်ကိုတောင် ဒီလို လုပ်ရက်တဲ့သူ ဘယ်လိုစိတ်နှလုံးသားနဲ့သူတွေလဲ....။

အဘဦးသုခ အိမ်ကိုသွားဖို့စ၀င်တဲ့လမ်း ဗေဒါပင်လည်းမတွေ့ရဘူး ဘဲအုပ်ကလည်းတစ်ရာနှစ်ရာမဟုတ်ဘူး လေးကောင်တည်း

ဘယ်အိမ်ကအိမ်မွေးခွေးလေးလဲတော့မသိဘူး ရေမချိုးထားပေးတော့ ညစ်ထေးထေး သနားကမားရုပ်လေးနဲ့

အရှေ့နားက ဓါတ်တိုင်ရှိတဲ့ လှိုင်းကြက်ခွပ်ထနေတဲ့ ညာဘက်ချိုးဝင်သွားရမှာ

  ရေလည်ခေါင်က အဘရဲ့အိမ်ကလေး

သီချင်းဆိုပြနေတဲ့ အဘဦးသုခ

  အဘဈေးရောင်းစဉ်ကခေါက်မုန့်ပုံးလေး

 

ကျမတို့ကို ကားပေါ်အတူစီးလာတဲ့ အဲဒီရပ်ကွက်ထဲက အဒေါ်ကြီးလမ်းပြလို့ အဘနေတဲ့ လမ်းကို ရေတွေပါတွေကူးပြီးရောက်သွားတော့ ...အဘသား ကိုအောင်သန်းက မနေ့ကတည်းက ကျမတို့အဖွဲ့လာမယ်ဆိုတာ ဖုန်းကြိုဆက်ထားတော့ လမ်းထိပ်ထွက်ကြိုပါတယ်...။ ကိုအောင်သန်းဆိုတာ ရိုးပုံရိုးအနဲ့ အသက်လေးဆယ်ကျော်ငါးဆယ်နီးပါး အရွယ်လောက်ရှိမယ်...။ အဘနေတဲ့ အိမ်ကလေးကိုဝင်ဖို့ ရေတွေကအပြည့်။ ၀ပ်နေတဲ့ရေတွေက ဖို့ထားတဲ့ သဲအိတ်ပေါ်တောင် ကျော်နေပါပြီ...။ အိမ်လေးက ခြေတံရှည်အိမ်ကလေး...။ အင်းလေ... ခြေတံရှည်သာမဟုတ်ရင် နေစရာတောင်မရှိလောက်ဘူး...။ အဲဒီထဆင်ထူးရပ်ကွက်က အိမ်တိုင်းလိုလို မိုးတွင်းရေလွတ်ဖို့ ခြေတံရှည်တွေဆောက်ထားပုံရပါတယ်...။ အိမ်ကပြင်မှာ ဖိနပ်ချွတ်ပြီး အိမ်ပေါ်လှမ်းတက်လိုက်တော့.. ပင့်ကူအိမ်တွေတွယ်သန်းနေတဲ့ ဘုရားစင်အောက်မှာ အောက်ပိုင်းကို ခပ်နွမ်းနွမ်းစောင်တစ်ထည်ခြုံပြီး ပက်လက်ကလေးရှိနေတဲ့ အဘဦးသုခ....။ ပြီးတော့ ကျိုးတိုးကျဲတဲ ကြမ်းပြင်မှာပဲ ဒီတိုင်းကျောခင်းရတော့ အဘကျောတွေ နာနေရှာမှာပဲ... ။ ဘာလို့ အခင်းခင်းမပေးလဲမေးတော့။ အခင်းက ခဏခဏ ဆီးသွားဝမ်းသွားဆိုတော့ သူလဲမလျှော်နိုင်တော့တာ...။ ပြီးတော့ အဲဒီမှာက ရေလဲရှားတယ်...။ ကိုအောင်သန်းက “အဖေ... ဒီမှာ ဘယ်သူတွေလာသလဲသိလား” ဆိုတော့...။ “စွမ်းမိသားစုကလား”တဲ့...။ သူ့ကိုလှူနေကျသူတွေဖြစ်မှာပေါ့...။ “မဟုတ်ဘူး အဘရဲ့ သမီးတို့က ရွှေတောင်တန်းကပါ” လို့ပြောလိုက်တော့ သူမှတ်မိတယ်...။ ကျန်းမာနေတုန်းက ဒီလှော်ကားကနေ ရထားစီးပြီး ဟိုးး မြို့ထဲအထိ ဝေးဝေးလံလံဈေးသွားရောင်းတာ...။ ပြီးတော့ လမ်းမတော်တစ်မြို့နယ်ထဲမှာပဲ ပတ်ရောင်းတာ...။ ငယ်ငယ်တုန်းက အဘ“ယပ်တောင် ယပ်တောင် မြန်မာအဲယားကွန်း”လို့အော်ရင် သိပ်သဘောကျတာ....။ ကျမတို့ ကိုအောင်သန်းထံ အဘအတွက် မုန့်နဲ့ ငွေတွေအပ်ပြီး အဘနဲ့စကားတွေပြောဖြစ်တယ်...။ အဘက မျက်စိကွယ်နေပြီ...။ ဒါပေမယ့် အသံကတော့ အောင်တုန်း...။ ဘေးအိမ်က အစ်ကိုကြီးတစ်ယောက်က “ဧည့်သည်တွေကို သီးချင်းဆိုပြလိုက်ပါဦး”ဆိုတော့....။ ဆိုတာများ အသံလုံးကြီးကြီးနဲ့....အဲဒီနားက လေးငါးအိမ်ထိကြားရမယ်....။ ဘာသီချင်းမှန်းခေါင်းစဉ်သေချာမသိပေမယ့် သမိုင်းထဲက သူရဲကောင်းတွေအကြောင်း စပ်ဆိုထားတဲ့ သီချင်းတစ်ပုဒ်ပဲ....။ နောက်....“အနော်ရထာရွှေကြိမ်လုံးရယ်နဲိ့ထွန်းတုံးကိုတဲ့”လို့အစချီပြီး အနော်ရထားမင်းကြီး လယ်ထွန်သွားတဲ့ တေးထပ်ကဗျာကိုလဲ ချက်ကျကျလေး ရွတ်ပြသေးတယ်...။ အဘကိုသမီးတို့ မုန့်တွေလာပေးတာ ပိုက်ဆံလာလှူတာလို့ပြောတော့...။ “အေးးကွယ်... အိုဗာတင်းပါလား...”တဲ့ ။ ပြောပါသေးတယ်....ပိုက်ဆံလာလှူတာဆိုတော့ “ပိုက်ဆံရရင် ဗိုက်လန်ပြမယ် .... ပိုက်ဆံမရရင် အမိုက်အမှန်ပွမယ်...”တဲ့ သီချင်းဆိုသလိုဆိုပြတယ်....။ “လူဖြစ်တာ ဆင်းရဲရင် ဘ၀တစ်ဝက်သေတာပဲ... အိုရင် ဘ၀တစ်ဝက်သေတာပဲ”တဲ့...။ ခုခေတ်ခါ အားကိုးရာမဲ့သက်ကြီးရွယ်အိုတွေ တော်တော်များများ လမ်းဘေးမှာတောင်းစားနေရတဲ့အချိန်မှာ အဘဦးသုခကတော့ အိပ်ယာထဲမလဲတဲ့ အချိန်ထိအလုပ်လုပ်သွားခဲ့ပါတယ်...။ မာနရှိတဲ့ ကိုယ့်အားကိုယ်ကိုးတတ်တဲ့ အဘဟာ သိပ်ကို ဂုဏ်ယူစရာကောင်းတဲ့ စံနမူနာထိုက်တဲ့ အဘိုးကြီးတစ်ယောက်ပါ..။ အသက်(၈၁)နှစ်ဆိုပေမယ့် အဘက မှတ်ဥာဏ်တွေကောင်းတုန်း...။ အဘရယ် ဘာမှမစဉ်းစာနဲ့ တရားသာမှတ်ပါလို့ပြောတော့... ဓမ္မာရုံကနေ့တုန်းဖွင့်တဲ့ တရားခွေတွေကို ကြားနာနေရတာပါတဲ့....။ အဘကို ဓါတ်ပုံတွေရိုက်...။ ဗီဒီယိုမှတ်တမ်းရိုက်ပြီး ခေါင်းရင်းမှာတွေ့ရတဲ့ အဘရဲ့ ခေါက်မုန့်ပုံးလေးကိုပါရိုက်ခဲ့တယ်...။ အိမ်ဘေးကသူတွေက မိုးရိပ်တွေမဲမှောင်နေပြီး အောင်သန်းရေ...ဧည့်သည်ကိုပြန်ပို့ချည်တော့ဆိုတော့မှ ကျမတို့လဲ ပြန်ဖို့လုပ်တော့တယ်...။ အိမ်ပြင်ထွက်လာတော့ ကောင်းကင်ကြီးတစ်ခုလုံး ခဲသားပုပ်ရောင်တွေက အညိုးဖွဲ့နေပုံပေါက်နေပါတယ်...။ ကိုအောင်သန်းက ကျမတို့ကို ကားစီးရမယ့် ဂိတ်အစထိလိုက်ပို့ပေးပါတယ်....။

ရေဆိုးရေညှစ် အမှိုက်သရိုက်တွေနဲ့နေအိမ်တစ်အိမ်

မနှစ်ကမှစခင်းပေးနေတဲ့ ကွန်ကရစ်လမ်းပေါ်က ဓါတ်ပုံရိုက်နေတဲ့ မိုးငွေ့နဲ့ သူ့ကိုရိုက်တယ်ထင်လို့ ပို့စ်ပေးနေတဲ့ ကလေးလေး....

ရေမြှုပ်နေတဲ့ ခြံထဲက အပန်းဖြေ ထိုင်ခုံလေးနှစ်လုံး

ရေပေါ်လက်ဖက်ရည်ဆိုင်နဲ့ ဈေး

 

ကားထွက်တော့ မိုးကခပ်စွေစွေပဲရွာပါတယ်...။ မိုးစက်တွေကိုကြည့်ပြီး ပျော်စရာကြီးလို့ ပြောတော့ ပါလာတဲ့ ရုံးကညီမလေးက မိုးရွာတာပဲပျော်စရာလို့ပြောတဲ့ ကျမကို ရယ်ပါတယ်....။ ဘာပဲဖြစ်ဖြစ် ကျမကမိုးကိုချစ်တာကိုး....။ အသွားတုန်းကတွေ့ခဲ့တဲ့ လမ်းဘေးမှာပေါက်နေတဲ့ ပိန်းရွက်တွေတိုင်းရဲ့အပေါ်မှာ မိုးရေစက်တွေတင်နေတာများ စိန်တစ်ပွင့် ကျောက်တစ်လုံးလိုပဲ လက်လက်ကိုထလို့...။ စောစောက တိမ်ရိပ်တွေကိုကြည့်ရတာ အညှိုးတကြီးရွာချမယ့်ပုံနဲ့.....။ ရွာတော့ရွာချလိုက်ပါတယ်...။ ကျမတို့ကားလှည်းတန်းနားရောက်တော့လေ....။ ကိုယ်ဆင်းရမယ့်ဂိတ်မှာတော့ မိုးက၀ုန်းဒိုင်းကိုကျဲနေရောပဲ....။ ခရီးဝေးလို့ ကားစီးရတာ ပင်ပန်းပေမယ့် ကိုယ်ပြုခဲ့တဲ့ အလှူဒါနအတွက် ကျေနပ်ဝမ်းသာပီတိဖြစ်ရလို့ မိုးရွာရွာ နေပူပူမှုပါဘူး...။ အဘကိုမှတ်တမ်းတင်ခဲ့တဲ့ ရည်ရွယ်ချက်ကလဲ မမြသွေးနီတို့ရဲ့ “Save The Age” သက်ကြီးရွယ်အိုစောင့်ရှောက်ရေးအသင်းကို ဓါတ်ပုံနဲ့တကွ အကြောင်းကြားချင်လို့...။ နောက်ပြီး ဒီလကမှစပြီး အဲဒီအဖွဲ့အစည်းမှာ ကျမနဲ့ ရုံးကညီမနှစ်ယောက်ပေါင်း ငွေတစ်သောင်းပုံမှန်အလှူထည့်ဖို့ပြောထားပြီးသား...။ နောက်များလဲ အချိန်ရရင် ရသလို ခုလိုပဲ ထပ်သွားဖို့ အစီစဉ်ရှိပါတယ်...။ လောလောဆယ် အဘဦးသုခအတွက် မွေ့ယာနဲ့ အိပ်ယာနာမပေါက်တဲ့ ပလပ်စတစ်အခင်း ၀ယ်ပေးဖို့စီစဉ်နေပါတယ်...။ အဘကိုစေတနာမေတ္တာအားဖြင့် ကူညီချင်သူတွေအတွက် အောက်မှာ ဆက်သွယ်နိုင်တဲ့ လိပ်စာလေးရေးပေးထားပါတယ်...။

မြို့ပြင်မှာတင်ရေကြီးတာမဟုတ်ပါဘူး... ကျမတို့မြို့နယ်မှာလဲ ရေကြီးပါတယ်...

ဦးသုခ အမှတ်၂၂၉၅/B ၊ သစ္စာ(၃)လမ်း၊ (ထ)ရပ်ကွက်၊လှော်ကား၊ ရွှေပြည်သာမြို့နယ်။ 

တစ်ဆင့်ခေါ်ဖုန်း 0973091101

မိုးငွေ့

ထမင်းလက်ဖက်သုပ်နဲ့ မချစ်စု

ညီမလေးကဆိုင်ကပြန်လာတော့ ဗိုက်ဆာတယ် ထမင်းနဲ့ဟင်းလည်းမစားချင်ဘူးတဲ့....။ ဒါဖြင့် ထမင်းလက်ဖက်သုပ် စားမလားသုပ်ပေးမယ်ဆိုတော့... ကြက်ဥပါမိုးပေးဆိုလို့....။ ရေခဲသေတ္တာထဲက ချဉ်စပ်လက်ဖက်ကို ထမင်းပေါ်တစ်ဇွန်းလောက်ခပ်ထည့် ပဲဆီနည်းနည်းဆမ်း ဆားလေးဖြူးပြီး အားရပါးရ နယ်ဖတ်လိုက်တယ်... ပန်းကန်ထဲကို ပုံစံခွက်လေးနဲ့မှောက်ထည့်ပြီး ကြက်ဥ ဟက်ဖရိုက်မိုးပေးလိုက်တယ်...။ ထုံးစံအတိုင်းပေါ့ ကြက်ဥကတော့အမြင်မလှဘူး အဲလိုကျွမ်းတာ...။

မန်းလေးကို ညီမတစ်ဝမ်းကွဲလေး အစည်းဝေးသွားတက်ပြီးအပြန် ၀ယ်ခဲ့တဲ့ လက်ဆောင်ပါ....။ မချစ်စုပေမယ့် ရန်ကုန်မှာလို အမျှင်မများဘူး...။ စိန်တလုံးသရက်သီးအကြီးစားလားထင်ရတယ်....။ ချိုအီပြီး အသားလေးက ချောမွတ်နေတာ ကျောက်ကျောလေးအတိုင်းပဲ.......။ ခုတလော ညစာလျှော့စားနေတော့ အသီးကိုပဲ များများစားလိုက်တယ်...။ ဒါကြောင့် ဒီသရက်သီးတစ်ပွဲလုံးသည် မိုးငွေ့တစ်ဦးတည်းစားဖို့ပါ...။

မိုးငွေ့

ခေါင်းစဉ်မပါတဲ့ ကောင်းကင်

အိန်ဂျယ်ရေ........ မင်းပြောတော့.............ကိုယ်ရေးခဲ့ဖူးတဲ့ “ကဗျာလူ”ဆိုတဲ့ ကဗျာကိုကြိုက်တယ်ဆို......။ ကိုယ့်အက်ဆေးလှလှလေးတွေကို ကြိုက်တယ်ဆို.....။
တုန့်ပြန်မှုမရှိတဲ့ သူကို နှုတ်ဆက်စကားဆိုရင်း တိတ်တဆိတ်ထွက်လာခဲ့တဲ့ ခြေလှမ်းတွေ လေးလံနေလိမ့်မယ်...။ တိတ်ဆိတ်မှုတွေလွှမ်းခြုံနေတဲ့ ညဥ့်နက်နက်လာလေ.... အိပ်မရတဲ့ ညတွေပိုပိုရှည်လာတာကို သတိထားမိလာတယ်....။ ဘယ်တော့မှမီးထွန်းမထားတဲ့ အိမ်လေးဆီကို စမ်းတ၀ါးဝါးသွားဖို့ကြိုးစားနေမိတဲ့ ကိုယ့်ကိုယ်ကို ဘယ်လိုရပ်တန့်ရမယ်ဆိုတာ သင်ယူရဦးမယ်....။ ဘယ်လောက်ထိကြာအောင် သင်ယူရမလဲ ကိုယ်မသေချာသေးဘူး....။

ကိုယ့်နှုတ်ဆက်သံတွေကနွေးထွေးလှိုက်လှဲသလောက် သူ့တုန့်ပြန်စကားတွေက အစိမ်းရောင်တွေနဲ့ သုတ်လိမ်းထားတယ်.........။ အဲဒီအတွက် ခံနိုင်ရည်ကလည်းမရှိလိုက်တာ.....။ မျက်ရည်တွေက ဆရာမကြည်အေး မိုးကဗျာထဲကလို ပိုးပိုးပေါက်ပေါက်ခုန်ဆင်းကျလာကြတယ်.....။ ခရီးနှင်ခဲ့တာ အဝေးကြီးမို့ တစ်ကိုယ်လုံးလဲ ညောင်းညာနေအောင် မလှုပ်ချင်တော့ဘူး........။ ကိုယ့်ကို ရေတစ်ခွက်လောက်တိုက်ပါ.........။ ကော်ဖီဖျော်တိုက်ချင်လဲရပါတယ်....။ ကိုယ်....မင်းဖျော်တဲ့ ကော်ဖီသောက်ချင်ပါတယ်.........။ ဒါပေမယ့်လည်း ကံဆိုးမိုးမှောင်စွာပဲ ကိုယ်သောက်မယ့်အလှည့်ကျမှ ကော်ဖီကကုန်သွားပြီတဲ့............။

ရပါတယ်....ထားလိုက်ပါ........။ ကိုယ့်ဝဋ်ကြွေးနဲ့ကိုယ်ပဲရှိပါစေတော့.......။ အတောင်ပံတစ်စုံနဲ့ အမှောင်ထုတွေထဲကို ပျောက်ကွယ်သွားချင်လှပြီ....။ အစကတည်းက ရိပ်မိသင့်တယ်......။ မင်းဘက်မှာရှိတဲ့ အစိမ်းရောင်မြက်ပင်ရှည်တွေက မင်းရဲ့အရောင်ကို ကိုယ်စားပြုတာပဲ..........။ ဖျော့တော့တဲ့ ငွေမှင်ရောင်တွေက ကိုယ့်ရဲ့ချိနဲ့နှုံးခွေနေတဲ့နှလုံးသားအတွက် ကိုယ်စားပြုတဲ့ အရောင်....။ ပြုံးတစ်ခါ မဲ့တစ်လှည့်နဲ့ ကိုယ့်ကိုလဲ မျက်လှည့်ပြတတ်သေးတယ်.....။ မင်းကိုနားလည်ဖို့ ကြိုးစားပိုင်ခွင့်ကိုယ့်မှာမရှိပါဘူး...။ အမြဲမှိန်ပြနေတဲ့ မီးအိမ်ကလေးကို ကြယ်စင်တွေရဲ့ ထွန်းလင်းတောက်ပမှုနဲ့ ကိုယ်အမှတ်မရှိ လိုက်ရှာနေမိတုန်းပဲ..။ မဖြောင့်တဲ့ လမ်းကျဉ်းလေးက မကြာခဏပျောက်ပျောက်သွားတတ်လွန်းလို့ မနည်းသတိထားကြည့်နေရတယ်.....။ မှောင်ကလည်းမှောင်သေး....။ အမြင်အာရုံတွေေ၀၀ါးလာရင် ကိုယ်ခဏတော့နားရမယ်........။ တစ်နေရာထဲမှာ စုပြုံပြီး နာကျင်မှုတွေရောက်နေကြတယ်.........။ ဘယ်အနာကို အရင် ကုသမလဲလို့ ကိုယ်မစဉ်းစားပါဘူး..........။ လက်ချောင်းတွေ တစ်ကိုယ်လုံးညောင်းညာကိုက်ခဲတာတွေကို ကိုယ်မမှုပါဘူး.......။ ဘာလို့လဲဆိုတော့ ကိုယ့်အကျီင်္ရဲ့ ဘယ်ဘက်အိပ်ကပ်အောက်က နုနယ်တဲ့ အရာဝတ္ထုရဲ့ နာကျင်မှုကို လိုက်မမီကြလို့ပါ..........။ သူ့ခင်ဗျာ.... ကိုယ့်ရဲ့ အသက်ရှင်ရပ်တည်မှုအတွက် ဒိုင်းတစ်ခုလို ကာကွယ်အုပ်မိုး အနှစ်နာခံ ရုန်းကန်နေရရှာတာပါ..........။

တစ်ကိုယ်လုံးကိုင်ရိုက်ခံထားရသလိုပဲ နာကျင်ပေမယ့်.......... ကိုယ့်ရဲ့ ဘယ်ဘက်ခြမ်း အရှေ့မြောက်ရပ်ဝန်းက အခန်းငယ်လေးတွေအတွက် ကိုယ့်ရဲ့မျက်လုံးတွေ လက်ချောင်းတွေ အလုပ်လုပ်နေရဦးမှာ.....။ ကိုယ်မအိပ်ချင်သေးပါဘူး.......။ အိပ်ပျော်သွားတော့ရော.... မင်းက အိပ်မက်ထဲလာမှာမို့လို့လား........။ ဟင့်အင်း ကိုယ်မထင်ပါဘူး မင်းလာမယ်ဆိုတာ.........။ ကမ္ဘာကြီးတစ်ခုလုံး ရပ်တန့်သွားမယ့်နေ့....... ပင်လယ်ရေတွေ ခန်းခြောက်သွားမယ့်နေ့......... ဂီတသံစဉ်တွေအားလုံး ဆိတ်ငြိမ်သွားမယ့်နေ့......... ကောင်းကင်မှာ ငှက်ကလေးတွေ မပျံသန်းတော့မယ့်နေ့......။ ဟုတ်တယ် ... မင်းရောက်လာခဲ့မယ်ဆိုရင် အဲဒီနေ့တွေဖြစ်ပျက်သွားလိမ့်မယ်........။ အဲဒီမီးထွန်းမထားတဲ့ အိမ်ဆီကို ကိုယ်ဘယ်တော့မှ မသွားတော့ဘူးလို့ ဆုံးဖြတ်ချက်ချချင်တယ်..........။ အဲခါကျရင် အမှောင်ထဲကပုန်းနေတဲ့ မင်း.... ကိုယ့်ဆုံးဖြတ်ချက်အတွက် ဘယ်လိုမှတ်ချက်ချမလဲ.....။ အားနာစွာနဲ့း( ဒီလိုမဲ့ပြမှာလား........။ ကိုယ့်ဆုံးဖြတ်ချက်ကို သဘောတူတစ်ဝက်မတူတစ်ဝက်နဲ့ မင်းစိတ်ကို ကိုယ်ခံစားမိနေတယ်.........(မှန်တယ်ဆိုရင် လက်ခုတ်တီးပြပါလို့ ပြောပိုင်ခွင့်လဲမရှိပါလား).... ဟူး....... ။

မိုးငွေ့

ကြက်သားမုန်ညင်းချဉ်ကြော်

တာချီလိတ်က အဒေါ်ပို့လိုက်တဲ့ မုန်ညင်းချဉ်တွေပါ......။ အထုပ်လိုက်အချဉ်တည်ထားတော့.... အရွက်လိုက်ဖြေပြီး ရေစင်စင်ဆေး....ပါးပါးလှီးပြီးပန်ကန်ထဲထည့်ထား....။ ကြိတ်ပြီးသား ကြက်သား (၁၀၀)ဂရမ်လောက်ကို အသားမှုန့် ပြောင်းမှု့န် ပဲငံပြာရည်ကြည် နဲ့ ဆီနည်းနည်းထည့်နယ်ထား....။ ကြက်သွန်ပါးပါးလှီး ဂျင်းလက်တစ်ဆစ်ကို အချောင်းလိုက်လေးလှီးထား...။ ဆီပူအိုးထဲကို ကြက်သွန်နဲ့ ဂျင်းထည့်ပြီး မွှေးလာရင် ကြက်သားထည့်ကြော်...။ ကြက်သားအညိုရောင်ဖြစ်သွားတဲ့အထိကြော်ပြီး မုန်ညင်းချဉ်ထည့်ကြော်ပါ...။ သကြားကို လက်ဖက်ရည်ဇွန်းနှစ်ဇွန်းလောက်ထည့် ဆားကိုမြည်းကြည့်ပြီးမှ
ထည့်ပါ... မုန်ညင်းချဉ်ကငံပြီးသားမို့....။ မုန်ညင်းချဉ်ကိုမခြောက်တခြောက် အနေထားထိ အဆက်မပြတ်မွှေပြီးကြော်ပါ...။

မုန်ညင်းချဉ်ကြော်ပေါ်ကို ငရုတ်သီးခြောက်ကြွပ်ကြော်လေးဖြူးပြီး ငရုတ်သီးကြော်လေးနဲ့ တွဲဖက်စားရင် သိပ်ကောင်းပါတယ်...

မိုးငွေ့

ရှမ်းငါးချဉ်စပ်ဟင်းချို

တီလာဗီးယားငါးနှစ်ကောင်ကို ခုတ်ထစ်ပြီးရေစင်စင်ဆေး ဆားနယ်ထား...။ ရေပွက်ပွက်ဆူတဲ့အိုးထဲကို ခရမ်းချဉ်သီးနှစ်လုံး လေးစိပ်စိပ်ထည့် .... စပါးလင်းဓါးပြားရိုက်တစ်ချောင်း... ပဒဲကော လက်တစ်ဆစ်ရိုက်ထည့်...ဆားနဲ့ ကြက်သားမှုန့်ထည့်....။ သုံးမိနစ်လောက်ပေးဆူပြီးရင် ငါးတုံးလေးတွေထည့်.... ငါးမိနစ်လောက်ထပ်ပေး ဆူလိုက်ဦး...။ အဲဒီချိန်မှာ မကျည်းမှည့်ကိုရေဖျော်ထား.... ။ ရှမ်းနံနံ နံနံပင် ငရုတ်သီးစိမ်း ပင်စိမ်းနဲ့ ဖတ်ဖိုင်ရွက်ကို ရေဆေးပြီး တစ်လက်မအနေထားလှီးထားလိုက်....။ မကျည်းရည်ထည့် အပေါ့အငံမြည်းပြီး အရွက်တွေအားလုံးကိုအုပ် မီးပိတ်လိုက်တော့....။

ဟောဒီလို ပဒဲကောနဲ့ စပါးလင်နံ့မွှေးနေတဲ့ ငါးချဉ်စပ်ဟင်းချိုရပြီပေါ့...အရောင်လေးကအဖြူတည်လေးပေမယ့် ချဉ်စပ်အရသာလေး ..။ ရှမ်းပြည်မှာဆို အဲဒီငါးဟင်းကို ကောက်ညှင်းပေါင်းနဲ့စားတာ အရေသောက်လိုက် ငါးအသားဖတ်တွေကို ပဲပုပ်မှုန့်နဲ့တို့စားလိုက်နဲ့ ဂွတ်မှဂွတ်ပဲ....။(ပဲပုပ်မှုန့်ထဲမှာက ရှမ်းငရုတ်ကောင်းလှော်နဲ့ ငရုတ်သီးပီနန်သီးအခြောက်ကို လှော်ပြီး ဆားအချိုမှုန့်ထည့်ထားပြီးသား အရသာရှိပြီးသားပဲပုပ်မှုန့်ပေါ့) ရှမ်းငရုတ်ကောင်းကိုတော့ ဒီမှာ သွားကြည့်လို့ရပါတယ်...။

မိုးငွေ့

အတွယ်အတာ....

အချိန်က ညဆယ်နာရီ ဆယ်မိနစ်… ။ ဗိုက်အရမ်းဆာလာလို့ ခေါက်ဆွဲပြုတ်တစ်ခွက်ကိုသောက်ရင်းက အကြောင်းအရင်းမရှိ ရင်ထဲဝမ်းနည်း စို့နင့်လာသလိုလို ခံစားမှုမျိုး….။ ဒီလို ခံစားမှုမျိုး ကိုယ့်ဆီရောက်မလာတော့တာ နှစ်ပေါင်းများစွာရှိနေပြီပဲ…။ မညီမျှတဲ့ ညီမျှခြင်းတစ်ခုကို အတင်းဆွဲညှိယူလို့မရတာမျိုး… ရင်ထဲတစ်ဆို့ဆို့နဲ့….။

ရစ်ပတ်တွယ်ငင်ခြင်းဆိုတဲ့ ဒီအမျှင်တန်းတွေ…. ကိုယ်ဆီထပ်မရောက်လာပါနဲ့တော့….။ ကိုယ့်အရွယ် ကိုယ့်ရဲ့ ရင့်ကျက်မှုနဲ့ ခံနိုင်ရည်ရှိတယ် ဆိုပေမယ့်လေ….။ တခါတလေ လောကနိယာမတရားကို အချိန်တွေ အသက်အရွယ်တွေက အလွယ်တကူ ချိုးဖေါက်ပစ်တတ်တာမျိုးလဲရှိတာကိုး…။ အဲဒီလိုတွင်းနက်ထဲကို ခုန်ဆင်းဖို့အထိတော့ ကိုယ့်အသိဉာဏ်တွေက ကိုယ့်ကို မိုက်မဲခွင့်မပြုပါဘူး….။ ခေါက်ဆွဲပြုတ်က သံပုရာသီးညှစ်တာနည်းနည်းများသွားလို့ ချဉ်သွားတယ်…။ ဘယ်အရာကိုမှ လွန်လွန်ကျူးကျူး မခံစားမိဖို့ ကိုယ့်ကိုသတိပေးသလိုပါပဲ…။

ကမ္ဘာပေါ်မှာ စိတ်ကူးအယဉ်ဆုံးလူတွေဟာ စာရေးဆရာတွေလား….။ စိတ်ကူးကမ္ဘာထဲ ပျော်မွေ့ပါများတော့ လက်တွေ့ဘဝရဲ့ တန်ပြန်မှုကို ခံနိုင်ရည်မရှိတတ်ကြဘူးတဲ့…။ ခုတလော မီးဖိုချောင်လက် မလှည့်ဖြစ်ဘူး…။ ခံစားချက်တွေများနေတယ်…။ မဖြစ်ဘူး… အလုပ်ကို ထမင်းဗူး ပြန်ထည့်မှပါ…။ အပြင်စာတွေကညစ်ပတ်တယ်…။ စီပိုးတွေကလည်း အဖြစ်များနေတယ်…။ အသက်ကိုဉာဏ်စောင့်၏တဲ့…။ နောက်ဘဝအတွက် ဘာကောင်းမှုကုသိုလ်မှ မလုပ်ရသေးဘဲ လောကကြီးထဲကနေတော့ ပစ္စလက်ခတ်ထွက်မသွားချင်သေးဘူး…။ ကိုယ့်မှာ တွယ်တာစရာတွေက ခပ်များများရယ်…။ ကိုယ့်စာတွေ… ကိုယ့်ပိတ်သတ်တွေ… အဲဒါတွေက ကိုယ့်ဝိဉာဉ်ရပ်တည်နေဖို့ မရှိမဖြစ်တွေလေ…။

ပြီးတော့ ဧရိယာပြင်ပရောက်နေတဲ့ သူနဲ့လည်း စကားသေချာမပြောဖြစ်သေးဘူး…။ ခုတလော အလုပ်များနေတယ်တော်တော်ပဲ…။ ထူးထူးဆန်းဆန်း ဖုန်းတောင်ဆက်ပြီး “ကိုယ်အလုပ်တွေအရမ်းရှုပ်နေတယ်”တဲ့…တုံးတိကြီးပြောတယ်…။ ကိုယ်လဲ “အိုကေလေ… ဒါဆိုလဲ မပြောတော့နဲ့ တာ့တာ” ဆိုပြီး ဖုန်းချပစ်လိုက်တယ်…။ အေးရော….။ အိမ်ကပေးစားမယ့် မိန်းမနဲ့လက်ထပ်ရတော့မယ်ဆိုပဲ….။ အင်းလေ အိမ်ကပေးစားမှ ရမယ့်အခြေအနေကိုးလို့… မခံချင်အောင်ပြောလိုက်တော့ တကယ်ပဲ ကိုယ့်သူငယ်ချင်းလေး ဆတ်ဆတ်ခါထိသွားတာ…။ ခုလဲ ခေါက်ဆွဲစားရင်း သီချင်းနားထောင်ရင်း သူနဲ့အလ္လာဘ သလ္လာဘများပြောမလားမှတ်တယ်…။ ဧရိယာပြင်ပတဲ့…။

မိုးငှေ့

အဝေးကပဲဆက်ချစ်သွားမယ်....

ကိုယ်ခဏကလေး ကွန်ပျူတာစခရင်နဲ့ဝေးသွားတဲ့ အချိန်အတွင်းမှာ…..မင်းရောက်လာခဲ့တယ်….။ ခဏကလေးပါပဲ….. ကိုယ်ပြန်ရောက်လာချိန်မှာ မင်းရှိနေသလားမရှိဘူးလားတော့ မင်းကိုယ်တိုင်ပဲသိလိမ့်မယ်….။ မတွေ့ရတာကြာပြီဖြစ်တဲ့သူတွေ နှုတ်ဆက်လေ့ရှိတဲ့ စကားမျိုးမဟုတ်ဘဲ….. မင်းသိချင်တဲ့ မေးခွန်းလေးတစ်ခုကို မင်းဘာသာမင်းရွတ်ဆိုသွားတဲ့ စကားလေး……။ နှစ်ကြောင်းလောက်ပါပဲ….။ အမြဲတမ်းကိုယ်ယောင်ဖျောက်ပြီး လာတတ်တဲ့အတွက် မင်းကို ကိုယ်ပြန်ပြောလိုက်တဲ့ စာတစ်ကြောင်းနှစ်ကြောင်းရဲ့ တုန့်ပြန်မှုကို ကိုယ်တိတ်တဆိတ် မျှော်လင့်နေခဲ့တယ်…..။ ဒါပေမယ့် မင်းဘာမှပြန်မပြောခဲ့ဘူး….။ မင်းပြန်ထွက်သွားသလား လိုင်းကျနေလို့လား ဒါမှမဟုတ် မင်းပုန်းပြီး…. ကိုယ်ကိုချောင်းကြည့်နေခဲ့သလား….....။

ကိုယ်လက်ချောင်းတွေ ကီးဘုတ်ပေါ်မှာ အဆင်သင့်လေးတင်ထားလျက်….. ပြန်မရောက်လာတော့တဲ့ မီးလင်းမနေတဲ့ မင်းနာမည်လေးကိုပဲ ကိုယ်တွေတွေလေး ငေးကြည့်နေမိတယ်…..။ စခရင်ဆေဗာမှာ ပူဖေါင်းလေးတွေ အရောင်စုံတစ်လုံးပြီးတစ်လုံးတက်လာနေတယ်…..။ သိပ်မကြာခင် ကိုယ်ခလုတ်တစ်ခုခုကို မဖိလိုက်ရင် ကွန်ပျူတာလေး အမှောင်ကျသွားတော့မယ်…..။ မင်းလည်းအမှောင်ထဲ ပျောက်ကွယ်သွားမယ်….။ မဟုတ်ပါဘူး…. မင်းနာမည်လေးနဲ့ ဘောက်စ်လေး ပျောက်သွားလိမ့်မယ်…..။ တခဏလေးပါပဲ ခလုတ်တစ်ခုခုကို ကိုယ်လက်ချောင်းနဲ့ထိလိုက်ရင် ပြန်ပေါ်လာမယ်ဆိုတာသိနေပေမယ့် အဲဒီတခဏလေးပျောက်သွားမှာကို ကိုယ်စိုးရိမ်နေတယ်….။

မင်းကပူဖေါင်းကြည်ကြည်လေးတွေနဲ့တူတာပါ…..။ ဟုတ်တယ်….. တို့ထိလိုက်မိရင် ဖေါက်ခနဲပေါက်ကွဲသွားမယ့် ဆပ်ပြာပူဖေါင်းလေးတွေနဲ့တူတယ်…..။ ဒါကြောင့် မင်းဟာ ကိုယ်အဝေးတစ်နေရာက တင်းတိမ်ရောင့်ရဲစွာ မက်မောတမ်းတရတဲ့ အိန်ဂျယ်လေးဖြစ်နေရတာလေ…။ ကိုယ်မင်းကို မတို့ထိရဲပါဘူး….။ ပူဖေါင်းလေးတွေလို ပေါက်သွားမှာစိုးတယ်ကွယ်….။ တကယ်တော့ မင်းနဲ့အနီးစပ်နိုင်ဆုံးဆိုလို့ ဟောဒီကွန်ပျူတာလေး တစ်ခုတည်းပဲရှိတာပါ……..။ မင်းကို ကိုယ်အရမ်း သတိရလွမ်းဆွတ်တဲ့အခါ မင်းဓါတ်ပုံလေးတွေကို ဖွင့်ကြည့်လိုက်မယ်…. မင်းနဲ့ပတ်သက်ခဲ့တဲ့ အကြောင်းအရာ အဖြစ်ပျက်ဟောင်းတွေကို ပြန်ဖတ်နေမယ်….။ ပင်လယ်ပြာပြာနဲ့ ကြယ်စုံညတွေမှာ ဆိုညည်းပြခဲ့ဖူးတဲ့ မင်းသီချင်းသံချိုချိုလေးတွေကို ပြန်ကြားယောင်နေလိုက်မယ်…..။ ကိုယ့်အတွက်ဖြေသိမ့်နိုင်စရာ အကြောင်းအရာနည်းနည်းလေးပဲရှိပေမယ့် ကိုယ်အဲဒီနည်းနည်းလေးနဲ့ မင်းကိုရောင့်ရဲလိုက်ပါတယ် အိန်ဂျယ်…..။

မင်းရောက်လာခဲ့မလားဆိုတဲ့ မျှော်လင့်ချက်နဲ့ ကိုယ်ညတိုင်း ညဥ့်နက်တဲ့အထိစောင့်နေခဲ့တယ်….။ ပျောက်ဆုံးနေသော အိန်ဂျယ်ကိုရှာဖွေခြင်းလို့ နစ်မှာရေးတင်ပြီးတော့လေ….။ နေ့ပေါင်းများစွာ ညပေါင်းများစွာသာ ကုန်ဆုံးလို့သွားတယ်…. မင်းကိုယ့်ဆီရောက်မလာခဲ့ပါဘူးကွယ်………..။ တစ်နေရာမှာ မင်းပုန်းပြီးကိုယ့်ကိုကြည့်နေမလားလို့ ကိုယ်စိတ်ကူးယဉ် ကြည့်ချင်တာတောင် မင်းက ကိုယ့်စိတ်ကူးထဲကို ၀င်မလာချင်သူပါ……..။ ကိုယ်ဟာ…. မင်းအတွက် ဒီလောက်တောင်ပဲ ရွံမုန်းစရာကောင်းသလား……..။

တကယ်တော့ ဒီအလွမ်းဇာတ်မှာ ကိုယ်တစ်ယောက်တည်းကနေခဲ့သူပါ…….။ ပျော်စရာအချိန်လည်း အဝေးမှာကျန်ခဲ့ပြီ….။ ချိုမြိန်တဲ့ အနမ်းတွေကို တမ်းဆွတ်ရင်း…...ချိုအီနေတဲ့ တယောသံလေးမှာ နစ်မျောရင်း..... ငှက်ကလေးတွေပျံဝဲနေတာကို မော့ကြည့်ရင်း ရှေ့တည့်တည့်က အေးစက်နေပြီဖြစ်တဲ့ ကော်ဖီခွက်ကိုငေးမောရင်း ....အိန်ဂျယ်ရေ…. မင်းကို အဝေးကပဲဆက်ချစ်သွားမယ်….။

မိုးငွေ့

ဆေးတစ်ခွက်

ဒီနှစ်ပိုင်းမှာ အသိထဲကရော အမျိုးထဲကပါ ဆီးချိုရောဂါနဲ့ ဆုံးသွားကြတယ်....။ အမျိုးဆိုတာ ကျမအဖေရဲ့ညီ ဦးလေးပါ...။ အဖေကတော့ အသက်ငယ်ငယ်နဲ့ဆုံးသွားတော့ အဖေ့ဆီမှာ ဒီရောဂါအမွေတွေရှိ မရှိမသိရပေမယ့် ကျန်မောင်နှမတွေကတော့ ဆီးချိုသွေးချိုရောဂါကို ကန်ထရိုက်ဆွဲထားသလား အောက်မေ့ရတယ်...။ အဖေတို့မှာ မောင်နှမဆယ်ယောက်ရှိတယ်.... ခုဒီဦးလေးဆုံးသွားတော့ သုံးယောက်ပဲကျန်တော့တယ်....။ ဒီရောဂါက မျိုးရိုးလိုက်တတ်တော့ ကျမတို့လည်း အဖေဗီဇကနေရနိုင်တယ်လေ... ဂရုတော့စိုက်ရမယ်...။ လူတစ်ယောက်မှာ ကျန်းမှာရေးက အရေးကြီးဆုံးပဲလေ....။ လူကျန်းမာမှသာ ကိုယ်လုပ်ချင်တာ ဖြစ်ချင်တာတွေကို အကောင်ထည်ဖော်နိုင် မယ်လေ...။ တစ်ခါတစ်လေ အပျင်းကြီးပြီး ရာသီပေါ် ဗိုင်းရပ်စ်တွေပျံ့နှံ့ရင် ငါလည်းဖျားရင် သိပ်ကောင်းမှာပဲ အိမ်မှာ ဇိမ်နဲ့နှပ်ပစ်မယ်လို့ စိတ်ရူးပေါက်တတ်သေး....။ တကယ်တမ်းဖျားနာလာရင် နေလို့ထိုင်လို့မကောင်းတဲ့အပြင် အစားအသောက်လည်းပျက်ဦးမယ်...။ ခုခေတ်ချိန်မှာ အစားအစာတွေက ကျမတို့ငယ်ငယ်တုန်းကလို လတ်လတ်ဆတ်ဆတ်တွေ သိပ်မစားရတော့ဘူး..။ ဘာမဆို ရယ်ဒီမိတ်တွေ တာရှည်ထားခံတဲ့ဆေးထည့်ထားတဲ့ အစားအသောက်တွေချည်းဖြစ်နေတော့ ရောဂါတွေလည်း ကိုယ်မကြားမသိဖူးတာတွေ အထူးအဆန်းတွေ ဖြစ်ဖြစ်နေကြတယ်...။ ကျမသူငယ်ချင်းတစ်ယောက်လည်း ခဏခဏနေမကောင်းဖြစ်တတ်တယ်...။ သူကအစာအိမ်ရောဂါရှိတယ်... ပါးစပ်ခါးတယ်ဆိုပြီး ဘာမှမစားတော့ပိုဆိုးရော...။ ဒီထက်ပိုဆိုးတာက အိမ်မှာ ချက်ပြုတ်မစားဘဲ အပြင်စာတွေချည်း နိစ္စဓူ၀၀ယ်စာနေတာပဲ...။ အပြင်စာတွေက သန့်တာမဟုတ်ဘူး ဖြစ်သလို ချက်ထားကြမယ်....။ ခံတွင်းမကောင်းဘူးဆိုပြီး အချဉ်အစပ်တွေစားချင်စားလိုက်မယ်...။ အသုပ်ဆိုတာ ဆိုးဆေးပါတဲ့ ငရုတ်ဆီနဲ့ အဲဒါပိုကြောက်ဖို့ကောင်းတာ...။ အခု စီပိုးတွေ ဘီပိုးတွေကလဲ ဖြစ်မှဖြစ်ပဲ...။ ခုလို ကိုယ်ခံအားနည်းနေချိန်မှာ ရောဂါပိုပြီးကူးစက်လွယ်တာပေါ့...။ ခက်ကတာ သူတို့က ဆန်ပြုတ်ကအစ အပြင်ဆိုင်မှာ ၀ယ်သောက်တယ်...။ တကယ်ဆို ကိုယ့်ကျန်းမာရေးအတွက် အိမ်မှာ သန့်သန့်လေး ကြက်ပေါင်လေးတစ်ပိုင်းနဲ့ ဆန်လေးပြုတ်ထားလိုက် လတ်ဆတ်သန့်ရှင်းပြီး ပူပူနွေးနွေးလည်းသောက်ရတော့ ဘယ်လောက်အရသာရှိလိုက်သလဲ....။ အထူးသဖြင့် မကြာခဏဗိုက်အောင့်တတ်တော့ အစာအိမ်ထဲမှာ အနာဖြစ်ချင်ဖြစ်နေမယ် ရောင်ရမ်းနေမယ်ဆိုရင် တစ်ပတ်လုံးအစာကြမ်းမစားဘဲ ဆန်ပြုတ်ပျော့ပျော့လေးကို တစ်ပတ်လုံးသောက်လိုက်ရင် ဆေးတောင်ကူဆရာမလိုဘဲ သက်သာတယ်...။ ကျမလည်းဆရာတွေ ပြောတာမှတ်ထားတာပါ...။ ကိုယ်ကတော့အကြံဥာဏ်ပေးတာပဲ လိုက်လုပ်မလုပ်တော့ သူတို့အပိုင်းဖြစ်သွားပြီ...။ လူတစ်ယောက်မှာ ကျန်းမာရေးဗဟုသုတတော့ရှိသင့်တယ်လို့ထင်ပါတယ်....။ ကျမမြင်တွေ့နေရတာတော့ ခေါင်းကိုက်ရင် နှာစေးရင်ပဲ အနာဂျက်ဆင် ပါရာစီတာမော ဘာမီတွမ် ဒီဆေးတွေကိုပဲသုံးနေကြတုန်း....။ ဒီဆေးတွေက ကွမ်းယာဆိုင်မှာ အလွယ်တကူဝယ်သောက်နိုင်တဲ့ ဆေးမီတိုလိုဖြစ်နေပါတယ်....။ တကယ်တော့ သူ့ထက် generation မြင့်တဲ့ ဆေးတွေကို ကျန်းမာရေးဝန်ထမ်းတွေ ညွှန်ကြားတဲ့အတိုင်း သောက်သင့်ပါတယ်....။ ကိုယ့်ဘာသာကို ရမ်းသမ်းမကုသင့်ဘူး...။ မနေ့က ကျမအဒေါ်အငယ် ငိုယိုပြီးဖုန်းဆက်လာပါတယ်....။ တစ်ကိုယ်လုံးနာနေလို့တဲ့...။ နက်ဖြန်မန်းသွားမယ့် အစောဆုံးလေယာဉ်လက်မှတ်ရအောင်လုပ်ပေးပါဆိုလို့....။ သူ့ခင်မျာ မွေးထားတာကသားနှစ်ယောက် တစ်ယောက်ကသဘောင်္လိုက်နေတယ်... နောက်တစ်ယောက်က second mate ဖြေနေတယ်...။ သားတွေဆိုတော့ သမီးတွေလောက်တော့ အမေအတွက် အဖော်မရဘူးပေါ့...။ ခုလိုနေထိုင်မကောင်းတဲ့ အချိန်မှာလည်းမနားရဘူး...။ လုပ်နေကျအိမ်အလုပ်တွေကိုလုပ်ရတယ်... ယောက်ကျားစားဖို့ သားစားဖို့ ချက်ပြုတ်ကြော်လှော်ပေးရတယ်...။ အဒေါ်ကနဂိုထဲက ကျည်းပေါင်းလည်းတက်ဖူးတယ်...။ လေးဖက်နာကလည်းရှိတယ်...။ ခုလောလောဆယ်ဖြစ်နေတာက လည်ပင်းမှာ အကျိတ်ဖြစ်နေတာ...။ အကျိတ်ကြောင့်လား လေးဖက်နာကြောင့်လားတော့မသိဘူး တစ်ကိုယ်လုံးနာနေတယ်ပဲပြောနေတယ်...။ ဒါကို သူ့ယောက်ကျားက တကယ်မနာပဲ လုပ်ယူတယ်လို့စွပ်စွဲတယ်..။ ဒီတော့ အဒေါ့်ခင်မျာ မနားရတဲ့အပြင် အာပေးမယ့်သူမရှိ... အဲလိုလဲအပြောခံရတော့ စိတ်ဓါတ်တွေကျပြီး ငိုတာဖြစ်မယ်...။ အဲဒါတွေခက်တာပါ...။ အနောက်တိုင်းနဲ့ အရှေ့ကွာတာ အဲဒါတွေပဲ...။ ကျမတို့ အာရှမှာ မိန်းမတစ်ယောက်ဟာ အိမ်ထောင်ပြုလိုက်ပြီ ဆိုရင်မီးဖိုချောင်ဝင်ရမယ် အိမ်အလုပ်အကုန်လုံးအစအဆုံးလုပ်ရမယ်လို့ အသေသတ်မှတ်ထားကြတာကိုး...။ ယောက်ကျားတွေက ရှာမကျွေးနိုင်တော့ရင်တော့ မိန်းမကိုကူဖို့မပြောနဲ့ အိမ်ဦးခန်းမှာ အခန့်သားနေနေတာမျိုးကိုတော့ ကျမမနှစ်မြို့ပါဘူး...။ အဲဒီလိုခွဲခြားတာကို ပြင်သင့်ပြီလို့ထင်ပါတယ်....။ ဘာပဲဖြစ်ဖြစ်လင်မယားဆိုတာ ဆိုးတူကောင်းဖက်အတူပေါင်းလာပြီးတော့မှ ဘာမဆို ဖေးဖေးမမ မျှမျှတတ လုပ်စရာရှိတာအတူ ခွဲဝေလုပ်သင့်တယ်ထင်ပါတယ်...။ ဒါနဲ့ ဆက်ပါဦးမယ်...။ မန်းမှာက ကျမတို့ ဦးလေးခွဲစိပ်ဆရာဝန်ကြီးရှိတယ်...။ အဲဒီမှာ အဒေါ်ကသူ့ရောဂါကို သွားကုဖို့ ဟိုရက်တွေကတည်းကပြောထားပြီးသား...။ ကျမအမေကို အဖော်ခေါ်သွားမယ်ပေါ့....။ အမေကလည်းသူ့ညီမကို အဖော်လိုက်ပေးမယ်ပြောထားပေမယ့် ခုလိုမြန်မြန်ဆန်ဆန်သွားလိမ့်မယ် မထင်ထားဘူးပေါ့...။ အဒေါ်လည်း မခံစားနိုင်လွန်းလို့ချက်ချင်းသွားမယ်ဖြစ်သွားတာနေမှာ...။ တလောကလည်း ဦးလေးတစ်ယောက်လိမ့်ကျလို့ ခါးရိုးထိပြီး လမ်းမလျှောက်နိုင်တာနဲ့ ဆေးရုံတင်လိုက်ရတယ်...။ ဓါတ်မှန်ရိုက်ကြည့်တော့ အရိုးပါးနေတယ်ပြောတယ်...။ တီဗီမှာ ကျန်မာရေးကဏ္ဍက အရိုးအဆစ်အကြောင်းဆွေးနွေးတာ နားထောင်လိုက်ရတယ်...။ လူကြီးတွေအတော်များများ အရိုးပါးရောဂါဖြစ်ကြတယ်...။ အဓိကက ကယ်စီယမ်နည်းလို့ဖြစ်ကြတာ...။ လူတစ်ယောက်မှာ နေ့စဉ်လိုအပ်တဲ့ ကယ်လ်စီယမ်ကိုစားပေးရတယ်...။ ဥပမာ နွားနို့သောက်ပေးတာတို့ ငါးကလေးကြော်စားတာတို့ပေါ့...။ အာရှဘက်ကလူတွေဟာ ကြမ်းပြင်မှာအထိုင်များတဲ့အတွက် ဒူးကျည်းပေါင်းအဖြစ်များတယ်...။ အနောက်တိုင်းသားတွေကတော့ တင်ပဆုံကျည်းပေါင်းဖြစ်ကြသတဲ့...။ ဘာပဲဖြစ်ဖြစ်................... လူတစ်ယောက်နေထိုင်မကောင်းဖြစ်လာရင်... ဆေးကုတာလည်းကုပေမယ့် အရေးကြီးတာစိတ်ဓါတ်လည်းပါသေးတယ်...။ စိတ်အားငယ်ရင် စိတ်ကျနေရင်နဂိုရောဂါနဲ့ ပေါင်းပြီးပိုဆိုးသွားရော....။ အနားမှာ ကိုယ်ချင်းစာနာစွာနဲ့ အားပေးနှစ်သိမ့်ပေးမယ့်သူရှိနေရင် ဆေးတစ်ခွက်ပါပဲ....။ ဘာနဲ့မှလဲလို့မရတဲ့ ဘယ်မှာမှရှာလို့မရတဲ့ အားဆေးတစ်ခွက်ပါပဲ...။ 

မိုးငွေ့