တခါတလေ ကျမစဉ်းစားကြည့်မိတယ်..... ယောကျာၤးတစ်ယောက်ဟာ ကိုယ့်ကို မြတ်မြတ်နိုးနိုးနဲ့တိတ်တခိုး ချစ်နေတဲ့မိန်းမတစ်ယောက် ရှိနေတယ် သူ့ဘာသာသူတစ်ယောက်တည်းကြိတ်ပြီး ချစ်နေတာမျိုး ဖွင့်လဲမပြောဘူးရှေ့လဲမတိုးဘူး ဒါပေမယ့်သူဘယ်လိုချစ်ကြောင်း မြတ်နိုးကြောင်းကိုတော့ စာတွေနဲ့တဖွဲ့တနွဲ့ရေးရေးနေတတ်တဲ့သူ တစ်ယောက်ရှိနေတယ် သိလဲသိနေတယ်ဆိုရင် အဲဒီယောကျာၤးလေးတစ်ယောက်ဟာ သူကပြန်မချစ်နိုင် သည့်တိုင်အောင် လောကမှာ သူ့ကိုချစ်ခင်မြတ်နိုးနေတဲ့သူ ရှိနေပါလားဆိုတဲ့ အသိစိတ်ကလေးနဲ့ ပီတိကြည်နူးမှုလေးကို ခံစားနေရလိမ့်မယ်လို့ ကျမထင်တယ်...။ ပြီးတော့ အဲဒီမိန်းမတစ်ယောက်ကသူ့ကို ဘာအဆိပ်မှဖြစ်စေတဲ့သူမဟုတ်ဘူးလေ......။ ဟဟ... ဒါကကျမအတွေးအခေါ်သက်သက်ပါလေ....။ တစ်ဘက်သားက အဲလိုဖြစ်ချင်မှဖြစ်မှာပေါ့........။
ချစ်ခြင်းမေတ္တာမှာ တုန့်ပြန်မှုဆိုတဲ့ မှန်တစ်ချပ်ရှိတယ်လို့ ယုံကြည်ပေမယ့်... ကျမကတော့လူတစ်မျိုး ကျမကပဲပေးချင်တာ သူ့ဆီကဘာတုန့်ပြန်မှုမှမလိုချင်ဘူး......။ ကိုယ့်ကိုယ်ကိုပေးဆပ်သူသက်သက် လို့တော့မသတ်မှတ်ပါဘူး...။ တကယ်တော့ အတ္တကြီးသူတစ်ယောက်လို့ပြောရင် ပိုမှန်နေဦးမယ်....။ အပေးအယူမရှိ လောကနိယာမကို ဆန့်ကျင်သူလဲဖြစ်သေးတယ်လေ...။ ပြီးတော့ ခေါင်းကျောမာသူ တစ်ယောက်...။
ဒီနေ့ ကျမသူ့ကိုလှမ်းမြင်လိုက်တယ်....။ မြင်လျက်သားနဲ့နှုတ်မဆက်ဘဲ ဘယ်ကောင်းပါ့မလဲ...။ ကျမ ခဏစဉ်းစားလိုက်သေးတယ် နှုတ်ဆက်သင့် မနှုတ်ဆက်သင့်ပေါ့...။ ကျမအတွက်ကြောင့်နဲ့သူ စိတ်အနှောက်ယှက်ဖြစ်သွားမှာလဲစိုးရိမ်မိသေးတယ်.....။ ဒါပေမယ့် ကျမနှုတ်ဆက်လိုက်ပါတယ် သူ့ဆီကတုန့်ပြန်မှုတစ်ခုခုကို ကျမသိချင်နေလို့ပါ...။ သူမှားပြီး ကိုယ်ယောင်ထင်ပြမိတာပါတဲ့....။ ကျမလဲနှုတ်ဆက်ရုံသက်သက်ပါလို့ စကားခံပြီးပြောပြီးသားပါ...။ ဟုတ်ကဲ့လို့ပြောပြီး သူချက်ချင်းပဲ ပျောက်ကွယ်သွားတယ်...။ ကျမရင်ထဲဆစ်ခနဲနာကျင်သွားတယ်... မျက်ရည်တွေဝေ့၀ဲ တက်လာတယ်...။ သူနဲ့ပတ်သက်ပြီးကျမခံနိုင်ရည်နည်းလွန်းနေသေးတယ်......။ အေးစက်တဲ့သူ့ဆီက အမူအကျင့်ကလေးကို ကျမလိုချင်လိုက်တာ...။ ကျမရဲ့ အဖြူရောင်လေးက အရောင်များပြောင်းသွားပြီလား....။ အဖြူရောင်ကနေ အစိမ်းရောင်ဖြစ်သွားပြီလား.....။ အဖြူဆိုတာ စွန်းထင်းလွယ်တဲ့အရောင်မှန်းကျမသိပါတယ်။
နောက်တော့ ကျမကို သူစကားတွေလာပြောနေတယ်......ခနကလေးပါပဲ သူအားနေတုန်းအချိန်ကလေး တခဏကလေးက သူ့အတွက်ဘာမှမဟုတ်ပေမယ့် ကျမအတွက်တော့ အဖိုးထိုက်လှတဲ့အချိန်ကလေးပါ... သူနဲ့စကားပြောရတဲ့ အခိုက်အတန့်လေးကို လက်နဲ့ဆုတ်ကိုင်သိမ်းဆည်းထားလို့ရမယ်ဆိုရင် ကျမသိမ်းထားချင်ပါတယ်..။ သူပြန်သွားတော့ ကျေးဇူးပါ ကောင်းသောညနေခင်းလေးပါလို့ နှုတ်ဆက်လိုက်တယ်...။ သူကတော့ ရိုးရိုးတန်းတန်း ကျေးဇူးတင်တယ်လို့ထင်မှာပဲ....။ တကယ်တော့ ကျမဆီကို ရံဖန်ရံခါမျှသာ ရောက်လာတတ်တဲ့အတွက် ကျမဆိုတာ သူ့အသိဉာဏ်ထဲရှိနေတဲ့အတွက် ကျေးဇူးတင်မိခြင်းပါ။
ရာသီဥတုရဲ့အရောင်အဆင်းပံ့ပိုးမှုနဲ့ ရင်ထဲကခံစားမှုတွေက တစ်သားထဲကျသွားတယ်....။ စိတ်နဲ့လူက မကြာခဏလွင့်လွင့်သွားတယ်....။ ဝန်ခံပါတယ်....ကျမ သူနဲ့ပတ်သက်ပြီး ကိုယ့်စိတ်ကို မထိန်းချုပ်နိုင်သေးတာ ကျမတော်တော်ညံ့နေပါသေးတယ်...။ ဒါပေမယ့် ကျမခံစားချက်တွေကို သူ့ဆီမှာ ဘယ်တုန်းကမှ မပေါက်ကွဲခဲ့ဖူးဘူး...။ ကျမနှလုံးသားက ဖြစ်ပေါ်လာတဲ့သူနဲ့ပတ်သက်သမျှခံစားချက်တွေကို စကားလုံးတွေအဖြစ်နဲ့ပဲ ကျမပြောင်းလဲပစ်ခဲ့တာပါ...။
တကယ်ဆို....ကျမတို့နှစ်ယောက်က...ဘာမှလဲမဟုတ်ကြပါဘူး...။ သို့ပေမယ့်လဲ သူကကျမအတွက်ရော သူ့အကြောင်းကိုစိတ်ဝင်စားတဲ့သူတွေအတွက်တော့ ဇာတ်လိုက်တစ်ယောက်လေ....။ ကျမတို့ သီချင်းအတူဆိုကြတယ် ကော်ဖီအတူသောက်ကြတယ် ကြယ်တွေအတူကြည့်ကြတယ် စကားတွေအများကြီးပြောကြတယ် စိတ်ကူးထဲမှာပေါ့....။ ကျမအိပ်မက်တွေဆက် မမက်ချင်တော့ဘူး ။ အိပ်မက်တစ်ခုကနိုးထလာရင် လန်းဆန်းနေမလား နွမ်းနယ်မနေမလား.. ကျမ မခန့်မှန်းတတ်ဘူး ...။ တဆိတ်လောက် ကျေးဇူးပြုပြီး ...အိပ်မက်ထဲကရုန်းထွက်နေတဲ့ ကျမကို အိပ်မက်ဆီခဏခဏခေါ်မသွားပါနဲ့....။ ကျမ အိပ်မက်ထဲ လမ်းလျှောက်ရတာ မောလှပြီ...။
ခေါင်မိုးပေါ်က မိုးတဖျောက်ဖျောက်ကျသံလေးနဲ့ espresso ကော်ဖီရနံ့မွှေးမြမြ(ကျမဒီကော်ဖီကို ပုံမှန်သောက်လေ့မရှိပါဘူး) တို့ရဲ့ဆွဲဆောင်ခြင်းကို ခံယူရင်း... စကားလုံးတွေကို ဟာမိုနီလိုက်ကြည့်မိတယ်......။ ရင်ထဲကထွက်ကျလာခဲ့တဲ့ သံစဉ်တွေက ကျမစိတ်တွေနဲ့အတူ လေလွင့်နေခဲ့ပြီ.......။
မိုးငွေ့
12 comments:
အိပ္မက္ဆိုတာ လက္ေတြ႔ဘ၀ ဇာတ္ဆရာရဲ့
အႏြယ္၀င္ပဲေလ။မက္ခ်င္သလိုမက္လို႔မရသလို
မမက္ခ်င္လို႔လဲမျဖစ္ဘူးေလ
When it comes to sad incidence even in the dream, I usually cry and sob while waking up. I simply wish all the best for the girl who does not want to wander off in the dream anymore.
အခ်စ္ဆိုတာအသြားအျပန္ရွိတယ္လို႕ က်ေနာ္ေတာ႕မယံုဘူးမမမိုးငြက္
ခ်စ္တဲ႕ ဂ်ာရစ္
ေအးဟ ဂ်ာရစ္...ညည္းေျပာေတာ့လဲ ဟုတ္တုတ္တုတ္ရယ္...။
အခ်စ္ဆိုတာ အလ်ားအနံမရွိေပမယ့္ အသြားအျပန္ေတာ့
ရွိပါတယ္ေလ......တဲ့......။ငယ္ငယ္ကရည္းစား စာထဲထည့္
ေရးတာေတြေပါ့...ခုထိအမွတ္ရတုန္း....:P
အသက္ကေလးရလာေတာ့ အခ်စ္မွ မဟုတ္ဘူးဗ်ဳိး.....
ဘယ္အရာမွ အသြားအျပန္မရွိတာသိလာတယ္....။
ၿပီး တံုျပန္မႈေတြလည္းမလိုခ်င္ေတာ့ဘူး။ကိုယ္ခ်စ္ျခင္း
ကို သူ႕အတိုင္းအသာေလးထားလိုက္တယ္။အခ်စ္ဟာ
သူ႕အတုိင္းေလးရွိေနတာ ပိုလွတယ္မဟုတ္လားမမိုးရဲ႕..။
jas လဲမုိးေငြ႔နဲ႔ အတူ
ေကာ္ဖီေသာက္ခ်င္တယ္
ေလလြင့္သူဆိုလို႕ ေလးျဖဴရဲ႕ေလလြင့္သူသီခ်င္းကိုအရမ္းၾကိဳက္တယ္...အဲဒီထဲကစာသားေလး..
" ညတိုင္းအိပ္မက္ထဲမွာ တစ္စံုတေယာက္ငါ့ကိုရပ္ေစာင့္ေနတယ္"
အဲဒီစာသားေလးလုိမ်ိဳးပဲ ဒီ၀ထၳဳတိုထဲကေကာင္မေလးကလည္း
တစံုတခုကိုရပ္ေစာင့္ေနတယ္နဲ႕တူတယ္
ေလလြင့္သူဆိုလို႕ေလးျဖဴရဲ႕ေလလြင့္သူသီခ်င္းကိုအရမ္း
ၾကိဳက္တယ္...အဲဒီထဲကစာသားေလး
" ညတိုင္းအိပ္မက္ထဲမွာ တစံုတေယာက္င့ါကိုရပ္ေစာင့္ေနတယ္ "တဲ႕
အဲဒီစာသားေလးလိုမ်ိဳးပဲ..ဒီ၀ထၳဳထဲကေကာင္မေလးကလည္းတစံုတခုကိုရပ္ေစာင့္ေနတယ္နဲ႕တူတယ္
:)))
♫ ♫ ♫ တစံုတရာရယ္ ၾကယ္ေတြေၾကြေအာင္ျပဳလုပ္ေပးေနတယ္ ....... ♪ ♪ ♪
အခ်စ္ဆိုတာ အသြားအျပန္ရွိမရွိ မသိေပမယ့္
ေမတၱာကေတာ့ အသြားအျပန္ရွိတယ္ေနာ္ မ :D
“သူ”
ဒီပို႔စ္ကို
(မေတာ္တဆ)
“ဖတ္မိသြားရင္”
ဘယ္လိုလုပ္မလဲ?
(မဆိုင္ဘဲေတြးၾကည့္မိတယ္)
:P :P
ေကာ္ဖီရနံ႔သင္းသင္းေလးနဲ႔ ရင္ထဲက သံစဥ္ေလး.. တိတ္တဆိတ္ထြက္က်လာတာ စိုစြတ္ေနပါေရာလားး..
ခ်စ္တဲ့
သဒၶါ
Post a Comment