ဖီလင်...37

တွေးကြည့်ရင် အမေတွေကို သိပ်သနားတယ် အရမ်းလဲ လေးစားမိတယ် အရမ်းလဲ ချစ်ခင်မိတယ် စူးစူးနစ်နစ်ပါပဲ..။

တကယ်တော့ မိန်းမဘဝဖြစ်ရတာ သိပ်ကိုမြတ်ပါတယ်.....။ ကျမကတော့ ကိုယ့်ကိုယ်ကိုမိန်းမဖြစ်ရတာကို ဂုဏ်ယူတယ်.....။ မိန်းမတိုင်းဟာ ကမ္ဘာလောကကြီးရဲ့ မျိုးဆက်သစ်အတွက် မိခင်လောင်းတွေပဲ.....။ ဒါကြောင့် မိခင်လောင်းတွေဟာ ကိုယ့်ဝမ်းကလွယ်မွေးတာမဟုတ်ပေမယ့် ကလေးလေးတွေကို အလိုလိုချစ်ခင်ကြင်နာတတ်တဲ့ စိတ်သန္ဓေလေးက မွေးရာပါ ကိန်းအောင်းနေတတ်ကြတာ.......။

ကျမတို့ကလေးဘဝက ကျမတို့အမေတွေ ဘယ်လိုခက်ခဲပင်ပန်းစွာ အသက်နဲ့ရင်းပြီးမွေးခဲ့တယ်.....။ ကြီးပြင်လာတဲ့ အထိဘယ်လို ပြုစုစောင့်လျှောက်ခဲ့တယ်ဆိုတာ ရုပ်ရှင်အနှေးပြကွက်နဲ့ တစ်ကွက်ခြင်းဆီပြန်ကြည့်ကြည့်ပါ.....။ အမေလို ကိုယ်တိုင်ရော လုပ်နိုင်ပြီလား.....လို့မေးကြည့်ပါ....။ ဟင့်အင်း ကျမတို့ နေ့စဉ်လုပ်ကိုင်နေတာ အမေကို ခုထမမှီနိုင်သေးပါဘူး....။ အမေဆိုတာ သူ့သားသမီးကို မွေးပြီး ပညာသင်ပေးပြီး အသက်ကြီးလာတာနဲ့ လက်လွတ်လိုက်ရတာမဟုတ်ဘူး....။ သူအသက်ရှင်နေသရွေ့ သူ့သားသမီးတွေဟာ အမြဲတမ်းသူ့အတွက် ရင်ခွင်ပိုက်ကလေးလေးလို တယုတယရှိနေတုန်း စိုးရိမ်တတ်နေတုန်းလေ.......။ သူ မြေးတွေမြစ်တွေရတဲ့အထိ သူ့သားသမီးတွေပေါ်ထားတဲ့ မေတ္တာဓါတ်ကပြယ်သွားတယ်ရယ်မရှိဘူး......။ သိပ်ကိုလေးစားမြတ်နိုးစရာကောင်းတဲ့ ပုဂ္ဂိုလ်တွေ.....။

ကျမ အခုအမေလိုလုပ်နိုင်ပြီလားလို့ ကိုယ့်ကိုယ်ထပ်မေးကြည့်တယ်.......။

နိုးးး.... ကျမ မလုပ်နိုင်သေးဘူး.....။ ကျမ အမေ့ကိုလိုက်နိုင်ဖို့ဆိုတာ မဖြစ်နိုင်တော့ပါဘူး.....။ ဒါပေမယ့် ကမ္ဘာလောကကြီးအတွက် ကျမဟာ ဘာမှမသုံးမဝင် တန်ဖိုးမရှိတဲ့ သူတစ်ယောက်ဘယ်တော့မှအဖြစ်မခံနိုင်ဘူး....အဲဒီတစ်ခုတော့ ကျမ ကတိပေးပါတယ် အမေ....။ အမေ့ကို ကျေးဇူးတင်တယ်.... ကျမကို အမေ့အရိပ်မှာ နားခိုစေခဲ့တာ ၃၇နှစ်ရှိခဲ့ပြီ...။

စိတ်ချပါအမေ....................။

ဟောဒီ....နှလုံးသားနဲ့ ကျမကမ္ဘာကြီးကို ပျော်ရွှင်အောင်လုပ်မယ်.......။ ဟောဒီ.....နှုတ်ခမ်းနဲ့အမြဲတမ်းကမ္ဘာကြီးကို ချိုသာစွာနှုတ်ဆက်မယ်.......။

ဟောဒီ.....လက်နဲ့ကလေးသူငယ် သက်ကြီးရွယ်အိုတွေကို အခွင့်ရတိုင်းစောင့်ရှောက်မယ်.....။ ဟောဒီ....ခြေအစုံနဲ့ ခရီးအဝေးကြီးကိုမဆုံးတမ်းလျှောက်ဦးမယ်......။

ဒီနေ့.....၁၇ရက်နေ့....။

ကျမကို လူ့လောကထဲ ကောင်းမွန်ကြည်စင်တဲ့ စိတ်ဓါတ်ကလေးနဲ့ ရပ်တည်နေခွင့်ပြုပေးတဲ့ အမေ့ကို ကျမဒီပို့စ်လေးနဲ့ ကန်တော့ပါတယ်...။

ပြီးတော့ မွေးနေ့မွေးလတူ ကျမချစ်ရသော မောင်နှမတွေဖြစ်တဲ့ ကိုကြီးငယ် Augustine Nge ၊ ညီမလေးခေါင်ခေါင်၊ ညီမလေးတင်ထက်ထက်ဗို နဲ့ ညီမလေးပေါက်စီ တို့ကိုလည်း ဒီပို့စ်လေးနဲ့မွေးနေ့လက်ဆောင်ပေးလိုက်ပါတယ်....။

အမေနဲ့တကွ အမေများအားလုံးကို လေးစားချစ်ခင်တဲ့

မိုးငွေ့