မိုးငွေ့ဆိုတာ...ကော်ဖီခါးခါးအကြိုက်နဲ့ ဖက်ရှင်တအားမိုက်သူပေါ့...း)

Thursday, 25 October 2018

မာလာရှမ်းကော.....




မာလာရှမ်းကောဆိုတာ တရုတ်ပြည်က အစားအစာတစ်မျိုးဖြစ်တဲ့ အသီးအရွက်အသားစုံနဲ့ ငရုတ်သီးများများ ဟင်းခတ်အမွှေးအကြိုင်များများနဲ့ ချက်ထားတဲ့ ဟင်းတစ်ပွဲပါပဲ ...။ အဓိက ဟင်းခတ်အမွှေးအကြိုင် စီရွှမ်ငရုတ်ကောင်း၊ ငရုတ်သီးမှုန့်နဲ့ တရုတ်မဆလာလို့ခေါ်တဲ့ ( Chinese Five Spice) တို့ပဲဖြစ်တယ်...။





ဒီမှာ မာလာရှမ်းကောကို Spicy House ဆိုပြီး စဖွင့်တာ ထိုင်စရာနေရာရဖို့ တန်းစီရတယ်...။  အသီးအရွက် မှိုမျိုးစုံ တိုဖူးမျိုးစုံ အသားနဲ့ ပင်လယ်စာတွေကို ဂရမ်အချိန်နဲ့ချိန်ပြီးဝယ်ရတယ်...။ ဘယ်လိုပဲအသားတွေ သိပ်မထည့်ပါဘူးဆိုလည်း အနည်းဆုံးတော့ တစ်ပွဲကို တစ်သောင်းရှစ်ထောင်လောက် ကျတယ်...။ အသားတွေဆို Super Market တွေမှာ နှစ်ထောင်ကျော်လောက်တန်တာကို သူတို့ဆီမှာ ချိန်လိုက်ရင် ခုနှစ်ထောင်ဖိုးပဲ...။ ဘယ်လောက်ပဲ ဈေးကြီးကြီး အစပ်ကြိုက်တဲ့သူ မာလာရှမ်းကောဟင်းနှစ်ကိုလည်းကြိုက်တဲ့သူမို့ တစ်လကို နှစ်ခါလောက်တော့ ၀ယ်စားဖြစ်တယ်...။ နောက်ဆုံး Market Place မှာ မာလာရှမ်းကော အနှစ်ထုပ်ကိုတွေ့တော့ ၀မ်းသာအားရဖြစ်သွားတယ်...။ အဲဒီအနှစ်ကိုဝယ်ပြီး You Tube မှာ ချက်နည်းကြည့်လိုက်တော့ လွယ်လိုက်တာမှ ငှက်ပျောသီးခွံနွှာသလောက်ရယ်...။ အနှစ်ထုပ်မှာ အရည်နဲ့ချက်မယ့်ဟင်းနှစ်နဲ့ အခြောက်ချက်ဟင်းနှစ်နှစ်မျိုးရှိတယ်...။ Spicy House နဲ့ Chili Pot ဆိုင်တွေမှာ စားမယ်ဆိုလည်း  အခြောက်ချက်ပေးရမလား အရည်နဲ့ချက်ပေးရမလားဆိုပြီး.. သူတို့မေးတယ် ။





ချက်နည်းလေးပြောပြမယ်...ဒယ်အိုးခပ်ကြီးကြီးထဲ ဆီနည်းနည်းထည့်ပြီး ကြက်သွန်နီတစ်လုံးနဲ့ ကြက်သွန်ဖြူငါးမွှာလောက် ပါးပါးလှီးထားတာကို ဆီသတ် ကြက်သွန်နွမ်းလာပြီဆို မာလာရှမ်းကော ဟင်းအနှစ်ထုပ်ဖောက်ထည့်ပါ...။ အနှစ်က ပုံမှာပြထားတဲ့အထုပ်ကို ဖောက်လိုက်ရင် အထဲမှာ နှစ်ထုပ်ပါပါတယ်...။ တစ်ခါချက်ရင် တစ်ထုပ်သုံးရင်ရပြီ လူလေးယောက်လောက်စားတဲ့ တစ်အိုးစာရတယ်..။ အနှစ်ထည့်ပြီးတာနဲ့ မကျက်သေးတဲ့ ၀က်သားကြက်သားအဲဒါတွေထည့်ကြော် အသားနူးပြီဆိုမှ အနူးကြာမည့် အသီးအရွက်တွေကိုအရင်ထည့်မွှေ နောက်ဆုံးကျမှ ကိုယ်ကြိုက်နှစ်သက်တဲ့ ပြုတ်ထားတဲ့ခေါက်ဆွဲထည့်ပြီး ငရုပ်သီးခြောက်ကြော်နဲ့ မြေပဲဆံလှော်ဖြူးပြီး သုံးဆောင်နိုင်ပါပြီ...။ စီရွှမ်ငရုတ်ကောင်းပါတဲ့အတွက် စားလိုက်ရင်လျှာထုံသလိုခံစားရတယ်...။ ရှူးရှူးရှဲရှဲနဲ့ စားရတာမို့ လက်ဖက်စိမ်းလက်ဖက်ရည်နွေးလေးနဲ့လိုက်ဖက်တယ်...။ အဲလိုအပူနဲ့ မသောက်ချင်ရင် ၀မ်းအေးစေမယ့် သံပယိုလက်ဖက်ရည်အေးလေးနဲ့ သောက်လည်းကောင်းတယ်...။ ဆိုင်မှာဆိုရင်တော့ ရယ်ဒီမိတ် green tea ဗူးလေးတွေပါတွဲရောင်းတယ်...။


မိုးငွေ့


No comments: